კვლავ ლექსებს დაგიწერ ანუ მეწერება და რა ვქნა

meore monadire · Post by **meore monadire** » 07 თებ 2008, 17:29

შენ გინახავს თოვლიანი თხემი მთისა
მთის ფერდობი, ყვავილებით დახატული.
სახილველი გველოდება სამოთხისა,
აპრილება გველოდება არხვატული.

კიდეგანა ბისნა თოვლის ქუდიანი,
ტახის წყალზე გმირთა ეპიტაფიები.
საბეკურთან გრაალები ლუდიანი,
შარაგზაზე არხვატული კაფიები.

meore monadire · Post by **meore monadire** » 07 თებ 2008, 17:30

სადაც შვლებს და ფიქრებს ერთად ვაბალახებ,
წამოდი და მე გაჩვენებ, იმ ხეობის, იმ ადგილებს.
წამოდი და შენი თვალით დაგანახებ,
მითების და ლეგენდების სინამდვილეს.

შენ გინახავს თოვლიანი თხემი მთისა,
მთის ფერდობი, ყვავილებით დახატული,
სახილველი გველოდება სამოთხისა,
აპრილები გველოდება არხვატული.

თამაზ წიკლაური

legenda · Post by **legenda** » 07 თებ 2008, 17:31

lomikata

ჩვენთან ისეთი სითბოა ნამდვილად არ შეგცივდებათ, გპირდებით....

მალე იყოს...

lomikata · Post by **lomikata** » 07 თებ 2008, 17:36

meore monadire

არ მინახავს თოვლიანი თხემი მთისა
მთის ფერდობი, ყვავილებით დახატული.
არ მინახავს საოცრება სამოთხისა,
აპრილება, ჯადოსნური არხვატული.

კიდეგანა ბისნა თოვლის ქუდიანი,
ტახის წყალზე გმირთა ეპიტაფიები.
საბეკურთან გრაალები ლუდიანი,
შარაგზაზე არხვატული კაფიები.

არ გეგონა პლაგიატი, გიჟმაჟი ვარ,
მოტრფიალე საქართველოს სანახების,
გეფიცები, სიკვდილამდე დაგიფასებ,
ერთხელ თუ არხოტს ცხადში მანახებდი.

meore monadire · Post by **meore monadire** » 07 თებ 2008, 17:41

lomikata

პლაგიატობის მეც არა მცხია,
პასუხად დავიხარჯვი, მომენატრე!
სული კბილებით მომთრევია,
კიდევ შეხვედრამდე, არხვატამდე

lomikata · Post by **lomikata** » 07 თებ 2008, 18:45

meore monadire

ბექ, გენაცვალოს ჩემი თავი

GOGONA · Post by **GOGONA** » 07 თებ 2008, 23:31

meore monadire wrote: ...
წამოდი და შენი თვალით დაგანახებ,
მითების და ლეგენდების სინამდვილეს.

...

ჩვენი გასვლა გამახსენდა აბუდელაურზე... როგორ მართლა ეგრე იყო!

namcecuna · Post by **namcecuna** » 08 თებ 2008, 00:07

"...მე იქნებ ვჩქარობ, და სიჩქარეში
რაც დღეს მეკუთვნის იმასაც ვკარგავ,
მაგრამ მე ვიცი, რომ თქვენს გარეშე
ვერასდროს ვეღარ ვიქნები კარგად..."

namcecuna · Post by **namcecuna** » 08 თებ 2008, 01:32

meore monadire
უჰ, გაიხარე !!!!

zura N. · Post by **zura N.** » 08 თებ 2008, 02:06

მომენატრა ყველაფერი არხვატული,
მთის ფერდები, მწვერვალები დახატული,
ხეობები, ჩანჩქერები არხვატული,
ყვავილების სურნელება არხვატული.

ათენგენა მომენატრა არხვატული,
ხატის კართან ფიალები ლუდიანი...
მე ღრეობა მომენატრა არხვატული,
ყველაფერი მენატრება არხვატული...

meore monadire · Post by **meore monadire** » 08 თებ 2008, 11:06

მოგწონს არხვატი? ჰაი, ქვექვურის ძალო!
თვალ-მარგალიტით მორთულ მეგონე, ქალო,
თავზე ნათელი გააგდიოდა ზენა,
ასე ვგონებდი, აი, თორღვაის მზემა!

შავ ქალ ყოფილხარ, გვირგვინ გრქმევია არცა...
რკენას თუ იყავ, ამღიონების ხატსა?
მნახე ხატობას? ან საით უნდა გეცვნე?
ხალხ ცოტა იყო- წელს არ მოვიდა მეძღვნე..

meore monadire · Post by **meore monadire** » 08 თებ 2008, 11:07

რა გედარდებისთ, რა ფიქრები გაქვთ უღვთო?
ჩემს სალოცავებს...სანთელ მე უნდა ვუნთო,
მე უნდ ვუმზირო ბისნა-ჩორეხის ნისლებს,
მე უნდ ვასხურო ნიშთა სამსხვერპლო სისხლი...
მე უნდ შევწირო შესაწირავი ჩვენი!...

თუ... ვინ გაღონებს? ხმალზედ ავაგებ, ქალო,
რას გეცინების? ერთი მოვზიდო ვადა...
მაისტელიც კი ვერ უმთელებდეს ნაჭრევს,
წავა ბარუქას ათენგენაის მადლმა!

meore monadire · Post by **meore monadire** » 08 თებ 2008, 11:08

ხვალე გიჩვენებ კიდეგანაის მყინვარს-
იმისი მუხლი მოსდევს არაგვის წყალას...
ყურს ნუ ათხოვებ შავი ჭკეების ყივილს:
ბეჩავი არი, ნაღვლიანია, ქალო!

ამღას მივდივარ, კალოთანაის მხარეს-
ცხვარი იქა მყავ, (თუ ხევში სამ არ ჩავრჩი...)
ისე მიცვნია შენი ყოველი ლექსი,
როგორც კალმახი ვიცი ასაის წყალჩი!

meore monadire · Post by **meore monadire** » 08 თებ 2008, 11:08

გნახე მშვიდობით, ცა ჩირაღივით ბოლავს-
ნისლები დიან...ქვექვური ჯვარის ძალო!
არ-კი გექყინოს-ლუდ მაუბნებდეს ასე,
ჩემ ათი შვილის გახარებამა, ქალო!
\ანა კალანდაძე\

lomikata · Post by **lomikata** » 08 თებ 2008, 14:24

აქ ნამდვილად მოგინდება ლექსად დაიღვარო და თანაც ხევსურებს გამოუტყდე სიყვარულში....

)))))))

ნეტავ რად გადაგეყარე,
ბარს მოვარდნილო ირემო,
რქა ზედ გულზედა გამკარი,
ვნებათა მორევს მირევო.

ვშიშობ,მზერამ არ გამყიდოს,
მისთვის გიცქერი ალმაცერ,
არადა შენზე ფიქრებში
რამდენი ღამე ჩავმარცვლე.

თავზე დამამხე ზეცა, თან
ვარსკვლავთ მაფინე მანდილი.
გულს ძმარავს ცოდვის გემო და
ემაგ ტუჩების წადილი.

ნეტავ შენი მქმნა სწორფერი,
დღესაც გიქცევდი ღამედა,
არ დაიჯერო, თუ გეტყვი,
რომ არც მიღირხარ რამედა.

თავს მტრად გაჩვენებ ამაოდ,
ცეცხლი გამყიდის თოლების,
შენს მზერას შეჯახებული
და ტრფობით შენათრთოლები...

ხარ-ირემს ნაიალაღარს ნეტავ,
რად შეგხვდი ბარადა,
ან რითი უნდა დამთავრდეს,
ამ უხმო ტრფობის ბალადა.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS