გოდერძი ჩოხელი გარდაიცვალა

Archil · Post by **Archil** » 16 ნოე 2007, 14:10

ეხლა ვუყურებდი პირველი არხის ინფორმაციას და გამოაცხადეს რომ გოდერძი ჩოხელი გარდაიცვალა.

ვინ იყო ეს ადამიანი, რა ღვაწლი მიუძღვის ქათული სიტყვისა და აზროვნების განვითარებაში და რა მდგომარეობაში იყო ბოლოს, მაგი ყველამ ვიცით და მისი სიკვდილმა გული დამწყვიტა.

პაატას ჰქონდა მასთან სურათი გადაღებული ბოლოს, მოტეხილი იყო საშინლად.

N67 · Post by **N67** » 16 ნოე 2007, 14:15

...
ქართველებიდან ჩემი ერთ-ერთი უსაყვარლესი მწერალია..

ძალიან ცუდია..

...................

გვალდა · Post by **გვალდა** » 16 ნოე 2007, 14:17

ფოტო რომ ვნახე, გული დამწყდა. ამ კაცის თვალებიღა მეტყველებდნენ. ადამიანი - სევდა იყო.

Mta Mkvarebia · Post by **Mta Mkvarebia** » 16 ნოე 2007, 14:17

lama · Post by **lama** » 16 ნოე 2007, 14:18

აუ კაი რა ეს რა ცუდი ამბავი გავიგე ;(

ძალიან სამწუხაროა ;(

უფალმა აცხოვნოს ზეციურ სასუფეველში

მსუბუქი იყოს ქართული მიწა მასზე

likakoo · Post by **likakoo** » 16 ნოე 2007, 14:21

ძალიან მეწყინააა!!

Mta Mkvarebia · Post by **Mta Mkvarebia** » 16 ნოე 2007, 14:26

qvevri wrote:
meko wrote:ეს რომ აქ დავდო მგონი არაუშავს ხოო?!
რაღაცნაირად თბილად მომხვდა გულზე რომ წავიკითხე

გოდერძი ჩოხელი
მგელი
გამოღმა სოფელი ჩოხია, გაღმით საკიდობნაის ხევი. შუაში შავი არაგვი მოდის.
ხეობა ვიწროა, გაღმიდან რომ მგელმა დაიყმუვლოს, გამოღმა სოფელში კაცს გული აუფორიაქდება, იმიტომ რომ მგელს ცივი და გამყინავი ხმა აქვს.
ხოდა ყმუის მგელი. სამი დღეა განუწყვეტლივ ყმუის.
მთასა და მთას შორის შავი არაგვი მოდის.
- უნდა წავიდე - იძახის გამიხარდა.
-სად? - ეკითხება ცოლი.
- მგელთან.
- გადაირიე კაცო?!
- კი არ გადავირიე, მგელს რაღაცა უჭირს და შველას ითხოვს - ამბობს გამიხარდა და თან ტანსაცმელს იცვამს.
- მგელსაც შეუჭამიხართ შენც და შენი ტანსაცმელიც! - ეუბნება ცოლი.
გამიხარდას თოფი არ მიაქვს.
ის გუმანით ხვდება, რომ მგელს რაღაცა უჭირს. გადაივლის არაგვს, აივლის საკიდობნიაის მთას და მიაგნებს მგელს.
დიდი წფლის ძირში მწოლიარე მგელი გამიხარდას დანახვაზე შეკრთება.
გამიხარდა მგელს უყურებს. სიკეთე კრთება მისი თვალებიდან.
მგელი ფეხს გამოუწვდის და თითქოს ტირისო, ისე შეჰყმუვლებს.
გამიხარდა სულ ახლოს მივა მასთან და გამოწვდილ ფეხთან ჩაიჩოქებს.
დიდი ეკალი აქვს მგელს ფეხში შერჭობილი.
გამიხარდამ ეკალი ამოაძრო...

მერე?

გამიხარდას ცოლი დერეფანში იდგა და უყურებდა როგორ გაბრუნდა მათი სახლის დერეფნიდან მგელი.
- ქალო! - გამოსძახა სახლიდან გამიხარდამ ცოლს.
ქალი სახლში შევიდა.
- დამისხი! - თქვა გამიხარდამ და როცა ცოლმა ხარის ყანწში ჟიპიტაური დაუსხა, გამიხარდამ თქვა:
- ყველას გაუმარჯოს, ვისაც უჭირს ამ ქვეყანაზე!
- აუუუ! - თითქოს გამიხარდას უდასტურებსო, მხოლოდ ერთხელ მოისმა სადღაც შორიდან მგლის ყმუილი.

ეგ იყო და ეგ: ეს მოთხრობაც აქ მთავრდება. მე კი რატომღაც მინდოდა სიკეთის ყმუილი მოგესმინათ აქედან ყველას.
ეგ წაკითხული მქონდა. ისეთი შთაბეჭდილება მოახდინა, რომ თავიდან ვეღარ ამოვიგდე. ძალიან კარგი კაცია გოდერძი. ადამიანი რო ასეთ რამეს დაწერს აბა ცუდი ხომ არ იქნება?

ეს ციტატა "მგლები"-ს თემიდან გადმოვიტანე, გუშინ დადო მეკომ ეს ჩანახატი და ქვევრმა კიდევ კომენტარი დღეს დილით გააკეთა... როგორი დამთხვევაა

meko · Post by **meko** » 16 ნოე 2007, 14:30

ვაააა

Mta Mkvarebia

მართალი ხარ, საოცარია, გუშინ მთელი დღე მის რაღაცეებს ვკითხულობდი, მერე ესეც დავდე ...

:(:(

როგორ დამწყდა გული

ლეონტი · Post by **ლეონტი** » 16 ნოე 2007, 14:40

ინტერვიუ.
http://www.kvali.com/guest/vol74_1.html

წაიკითხეთ ,ძალზე საინტერესო და დამაფიქრებელია.

Mta Mkvarebia · Post by **Mta Mkvarebia** » 16 ნოე 2007, 15:06

ლეონტი
ძალიან დიიდი მადლობა ამ ლინკისათვის... ტირილი მომინდა... ყველას ვურჩევ, წაიკითხოს.
ისეთი ალალი რესპონდენტია, თითქოს სული გადაგიხსნა და შიგ ჩაგახედაო...

namcecuna · Post by **namcecuna** » 16 ნოე 2007, 15:10

ვაი, ახლა გავიგე თქვენგან, ძალიან მეტკინა გული

ჩემი საყვარელი მწერალი

კარგი პოეტიც...

Archil · Post by **Archil** » 16 ნოე 2007, 15:13

ლეონტი wrote:ინტერვიუ.
http://www.kvali.com/guest/vol74_1.html

წაიკითხეთ ,ძალზე საინტერესო და დამაფიქრებელია.

ამ საიტთან ცოტა ფრთხილად, კასპერსკიმ რაღაცა ამომიგდო, ვირუსი არ იყოს.

დილით გარდაცვლილა გულის უკმარისობით. რომელ ეკლესიაში დაკრძალონ, იმაზე ფიქრობენ ეხლა.

Ninukala · Post by **Ninukala** » 16 ნოე 2007, 15:15

ცრემლი წამომივიდა ეხლა მოთხრობის წაკითხვის მერე....

meore monadire · Post by **meore monadire** » 16 ნოე 2007, 15:17

ძალიან დამწყდა გული

მამაჩემის მეგობარი იყო, კლასელი

ძალიან კარგი პიროვნება

namcecuna · Post by **namcecuna** » 16 ნოე 2007, 15:20

( სთქვი და აასრულე, გოდერძი ჩოხელო...)

კლდეებში დაასრულე სიცოცხლე შენი...
კლდეებს დაუტოვე ძვალი და რბილი,
კლდეებს უზიარე სიცოცხლის წილი,
კლდეებზე იპოვე ძილი!
სთქვი და აასრულე, სთქვი და აასრულე,
რაც მოსახდენია, ჰქენი!
არავის ტირილი არ გინდა ამქვეყნად,
გლოვაა ეს წუთისოფელი.
ლამაზი ისაა, კლდე რომ გაგიხსენებს:
_ იყო გოდერძი ჩოხელი!
ლამაზი ისაა, კლდეს რომ შეერევი,
სუნთქვას რომ გაატან ნიავს,
ქვიშას გაერევი, ბოღმას მოერევი,
კლდეს სისხლით შეღებავ, მზიანს.
კლდეებში შენს ძვალ-რბილს
რომ ვერვინ იპოვის,
კუბო რომ არავის მიაქვს,
შავ მიწას სათხრელად რომ არვის გაუხდი...
სიკვდილიც, სიკვდილსა ჰქვია.
_ შენ უკვე გიჟი ხარ, გოდერძი ჩოხელო!
_ ჩემზე სულელი ხარ, შენ, წუთისოფელო!

გოდერძი ჩოხელი

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS