შიომღვიმე-სხალტბა-წეროვანი - 13.03.11

tutmaji · Post by **tutmaji** » 14 მარ 2011, 00:47

შეგეწიოთ წმინდა მამა შიოს ლოცვა. ძალიან კარგი განწყობა დაეუფლება დამინს თქვენი ფოტოებიდან გამომდინარე

nodarsho · Post by **nodarsho** » 14 მარ 2011, 05:36

მშვენიერი გასვლა შემდგარა. თოვლი, მზე, ყოჩივარდები...ფოტოებიც სახასიათოა და კარგი... ოღონდ, კომენტარების ნაკლებობაა...

qvevri · Post by **qvevri** » 14 მარ 2011, 09:21

1.შიომღვიმის სამრეკლოსა და ტაძარზე (სატრაპეზოზეც) წარწერები არ გადაიღეთ?
2. სახალტბის ტაძრის წარწერები არ გადაიღეთ?
3. მარტო ერმანეთს უღებდით სურათებს?
4. კარგი გასვლა გქონიათ!

CheLo · Post by **CheLo** » 14 მარ 2011, 11:25

qvevri შიო მღვიმეში არ გადაგვაღებინეს თან წირვა იყო და წარწერების რა მოგახსენო მაგრამ ხატები გადავიღე სხალტბაზე.. წარწერები არც იყო რუსების კვალი ეტყობოდა იქაც...

meleksa · Post by **meleksa** » 14 მარ 2011, 11:35

წამოსცლა მინდოდა, მაგრამ მუხლმა არ გამომიშვა

pataputina · Post by **pataputina** » 14 მარ 2011, 11:47

მოკლედ ამ გასვლის გაკეთების იდეა ორი წლის წინანდელი იგივე მარშრუტის განუმეორებლობამ განაპირობა (როლ- რა რთული წინადადება დავწერე)
ჰხოდა თან თუ გავითვალისწინებთ რომ მაშინ 08.02.09 იყო და სურათებს თუგადახედავთ, ნახავთ რომ ზოგი საზაფხულო, ზოგი საგაზაფხულო ფორმებში ვართ, ვიფიქრე, რომ ისაო... ამ შუა მარტში წამოვწვებით ტრიალ მინდორზე და დავისვენებთ-გამოვიძინებთმეთქი, მაგრამ იიიიიიიიმხელა თოვლი დავხვდა როომ.... O_O

ჰხოდა შევიკრიბეთ 09:00 ზე სამთო ქიმიასთან(აი სამთო ქიმიასთან შეკრება მაინც სხვანაირი ისაა...:შ , მოვიდა ზვიადი თავისი საყვარელი სამარშუტოთი ჩავსხედით 20 ადამიანი და დავიძარით შიო მღვიმისკენ.

მონასტერში წირვა მიმდინარეობდა და დავესწარით ბოლომდე, ქადაგებას მოვუსმნეთ, ჯვარს ვემთხვიეთ და გავემართეთ ზემოთ და ზემოთ

შიომღვიმედან სხალტბაში გაასასვლელი ბილიკი თოვლით დაფარული დაგვხვდა...ამ გზაზე ნამყოფი მანამდე სამჯერ ვიყავი, მაგრამ ჩემი მეხსიერების ამბავივისაც ააქქამდე არ მოეხსენებოდა, აწი გაითვალისწინებს, რომ ისა.... :შ ერთდერთი ნაცნობი ხე შემხვდა ტყეში :შ :შ სხვა თანამეკარველეებიდან ამ გზაზე ნამყოფი ქოჩო და მირანდა იყვნენ და ერთობლივი მეხსიერების დაძაბვით გავუყევით გზას...

გვირაბში გაძრომის მერე საცალფეხო ბილიკიც გაქრა.. ბალახებზე ჩამოკიდებულებმა გავაგრძელეთ გზა ზევით და ზევით...იმედი გვქონდა რომ მთის თავზე მოქცევისას სასურველ ადგილას აღმოვჩნდებოდით, მაგრამ როგორც დიდი მიშა იტყოდა "ნურას უკაცრავად...." :შ :შ მივხვდით რომ გზა შეგვეშალა, მაგრამ საით უნდა წავსულიყავით ვერ გავარკვიიეთ :შ

ჩამოვბობღდით ისევ ქვემოთ... გზა მთლიანად გადათვლილი იყო, ფეხსაცმელები თოვლით აგვევსო, თან უსასტიკესი ქარი უბერავდა და კინაღამ ისა.... მაგრამ მაინც ვიარეთ იქამდე სანამ იმ ადგილს არ მივაგენით, სადაც ორი წლის წინ კარვული გაფრენა მოეწყო

მოკლედ, გზა ნაპოვნი იყო... და უკვე თავისუფლად შეგვეძლო ცოტა დაგვესვენა და წახემსებაზეც გევზრუნა... ვიღას ახსოვდა სველი ფეხები .... :ც

ის მინდორი, რომელზეც წამოწოლა და დაძინება გვქონდა განზრახული წასვლამდე, მუხლამდე თოვლით იყო სავსე

მაგრამ მაინც ვიკოტრიალეთ კარგად :შ :შ

დაახლოებით 6 საათისათვის წეროვნამდე ჩამოვაღწიეთ გადატალახიანებულგაყინულებმა, მაგრამ გადაკარგემოციურებულებმა და ზვიადის სამარშრუტო ავუტალახეთ :ც

გზად მცხეთაში შევჩერდით და ყაი/ჩავა დავაყოლეთ ემოციებით სავსე დღეს :ც

ასე იყო ეს ამბავი

პირადად ჩემთვის ჩემი კარვული გასვლების სიას ერთ-ერთი ღიმილიანსიხარულიანად მოსაყოლი დღე შეემატა, რომელიც სავსე იყო
ექსტრემითაც და მარტივი ბოდიალობებით
გადაიაენძელებული ტყით
და
გადათოვლილი გზებით
მზით
და
ქარით
დაღლით და კვირის მარაგის სამყოფი დასვენებით...

მადლობა 20-ვე ადამიანს, რომელმაც მონაწილეობა მიიღო ამ გასვლაში

დდიდიდიდი სიაოვნებით გავკვალავდი ახალ გზებს კიდევ ბევრჯერ თქვენთან 1ად

და განსაკუტრებული მადლობა ზვიადს, იმისთვის, რომ ისა..... :შ

CheLo · Post by **CheLo** » 14 მარ 2011, 12:02

ესეიგი ვისაც აინტერესებს და ასეთი ბევრი იქნება ჯერ მივედით შიო მღვიმეში სადაც დავესწარით დილის წირვას შემდეგ ე მეგონა რომ უკან ჩავიდოდით და სხალტბაში სამარშრუტო წაგვიყვანდა : ) და ეს რომ წამოვბოდე მითხეს ფეხით მივდივართ წეროვანშიო და იქ დაგხვდებაო.. როგორ მეთქი და აგერ ამ მთებს ხომ ხედავო მანდ უნდა ავიდეთო : )

მოკლედ წავედით და 2 საათი მოვანდომეთ მარტო 1 მთაზე ასვლას ძალიან ციცაბო მთა იყო თან თოვლი თან ვსრიალებდით და ტოტებს ვეჭიდებოდი : ) რამდენჯერ ეკლიან რაღაცას წავავლე ხელი და სულ დასუსხული ვიყავი : ) ავედით და ვაიიი დავიკარგეთ ქვემოთ გადასავარდნი იყო და რომ შევხედეთ მგონი სხვა მთაზე ავედით : ) პირველი მე მივდიოდი ძაან ზოზინებდნენ და მთელი კარავი მე მომყვებოდა ))) მერე 1 საათი დავისვენეთ და მანდ ვმსჯელობდით როგორ მოვხვედრილიყავით ზემოთ : ) მერე ცოტა დაბლა ჩამოვედით და ტყე ტყე როგორღაც ვიპოვნეთ გასასვლელი და მივედით იმ მთაზე რომელიც ზემოდან გადაჰყურებდა შიო მღვიმს. მაგრამ არც იქ იყო ადვილი ასვლა რადგან თოვლი იყო ტალახი და მიწა იშლებოდა და ხელებით დავბობღავდით : ) იქაც რომ ავედით იმხელა თოვლი იყო ბილიკი არ ჩანდა და იქაც ცოტახანი ვიფიქრეთ ხომ არ შეგვეშალა გზა თქო და მაინც გავაგრძელეთ... ბოლოს როგორ იქნა ყველა მთა შემოვიარეთ და სადგაც 5 საათზე უკვე ვიყავით სულ მაღლა იმ სიმაღლეზე რომ შორს თბილისის ზღვა და თემქა მოჩანდა ჭიასავით. ცოტა წავიხემსეთ და გაუყევით სხალტბისკენ.

ვნახოთ სხალტბის ეკლესია და იქაც გავჩერდით ცოტახანი მერე კი დაურეკეთ ზვიადის და დავაწექით სოფელ წეროვნამდე.. ძალიან ლამაზი და სასიამოვნო ლაშქრობა იყო ექსტრიმი, ადრენალინი და დიდი სიამოვნება : ) ბოლოს რომ ჩავედით უნდა გენახათ სამარშრუტოს დანახვა როგორ გვესიამოვნა : ) სირბილით მივედით და რადგან ზვიადმა პატივი გვცა და მხოლოდ საწვავის ფული გამოგვართვა დაგვჩა 40 ლარი და გადავწყვიტეთ მცხეთაში სალობიეში შევსულიყავით სადაც დავლიეთ ჩაი, ყავა ვჭამეთ ლობიანები ხაჭაპურები და ენერგიითაც ავივსეთ ; ) ბოლოს ზვიადიმ შემოგვთავაზა წამოდით ჯვარზე წაგიყვანთო მაგრამ ბავშვების უმეტესობას სველი ქონდა ფეხები და თან ქარი იყო და წამოვედით თბილისში.. სახლში 10 საათზე მოვედი : )

CheLo · Post by **CheLo** » 14 მარ 2011, 12:11

CheLo · Post by **CheLo** » 14 მარ 2011, 12:21

შიო მღვიმე

ესეც შიო მღვიმის კომპლექს ეკუთვნის ერთ ერთ მთაზე შემოგხვდა : )

სხალტბა

skopi · Post by **skopi** » 14 მარ 2011, 12:35

მართალია დავსველდით და მივიყინეთ, მართალია წონასწორობას ვერ ვინარჩუნებით ქარის გამო, მართალია ისა მართალია ესაა მაგრამ შესანიშნავი გასვლა იყო
მადლობა ხალხ და მადლობა ჰხათო შენ

tamari-khevi · Post by **tamari-khevi** » 14 მარ 2011, 13:41

ყოჩაღ,ყოჩაღ, თითოეულ მონაწილეს!!! რა ლამაზი, მზიანი და ყოჩივარდებიანი გასვლა გქონიათ!!!!!!!!!!!!

CheLo · Post by **CheLo** » 14 მარ 2011, 14:23

skopi · Post by **skopi** » 14 მარ 2011, 14:34

აუჰ სადმე ატვირთეთ და ბმულები დადეთ რა :/

MIRANDA · Post by **MIRANDA** » 14 მარ 2011, 14:47

მიყვარს ხოლმე შთაბეჭდილებების წაკითხვა... განსაკუთრებით იმ გასვლის თემაში, რომლის მონაწილე მეც ვიყავი... უკვე ყველაფერი დაიწერა, მაგრამ მე მაინც შევეცდები თანმიმდევრულად მივყვე...

სამთო ქიმიის მიმდებარე ტერიტორიიდან 9:30 სთვის დავიძარით... შიო-მღვიმის მონასტერთან მალე მივედით და წირვას მივუსწარით. წირვას ბოლომდე დავესწარით და ქადაგებასაც მოვუსმინეთ. დადებითად დამუხტულები გავუდექით გზას სხალტბისკენ... თავიდან ბილიკს მივუყვებოდით და ადვილად ავედით პატარა ტაძრამდე, რომელიც შიო-მღვიმის კომპლექსში შედის. შემდეგ იქიდან ისევ გამოვუყევით ბილიკს, გავძვერით მიწის მოკლე გვირაბში და ავედით იმ ადგილამდე სადაც ჯვარი არის... აი, იქიდან უკვე გზადაგზა გაჩერება და დაფიქრება ხშირად დაგვჭირდა. ხან დათოვლილი იყო და ბილიკი არ ჩანდა, ხან თითქოს ჩიხში შევდიოდით. იქმნებოდა შთაბეჭდილება, რომ არასწორად მივდიოდით და გზა აგვერია, მაგრამ საბოლოოდ აღმოჩნდა, რომ სულ სწორად გვივლია. მივედით იმ ადგილამდე სადაც წინა გასვლის დროს (8 თებერვალი, 2009)შედგა "კარვული გაფრენა"... ტრადიციულად "გავაფრინეთ", ფოტოები გადავიღეთ და იქვე წახემსების გადაწყვეტილება მივიღეთ, რადგან წინ კიდევ ბევრი თოვლი ჩანდა და იყო იმის შესაძლებლობა, რომ მინდორიც თოვლიანი დაგვხვედროდა, თან ქარიც უბერავდა და მინდორზე კიდევ უფრო მეტად საგრძნობი იქნებოდა ქარის ქროლვა

მოკლედ, როგორც აღმოჩნდა გადაწყვეტილება სწორი იყო, რადგან მინდორზე ლამის მუხლებამდე თოვლი დაგვხვდა. ტრადიციის დარღვევა არ გვინდოდა, ამიტომ მინდორზე მოკლე დროით მაინც წამოვგორდით

შემდეგ გზა სხალტბისკენ განვაგრძეთ. სხალტბის კვირაცხოველი ვნახეთ, რომელიც ჩემთვის ერთ-ერთი საყვარელი ადგილია.

გზა წეროვნისკენ თოვლ-თოვლ განვაგრძეთ. იქ ზვიადი დაგვხვდა. მცხეთაში, რესტორან "ოპიზარში" ჩაი და ყავა დავლიეთ, ლობიანი და ხაჭაპურიც დავაყოლეთ. ზვიადიმ შემოგვთავაზა, ჯვარზე ავიდეთ და მცხეთას გადმოვხედოთო, მაგრამ გასვლის მონაწილეებს ფეხები სველი ჰქონდათ და რომ არ გაგვციებოდნენ გადავწყვიტეთ პირდაპირ თბილისისკენ წამოვსულიყავით. 20:15-ზე უკვე სახლში ვიყავი

რაც შეეხება შთაბეჭდილებებს:
ძალიან დიდხანს გამყვება ამ დღისგან მიღებული სიამოვნება და დადებითი ენერგია. უსაზღვროდ კარგი გასვლა გამოვიდა, რომელიც მონაკვეთებში იყო ძალიან მარტივი, მონაკვეთებში საშუალო სირთულის და იყო ძალიან რთული მონაკვეთებიც... გზა ხან თოვლიანი იყო, ხან ტალახიანი, ხან მშრალი, ხან ფოთლიანი, ხან ქვებიანი.. მათ შორის ზოგჯერ ფართო და ზოგჯერ იმდენად ვიწრო, რომ ფეხს ნახევრად ვდგამდით.. წვიმის გარდა ყველაფერი გვქონდა - თოვლიც, ქარიც და მზეც... ძალიან ბევრი ვიხალისეთ, ფოტოებიც გადავიღეთ, ვიხტუნავეთ, ვიფრინეთ, თოვლში ვიგორავეთ და ა.შ.

იდიდ აბოლდამ, ანიტუპატაპ!

ARCHILI · Post by **ARCHILI** » 14 მარ 2011, 21:23

რამდენი ახალი კარაველია...

უმრავლესობა ვერც ვიცანი, თავი ახალდარეგისტრირებული მეგონა...

ჰოდა...

აქ პატაპუტინას სტილში უნდა, აზრი გავწყვიტო, მერე კიარადა, ჰხუხ, ო, მუნ, და ჰხოოო...

კიარადა...

ჰხუხჰხთ...

ო

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS