კლდეკარის ციხე, ალგეთის ხეობა/ 5-6 ივნისი, 2010

Falcon · Post by **Falcon** » 10 ივნ 2010, 00:03

სოფელ ნაპილნარამდე თითქმის სულ მწვანე და ამავედროს თეთრად აფეთქებული მინდვრები იყო ირგვლივ

tamuna_gudarexi · Post by **tamuna_gudarexi** » 10 ივნ 2010, 11:30

მაშ, ასე, გავაგრძელოთ:
ნაპილნარელების მითითებით სოფლის ზემოთ კლდეებისკენ გზას გავუდექით. კლდეების კიდევ ზემოთ კი მოზრდილი აღმართი მოჩანდა. ვისარგებლე, სანამ მეგობრები ისვენებდნენ და კლდეებს თავზე მოვექეცი, გადავხედე ულამაზეს აყვავებულ მთა-გორებსა და ველებში ბუდესავით მოქცეულ სოფელს, ველად გაშვებულ ცხენებს... შემდეგ კი შევუდექი გრძელ და საკმარისად ციცაბო აღმართს, კლდიანი და ქვიშა-ღორღიანი ზედაპირით. ნელა, მაგრამ შეუსვენებლივ ავიარე. მიზანში ამოღებული მქონდა პირველი მხარგაშლილი ხე, რომლის ძირშიც დავისვენებდი. ვარჯის ჩრდილში მოვთავსდი და მეგობრებს ველოდი. ნელ-ნელა ყველამ ამოაღწია და კიდევ ცოტა ხანს ვისვენებდით. ორმხრივი ღუტუნის მცდელობაც იყო, მაგრამ â€žდიდი ბიჭი“ მაინც მედგრად იცავდა თავს

tamuna_gudarexi · Post by **tamuna_gudarexi** » 10 ივნ 2010, 11:57

აქედან უკვე გზას აღარ გავუყევით, რომელიც ტყისაკენ მიდიოდა და სიმაღლეს კარგავდა, ჩავთვალეთ, რომ მაინც გზაზე მოვხვდებოდით ბოლოს და ვარჩიეთ ქედის ბოლოსკენ ასვლა, რომ იქიდან დაგვეზვერა მიდამო. აქ ავცდით სწორ გზას. ქედს მივადექით და იქიდან ულამაზესი სანახაობა გადაიშალა... აქედან ჩანდა სოფელი უგუდეთი და შორს, შორს კლდეკარი... იმდენად შორი მეჩვენა, რომ ვიფიქრე, ვერ მივაღწევთ-მეთქი, თუმცა საბოლოო ჯამში საკმაოდ ახლოს ყოფილა. ამ ადგილიდან სწორი გზით რომ გვევლო, 2 საათში ციხესთან ვიქნებოდით, მაგრამ წინ თავგადასავლები გველოდა

და კმაყოფილიც დავრჩით, რომ გზა აგვერია, ეს რომ არა ძალიან ლამაზ ხედებს გამოვტოვებდით. ქარაფის პირას მივდიოდით, ადგილ-ადგილ კი ბილიკს ტყეში შევყავდით.

ამ ფოტოზე რომ ქარაფის ბოლო მოჩანს, მაქამდე მისვლა გადავწყვიტეთ თავიდან, რომ იქიდან უკეთ გაგვეგნო კლდეკარისკენ გზა. მაგ ქარაფის უკან ხევი ყოფილა და იმ ხევს გადაღმა აღმოვჩნდით საბოლოოდ, შემდეგ კი ეს გზა ისევ უკან გამოვიარეთ

tamuna_gudarexi · Post by **tamuna_gudarexi** » 10 ივნ 2010, 12:15

როცა მივხვდით, რომ არასწორი გზით მივდიოდით და აქედან კლდეკარზე ვერაფრით მოვხვდებოდით, უკვე 6 საათი იქნებოდა. შორიდან ქუხილის ხმა მოდიოდა და ცაზე შავი საწვიმარი ღრუბელიც მოჩანდა. არ გაგვიწვიმდესო და იმ მინდვრისკენ დაბრუნება და იქ დაბანაკება გადავწყვიტეთ, რომელიც სადღაც 2 საათით ადრე დავტოვეთ, პირველად რომ კლდეკარი დავინახეთ. მანამდე მზე უშურველად გვანათებდა (გვწვავდა), შემდეგ კი კოღოები გვკბენდნენ დაუღალავად. მაინც რამდენი იყო, თავს ვერ ვაღწევდით. გზადაგზა ვისვენებდით. დათო თავისი შეუდარებელი იუმორით ყველას ხალისს გვგვრიდა.

დავუბრუნდით იმ ადგილს, საიდანაც გზას ავცდით და მდელოზე გადავწყვიტეთ კარვების გაშლა. ყოველ წამს წვიმას ველოდით, ნისლმაც მოგვაკითხა ცოტა ხნით. არცთუ სახარბიელო ადგილი იყო, ყველაზე მაღალი წერტილი იყო და ქარი ქროდა, რაც ცეცხლის დანთებაში ხელს შეგვიშლიდა. მიუხედავად ამისა, კარვები გავშალეთ და ის იყო, მიწაში ჩამაგრება უნდა დაგვეწყო, რომ დათომ შეგვატყობინა, ქვემოთ კარგი საბანაკე ადგილი ვიპოვეო. დიდი ფიქრის შემდეგ ჩვენი მოთავე გიორგიც წავიდა და ადგილი დაზვერა, მასაც მოეწონა და ... თქვენ გივლიათ გაშლილი კარვით ხელში?

ავიღეთ ეს ჩვენი გაშლილი კარვები და წავაცუნცულეთ ახალი ადგილისკენ

ბაირაღებივით მივაფრიალებდით

tamuna_gudarexi · Post by **tamuna_gudarexi** » 10 ივნ 2010, 12:20

ტყის შესასვლელში საკმაოდ მყუდრო ალაგი იყო. გზა, რომელსაც მეორე დღეს უნდა დავდგომოდით, იქვე გადიოდა. შეშაც ახლოს გვქონდა. მოკლედ, ამ ალაგს ბევრი უპირატესობა გააჩნდა საბანაკედ. ჰოდა, დავამაგრეთ ჩვენი კარვები იქ და შეშაც მოვაგროვეთ.

კოღოებთან სამკვდრო-სასიცოცხლო ბრძოლა გვიწევდა. არ შემიძლია, აქ არ მოვიყვანო ამონარიდი დაკავებულთა ჩვენებებდან (შსს-ს არქივიდან): â€žჩემი ცოლი, გარეთ შიშველი არ გამიგდია, უბრალოდ, მინდოდა მოვხვეოდი და მეკოცნა. მან კი ეს ვერ გაიგო და ყვირილი ატეხა. ნაჯახით კი კოღოებს დავდევდი. ჩვენ ძალიან კარგი ოჯახი გვაქ“. და რა არის აქ გასაკვირი

ფალკონიც ნაჯახით კოღოებს დასდევდა, აგერ, თუ არ გჯერათ

წვივებზე კი კოღებისაგან დამცავი ახალი საშუალება მოიგონა და შემოიხვია

გიოც იცავდა კოღოებისგან მკლავებს, ჩემს საწვიმარს ახალი გამოყენება მოუძებნა

რადგან ფართო მხარ-ბეჭზე ვერ ჩაეტია, ასეთ ფორმაში გამოგვეცხადა სავახშმოდ

)

tamuna_gudarexi · Post by **tamuna_gudarexi** » 10 ივნ 2010, 12:56

ამასობაში ცეცხლიც აგიზგიზდა. წყლის ნაკლებობას განვიცდიდით, მხოლოდ წყურვილის მოსაკლავადღა გვქონდა შემორჩენილი. ყველაზე ახლოს ნაპილნარში გვეგულებოდა, ეგ ახლო კი საკმაოდ შორი იყო. ამიტომ თევზის შეწვა, რაც წყალს მოითხოვდა, მეორე დღისთვის გადავდეთ. დათოს ოსტატურად ჰქონდა წამოღებული სამწვადე და კალმახები, ისე, რომ არ გაფუჭებულიყო გზაში. ამიტომ ბიჭებისთვის ნაკვერჩხალზე მწვადები შევწვით, კარგი სუფრაც გავშალეთ და ხალისიანად და გემრიელად გავასრულეთ ეს დღე კოცონის პირას მზესუმზირის კნატუნთან ერთად. შემდეგ ყველანი კარვებში მოვთავსდით და მშვიდად დავიძინეთ. მართალია, ამ მხარეში მგლები იცის, მაგრამ ჩვენ არ შეგვიმჩნევია. როგორც ჩანს, არც მათ შეუმჩნევივართ

დათო აქ ჭაღს აკეთებს

Mta Mkvarebia · Post by **Mta Mkvarebia** » 10 ივნ 2010, 13:57

tamuna_gudarexi
Falcon
ძალიან სასიამოვნო ლაშქრობა გქონიათ, შიშველი ცოლის კიარადა კოღოების ნაჯახით დევნაზე მაგრად ვიხალისე

.

ველით გაგრძელებას

tamuna_gudarexi · Post by **tamuna_gudarexi** » 10 ივნ 2010, 14:02

GAMARJOBA SAKARTVELO
tamari-khevi
Mta Mkvarebia

გმადლობთ, მეგობრებო!
ცოტას სამუშაოს მივხედავ და უმალ გავაგრძელებ, როგორც კი მოვიცლი

NINUCA · Post by **NINUCA** » 10 ივნ 2010, 23:13

tamuna_gudarexi
Falcon
rifi

ძალიან ყოჩაღები ხართ!

ძალიან მოვიხიბლე რეპორტაჟით, თამო

ეს ის შემთხვევაა როცა ყველა წინადადება გულდასმით წავიკითხე და რეპორტაჟი ალაგ-ალაგ არ გადამიკითხავს, რაც ხშირად მიწევს ხოლმე დროის სიმცირის გამო. ულამამაზესი ადგილები გინახავთ და სასიამოვნო ემოცია გატყვიათ თითოეულ თქვენგანს.

გაგრძელებას ველიიიი ........

Falcon · Post by **Falcon** » 11 ივნ 2010, 00:56

პერიოდულად გზას ვაზუსტებდით

ისევ გვირილების ზღვა

და მასში ჩაძირული თამუნა_გუდარეხი (და არა მარტო

)

Falcon · Post by **Falcon** » 11 ივნ 2010, 01:11

Falcon · Post by **Falcon** » 11 ივნ 2010, 01:13

Falcon · Post by **Falcon** » 11 ივნ 2010, 01:15

tamuna_gudarexi · Post by **tamuna_gudarexi** » 11 ივნ 2010, 14:52

მეორე დილით ადრიანად გავიღვიძე, ჩიტების ჭიკჭიკში. ჯერ მხოლოდ გიორგის მოესწრო ადგომა. ნელ-ნელა ყველანი გამოფხიზლდნენ, ბანაკი ავშალეთ და ცოტა წავისაუზმეთ. წყალი, როგორც მოგეხსენებათ, ძალიან ცოტა გვქონდა. მე კი ყავის გარეშე, აბა, დღეს როგორ დავიწყებდი და ერთი ჭიქა ავადუღეთ მხოლოდ სპირტქურაზე. დილა მზიანი, მრავალხმიანი (ჩიტები და ჭრიჭინები) და ხალისიანი იყო. ასე, 9 საათისთვის დავადეგით გზას, რომელიც იქვე ტყეში მიდიოდა სავარაუდოდ კლდეკარის მიმართულებით. ჯერ კიდევ არ ვიცოდით, რამდენი გვქონდა სასიარულო.. განვიხილავდით შესაძლებლობას, რომ კლდეკარიდან უგუდეთის გზით დავბრუნებულიყავით. თუმცა, საბოლოო ჯამში გადავწყვიტეთ, ბარგი იქვე ტყეში დაგვემალა და თავისუფლად გვევლო, ასე გაცილებით მალე მივაღწევდით ციხემდე, შემდეგ კი სწრაფადვე დავბრუნებულიყავით უკან.

გზად ასეთი ლამაზი გირჩებიანი მოედანიც შეგვხვდა

აქ გიო გვიჩვენებს კლდეკარს, სადაც უნდა ავიდეთ

იმდენად მოწყურებული ვიყავით, რომ...

tamuna_gudarexi · Post by **tamuna_gudarexi** » 11 ივნ 2010, 15:11

წყლის პრობლემა მართლაც გვაწუხებდა. ჩემს მეგობართან დავრეკე და მითხრა, რომ ახლომახლო ასე ზეპირად ვერ მივაგნებდით... უნდა გვევლო კიდევ ბევრი. შემდეგ დმანისში მყოფი მეგობრები ავაწრიალე და ლობოს ნომერი გავიგე. ლობო იყო ადრე ნამყოფი კლდეკარში. სამწუხაროდ, ლობომაც ვერაფერი გვითხრა დასამშვიდებელი... ასე გადავიარეთ კლდეკარი... კლდეში ბუნებრივად გაჭრილი კარი - გზა:

აი, ამ ულამაზეს გზას მივუყვებოდით, როცა უცებ წყლის ხმა გავიგე

მარჯვნივ, ქვემოთ, ხევში ნამდვილად უნდა ყოფილიყო წყალი... რამდენად შორს იქნებოდა, ვერ გავთვალეთ. შემდეგ მჭრელი თვალით მეგობრებმა სუუულ ქვემოთ, შორს, შავი ბილიკი შენიშნეს. სიშავე მიწის სისველეზე მიუთითებდა, ე.ი. იყო წყალი. დაუღალავი დათო დასაზვერად დაეშვა. თუკი წყალს ნახავდა, ყველანი ჩავიდოდით. ასეც მოხდა - კარგი მთის ცივი წყაროთი გავგრილდით!

ზემოთ ციხის ნაშთი ჩანს...

სანამ დათო წყლის დასაზვერად წავიდა, ჩვენ წყურვილს წამოღებული კიტრით ვიკლავდით, კიტრის ნაფცქვენებით კი სახე დავიბანეთ და მშვენიერი გრილი ნიღბები გავიკეთეთ. ამის ამსახველი კადრებიც ფალკონთან არის

წყლის შემოწმება

გზისკენ რომ ამოვდიოდით კვლავ აღმართზე, კიდევ შეგვხვდა რამდენიმე პატარა წყარო. ამიტომ ამ ადგილას ადამიანმა უნდა იცოდეს, რომ მთავარია ეძებოს, აუცილებლად მიაგნებს წყალს

ეს კი ჩემი მზის სათვალით დანახული გარემო

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS