21.02.2010 მარნეული-ბოლნისი-კაზრეთის მიდამოები - ჩემი დებიუტი

UTUFURS · Post by **UTUFURS** » 22 თებ 2010, 22:30

მოგესალმებით

ვეცდები ყველაფერი წესის მიხედვით გავაკეთო:

1. რეგიონი:
ქვემო ქართლი: მარნეულის, ბოლნისის და დმანისის რაიონები

2. მარშუტის დასახელება:
თბილისი-კოლაგირი-ბოლნისი-წუღრუღაშენი-ქვეში-კაზრეთი-მაშავერა

3. ხანგრძლივობა:
1 დღე

4. სირთულე:
ძალიან მარტივი

5. გასვლის, ლაშქრობის ღირებულება
ბენზინის ფული დაგვიჯდა 45 კლარი

6. მონაწილეთა რაოდენობა
4

7. გასვლის, ლაშქრობის 2განიზატორი
მე

8. მარშრუტის სიგრძე ტრანსპორტით:
საერთო ჯამში - 245 კმ

9. ფეხით გავლილი მანძილი:
მაქსიმუმ 1 კმ-მდე

10. სანახავი და ყურადღებამისაქცევი ადგილები:
ჩამოგითვლით რაც ვნახეთ: ცურტავის (კოლაგირის) დედათა მონასტერი, ქაფანაქჩი (ქვემო ბოლნისი), ბოლნისის სიონი, წუღრუღაშენი, აკაურთა, აკვანება, ქვეშის ციხე, კიანეთი, კაზრეთის სამება, ორსაყდრები, აბულმუგი, მაშავერას კლდოვანი კანიონი, ერთი უცნობი ეკლესიის ნანგრევი და სოფელ მაშავერას ეკლესია.

11. საჭირო აღჭურვილობა, რჩევები:
წვიმიან ამინდში კგ საწვიმარი და წყალგაუმტარი და სველ ზედაპირზე სასიარულო ფეხსაცმელი, გამოსაცვლელი სამოსი (ალბათ).

12. გასვლისთვის, ლაშქრობისთვის საუკეთესო დრო
ნებისმიერი დრო

13. რისკები, საფრთხეები:
საფრთხეები არ არის

14. უახლოესი ღირსშესანაშნავი ადგილი, რომელიც დროის გახანგრძლივების შემთხვევაში, შეიძლება, ასეთი გასვლისას ინახოს:
ტანძია (სულხან-საბა ორბელიანის სახლ-მუზეუმი), ფოლადაურის ნანგრევები, სათხე.

15. პირობები ფიჭური კავშირგაბმულობისთვის:
გამართულად მუშაობს

16. რუკა

17. სიმაღლე ზღვის დონიდან
ცურტავის (კოლაგირის) დედათა მონასტერი - 408 მ. ქაფანაქჩი (ქვემო ბოლნისი) â€“ 616 მ. ბოლნისის სიონი - 624 მ. წუღრუღაშენი - 627 მ. აკაურთა - 710 მ. აკვანება - 597 მ. ქვეშის ციხე - 623 მ. კიანეთი - 605 მ. კაზრეთის სამება - 756 მ. ორსაყდრები 713/721 მ. აბულმუგი 724 მ. სოფელ მაშავერას ეკლესია - 828 მ.

18. გასვლის, ლაშქრობის შეფასება 10 ბალიანი სისტემით
6,5

ფოტოებს გზაში დაგაწევთ

burdiani · Post by **burdiani** » 22 თებ 2010, 22:45

UTUFURS

კარგად გივლიათ

მართლა კარგი მარშრუტია

lama · Post by **lama** » 22 თებ 2010, 23:20

UTUFURS
გაიხარე, კეთილი იყოს სენი დებიუტი

აბა, ველი ფოტოებს დიდი მოლოდინით

UTUFURS · Post by **UTUFURS** » 22 თებ 2010, 23:35

დილის 10 საათზე გამოვედით თბილისიდან, ჩვენს "სატრანსპორტო საშუალებას" შეადგენადა ვერცხილსფერი "ოპელ ასტრა"

ჩვენი I პუნქტი კოლაგირის (ანუ ცურტავის) წმინდა ქეთევან დედოფლის სახელობის დედათა მონასტერი იყო.

ციხესიმაგრე გვიან შუასაუკუნეებისაა, ისეთი ქართლ-კახეთში რომ აშენებდნენ ლეკთა თარეშისაგან სოფლის მოსახლეობის დასაცავად. შიგნით ძალიან დიდი ეზოა ალბათ აქ ძნელბედობის ჟამს ბევრი ხალხი აფარებდა თავს.

UTUFURS · Post by **UTUFURS** » 22 თებ 2010, 23:54

ვაგრძელებ:

ისევ კოლაგირი, გარედან:

და ჭიშკარი:

სამწუხაროდ ამის მერე მზე სანატრებელი გაგვიხდა, რღუბლებმა იმატეს...

Int3lig3nt · Post by **Int3lig3nt** » 23 თებ 2010, 01:21

UTUFURS
ვახ, რა ნაყოფიერი დღე გქონიათ

.

შესანიშნავი დასაწყისია

.

UTUFURS · Post by **UTUFURS** » 23 თებ 2010, 01:41

ჩვენი შემდეგი გაჩერება იყო დიდი სოფელი ქვემო ბოლნისი (2002 წლის აღწერის მონაცემებით მოსახლეობა 6800), სოფლის მოსახლეობა 100%-ით აზერბაიჯანულია.

აგერ სოფლის ხედი, ცენტრში ჩანს მეჩეთი.

სოფელი რომ ოდესღაც ქართული იყო, ამა მოწმობს VI-VII საუკუნეების ეკლესია. ქვემო ბოლნისი - ან ქაფანაქჩი (ეს უკანასკნელი აშკარად გვიანდელი სახელია), მომწვანო ქვებით ნაშენ სამნავიან ბაზილიკას ”გარეთა” ნავები მონგრეული აქვს.

ეს ორი ფოტო კი ჩემგან Tamari-ch.-ს
(შეპირებული)

UTUFURS · Post by **UTUFURS** » 23 თებ 2010, 02:26

ვაგრძელებ

ბოლნისის სიონს დიდი წარდგენა არ სჭირდება. ჩვენი მისვლისას იქ წირვა იყო და ბევრი ხალხიც ტრიალებდა.

ეს სამრეკლო

”კლასიკური” ხედი ისტორიის სახელმძღვანელოშიც, რომლითაც მე ოდესღაც ვსწავლობდი - იყო ფოტო ზუსტად ამ ხედით

ეს კი უძველესი ქართული წარწერა, დათარიღებული 476-483 წლებით. (უფრო სწორედ მისი ასლი, ვინაიდან ორიგინალი ქვა ჯერ კიდევ მე-20 საუკუნის 30-იან წლებში თბილისის ხელოვნების სახელმწიფო მუზეუმში იქნა მოთავსებული, მის მაგივრად კი ბოლნისის სიონის კედლებს ჩაატანეს სპეციალურად დამზადებული ასლი)

GAMARJOBA SAKARTVELO

UTUFURS
შესანიშნავი დასაწყისია.
გილ20ავ.
სიამოვნებით გავეცნობი შენს რეპორტაჟს.
ბევრი რამ გინახავს.
სოფელ ქვემო ბოლნისში მართლაც, სულ აზერბაიჯანელები ცხოვრობენ.
ეს სოფელი იმით არის უნიკალური, რომ 2006 წელს აქ 6 100 წელზე გადააცილებული ადამიანი ცხოვრობდა.
ახლა არ ვიცი, როგორ არის.
ღმერთმა ქნას, ისევ ცოცხლები იყვნენ.
არ ვიცი, შეამჩნიე თუ არა, აქაურების წყლის ჭურჭლის მრავალფეროვნებაც...
ველი გაგრძელებას

Tamari-ch. · Post by **Tamari-ch.** » 23 თებ 2010, 12:16

UTUFURS

შესანიშნავი დასაწყისია...

მადლობა ფოტოებისათვის-
წუღრუღაშენზე წარწერები ხომ ნახე?

UTUFURS · Post by **UTUFURS** » 23 თებ 2010, 12:46

GAMARJOBA SAKARTVELO

მადლობა. სხვათა შორის გზად რამდენჯერმე მოგვიწია აზერბაიჯანელებისთვის გზის კითხვა და სასიამოვნოდ გამაოცა მათმა კეთილგანწყობამ. რატომღაც უფრო ცივ დამოკიდებულებას ველოდი მათგან.

Tamari-ch.

წუღრუღაშენზე წარწერები ხომ ნახე?

მხოლოდ ორი.

წუღრუღაშენი!
წუღრუღაშენმა ამ დღეს ნახული ძეგლებიდან ყველაზე დიდი შთაბეჭდილება მოახდინა ჩემზე. ეს არის ქართული ხუროთმოძღვრების ნამდვილი შედევრი!
როგორც ნაგებობის ჰარმონიული პროპორციებით, ასევე უმდიდრესი და ულამაზესი ჩუქურთმებით. და მოწითალო ქვებიც საოცრად ლამაზია!

ხედი ქვემოდან (ხეობიდან):

ვუახლოვდებით:

და "ჭიშკარი"

UTUFURS · Post by **UTUFURS** » 23 თებ 2010, 13:26

მასალა წიკიპედიიდან:

წუღრუღაშენი, ქართული ხუროთმოძღვრების ძეგლი, XIII საუკუნის გუმბათოვანი ტაძარი ბოლნისის რაიონში, ბოლნისის სიონიდან ორიოდ კმ-ზე, მდ. ბოლნისისწყლის მარჯვენა ნაპირას, მთის ფერდზე. ეკლესიის წარწერებში მოხსენებული არიან გიორგი მეფე და ეკლესიის მშენებელი ჰასან არსენის ძე. რ. შმერლინგის აზრით, წარწერებში მოხსენიებული გიორგი მეფე გიორგი ლაშაა, ე. ი. ძეგლი აშენებულია მისი მეფობის დროს 1212-1222 წლებში.

წუღრუღაშენი გეგმით ბეთანია-ქვათახევ-ფიტარეთის ჯგუფს მიეკუთვნება, მაგრამ უფრო პატარაა და გუმბათის ყელიც ძლიერ აზიდული პროპორციებისა აქვს. ნაგებობა გარედან აღმოსავლეთიდან დასავლეთისაკენ წაგრძელებულ სწორკუთხედშია მოქცეული. შიგა სივრცე შექმნილია ჯვრის 4 მკლავისაგან, რომელთაგან მხოლოდ აღმოსავლეთის მკლავია აფსიდით დასრულებული. საკურთხევლის ორივე მხარეს 2 სართულად განლაგებული სათავსებია, რომელთა ქვედა სართულებში სამკვეთლო და სადიაკვნეა მოტავსებული. ჩრდილოეთით ეკლესიას აქვს მოგვიანომ ხანის მინაშენი, როგორც ჩანს, საგვარეულო საძვალე-ეგვტერი. განსაკუთრებული სიფაქიზითაა გამოყენებული ეკლესიაში ფერადი ქვები: თბილი მოყვითალო ოქროსფერი, ღვინისფერი და ცისფერი. ძეგლი უხვადაა შემკული მდიდრული ჩუქურთმით. განსაკუთრებით ოსტატურადაა გამოყვანილი მუქი ყვითელი ფერის ქვის გუმბათის ყელის საპირეები და ბაცი მოყვითალო ქვის კარნიზი.

აგერ წუღრუღაშენის ორი წარწერა:

ეს მეორე იმდენადაა დაზიანებული, ძნელად თუ რამე განირჩევა

მეტ წარწერა მე ვერ ვიპოვე არადა ბევრი ვუტრიალე გარშემო.

lama · Post by **lama** » 23 თებ 2010, 13:39

UTUFURS
თუ არ ვცდები
ექვთიმე თაყაიშვილს აქვს გამოკვლეული â€“ მეორე, შედარებით დაზიანებული წარწერა

UTUFURS · Post by **UTUFURS** » 23 თებ 2010, 13:54

ჩუქურთმები, ჩუქურთმები....

ვემშვიდობები წუღრუღაშენს ფოტოთო, რომელიც წაიპანორამებს

აქ აუცილებლად დავბრუნდები მზიან ამინდში, უკეთესი ფოტოებისთვის.

Tamari-ch. · Post by **Tamari-ch.** » 23 თებ 2010, 14:17

lama wrote:UTUFURS
თუ არ ვცდები
ექვთიმე თაყაიშვილს აქვს გამოკვლეული â€“ მეორე, შედარებით დაზიანებული წარწერა

http://saunje.ge/index.php?option=com_c ... 7&Itemid=3

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS