თუშური შთაბეჭდილებები

Post by **Gvalva** » 26 დეკ 2006, 20:49

kopeina

მანდ მაკრატელას მთის გარდა კიდევ ბევრი რამეა ლამაზი!

guruli · Post by **guruli** » 26 დეკ 2006, 23:16

ვა, kopeina, ნაღდი მაია წყნეთელი ხარ.

guruli · Post by **guruli** » 29 დეკ 2006, 18:42

აი, ერთი თუში კაცის - ბახვა ბაიხოიძის ლექსი, რომელიც 26 დეკემბერს, მარჯანიშვილის თეატრში, ოლიმპიურ ჩემპიონ შოთა ხაბარელს დაბადების 50 წლის იუბილეზე მისივე მოსწავლემ, ასევე ოლიმპიურმა ჩემპიონმა ზურაბ ზვიადაურმა წაუკითხა. თანაც, იმდენად კარგად, ისე გამოცდილი დეკლამატორივით, რომ საღამოს წამყვანმა მარჯანიშვილელებმა იხუმრეს, ჩვენ უკვე ვიცით, სადაც წავა ზვიადაური სპორტიდან წასვლის მერე - სცენაზეო.

ყვავილს რა უნდა ქოთანში,
ვეფხვს როგორ იტევს გალია,
ქარქაშში როცა ისვენებს,
მითხარით, ის რა ხმალია?
მწამს, ყვავილს მინდვრად ვხედავდე,
ვეფხვს - ჯუნგლში მშიერს მადაზე,
ხმლის პირს სისხლის ღვრა უხდება,
ჯიუტი ხელი - ვადაზე.
ორივეს ცხენად ნუ ჩავთვლით,
ცირკისას - ფაფარბაფთიანს,
და კლდეზე ნალების მკვესავს,
მხედრიანს, ჩოხანაბდიანს.
გუთანი, ქედზე უღელი
სამკაულია ხარისა,
ვით ყელსაბამი ლამაზი -
გასათხოვარი ქალისა.
არწივის მეფურ დიდებას
მხოლოდ ჭიუხი ინახავს,
დამწყვდეულ ჯიხვის მნახველო,
არ სთქვა, რომ ჯიხვი გინახავს.
ბუნებამ ყველას ურჩია
თავის საფერი სტიქია,
თუ არ სჩანს გამონთებული,
აბა, ის რაღა ჯიქია?
ტყეს შველი ამკობს, შველს კი ტყე,
ალამაზებენ ერთმანეთს.
ვირს უნდა ბარგი ეკიდოს,
ძაღლი ცხვარს უნდა მწყემსავდეს,
დამწყვდეულ ღამურასა ჰგავს
ძაღლი - ოთახში მყეფარე.
ბეტონზე ჩანჩქერს ვერ შეჰქმნი,
მწამს მხოლოდ კლდეზე მჩქეფარე.
შველი ლაღია მშობელთან,
ნუ დავაობლებთ მშობლიანს,
ცოდვის ხელს ნუ ვყოფთ ბუნებას,
უშნოდ ნუ გავხდით შნოიანს.
ამ სიტყვებმა - "ორივეს ცხენად ნუ ჩავთვლით" კოტეს ცნობილი სიტყვები გამახსენა იპოდრომზე მორბენალ ცხენთან დაკავშირებით.

gobe · Post by **gobe** » 29 დეკ 2006, 20:29

guruli,
გაიხარე! დიდი მადლობა ასეთი ლამაზი ლექსის მოწოდებისათვის. ძალიან მაგარი ლექსია.

ისე, თითქოს უცბად წყდებაო ან და იქნებ მე მომეჩვენა ასე

guruli · Post by **guruli** » 29 დეკ 2006, 20:56

gobe ზვიადაური ნაღდად ეგრე ამთავრებს და ბაიხოიძისას ვერაფერს გეტყვი. იმედია, ერთხელ იმასაც გავესაუბრები. ეგ ლექსი იგეთია, მარტო მაგაზე არ გაჩერდებოდა, მაგაი სხვებიც ექნება ეგეთები.

kopeina · Post by **kopeina** » 29 დეკ 2006, 21:57

guruli
უცნაური და ლამაზი ლექსია......
ბახვა ბაიხოიძის გარდამავალი ხასითი სჩანს, ძალიან შეუპოვრად უკომპრომისოდ იწყება და პესიმისტურად მთავრდება.

kotetbeli · Post by **kotetbeli** » 30 დეკ 2006, 13:20

guruli
გაიხარე ეს ლექსი რომ ჩვენამდე მოიტანე!!!
დამბურძგლა!
დაუდგრომლობაზე ჯურხაის ხმალი გამახსენდა:
" მაუვლის ომის წადილი,
ხანდისხან შასძრავს ქარია..." აქაც, kopeina-ს თქმის არ იყოს, სევდა ნარევი ჟინია. ალბათ სევდანარევი ჟინი და სიცოცხლის წყურვილია ქართული ხასიათის "ვიტამინი"

staff · Post by **staff** » 03 იან 2007, 14:11

ესეც ნაღდი თუშური კოტრები

Kakha · Post by **Kakha** » 03 იან 2007, 15:05

staff
იმედია ამ ზაფხულს მაინც მოვახერხებ თუშეთის ნახვას და კოტორების გასინჯავას. ჩემნაირებს იგივეს გისურვებთ და არაჩემნაირებს და თუშეთში ნამყოფებს ხელახლა იქ ასვლას.

kopeina · Post by **kopeina** » 03 იან 2007, 16:15

staff
რა გემრიელად გადაგიღია, ყველანაირ კონტექსტში......
მაგარია კოტორი.....

მესამე სურათი ყველაზე მაგარია, ბოლოში ერბოს წვეთი აკლია და.....

ლობო · Post by **ლობო** » 04 იან 2007, 04:11

kotetbeli
ვახ სურათებში გნახე და შენ ყოფილხარ კაცო? ამას მიმალავდი?

დანარჩენი PM-ში;)

staff · Post by **staff** » 04 იან 2007, 11:14

kopeina
ესეც მაკრატელაზე შემწვარი მწვადი... დეკაზე შემწვარი ცვრიანი მწვადიიიი... ვაახ რომ მახსენდება ტვალები მებნიდება და მუხლები მეკეცება... როდის მოვა გაზაფხული ზაფხული და შემოდგომააა???

staff · Post by **staff** » 04 იან 2007, 11:18

ძალიან დიდი სურათი გამოვიდა რატომ?
http://images.ge/uploads/75fbe0e23e.jpg

Kakha · Post by **Kakha** » 04 იან 2007, 11:39

staff
დააპატარავე მაქსიმუმ 700 პიქსელამდე და ისე ატვირთე. შედი შენს პოსტში და ედიტ-დან გამოცვალე. ზუსტად დაჯდება

staff · Post by **staff** » 04 იან 2007, 15:39

Kakha
დააპატარავე მაქსიმუმ 700 პიქსელამდე და ისე ატვირთe

ხარისხით ის ჯობდა არა???
ხომ კიდევ ეს არის ერბოში შემწვარი მთის ახალი ყველი

ესეც

ეს კიდევ გორდილა - ე.წ. "მოხარშული პური"- ძალიან გემრიელია

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS