თუშური შთაბეჭდილებები

gobe · Post by **gobe** » 23 დეკ 2006, 21:12

Gvalva,
თბილისური ხაჭოსგანაც გამიკეთებია. სხვათაშორის, რამოდენიმე დღით შენახული "თბილისური" ხაჭოსგან უფრო გემრიელი და წელვადი გამოსულა, ვიდრე ახალი "თბილისური" ხაჭოსაგან.
მე რაღაც არ მახსენდება ხავიწის მომწარო გემო.

kopeina · Post by **kopeina** » 23 დეკ 2006, 21:24

ისე ნამდვილი კოტორი თუ იცით როგორ მზადდება?

შემიძლია რეცეპტი გაგიზიაროთ......... და სადმე ლაშქრობაში რომ წავალთ შესაფერ ადგილას, გამოვაცხოთ ყველამ ერთად....... რა მხიარულება იქნება!!!!!!
და მერე ერთადაც მივირთვათ!!!!!

gobe · Post by **gobe** » 23 დეკ 2006, 21:28

kopeina,
საინტერესოა. გამოუშვი რეცეპტი

მადლობლები ვიქნებით!

kopeina · Post by **kopeina** » 23 დეკ 2006, 21:44

კოტორის რეცეპტი........

კოტორისთვის შიგთავსი ადრევე უნდა გამზადდეს. ამისათვის ხაჭო უნდა ჩაიყაროს განიერ ჯამში, დავაყაროთ მარილი, კარგად აურიოთ და დავდგათ. ასე უნდა იდგეს ნახევარი დღე მაინც, რათა შემდეგ კოტორში ყველივით გაიწელოს.

ცომი უნდა მოიზილოს დროჟის გარეშე, მაგარი ცომი. ისე როგორც ხინკლისათვის.

შემდეგ ავიღოთ ცომის გუნდა ჩავდოთ შიგ ხაჭო, მოუკრათ თავი, გავაბრტყელოთ ძალიან თხლად, მივცეთ ხაჭაპურივით მრგვალი ფორმა და შევწვათ ბლომად-ერბოიან ტაფაში. ცომი მაგარი უნდა იყოს რომ არ გაიხეს, რადგან ცომი თხლად უნდა ეკვროდეს შიგთავსს.

გამოიყენება ვარიაციები კოტორის თემაზე, ხაჭოს მაგივრად შეიძლება კარტოფილის პიურე ჩავდოთ შიგნით, ისიც ძალიან გემრიელია, ან აურიოთ ერთმანეთში კარტოფილის პიურე და ხაჭო, ესეც ძალიან გემრიელია... ასევე გემრიელია თუშური ყველის გულიანი კოტორი.......

მთავარია თუშეთი გიყვარდეს და........

აბა რას იტყვით, გამოვაცხოთ კოტორი?

Post by **Gvalva** » 23 დეკ 2006, 22:36

განიერი ჯამი მე მაქვს!!!

kopeina · Post by **kopeina** » 23 დეკ 2006, 23:08

Gvalva
ოოოო, მაშინ გამოგვიცხვია და ეგ არის!!!!!!

guruli · Post by **guruli** » 24 დეკ 2006, 19:47

აუ, აქ თუშეთის თემას რა გემრიელი გაგრძელება მიუღია!..

kotetbeli · Post by **kotetbeli** » 25 დეკ 2006, 00:52

გაიხარეთ!
ეს თემა არათუ უკვდავი, მსხმოიარეც ყოფილა!

კოტორზე ღვინო ჩემია!

guruli · Post by **guruli** » 25 დეკ 2006, 11:40

kotetbeli
ისევ და ისევ ჩემი გამოცდილებიდან გეტყვით - კოტორს ღვინოზე უფრო არაყი უხდება.

თან, ამ ბარში ნამდვილი თუშეთის შეცნობა მიახლოებით მაინც თუ გინდათ, სუფრაზე კოტორთან ერთად ხინკალიც უნდა იყოს. პროსტო ისე, "დლია ვიდა", თორემ ჭამა კი არაა აუცილებელი.

ZVIOSULI · Post by **ZVIOSULI** » 25 დეკ 2006, 12:20

მთელმა ამ საუბრებმა ჭამა-სმაზე და აშ, გამახსენა ჩემი იდეა ავნისშვი რო დამებადა - შემდაგ ლაშქრობაზე ყველა მონაწილეს მიაქვს თან ის რაც თავად დაამზადა, რაიმე თავისი ერთი კერძი. საინტერესო და სახალისო უნდა იყოს, გამარჯვებულიც გამოვავლინოთ და ... გაგრძელება თქვენ მაიფიქრეთ, მე გავჭედე..............

kotetbeli · Post by **kotetbeli** » 26 დეკ 2006, 00:20

guruli
ხოდა მაშინ კოტორზე არაყი ჩემია!

guruli · Post by **guruli** » 26 დეკ 2006, 12:30

kotetbeli
ამ საახალწლოდ ერთი არ წავიქეიფოთ თუშებში - ან ალვანში, ან თბილისში? ოღონდ ეს უფრო ნაახალწლევს თუ იქნება, თორმ შობამდე გურიაში ვიქნები.
გუშინ "კვირის პალიტრის" ნატვრის ბარათებში მარი ბაშინურიძის ბარათიც იყო, რეზოს ნათესავი დიაბეტიანი ბავშვისა, რომელიც კოკლათიდან გეხსომება. საახალწლო ნაძვის ხეს და დიაბეტურ ტკბილეულს ნატრობდა, რაც ახმეტაში არ იშოვებაო. მე გავუგზავნე რაღაცები.
სიტყვამ მოიტანა და კარაველებს ერთი კარგი ტრადიციის დამკვიდრებაც შეგვიძლია - მაგ ნატვრის ბარათებიდან შევარჩიოთ ერთი და ჩვენეული ქველმოქმედებით დავეხმაროთ გაჭირვებულ ბავშვებს. იქ უფროსებიც აგზავნიან ბარათებს, მაგრამ მე ყველაზე მეტად პატარების, ამ ბავშვობაწართმეული ბავშვების ტკივილი მხვდება გულზე. ამას წინათ ხობიდან მამით ობოლი ლტოლვილი ბავშვი წერდა, მე და ჩემი და-ძმები სკოლაში ვერ დავდივართ, რადგან ტანსაცმელი და წიგნები არა გვაქვსო. ამათი მატრაკვეცა მტავრობისა რა ვთქვი, ლტოლვილებს მაინც დაეხმარონ, თუნდაც მინიმალურად, სხვას თუ ვერ გააკეთებენ!

kopeina · Post by **kopeina** » 26 დეკ 2006, 19:02

ნაახალწლევს აუცილებლად ვიქეიფოთ.
მენიუ: კოტორი, ხინკალი, არაყი, თუშური ყველი........
ვინ არის თანახმა?

gobe · Post by **gobe** » 26 დეკ 2006, 19:53

kopeina · Post by **kopeina** » 26 დეკ 2006, 20:18

ეს თუშეთში გადაღებული ფოტოა. მართალია ძველია და თან დასკანირებული, მაგრამ მაინც ფოტოა. მე და ჩემი საყვარელი ცხენი მაკრატელას მთის ფონზე. გადაღებულია სოფელ დანოში.

ხომ ლამაზია მაკრატელას მთა?

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS