თუშეთი 3-11 აგვისტო

Bivrili · Post by **Bivrili** » 11 ოქტ 2009, 21:50

საოცარი თემაა

გული მოგრძნობს კიდევ ბევრ ლამაზ ფოტოს და საინტერესო კომენტარს ვნახავთ

ეს პატარა ლეკვი არ წამოიყვანეთ?
ძალიან მაგარი ვინმე ჩანს

qvevri · Post by **qvevri** » 12 ოქტ 2009, 08:46

კარგი თემაა, სურათების გაგრძელებას ველი.

Bernar · Post by **Bernar** » 12 ოქტ 2009, 12:39

Bivrili, არა ლეკვი არ წამოგვიყვანია, მიუხედავად იმისა, რომ ბევრი იწკმუტუნა როდესაც წამოვედით

Bernar · Post by **Bernar** » 12 ოქტ 2009, 12:58

ლეკვთან თამაშის შემდეგ კესელოს ბილიკს დავადექით:

გზაში აი რა ლამაზი სახლი ვნახეთ: ალბათ ერთერთი სასტუმროა ზემო ომალოში

ესეც კესელოს პირველი კოშკი და დათო მის კარიბჭესთან:

უფრო ახლოს:

ეს უკვე ზედა კოშკებთანაა:
მერაბი (ჩემი ძმა)

და გიორგი:

ეს წითელი სითხე კოშკთან ამოღრუტნულ ქვაში იყო დაგროვებული:

ეს პაწაწინა ყვავილი ძალიან მომეწონა:

Bernar · Post by **Bernar** » 12 ოქტ 2009, 13:10

კესელოზე დიდხანს არ გავჩერებულვართ. ყველა მხარეს ძალიან ლამაზი იყო აქედან გადაშლილი ხედი, მაგრამ დგეს დართლომდე უნდა ჩავსულიყავით და ასე 15 კილომეტრამდე გვქონდა გასავლელი. ამიტომ რამოდენიმე სურათი გადავიღეთ და დაბლა დავეშვით, ზემო ომალოში.

ელგუჯა ბიძია და გიორგი:

გოშა სურათებს იღებს:

საინტერესო და საფრთხილო გადასახედი იყო ამ კლდიდან:

დედაჩემი დაიღალა როგორც ჩანს:

მამაჩემს მოეწონა იქაურობა როგორც ჩანს:

qvevri · Post by **qvevri** » 12 ოქტ 2009, 14:30

Bernar
კოშკებზე პიქტოგრამები არ გადაგიღია? და ქუჩი? (მაგ დროს ყვავის ხოლმე. (მიყვარს ქუჩი))

და პირიმზე? (ეგეც მაგ დროს ყვავის (ეგეც მიყვარს))

Bernar · Post by **Bernar** » 12 ოქტ 2009, 15:10

qvevri
პიქტოგრამები კი ვნახეთ, მაგრამ არ გადაგვიღია (მე ყოველ შემთხვევაში).

აი ყვავილებს რაც შეეხება ისინი ძალიან მიყვარს, მაგრამ როგორც წესი სახელები არ ვიცი

ერთი გვირილას ვცნობ და მემგონი იასაც

qvevri · Post by **qvevri** » 12 ოქტ 2009, 15:37

Bernar
იის ცნობა უბრალო საქმე არ გეგონოს. აი ქალებს ხომ ვითომ უყვართ ია და მაგათი 90% იასა და ენძელას ვერ არჩევს რატომღაც....

Mawieri · Post by **Mawieri** » 12 ოქტ 2009, 21:12

ნახავდა კაცი

Bernar · Post by **Bernar** » 15 ოქტ 2009, 22:26

როდესაც გული ვიჯერეთ კესელოს თვალიერებით, დაბლა, ზურგჩანთებისკენ დავეშვით. იქ კიდევ მოვეფერეთ ლეკვს და გავუყევით გზას. ბევრი იწკმუტუნა ლეკვმა, მაგრამ რა უნდა გვექნა, პატრონს ხომ არ მოვტაცებდით? არადა ძალიან საყვარელი იყო...

მალე მივადექით დაქანებულ ფერდობს, რომელსაც სამანქანო გზა გვერდს უვლიდა. ჩვენ მოკლეზე ჩავჭერით ბილიკით და შესაბამისად დროც მოვიგეთ.

აი გიო და გოშა ბილიკს მიუყვებიან:

ეს ყვავილიც მომეწონა:

როდესაც იმ ადგილას მივედით საიდანაც სამანქანო გზიდან უნდა გადაგვეხვია, დასასვენებლად ჩამოვჯექით. მალე დედაჩემი ტყეში შევიდა და ცოტა ხანში დამიძახა: მოდი ეს რა კენკრააოო. მივედი და რას ვხედავ: ტყის მარწყვითაა მოფენილი იქაურობა!!!
მივადექით, მაგრამ რა მივადექით მარწყვს: მართლა ძალიან გემრიელი იყო!

Bernar · Post by **Bernar** » 15 ოქტ 2009, 22:39

როგორც იქნა ვიჯერეთ გული მარწყვით და გავაგრძელეთ გზა. ეხლა უკვე ფერდობზე მივყვებოდით ბილიკს: ნელა და დინჯად.

როცა ცოტა სიმაღლე ავიღეთ უკან მოვიხედეთ და ომალოს "ზურგი" დავინახეთ:

ეს უკვე კესელოა: აქედან კარგად ჩანს თუ რა სტრატეგიულ ადგილას აუგიათ თუშების წინაპრებს კოშკები

ნელ-ნელა ვუახლოვდებოდით იმ ადგილს, საიდანაც დართლოსკენ უნდა დავშვებულიყავით: ანუ პირიქეთის და გომეწრის ხეობების გამყოფი ქედის თავზე. გზაში პეპლებიც გვხვდებოდნენ და ლამაზი ყვავილებიც:

Bernar · Post by **Bernar** » 15 ოქტ 2009, 23:04

როცა ბილიკმა გავაკება დაიწყო მივხვდით, რომ ახლოს ვიყავით ზემოთხსენებულ ადგილთან და დასასვენებლად ჩამოვჯექით.

გიორგიმ წაქცეული ხე დაინახა და ეგრევე შემოახტა:

ამ სურათებში გვეტყობა რომ ცოტა დაგვღალა აღმართებმა:

ელგუჯა ბიძია ისვენებს

აქ ჩვენ ვისვენებთ:

მამაჩემი რაღაცას აკვირდება:

გიორგის მობეზრდა ეტყობა ხეზე ხტომიალი:

დათო კიდე სოკოს დაეძებდა რათა საღამოს გემრიელად გვევახშმა:

ამათ რაღაც დაღლა არ ეტყობათ

guruli · Post by **guruli** » 18 ოქტ 2009, 00:29

Bernar - კიდევ გექნება ფოტოები და დადე, რაღას ელოდები.

ის, რასაც შენ თუშეთის ალაზანს უწოდებ, თუშებისთვის გოიმეწრის ალაზანია. ეგაა გომეწრის ხეობა.
ბოლო ფოტოებში სადაც ისვენებთ, მაქვე ახლოსაა "თუშეთის პარლამენტი", სადაც ოთხივე თემის თავი კაცები იკრიბებოდნენ და ბჭობდნენ, მანდ ერთხელ ერეკლე მეფეც ყოფილა ასული.
ეგ ადგილი, სადაც ისვენებთ, ძალიან მიყვარს - საკაიფოდ გრილი ტყეა.

Bernar · Post by **Bernar** » 21 ოქტ 2009, 19:32

პირველ რიგში ბოდიშს მოგიხდით ასე ნაწყვეტ-ნაწყვეტ რომ ვყვები, მაგრამ რა ვაქნა: როცა ვახერხებ მოცლას მაშინ ვაგრძელებ ხოლმე რეპორტაჟს.

შესვენების შემდგომ მალევე შევუერთდით სამანქანო გზას და გზამაც მალევე მიგვიყვანა ხეობების გამყოფი ქედის წვერამდე. აქედან დართლომდე უკვე სულ დაღმართები გველოდა

ეს უკვე კარგის ნიშანი იყო.

ამასობაში მზიანი დილის მიუხედავად საკმაოდ მოიღრუბლა და ცივმა ქარმაც წამოუბერა.

ჩვენც ფეხი ავაჩქარეთ: გვინდოდა გაწვიმებამდე ჩავსულიყავით დართლოში და კარვები გაგვეშალა.

მიუხედავად დაღმართისა გზა მაინც საკმაოდ გაიწელა. ასე რომ ასე 2 საათი დაგვჭირდა იმ დაღმართის ჩასავლელად და დართლოში ჩასასვლელად.

ძალიან ლამაზია დართლო. ბევრი მას თუშეთის ულამაზეს სოფლადაც მიიჩნევს და ჩემი აზრით საფუძვლიანადაც:
უკან და მაღლა კვავლო მოჩანს

ეს პირიქეთის ალაზნის ხეობა ზემოთ: ფარსმა-გირევისაკენ

კარვები იქვე გზის პირიდან ოდნავ მაღლა გავშალეთ. მალე ცეცხლიც აგუზგუზდა და სადილის სუნიც დატრიალდა:

აქ გიო დართლოს ფონზე:

სადილის შემდეგ სხვადასხვა თამაშებით გავერთეთ და როცა დაღამდა ძილს მივეცით თავი: მომდევნო დღეს დანოს, დართლოს და კვავლოს დათვალიერება გვქონდა დაგეგმილი.

Bernar · Post by **Bernar** » 21 ოქტ 2009, 20:03

გათენდა მომდევნო დილაც. წლევანდელი ზაფხულის გადამკიდე ფრთხილად გავიხედე გარეთ და ჩემდა გასახარად ცა მოკრიალებული იყო!
თამამად გამოვძვერი კარვიდან და ეს ფოტო გადავიღე:

მამაჩემი უკვე გაღვიძებული იყო და ცეცხლის დანთებას ცდილობდა. ამ მცდელობის შედეგია ეს ბოლი ხეობაში

ცეცხლი რომ დაინთო წყალიც მალე ადუღდა და ჩაიც მალე გამზადდა. ასე ერთ საათში უკვე ყველანი ცხელ ჩაის შევექცეოდით.
დამავიწყდა მეთქვა, რომ იმ დღეს როცა ომალოში დავბანაკდით, გიოს დედა, ძმა და და ჩვენმა მძღოლმა დართლომდე ჩაიყვანა, საიდანაც ისინი დანოში ავიდნენ ნათესავებთან. ამ დღეს ჩვენც მათთან უნდა ავსულიყავით და თან სოფელი დანო დაგვეთვალიერებინა.

ის-ის იყო საუზმე მოვამთავრეთ, რომ გიოს ძმამ ირაკლიმ ცხენით ჩამოგვაკითხა დართლოში. ეს გიოა სწორედ იმ ცხენზე:

გიოს მერე ელგუჯა ბიძიამაც ისეირნა ცხენით, დედაჩემსაც უნდოდა, მაგრამ ჩვენ არ დავანებეთ: ცოტა ურჩი ცხენი იყო და იმიტომ.

ასე და ამგვარად გავემართეთ დანოსკენ. წინ აღმართები გველოდა, თუმცა არც ისე გრძელი.

ეს უკან დართლო ჩანს: აქედან დანახულიც ლამაზია

აქ დათო და ელგუჯა ბიძია არიან უკან, ხოლო სულ ბოლოში წერტილებად დედაჩემი და მამაჩემი ჩანან

პირიქეთა ალაზნის ხეობა:

ეს ფარსმა-გირევისაკენ

ესეც ხეობის პანორამა:

ლამაზი იყო როდესაც ზემოდან დასცქეროდი ხეობას: აქეთ ფერდობზე კოხტა სოფლებს, ხოლო იქით ფერდობზე ფიჭვნარს, თეთრ და წვრილ ნაკადულებს, შემორჩენილ მყინვარებს და მთების დაღარულ კალთებს.

ყვავილები რა თქმა უნდა აქაც ძალიან ლამაზი იყო:

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS