ევროტური

MIRANDA · Post by **MIRANDA** » 04 სექ 2008, 05:18

ნელ-ნელა განვაგრძე გზა და აი აქ ამოვყავი თავი:

დავხედე რუკას. რუკის მიხედვით ის რაც ამ ფოტოს უკანა ფონზეა Prazsky Hrad ანუ პრაღის ციხე (ან პრაღის სასახლე) უნდა ყოფილიყო... გადავწყვიტე ცოტა შემესვენა.. ეს შესვენება დაახლოებით ნახევარ საათიანი გამომივიდა.. იმდენად კმაყოფილი ვიყავი მიღწეულით, რომ გადავწყვიტე, რომ დასვენება მეკუთვნოდა... არადა ამ დროისთვის სულ რაღაც დღის 3 საათი იყო

P.S. მოედნის ცენტრში რომ მონუმენტი ჩანს სინამდვილეში შადრევანი იყო. წარწერა ვერ ვნახე (თუ ვერ წავიკითხე, აღარ მახსოვს), ამიტომაც არ ვიცი რაიმე ისტორია თუ აქვს ამ შადრევანს, ერთი ის ვიცი, რომ სადღაც ახლოს წესით ჩეხეთის პარლამენტიც უნდა ყოფილიყო, მაგრამ ეს მოგვიანებით აღმოვაჩინე (რუკის დახმარებით).

მოკლედ, ნახევარ საათიანი შესვენების შემდეგ გზა განვაგრძე პრაღის ციხის მიმართულებით...

MIRANDA · Post by **MIRANDA** » 04 სექ 2008, 05:29

ბევრი ვიარე, თუ ცოტა ვიარე, მივადექი ერთ აღმართს, საიდანაც ქალაქზე ასეთი ხედი იშლებოდა (ეკლესია, რომელიც ამ ფოტოზე მოჩანს (მწვანე ფერის გუმბათით) წმინდა ნიკოლოზის სახელობის ეკლესიაა):

ეს კი ერთ-ერთი სახლის სახურავზე მდებარე რესტორანჩიკია:

MIRANDA · Post by **MIRANDA** » 04 სექ 2008, 05:29

ამ აღმართის ბოლოს მარჯვნივ არის პრაღის ციხის მისადგომები...

MIRANDA · Post by **MIRANDA** » 04 სექ 2008, 05:33

მარცხნივ კი ჩეხოსლოვაკიის პირველი პრეზიდენტის, ტომაშ მასარიკის (იგივე TGM-ის) ძეგლი დგას:

MIRANDA · Post by **MIRANDA** » 04 სექ 2008, 05:45

პრაღის ციხის (სასახლის) შესასვლელში არის მთელი ციხის (სასახლის) გეგმა (ეს ისე, სხვათაშორის

) :

ჭიშკარში რომ შევედი მარცხნივ დავინახე თეთრი ქვებით მოფენილი ბაღი და იქითკენ წავედი... რამდენიმე მეტრი გავიარე და უკან მოვბრუნდი და უცებ შევხტი შიშისგან... არ ვიცი ასე უცებ და ასე ჩუმად საიდან გაჩნდნენ, მაგრამ როცა შემოვტრიალდი ესენი დავინახე. მობილურის ფოტოაპარატი ჩართული მქონდა უკვე, თორემ ისე სწრაფად მოდიოდნენ ჩართვას და გადაღებას ვერც მოვასწრებდი..

სავარაუდოდ სასახლის საპატიო ყარაულები არიან:

MIRANDA · Post by **MIRANDA** » 04 სექ 2008, 05:52

ესეც პრაღის ციხის ერთ-ერთი ფრაგმენტი, ფონად წმინდა ვიტუსის კათედრალია, რომელიც ჩემთვის ყველაზე შთამბეჭდავი იყო სასახლის შემადგენლობაში:

ეს კი თავად წმინდა ვიტუსის (St. Vitus) კათედრალი (ზედა ნაწილი)...

... და ქვედა ნაწილი:

MIRANDA · Post by **MIRANDA** » 04 სექ 2008, 05:59

რამდენიმე ფოტო კათედრალშიც გადავიღე, მაგრამ მობილურმა პროტესტი გამოთქვა, ამდენს რომ მამუშავებ, ცოტა პირობებიც შემიქმენი, ხომ იცი, რომ ყველგან ვერ ვიღებო... ასეთ განათებაში როგორ გინდა კარგი ფოტოები გამოვიყვანოო... ფოტოაპარატი კი არ ვარო

ასე, რომ ძალიან ნუ გამაკრიტიკებთ ამ ფოტოებისთვის.. P.S. მინები იყო ულამაზესი ფერის, მაგრამ საერთოდ არ ჩანს ამ ფოტოებში:

MIRANDA · Post by **MIRANDA** » 04 სექ 2008, 06:01

ესეც კათედრალის გეგმა

:

MIRANDA · Post by **MIRANDA** » 04 სექ 2008, 06:04

შემდეგ ისევ გარეთ გამოვედი... და ციხის (სასახლის) შემადგენლობაში შემავალ სხვადასხვა ეკლესიებს, კათედრალებს და შენობებს გადავუღე სურათი:

წმ. გიორგის მონუმენტი სასახლის ეზოში:

MIRANDA · Post by **MIRANDA** » 04 სექ 2008, 06:08

MIRANDA · Post by **MIRANDA** » 04 სექ 2008, 06:10

წმინდა გიორგის ბაზილიკა (ეკლესია და მონასტერი):

MIRANDA · Post by **MIRANDA** » 04 სექ 2008, 06:12

ჩემი ანარეკლი პრაღის სასახლის ისტორიაში...

რა ხმამაღლა ჟღერს??!

MIRANDA · Post by **MIRANDA** » 04 სექ 2008, 06:19

პრაღის სასახლის შემადგენლობაში შემავალი ღვთისმშობლის ეკლესიის ნანგრევები:

ეს ეკლესია, რომელიც პრაღის სასახლეში მდებარე უძველესი ეკლესია და მთელს ბოჰემიაში სიძველით მეორეა, აშენდა 882-84 წლებში, პრინც ბორივოი I-ის სურვილით. X საუკუნეში აქ მეფე-დედოფალი დაკრძალეს (მეფე-დედოფლის სახელი არ მახსოვს). XI საუკუნეში ეკლესიას რეკონსტრუქცია ჩაუტარდა, მაგრამ XIII საუკუნეში ეკლესია მთლიანად გაანადგურა ხანძარმა...

უიიიი.. ეხლა დავინახე... ბოლო ფოტოზე იმ მეფის სახელი ჩანს, რომელიც ეკლესიაში არის დაკრძალული... რა მნიშვნელობა აქვს, მაგრამ მაინც

MIRANDA · Post by **MIRANDA** » 04 სექ 2008, 06:36

მოკლე ისტორია პრაღის ციხის (სასახლის) შესახებ:
პრაღის სასახლეს (იგივე პრაღის ციხეს) საფუძველი ჩაეყარა IX საუკუნეში, მას შემდეგ იგი განუწყვეტლივ ვითარდებოდა XI საუკუნის ბოლომდე. თავდაპირველად სასახლე სამეფო რეზიდენცია იყო, სადაც ბოჰემიის მეფეები და პრინცები ცხოვრობდნენ, მოგვიანებით კი, უფრო ზუსტად კი XX საუკუნის დასაწყისში, სასახლე რესპუბლიკის პრეზიდენტის რეზიდენცია გახდა.
სასახლის შემადგენლობაში არის: ძველი სამეფო სასახლე, წმინდა ვიტუსის, წმინდა ვენცესლასის და წმინდა ადალბერტის კათედრალები, წმინდა გიორგის ბაზილიკა, მიჰულკას სათვალთვალო კოშკი (თუ სწორად ვთარგმნე), ოქროს ბილიკი, სამეფო ბაღი და დედოფალი ანას საზაფხულო სახლი. ეს არასრული ჩამონათვალია, პრაღის ციხის ტერიტორიაზე გაცილებით მეტი მნიშვნელოვანი შენობაა.

პრაღის ციხე არის ყველაზე დიდი ციხე მსოფლიოში. იგი გინესის რეკორდებშიც არის შეტანილი. მისი სიგრძე არის 570 მეტრი, ხოლო სიგანე - 130 მეტრი.

და ბოლოს, პრაღის ციხე UNESCO-ს მსოფლიო მემკვიდრეობის სიაშია შეტანილი.

MIRANDA · Post by **MIRANDA** » 04 სექ 2008, 06:54

Prazsky Hrad-იდან უკან რომ ვბრუნდებოდი ეს ნიშანი შევნიშნე გზის ნაპირზე და ფოტო გადავუღე.. იმის მერე ასეთი ბევრი შემხვდა ძალიან.. ეს ნიშანი გეხმარებოდა ოქროს პრაღამდე მისულიყავი... ასფალტში კარგად ჩასული იყო და ძალიან საყვარლად გამოიყურებოდა:

SILVER LINE

GOLNDEN PRAGUE

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS