კვლავ ლექსებს დაგიწერ ანუ მეწერება და რა ვქნა

ნინი_85 · Post by **ნინი_85** » 12 მარ 2008, 18:52

(ყავილების ღამე...)

-ყავილების ღამე
საიდუმლოს მქონე,
ქალბატონო ანა,
აღარ გახსოვთ, მგონი...
მობრიალე სანთლებს
გზაი ჰქონდათ შორი...
ქალბატონო ანა,
დაგავიწყდით, თორემ...
მაშ... დუმილი რაა
ხანგრძლივი და მწველი?
- გულგატეხისაგან
დამცველია ჩემი!
- ძველ ციხეზე მაღლა,
თეთრ ღრუბელთა ბოლოთ,
არ ავიდეთ?
დიახ,
გაზაფხულზე მხოლოდ!

ანა კალანდაძე
1965

ნინი_85 · Post by **ნინი_85** » 12 მარ 2008, 18:53

(შენ ისე ღრმა ხარ..).

შენ ისე ღრმა ხარ, ქართულო ცაო,
შენ ისე ღრა ხარâ€¦
სამკვიდრო შენს ქვეშ მტრად შემოსულმა
ვერავინ ნახა:
ვერცა ოსმალომ, ვერცა მონღოლმა
და ვერცა სპარსმაâ€¦
შენი დიდების მომღერალია
ოშკი და ზარზმა,
ბებერი ტაოâ€¦
შენ ისე ღრმა ხარ, ისე ფაქიზი,
ქართულო ცაოâ€¦

ანა კალანდაძე
1945

legenda · Post by **legenda** » 13 მარ 2008, 14:08

*

დამისხი ღვინო - გულის ღონე და სულის ძალა,
გინდაც რომ თავი დამიმძიმოს - მსუბუქი არის.
თასით ამივსე ხელისგული! საწუთრო - ხედავ?
ულმობელია, ვით უდაბნოს სასტიკი ქარი.

ომარ ხაიამი

legenda · Post by **legenda** » 13 მარ 2008, 16:22

.... თუკი შენს ძახილს არვინ გაიგებს,
გულს ნუ გაიტეხ, უვალ გზაზე მარტო გასწიე.
თუკი ჯაბანნი, შიშმორეულნი, პირუმტკიცოდ ზურგს შეგაქცევენ,
გახსენ გული და იდუმალი თავად სთქვი სიტყვა.
თუკი გულადიც უკან დაიხევს,
თუკი ძნელ გზაზე ხელს არავინ შემოგაშველებს,
შეუპოვარმა, უვალ გზაზე მარტო გასწიე.
თუკი წყვდიადი მოიცავს ყოველს,
თუკი ავდარში თავშესაფარს არავინ მოგცემს,
ელვით აინთე გულისგული,
შეუპოვარმა უვალ გზაზე მარტო გასწიე.

...........

ნინი_85 · Post by **ნინი_85** » 14 მარ 2008, 07:01

მსუბუქი ტანი გაქვს, სურვილს აყოლილი,
ნეტა შენ...
არ ვგავართ ერთმანეთს
მე და შენ...
ქარს გინდა რომ აჰყვე
და სივრცეს სულ ევლო?
დედიკოს არ მოსწყდე,
დაჭკნები, სულელო....

მირზა გელოვანი

ლობო · Post by **ლობო** » 14 მარ 2008, 07:34

ნინი_85
gatendadaizine : )

chuna · Post by **chuna** » 14 მარ 2008, 08:47

ხალხო! რა პოეზია გაგისკდათ!!!!!!!!!!!!!!!!! გათენდა, მართლა!
საკუთარ ლექსებს მაინც დებდეთ?!
ღამეს შეიძლება ლექსის წერაში ათენებდე

და არა გადმოწერაში!

საყვარელი ლექსიც შეიძლება რამდენიმე გქონდეს..............

ნინი_85 · Post by **ნინი_85** » 14 მარ 2008, 08:56

chuna

aris ufroso

legenda · Post by **legenda** » 14 მარ 2008, 12:41

მიყვარხარ

მიყვარხარ ძლიერ....ძლიერ...
რაც გადის დრო და ხანი,
მე უფრო მეტად მიყვარს
შენი პატარა ტანი.

შენი შავი თმის ბუჩქი,
ეგ თეთრი შუბლის სერი,
თვალები გიშრისფერი,
ლოყები ვარდისფერი.

შენი თითები მიყვარს
ორი პატარა თათი,
ო, იცი როგორ მიყვარს
ოდნავ შეხებაც მათი,

ო, იცი როგორ მიყვარს
გამოუთქმელი ენით?_
შენი გრძნობების სიღრმე,
სულის სიმაღლე შენი.

მე დარდიც მიყვარს შენი,
შენი ღიმილიც ფართო,
მე ცრემლიც მიყვარს შენი,
შენი კისკისიც მართობს.

მე შუქი მიყვარს შენი,
რა არის მისი ფასი!
მე ჩრდილიც მიყვარს შენი,
მზის დაბნელების მსგავსი.

მიყვარხარ ძლიერ...ძლიერ...
მწვავს შენი ტრფობის ალი,
მიყვარხარ ძლიერ...ძლიერ...
მთელი გრძნობით და ძალით.

მთელი სამყარო ვრცელი
შენით არსებობს ჩემთვის,
რაზეც კი ვფიქრობ, ყველა
ფიქრს შენზე ფიქრი ერთვის.

ძილში ჩემთან ხარ სიზმრად,
ფიქრში ჩემთან ხარ დღისით.
გულის ძგერის ხმა მესმის_
შენი ხმა არის ისიც.

შენთვის მივწვდები მწვერვალს,
დიდების ყველა მნათობს,
დიდებას დავთმობ შენთვის,
შენთვის მწვერვალებს დავთმობ.

შენი ოცნებით ვხარობ,
შენს დარდს ვატარებ დარდად,
მე სხვა სურვილი არ მაქვს,
შენი სურვილის გარდა.

მსხვერპლი ყველაზე დიდი,
მე მეჩვენება მცირედ,
რადგან შენ გსურდა იგი,
რადგან შენ შემოგწირე.

შენს მცირეოდენ წყენას,
სულ უმნიშვნელო წვრილმანს,
სდევს ჩემი სევდა დიდი,
ჩემი ცრემლების წვიმა.

მიყვარხარ ძლიერ....ძლიერ
მიყვარხარ ცხადად, მალვით,
როგორც აროდეს არვინ
არ ჰყვარებია არვის.

ეს სიკვდილს უდრის თითქმის,
ეს შეუძლოა თითქმის,
შენ ერთს გეკუთვნის ყველა,
რაც სიყვარულად ითქმის:

ძმაც ვარ, სატრფოც ვარ შენი,
მამაც, დაო და დედავ,
მე შეყვარებულს ყველას
შენს სახებაში ვხედავ.

სატრფოვ, შვილო და დედავ,
ჩემო ძვირფასო ცოლო,
ყველას მაგივრად, ერთად,
მე შენ მიყვარხარ მხოლოდ.

რა მაბადია ქვეყნად
ამ სიყვარულზე კარგი,
ძლიერ მიყვარხარ, ძლიერ,
ვარ შენი ტრფობის შმაგი.

თუ ტრფობისათვის რამე
ჯილდო იქნება ბოლოს,
ის შენ გეკუთვნის მარტო,
ის შენ გეკუთვნის მხოლოდ.

ნაყოფი მისი არი,
ვინც ნორჩი ნერგი დარგო,
ეს სიყვარული დიდი
შენ შემასწავლე კარგო.

შანდორ პეტეფი

SHORENA · Post by **SHORENA** » 14 მარ 2008, 13:11

legenda wrote:*

დამისხი ღვინო - გულის ღონე და სულის ძალა,
გინდაც რომ თავი დამიმძიმოს - მსუბუქი არის.
თასით ამივსე ხელისგული! საწუთრო - ხედავ?
ულმობელია, ვით უდაბნოს სასტიკი ქარი.

ომარ ხაიამი

" დოქი წყაროა, ღვინის ლალი დუღს და მეტია,
ღვინო სულია, ჯამის ტანში ვერ დაეტია,
ღვინით მღიმარი ბროლის თასი განა რა არის?
ნაწამებ გულის სისხლნარევი ცრემლის წვეთია.”

/ომარ ხაიმი/

გურამ საღარაძის წაკითხული შანდორ პეტეფის ”მიყვარხარ” მეც ძალიან მიყვარს

ketuna4 · Post by **ketuna4** » 14 მარ 2008, 16:41

legenda

ვგიჯდებიიიიიიი ისე მიყვარს

ლობო · Post by **ლობო** » 15 მარ 2008, 05:11

ara is leqsi mainc sul shvaa

lama · Post by **lama** » 19 მარ 2008, 09:29

ეძღვნება ......-სა და ყველა კარ(ა)ველს

კაცი და ქალი

თებერვლის ცივი, ქარიანი წვიმის შემდეგ (ქარი კვლავაც ქრის), საღამო ხანს სველ ბინდში, რბილად გადაგუებული გორაკის ფერდობს ნელ-ნელა ასდევს ბალანჩამოძენძილი გამხდარი მელა. წავა, ჩრდილივით უხმოდ გაძვრება ჩაშავებულ ძეძვებსა და ურო ბალახის ბღუჯებს შორის, შეჩერდება, აზუზული მოხედავს ქარსა და ჰორიზონტზე დახვავებულ ამღერებულ ღრუბლებს, უწადინოდ დააღებს პირს და ამოიხავლებს:

-- ბჰა!

წავა, ქარი წააგვერდელებს, გაძვრება ძეძვებს შორის, ისევ შეჩერდება, ისევ მოიხედავს და მოიხავლებს საბრალობლად:

-- ბჰაა! ბჰაა!

კაცი და ქალი ერთმანეთს მიჰკვრიან და სუნთქვაშეკრულნი უყურებენ.

კაცმა თქვა:

-- შია.

ოჰ, რას ამბობ! - უკმაყოფილოა ქალი, - მარტოა და გუნება სტკივა.

რევაზ ინანიშვილი

Monadire · Post by **Monadire** » 19 მარ 2008, 09:59

შავ ღვინოში ალუბლები ბანაობენ,
ეგ ტუჩები დასალევად მენანება,
ბილიკებად ჩამოყრილი შენი თმები
გზას მიბნევს და ეგ სიბრმავე მენატრება

meore monadire · Post by **meore monadire** » 19 მარ 2008, 13:06

ქარაფებთან გავლა

დელგმის დარად დარიალში ვიჭრები,
მივქრი ჯიქურ და პირქარიც მჭექარობს,
ქარაფებში ირხევიან ფიჭვები,
შენს მიმოხვრას მაგონებენ, მზექალო!

თერგის დენას დაღვრემილი დავცქერი,
ჩემი გული განა მისებრ კისკასობს.
ქარაფიდან მოჩქრიალებს ჩანჩქერი,
მყის შენს სიცილს მომაგონებს, ძვირფასო!

მივქრი ჯიქურ და ფიფქისგან მოვერცხლილს-
შორ მწვერვალებს ჩემს ტრფობაზე შევგალობ.
ქუფრ ქარაფში ქუჩი ქოჩორს ივარცხნის,
შენი თმები მაგონდება, მზექალო!

გაბრიელ ჯაბუშანური

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS