კვლავ ლექსებს დაგიწერ ანუ მეწერება და რა ვქნა

namcecuna · Post by **namcecuna** » 09 ოქტ 2008, 20:36

ნინი_85

ვახ!

chuna

რა კარგი აზრია, უახლოეს ორდღიანი გასვლის დროს შეიძლება...

ზეპირად რაც არ ვიცით-კითხვით არ შეიძლება ?

ნინი_85 · Post by **ნინი_85** » 09 ოქტ 2008, 22:31

namcecuna

ეს ღამე ჩემია,
ფიქრიან ფერიას
მთვარემ, წამწამებზე მძივები დაჰკიდა.
ის გზა რა ფერია,
სადაც არ გელიან;
სადაც პაემანი ქარივით გაფრინდა.
იქ, ახლოს გემია,
მასზე მისტერიამ
ტალღას მოჰქაჩა და ხელები ჩაჰკიდა,
სადღაც ედემია...
ფიქრობდა ფერია,
მანამ მარგალიტებს ზღვის ფსკერზე დაყრიდა.
ცა ბინდისფერია,
ვარსკვლავის ჯერია
გემბანზე ზღაპრები დაყაროს მაღლიდან.
ეს ღამე ჩემია...
ფიქრობდა ფერია
თუმცა, პაემანი ქარივით გაფრინდა.

თეკლე ბატონიშვილი

Mta Mkvarebia · Post by **Mta Mkvarebia** » 09 ოქტ 2008, 22:45

ნინი_85

მალე თეკლეს ახალი წიგნი გამოვა

ნინი_85 · Post by **ნინი_85** » 10 ოქტ 2008, 22:03

გაჩერება

მე ჩავიცვამ ფოთოლცვენის კაბას,
მერე, ჩუმად გამოგყვები სახლში,
გადავწმინდავ მტვრიან ფანჯრის რაფას,
ჩავრგავ გრძნობას, პაწაწინა ბაღში.

მოგიდუღებ გარიჟრაჟის ფაფას,
ზედ დაგაფენ გიშრის დალალს გაშლილს,
დაგილაგებ აზრებს, როგორც ჩანთას,
გაგფრენია შემოდგომის ქარში.

დილით, შენი გული ხელით დამაქვს,
სკდება ვნება აზვირთებულ ტანში,
უსასრულოდ დარდიანი გზა მაქვს
გაჩერება! შენთან მოვალ სახლში

თეკლე ბატონიშვილი

ele · Post by **ele** » 12 ოქტ 2008, 22:28

წამყე ბეთანიისაკენ. იქ, სადღაცა, ახლომახლო,

იყო ორბელიანების

და ირაკლის სამოსახლო.

გზაზე, სადაც ცაცხვებია და მუხნარი უმეტესი,

არსად ქვეყნად არ მინახავს

ადგილები უკეთესი!

ადგილები, ასე მშვენი ვარდისაგან, იისაგან...

სანადირო ადგილები...

წამყე ბეთანიისაკენ!

მოდი, სადმე უდაბური ვპოვოთ კუთხე ქედმომაღლო,

გადმოვხედოთ მაღლით თბილისს -

მე აქ უნდა დავესახლო!

წამყე ბეთანიისაკენ! იქ, სადღაცა, ახლომახლო,

იყო ორბელიანების

და ირაკლის სამოსახლო

გალაკტიონ ტაბიძე

namcecuna · Post by **namcecuna** » 14 ოქტ 2008, 00:55

" დრო დოლაბივით ყველაფერს არ ფქვავს,
სიცოცხლე მაინც ხელიდან მიგვდის,-
ეს შემოდგომა არ ნიშნავს ზამთარს,
ეს გარინდება არ ნიშნავს სიკვდილს...
...ფიქრი თოვლივით ადნება საფლავს,
დგება საღამო ხავსივით ჩუმი,-
ეს გადარევა სიგიჟეს არ ჰგავს,
არც ეს სიჩუმე არ ნიშნავს დუმილს..."

perwkli · Post by **perwkli** » 14 ოქტ 2008, 01:03

თქვენ ერთად დგახართ,
ხოლო როდესაც მე მოვდივარ,
ჩვენ ვდგავართ მერე.
მე მივდივარ და ისევ თქვენ რჩებით.

თქვენ, რამდენიც არ უნდა იყოთ
მე თუ მოვედი
თქვენ ვეღარ დგახართ
მერე ჩვენ ვდგებით.

და უფრო მეტიც, როდესაც დგანან ხოლმე ისინი
მე მათთან მივდივარ,
და მაინც ჩვენ ვდგავართ.

ასე თანდათან ვაცნობიერებ
ჩემს ზებუნებრივ შესაძლებლობებს.

და რა საოცარია,
როდესაც ის იღიმის
მე კი შემიძლია მივიდე მასთან და
გამოვიყვანო,
რომ ჩვენგან ერთ-ერთი იღიმის.
განწყობებს ასე თავად ვირჩევ
ჩვენ ხომ, ასეთი გადამდებია.
უცნაურია რომ მე ჩვენ შემიძლია.
და შემიძლია, ეს მარტივად და
ყოველგვარი ზედმეტი ძალისხმევის გარეშე.

namcecuna · Post by **namcecuna** » 14 ოქტ 2008, 01:10

თავი მომაბეზრა ძველმა სიზმარმა

ზღაპრულ სასახლის ვხედავ ნამსხვრევებს,

გადამავიწყდა როგორ მიყვარდა,-

რა გამახსენებს...

ele · Post by **ele** » 14 ოქტ 2008, 02:00

" წკრიალა ზარები, წკრიალა ზარები,
ძველი წერილები დღეს ჩემთან არიან,
მთვარის ცის სხივებში მე გავებანები
და მოგელოდები, თავადო დარიან.

ჩვენი მზე წარსული, სილურჯე მთვარისა,
ყოველი დაბრუნდა და არის სიმწარე,
მე ერთხელ ჩამოგცდი ცისფერი დარდითა,
უფალო მაღალო, ორივე გვიფარე.

მე მუდამ ვარ ჩუმი, არიან წამები,
როდესაც მოდიან და ვხვდები ალებით,
მე ცოტას მიცნობენ, მე ვარ სხვანაირი
ხელებზე მკოცნიან, ყველა, დავალებით.

ძვირფასო თავადო, წახვედი შორს ჩემგან,
ძველი წერილები დღეს ჩემთან არიან,
წკრიალა ზარების ხმაური დამჩემდა
ძვირფასო, მოგელი თავადო დარიან."

ელენე დარიანი

doctor ako · Post by **doctor ako** » 16 ოქტ 2008, 23:38

ხომ ვთქვი აქ "კარავში" ქართული სული ტრიალებსმეთქი,ეს გვერდი ამ წუთებში აღმოვაჩინე...
პოეზია რომ უყვართ და ესმით,მე მათ შორის ბოლო რიგში დავდგები.
არის ლექსები, რომლებიც "ჩემეულნი" არიან, მთელი სულით და გულით შესისხლხორცებული მაქვს,მუსიკაა სულის ერთგვარი და აღმაფრენა

ტერენტი გრანელი

ეს დღე

"ისევ მარტო ვარ,ირგვლივ ქარია,
გრიგალი მისდევს ოცნების ხომალდს.
ეს დღე ზვირფასო! სხვა სიზმარია,
ეს დღე რომელიც გავს შემოდგომას.

ისევ სიცოცხლე, სიკვდილი არ მსურს,
და წმინდა გული მე შენთან მომაქვს.
ეს დღე მაგონებს შორეულ წარსულს,
ეს დღე რომელიც გავს შემოდგომას...”

...

...

...

namcecuna · Post by **namcecuna** » 16 ოქტ 2008, 23:57

* * *

საჩუქრად
ოქროსფერმა
დღეებმა
იკრიალეს...
არის ილუზია: ისეთი საღამოა,_
ზამთარი
საერთოდ
საერთოდ
აღარ მოვა...
ღმერთო, მაპატიე, - ჭმუნვა გამიქარდა?
რაღაც-
მიხარია,
რაღაც
გამიხარდა.

meore monadire · Post by **meore monadire** » 17 ოქტ 2008, 00:57

<< მე თვითონ მივხვდი , მივხვდი და ვყვები ,
რომ დღევანდელი დასრულდეს დღესვე ,
ანდა რა უნდა მოსთხოვო ვნებებს ,
რომლებმაც ყველა სასმისი შესვეს .

შესვეს და დათვრნენ და კვლავ ჰგონიათ ,
რომ პირვანდელი ძალით ღელავენ ,
მე კი ვერაფრით ვერ მიპოვნია
სიტყვა , რომელიც ახსნის ყველაფერს . >>

ნინი_85 · Post by **ნინი_85** » 17 ოქტ 2008, 22:04

მე მინდა რაღაც ახალი
და რაღაც უფრო სხვა...
ცა მინდა უფრო მაღალი
და უფრო ვრცელი _ ზღვა...

ნურც ცა იქნება მაღალი,
ნურც უფრო ვრცელი _ ზღვა,
ოღონდ რაიმე ახალი,
ოღონდ რაიმე სხვა.

ვახუშტი კოტეტიშვილი.

ele · Post by **ele** » 18 ოქტ 2008, 00:14

ანდუყაფარო,
ლიპარიტო, -
დარნო მთათანო,
ბაგრატოვანთა ბანოვანის ტანო-ტატანო,
ბიჭო სესეო,
თოთიკაანთ ქალო მელანო,
ვაჟას არწივო,
შოთას ვეფხვო,
ტატოს მერანო;

ბზიფო,
ენგურო,
ალაზანო,
მტკვარო,
იორო,
აგერ ახლახანს გარდაცვლილო გალაკტიონო;
ქინძმარაულო,
ტიბაანო, -
ღვინოვ კახურო;
გამოსროლილო ხევსურეთით ლექსო ხალხურო,
დიდო კოლხეთო,
დიდო ქართლო,
დიდო შამქორო, -
ვერ დამადუმონ,
ვერ დამძალონ, -
თუნდაც ჩამქოლონâ€¦

ვერ შეაჩერებს ვერაფერი სიტყვას გაბედულს â€“
ფრთები მასხია თქვენგნით, მხოლოდ თქვენგნით
რამეთუ.

მუხრან მაჭავარიანი

lali · Post by **lali** » 18 ოქტ 2008, 16:00

***

რომ ავყოლოდი გულისთქმას,
ჭკუას არ დავიხმარებდი,
შენთან დავლევდი ჩემს დღეებს,
შენს გულში გავიხარებდი...
...
ბატარაც რამე გწყენოდა,
სულს ხოხობივით დავლევდი...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS