ანტიკური თოჯინები, ჟურნალი "Archaeology"

kotetbeli · Post by **kotetbeli** » 24 თებ 2007, 17:43

გთავაზობთ საკუთარ თარგმანებს, რომელიც ადრე ჟურნალ "გზაში" იბეჭდებოდა

ფრანგული ჟურნალი "არქეოლოგია", 2000.
"ანტიკური თოჯინები"

კერამიკის, ძვლის ნაჭრისა და სხვა, რელიგიური თუ სათამაშო დანიშნულების ფიგურები, მსოფლიო მუზეუმების პატარა, მაგრამ განსაკუთრებულ ჯგუფს წარმოადგენს.
თოჯინა, ერთი მხრივ, ბავშვის გასართობად შექმნილი უბრალო სათამაშოა, რომელიც გარკვეულ პერსონაჟს წარმოადგენს, მაგრამ, ამავე დროს, ეს სათამაშო სერიოზული შუამავალია ბავშვსა და გარე სამყაროს შორის, ისტორიულად კი, კაცობრიობის განვითარების სარკეც არის.
ანტიკური საბერძნეთის დროიდან დღემდე თოჯინების დიდმა ნაწილმა მოაღწია. ჩვენს წელთაღრიცხვამდე V საუკუნიდან მოყოლებული, თოჯინა ფართოდ გავრცელებული პროდუქციის ერთ-ერთ სახეობას წარმოადგენს. ანტიკური ბერძნული და რომაული თოჯინების უმეტესი ნაწილი ასაკოვანო შიშველი ქალის ფიგურას წარმოადგენს, რომლის ერთ-ერთი აუცილებელი ნიშანი გამოკვეთილი მკერდია.
ძველ ეგვიპტეშიც ქალის უამრავი პატარა ფიგურაა ნაპოვნი სამარხებში, სახლებსა თუ ტაძრებში, რომლებიც ჩვენ წელთაღრიცხვამდე 2130-1600 და 1552-1070 წლებით თარიღდება. ეს სათამაშოები დამზადებულია სხვადასხვა მასალისაგან: თიხის, ქვის, ხის, ძვლისა და ნაჭრისაგან. ამ თოჯინებისათვის დამახასიათებელია საგანგებო და ორიგინალური ვარცხნილობა.
სხვადასხვა ცივილიზაციიდან შემორჩენილ სათამაშოებს შორის, განსაკუთრებით აღსანიშნავია ძვლის თოჯინები, რომლებიც 5-დან 15 სმ-მდე სიმაღლისაა. გარდა სათამაშო დანიშნულებისა, მათ სხვა ფუნქციაც ჰქონდათ: ქალები მათ ამულეტებად ან სულაც, თმის სამაგრებად იყენებდნენ.
მას შემდეგ, რაც მეცნიერებმა "არქეოლოგიური სათამაშოების" სამყაროში შეაბიჯეს, განუწყვეტლივ თან სდევთ ერთი კითხვა: საქმე მართლაც სათამაშოებთან გვაქვს თუ რიტუალური დანიშნულების ნივთთან? ხშირად პასუხები ურთიერთსაწინააღმდეგოა, ზოგჯერ მას ბავშვის სამარხში ან კულტურულ ნაგებობაში აღმოჩენილი თოჯინის მიხედვით უნდა მივაგნოთ, მაგრამ აქაც რთულ პრობლემას ვაწყდებით... მაგალითად, ბერძენი გოგონები, გათხოვებისას თავიანთ თოჯინებს არტემიდეს ან რომელიმე სხვა ღვთაების უკვდავსაყოფად ქმნიდნენ. ამგვარად, სხვადასხვა ტაძარში უამრავი ანტიკური თოჯინაა ნაპოვნი.
ზოგჯერ, თოჯინებისა და რიტუალური დანიშნულების ნივთების ერთმანეთისგან გარჩევა პრობლემას არ წარმოადგენს: ავარაში აღმოჩენილია დამჯდარი ქალის 30 სმ-იანი ფიგურა, რომლის პოზისა და მრავლისმეტყველი ფიგურის მიხედვით თუ ვიმსჯელებთ, ფიგურას არანაირი კავშირი არა აქვს ს თოჯინასთან, ხოლო რაც შეეხება ათენში, ბენაკის მუზეუმში დაცულ უნიკალურ თოჯინებს, აქ თვალნათლივ ჩანს, რომ სათამაშოსთან გვაქვს საქმე. ამ მუზეუმის ძვლისა და ხისტანიანი თოჯინებიდან განსაკუთრებით გამოირჩევა 4 ნაკეთობა, რომლებსაც დღემდე შემორჩენილი აქვთ ორიგინალური ტანსაცმელი... მათ დღემდე მოჰყვათ სელის, შალის, ბამბის, ბოჭკოს, აბრეშუმის ტუნიკები...

kotetbeli · Post by **kotetbeli** » 24 თებ 2007, 18:02

kotetbeli · Post by **kotetbeli** » 24 თებ 2007, 18:04

ketuna4 · Post by **ketuna4** » 18 ნოე 2007, 13:59

kotetbeli

ძალიან საინტერესოა. შენ მრავალმხრივ განათლებული ადამიანი ყოფილხარ და სასიამოვნოა შენთან ურთიერთობა.

Linda · Post by **Linda** » 18 ნოე 2007, 20:42

საინტერესოა

shatilis asuli · Post by **shatilis asuli** » 18 ნოე 2007, 21:58

kotetbeli
ნეტავ ვინ ამზადებდა ამ თოჯინებს? ბენაკის მუზეუმის თოჯინებით თამაშის წარმოდგენა, ცოტა გამიჭირდა.

lama · Post by **lama** » 21 ნოე 2007, 15:36

სვანეთში იციან, ასეთ ფიგურებს აკეთებენ ცონისგან და მერე მათ თავიანთი დანიშნულებას ანიჭებენ

x mindia x · Post by **x mindia x** » 08 დეკ 2007, 12:01

kotetbeli
საინტერესო თემაა ნამდვილად

Niniset · Post by **Niniset** » 08 დეკ 2007, 15:16

lama
რელიგიური_საკულტო დანიშნულება აქვს ალბათ...

lama · Post by **lama** » 15 დეკ 2007, 13:06

flora wrote:lama
რელიგიური_საკულტო დანიშნულება აქვს ალბათ...

კი ნამდვილად და სვანეთში მათ

"ლემზირებს" ეძახიან

Nik@ · Post by **Nik@** » 09 იან 2008, 13:15

ანტიკური თოჯინები რომში არქეოლოგებმა აღმოაჩინეს თოჯინა რომელიც იპოვეს 2000 წლის იყო. თოჯინა მშრალ ქვაში იყო ჩამარხული და დროის სვლას ამიტომ გაუძლო

Lola · Post by **Lola** » 19 მარ 2009, 07:18

რატომ იყვნენ გონებაჩლუნგები კი არა და კოტე გამარჯობა =)

QALDEA · Post by **QALDEA** » 21 მარ 2009, 22:48

არა მარტო სვანეთშია აღმოჩენილი ამგვარი "თოჯინები".

მათ საკრალური დანიშნულება ქონდათ და რომელიმე ღვთაებას განასახიერებდნენ..

მაგალითად , ადგილის დიდი დედა, ან ნაყოფიერების ქალგმერთი...

მოკლედ, საქართველოშიდაც არ გვაკლია ამგვარი არტეფაქტები

Tamari-ch. · Post by **Tamari-ch.** » 22 მარ 2009, 21:49

kotetbeli wrote:

თუ თოჯინაზე გამოსახული ორნამენტით ვიმსჯელებთ -
ეს თოჯინები რიტუალური უნდა იყოს -
სოლარული ნიშნებია გამოსახული.

QALDEA · Post by **QALDEA** » 23 მარ 2009, 21:46

ჰო, ასეა.

მარჯვენა თოჯინის მარჯვენა ლოყაზე სავარაუდოდ მზე იგულისხმება (წრე წერტილებით (სხივებით) გარსშემოვლებული)...

თუ ეს ასეა და ეს ორი თოჯინა ურთიერთკავშირშია მაშინ მარცხენა თოჯინის წრეები სავარაუდოდ, შესაძლებელია მთვარედ ვიგულისხმოთ...

მთვარე (უმეტესად) როგორც ნახევარწრედ ან წრედ გამოისახებოდა...

მზის გამოსახულებაც გვხვდება მხოლოდ წრის საშუალებით გადმოცემული, მაგრამ რადგან მარჯვენა თოჯინის ლოყაზე მზის გამოსახვის მეტად გავრცელებული ვარიანტია მაშინ წრეების საშუალებით სავარაუდოდ მთვარე გვაქვს...

ეს ჩემი იდეაა... შეიძლება ვცდები...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS