გოდერძი ჩოხელი გარდაიცვალა

paata_ · Post by **paata_** » 16 ნოე 2007, 15:22

ხო, ოჯახმა დამირეკა ცოტა ხნის წინ

ძალიან დამწყდა გული

namcecuna · Post by **namcecuna** » 16 ნოე 2007, 15:27

სურვილი?!

ისეთი ძილით მინდა მეძინოს,
რომ დამესიზმროს, იმქვეყნად რაა _
ქარი თუ წვიმა?
ყინვა თუ სითბო?
თუ არაფერი, რაც კაცს გააჩნდა
ამ ქვეყანაზე,
ძვალ-ხორცის მეტი?
ვაიმე,
მტკივა!
ეს რა ვთქვი, ღმერთო?!

გოდერძი ჩოხელი

:(:(

paata_ · Post by **paata_** » 16 ნოე 2007, 15:30

უფლის გზა

მარადიული რა არის,
მიწა თუ ზეცის თავანი?
ნეტავ იმქვეყნად გრძელდება
კაცის თავგადასავალი?
ბევრი მოსულა ამ სოფლად,
აღზევებულა მრავალი,
მოკლეა წუთისოფელი,
წამით წამამდე სავალი.
სიცოცხლეს გაგვყრის სიკვდილი,
არ იშოვება წამალი,
მხოლოდ ცოცხალთთვის ანათებს
ცაზე მზე ამომავალი.
ვინც რა უნდა თქვას, ქვეყანა
ჩემთვის სამარის კარია,
რაც უნდა ბევრი ვეცადო,
დადგება ჩემი ჟამია,
კაცს თავის ავლადიდება
საიქიოში თან მიაქვს.
მარადიული რა არის,
მიწა თუ ზეცის თავანი?
ბევრი მინახავს მოსული,
წასული _ უფრო მრავალი,
ერთი გზა გვიდევს სიცოცხლით,
საიქიოსკენ სავალი,
ყველა იმ გზაზე მივდივართ,
მათხოვარიც და მთავარიც,
სუყველას ზურგზე ჰკიდია
თავის თავგადასავალი,
მარადიული ამქვეყნად
მარტო უფალის გზა არის.

paata_ · Post by **paata_** » 16 ნოე 2007, 15:31

საქართველოსთვის!

გაიტანეთ და
შიშველ კარჩხაზე ჩამოჰკიდეთ
ჩემი სხეული,
თუ არ გამოვდექ საქართველოსთვის.
მერე დამწვით და
ეს სხეული, ფერფლად ქცეული
ქარს გაატანეთ საქართველოსთვის.
გაიტანეთ და
შიშველ კარჩხაზე ჩამოჰკიდეთ
ჩემი სხეული
საქართველოსთვის!
საქართველოსთვის!

paata_ · Post by **paata_** » 16 ნოე 2007, 15:31

" -რა არის სიცოცხლე?
-სიცოცხლე სევდა არის ადამიანად ყოფნის ტკბილი სევდა.
-სიკვდილი?
-სიკვდილიც სევდა არის ადამიანად არ ყოფნის სევდა"

"სიკვდილი ისევე ალამაზებს სიცოცხლეს, როგორც მზე და მთვარე ალამაზებენ წყვდიადს"

"სიკვდილი ვალია, უნდა მოიხადოს კაცმა თავისი ვალი"

ლეონტი · Post by **ლეონტი** » 16 ნოე 2007, 15:36

Archil wrote:
ლეონტი wrote:ინტერვიუ.
http://www.kvali.com/guest/vol74_1.html

წაიკითხეთ ,ძალზე საინტერესო და დამაფიქრებელია.
ამ საიტთან ცოტა ფრთხილად, კასპერსკიმ რაღაცა ამომიგდო, ვირუსი არ იყოს.

დილით გარდაცვლილა გულის უკმარისობით. რომელ ეკლესიაში დაკრძალონ, იმაზე ფიქრობენ ეხლა.

ვირუსი არაა, ფონტ ფლეიერის დაყენებას გტავაზობს.
უბრალოდ უარი უთხარი და მორჩა.

lama · Post by **lama** » 16 ნოე 2007, 15:36

namcecuna wrote:სურვილი?!

ისეთი ძილით მინდა მეძინოს,
რომ დამესიზმროს, იმქვეყნად რაა _
ქარი თუ წვიმა?
ყინვა თუ სითბო?
თუ არაფერი, რაც კაცს გააჩნდა
ამ ქვეყანაზე,
ძვალ-ხორცის მეტი?
ვაიმე,
მტკივა!
ეს რა ვთქვი, ღმერთო?!

გოდერძი ჩოხელი

:(:(

ძალიან ძლიერი ლექსია მართლაც ზოგადსაკაცობრიო და ძალიან ეგზისტენციალური

გამოხატულია ადამიანის საერთო სევდა და დილემა თუ რა არის ჩვენი ყოფიერება

nusa · Post by **nusa** » 16 ნოე 2007, 15:38

გული მეტკინა

namcecuna · Post by **namcecuna** » 16 ნოე 2007, 15:41

***

როგორ თანდათან მაწვალებს
ქვეყნად არყოფნის სევდა,
ვუმზერ გათოშილ საფლავებს
და გული მეკუმშება.
გრძნობა აღარ აქვთ ცივ ლოდებს,
დამდგარან წყება-წყებად,
ვიღაც კვლავ წავა, აშკარად,
მზე იწურება, ქრება.

გოდერძი ჩოხელი

:(:(

NINUCA · Post by **NINUCA** » 16 ნოე 2007, 15:44

მეკოს დაწერილი წავიკითხე გუშინ და სასიამოვნოდ ჩავფიქრდი. ახლა კი ეს სამწუხარო ამბავი გავიგე...

ვწუხვარ....

NINUCA · Post by **NINUCA** » 16 ნოე 2007, 16:05

ამ მიწის ბედი ჩემი ბედია,
მის ბეჭზე ბეჭით ვთიბავ ბალახებს,
მე თუნდა არ ვთქვა, მთები გეტყვიან,
რაც მაწუხებს და რაიც მალაღებს.
ამ ცის ქვეშ ვცხოვრობ უმისამართოდ,
ცა არის ჩემი ჭერხო და ბანი,
საწუთრო ჩემზე ისე ბალახობს,
როგორც უღელში ნაბამი ხარი.
დავალაჯუნებ დედამიწაზე,
ბრუნავს მიწა და მეც მატრიალებს,
სადღაც მივდივარ, გზა მიდევს შორი,
წვეთი-წვეთ ვტოვებ უკან მზიანეთს.
ამ მიწის ბედი ჩემი ბედია,
ამ მიწის ბეჭზე დამწერეს ჯვარი.

qvevri · Post by **qvevri** » 16 ნოე 2007, 16:10

მეც მინდა მის ხსოვნას მიუძღვნა რაღაცა და ვერა და ვერ გავხსენი კონვერტი გე. იქნებ ვინმე დამეხმაროს და მითხრას როგორ მოვიქცე?

lama · Post by **lama** » 16 ნოე 2007, 16:26

ძალიან რთული ცხოვრება ჰქონია ბოლო პერიოდში

ერთხელ უთქვამს დაბადებისდღეზე მხოლოდ 2 კაცს გავახსენდიო და გაკინული ხინკალი მომიტანესო ;(

საცოდაობაა

ისე სიცოცხლეში არ ვაფასებთ კაცს და ......

სიკვდილის მერე

ეეეეეეეეეჰჰჰჰჰჰჰჰჰჰჰ

მოკლედ

qvevri · Post by **qvevri** » 16 ნოე 2007, 16:28

lama wrote:ძალიან რთული ცხოვრება ჰქონია ბოლო პერიოდში

ერთხელ უთქვამს დაბადებისდღეზე მხოლოდ 2 კაცს გავახსენდიო და გაკინული ხინკალი მომიტანესო ;(

საცოდაობაა

ისე სიცოცხლეში არ ვაფასებთ კაცს და ......

სიკვდილის მერე

ეეეეეეეეეჰჰჰჰჰჰჰჰჰჰჰ

მოკლედ

შენ მაინც დამეხმარე, როგორ გავხსნა ეს კონვერტ.ჯე თუ რაღაც ჯანდაბა.

Mta Mkvarebia · Post by **Mta Mkvarebia** » 16 ნოე 2007, 16:29

qvevri
მეც მინდოდა მისი ინტერვიუდან ციტატის დაკოპირება და მეც ვერ გავხსენი, არ ვიცი რა ჭირს

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS