(ზემო) რაჭა, ჩემო სიყვარულო! 13-22 აგვის+

Post by **Gvalva** » 04 სექ 2005, 13:49

რაჭაში რომ ულამაზესი ბუნებაა უჩემოდაც გეცოდინებათ, მარა ყოველწლიურად წყალდიდობებს მიაქვს გზები და ხიდები, რომლებსაც თუ ვინმე აკეთებს, ძალიან ნელა აკეთებენ. ასე რომ, რომ მივდიოდით ყველაფერს ვგეგმავდით "თუ ხიდი არის", "თუ გადავალთ" პირობით.

ერთკვირიანი მოგზაურობა 3 პატარა ლაშქრობისგან შედგებოდა. ჩვენ სურვილი გვქონდა 4 ლაშქრობის მარა, არ გამოვიდა. დასახლებული პუნქტები რომლიდანაც გავდიოდით იყო გლოლა და ღები.

რუქა რომელსაც აქ ვათავსებ აღებულია საიტიდან www.speleo.ge და ჩვენ თვითონაც ვისარგებლეთ, ჩვენი მეგობრების, ამ საიტის ავტორების კონსულტაციებით, რისთვისაც მათ დიდი მადლობა.

რუქაზე 1, 2 და 5 მარშუტების გვერდით ნახავთ განსხვავებული ფერის ხაზებს, ესაა ჩვენს მიერ განხორციელებული სამი ლაშქრობა:
1. წითელმთა
2. კირტიშოს უღელტეხილი
5. კატიწვერა-უძირო ტბა

Post by **Gvalva** » 04 სექ 2005, 14:25

გაგრძელება იქნება

kotetbeli · Post by **kotetbeli** » 04 სექ 2005, 16:00

უკვე მოვკალათდი სავარძელში, წასაკითხად...

ilia · Post by **ilia** » 12 სექ 2005, 09:24

Gvalva
ტრებუემ პროდალჟენია ბანკეტა!

toga · Post by **toga** » 12 სექ 2005, 10:18

Gvalva
ამ საიტის რუკები ძაან მომეწონნა და ხო არ იცი შეიძლება მაგის ყიდვა და თუ კაი დაახლოებით რა ფასიანია

toga · Post by **toga** » 12 სექ 2005, 10:27

Gvalva
უძირო ტბა რატო ჰქვია ? ხო არ იცი მაგის ისტორია?

Post by **Gvalva** » 12 სექ 2005, 14:03

მართლაც ძალიან გაიწელა, მარა სურატების ნახევარი არ მაქვს, მოდის მარა რაჭვული ტემპით

უძირო იმიტომ ქვია რომ... რა ვიცი აი ასეთია... კაი, დავწერ ყველაფერს დაწვრილებით, გპირდებით

.

Post by **Gvalva** » 06 ოქტ 2005, 22:31

ამ სამი გასვლიდან ყველაზე მნიშვნელოვანი კატიწვერა-უძირო ტბა იყო, მეც ამით დავიწყებ.

ეს იმავე რუკის პატარა ფრაგმენტია, უბრალოდ გავადიდე და ზედ ციფრები დავიტანე ტხრობისას რომ გამოვიყენო.

ჩვენ გლოლას და შოვს შორის გადასახვევიდან წავედით ჩხოჭაზე, ამბობენ არის კიდევ მეორე გზაო რომელიც სხვა ადგილას ადის ტბაზე, მგონი უფრო მოკლე, უფრო ციცაბო უნდა იყოს ოღონდ იქ ცოტა ნაკლებ სიმაღლეზე ადიხარ, როგორც მე შევაფასე თვალით. გლოლას და შოვს შორის მიტოვებული კოტეჯებია გლოლიდან მიმავალისთვის მარჯვენა მხარეს, ამ კოტეჯებიდან 100იოდე მეტრში შოვისკენ წყაროა, ამ წყაროსთან შევუხვიეთ ჩვენ სამანქანე გზიდან და შევედით ტყეში. ტყე წიწვნარი იყო, თავიდანვე საკმაოდ ციცაბო, კარგად გამოკვეთილი ბილიკით. სამანქანე რა თქმა არ იყო, მარა ამ გზით ჩხოჭადან თივა ჩამოაქვთ ხოლმე და სიგანე და გასავალობა არ აკლია. მოკლედ, გადასახვევის პოვნის შემდეგ დაკარგვა ძნელია, მარა მაინც ჯობია ვინმე ადგილობრივი მოგყვებოდეს. როგორც ამბობენ ხოლმე, მკითხველო

, თუ წასვლას აპირებ, დამიკავშირდი და დაგაკვალიანებ.

Post by **Gvalva** » 06 ოქტ 2005, 22:41

რუკაზე N3 წერტილამდე გზა ტყეში მიდის, ადგილ ადგილ არის გადასახედები

Post by **Gvalva** » 06 ოქტ 2005, 23:20

თვითონ 3?დან იწყება რაღაც პაწია მდინარე, რომელზეც ჩვენ ქვებზე სკუპ?სკუპით ისე გადავედით, ფეხი არ დაგვისველებია. არ მახსოვს რა ქვია მარა ეს მდინარე წელს სამჯერ ისე ადიდა რომ შოვი მოწყვიტა გარე სამყაროს. მისი კალაპოტი დაუჯერებლად დიდია, თვითონ ამ სურათზეც საკმაოდ კარგად ჩანს ჩატანილი ქვიშის რაოდენობა. როგორ დიდდება ასე, როცა აქვე ჩვენგან მაქსიმუმ 2 კმში იწყებოდა ჩემთვის გაუგებარია. მარჯვნივ მდინარის გვერდით სოფელი გლოლა, მარცხნივ რიონის ხეობა, სოფ ღებისკენ.

Post by **Gvalva** » 06 ოქტ 2005, 23:27

3ის შემდეგ ფაქტიურად ალპური ზონა იწყება და შევდივართ ჩხოჭაში, რომელიც თავის თავად ლამაზია

Post by **Gvalva** » 06 ოქტ 2005, 23:53

მთელი გზა უკან ვიხედებოდით და რაჭის კავკასიონის ულამაზეს მწვერვალებს ვათვალერებდით. ამინდი ფანტასტიური იყო, რადან როგორც იცით ყოველთვის თან დავატარებ

.

ბურჯულა, ულამაზესი მყინვარით, გააყოლეთ თვალი მთის წვერიდან რამსიგრძე მყინვარი მოდის!! ამ მყინვარის ძირში არის რძესავით თეთრი ტბაო!

Post by **Gvalva** » 06 ოქტ 2005, 23:57

ღრუბლების საუბარი ბუბადან თბილისურაზე

შუაში მრავალფერი მყინვარი და მდინარეების დაბადება

Post by **Gvalva** » 07 ოქტ 2005, 00:09

თბილისურას ბინადარი ღრუბელი და ჭანჭახის მწვერვალი, რომელსაც მოყვება მამისონის უღელტეხილი და შემდეგ იწყება ოსეთი.

Post by **Gvalva** » 07 ოქტ 2005, 00:23

აქ პატარა გამეორებებია, მარა ზუსტად ვერ გავერკვიე ამ საქმეში. არის მდინარე ჭანჭახი, რომელიც იწყება მწვერვალ ჭანჭახიდან, აქ თითქოს უცნაური არაფერია, მარა, კირტიშოზე მიმავლებს (ღები?გონას მხარეს) კიდევ დაგვხვდა მყინვარი ჭანჭახი, და თითქოს ისეთი შთაბეჭდილება შემექმნა რომ ჭანჭახი რაჭაში არის ზოგადი სახელი მუდმივი მყინვარების აღსანიშნავად. მარა თავს ვერ დავდებ რომ ეს ასეა.

გზად არის მჟავე წყალი, რომელიც მე დავლიე, მარა ასეთ წყლებს მხოლოდ ადგილის და ადგილობრივების პატივისცემით ვსვამ ხოლმე, ასე რომ კარგია თუ არა არაფერს ვიტყვი.

მერე მივუახლვდით მონადირის ქოხს სადაც ხიდიც კი დაგვხვდა (წერტილი 2 ჩემს რუკაზე).

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS