ბარსელონა,მადრიდი, ვალენსია, პრაღა 19-28.04.2011

Naia · Post by **Naia** » 06 მაი 2011, 12:36

ლიკუ, შენმა რეპორტაჟმა დილიდან არაჩვეულებრივ ხასიათზე დამაყენა. ძალიან დიიიდი მადლობა ასეთი ამომწურავი რეპორტაჟისა და ულამაზესი ფოტოებისთვის. მათი წყალობით მეც თქვენთან ერთად ეიმოგზაურე

მომავალი მოგზაურობებისთვის დღეიდანვე ვიწყებ ფულის შეგროვებას

Mta Mkvarebia · Post by **Mta Mkvarebia** » 06 მაი 2011, 12:50

Naia
გაიხარე, მადლობა, ნაი:*

მართლა დაგვარწმუნა ესპანეთმა, რომ ეს ის ქვეყანა არაა, ერთხელ რომ წახვალ და მეორედ რომ არ მოგინდება იქ დაბრუნება.
მეც სერიოზულად ვფიქრობ ნანახთან ერთად უცნობი ადგილების- ქვეყნის სამხრეთი რეგიონების მონახულებას

legenda · Post by **legenda** » 06 მაი 2011, 21:35

Mta Mkvarebia

გმადლობ ლიი

არაჩვეულებრივია შენი თვალით დანახული ესპანეთი

გვალდა · Post by **გვალდა** » 06 მაი 2011, 22:58

Mta Mkvarebia
ჩემთან რადიკალი დაბლოკილია. მაგრამ მინდა გითხრა, რომ მხოლოდ მონათხრობიდან ისე გემრიელად და ისე ძალიან ვისიამოვნე, ვერ გადმოვცემ. ფოტოები პრწიგნაკზე მქონდა დათვალიერებული

Mta Mkvarebia · Post by **Mta Mkvarebia** » 07 მაი 2011, 12:10

legenda
გვალდა

ნათი, მაკა დიდი მადლობა :* მიხარია თუ ისიამოვნეთ და თუ ვინმეს გამოადგება ეს რჩევები და თუ ეს ფოტოები სხვასაც მოანდომებს ესპანეთში წასვლას

maare wrote:არცერთ "ელ კლასიკოს" არ დაესწარით?

არა, არ დავსწრებივართ. რადგან ბიჭები ვეღარ წამოვიდნენ, ფეხბურთი ჩვენი ინტერესის საგანს ნაკლებად წარმოადგენდა. შეიძლება ეს თქვენთვის მკრეხელობად ჟღერს

მაგრამ სხვა, ჩვენთვის მეტად საინტერესო ღირშესანიშნაობების შიგნიდან დათვალიერებაც ვერ მოვასწარით შეზღუდული გრაფიკის გამო, ამიტომ თამაშზე დასწრება პრიორიტეტულ გეგმებში არ ყოფილა

avtokh · Post by **avtokh** » 07 მაი 2011, 12:15

პრაღაში სააღდგომო ბაზრობა დაგემთხვაათ? რა კაი დროს ყოფილხართ მანდ

მოედანზე ერთ ადგილას, მე რომ ვიყავი მაშინ, ღორის კანჭს წვავდნენ მთლიანად ცეცხლზე და ლუდთან იფ, იფ, იფ რა იყო

ყველაფრისდამიუხედავად პრაღა ჩემპიონია ევროპულ ქალაქებში, ჩემთვის

Mta Mkvarebia · Post by **Mta Mkvarebia** » 07 მაი 2011, 12:26

avtokh
დიახ, სააღდგომო ბაზრობას დაემთხვა ჩვენი ამ ქალაქში სტუმრობა. ღორის უზარმაზარ კანჭს რამდენიმე ადგილას წვავდნენ შუაგულ მოედანზე (ქალაქის ძველ მერიასთან), და მართლა მადისაღმძვრელად გამოიყურებოდა. ძალიან გვინდოდა დაგვეგემოვნებინა ლუდთან ერთად, მაგრამ სამწუხაროდ მხოლოდ ფეხზე დასადგომი ტიპის საკვები დაწესებულებები იყო

, ჩვენ კიდევ ისე ვიყავით დაღლილი ათი დღის განმავლობაში ფეხით სიარულით, რომ კანჭზე უარი ვთქვით და იქვე, მოედანზე სხვა ღია კაფეში დავსხედით ლუდის დასაგემოვნებლად და წასახემსებლად. ჩამოსახმელი ლუდი მართლა უგემრიელესია პრაღაში (და არანაკლებია ესპანეთშიც), მაგრამ ქილის "პილსენი", რომელიც აეროპორტში შევიძინეთ, ყველას სასტიკად არ მოგვეწონა მისი მწარე გემოს გამო.

იქვე აცხობდნენ პრაღულ ეროვნულ ხვეულა ნამცხვარს, და ისეთი სურნელი ტრიალებდა გარშემო, რომ მის გასინჯვაზე უარს როგორ ვიტყოდით. ისიც უგემრიელესი იყო.

პ.ს. სამაგიეროდ შავი ესპანური ღორის რა კანჭები გავსინჯეთ ესპანეთში?!

ცხოვრებაში არ დაგვავიწყდება მისი გემო. ისეთი ნაზი იყო, პირში დნებოდა. მისი დაგემოვნება ჯერ კიდევ თბილისი-პრაღის თვითმფრინავში დამგზავრებულმა ერთმა ქართველმა გვირჩია, რომ გაიგო საით მივემგზავრებოდით.

აი ესეც იქაური სამზარეულოს მიმოხილვაც

მაგრამ პაელია-სანგრია-ჩუპიტოს საღამო მაინც გამორჩეული და დაუვიწყარი იქნება ჩვენთვის

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS