ბარსელონა,მადრიდი, ვალენსია, პრაღა 19-28.04.2011

Mta Mkvarebia · Post by **Mta Mkvarebia** » 04 მაი 2011, 11:49

მერე ხან ტურისტული ავტობუსით, ხან ფეხით ქალაქში ვისეირნეთ და სხვადასხვა საინტერესო ადგილი ვნახეთ.

ეს არ ვიცი რა ეკლესიაა, მაგრამ მოგვეწონა შორიდან რომ დავინახეთ და ძირითადი მარშრუტიდან გადავუხვიეთ მის მოსანახულებლად.

avtokh · Post by **avtokh** » 04 მაი 2011, 11:56

უხ რა კარგია!

Mta Mkvarebia · Post by **Mta Mkvarebia** » 04 მაი 2011, 12:01

გზად ბევრი ვიმხიარულეთ მსგავსი ფოტოების გადაღებით

ეს დედათა მონასტერი მუზეუმიცაა, მართალია ძირითად მარშრუტში არ გვქონია, მაგრამ მაინც შევიარეთ, რადგან მის სიახლოვეს აღმოვჩნდით. სამწუხაროდ სიესტას დროს მივედით და დაკეტილი დაგვხვდა

, მხოლოდ გარედან გადავიღეთ ფოტოები.

მერე სამეფო სასახლე მოვინახულეთ მწვანედ მობიბინე მდელოებით და ზედ წამოწოლილი წყვილებით. რაც ჩვენ მანდ ვიხალისეთ ალბათ ნახევარი წლის სამყოფი ვიცინეთ

აქ ქანდაკებობანას ვთამაშობთ

Mta Mkvarebia · Post by **Mta Mkvarebia** » 04 მაი 2011, 12:09

სამეფო სასახლის მინდორში კოტრიალს და დასვენებას არაფერი გვერჩივნა, ისეტი დაღლილები ვიყავით, მაგრამ ბარსელონას სხვა ღირშესანიშნაობებს ვინღა ნახავდა? ამიტომ გავუდექით გზას ტურისტული ავტობუსით.

ჯერ ესპანეტის მოედანი და მოედანზე მდგარი ძეგლი: "ღმერთო დაიფარე ესპანეთი" დავინახეთ

შემდეგ მოედნის პირდაპირ მდგარ MNAC-ს - კატალონიის ხელოვნების ეროვნულ მუზეუმს ჩავუარეთ.

Mta Mkvarebia · Post by **Mta Mkvarebia** » 04 მაი 2011, 12:26

დანიშნულების შემდეგი პუნქტი რობლე ესპანიოლი, ქართულად ესპანური სოფელი იყო. ესაა ეთნოგრაფიული, ღიაცისქვეშ მუზეუმი, რომელიც საკმაოდ დიდ ტერიტორიაზეა განლაგებული, და ესპანეთის სხვადასხვა რეგიონისთვის დამახასიათებელი, დაახლოებით 120 სახლისგან და რამდენიმე ქუჩისგან შედგება. შემიძლია თამამად ვთქვა, რომ ეს იყო ერთერთი ადგილი, რომელიც ყველაზე მეტად მომეწონა ესპანეთში. სხვა ადგილებისგან განსხვავებით ნაკლებად ხალხმრავალი იყო. პატარა მყუდო ქუჩებში ერთმანეთისგან სტილით, ფერით განსხვავებული სახლები იდგა, პატარა აივნებზე რომ ნაირფერყვავილებიანი ქოთნები ჰქონდა მიკრული, მოედნებზე შუასაუკუნეების ესპანეთისთვის დამახასიათებელი მრგვალი შადრევნები იდგა, გვერდებზე კი ფორთოხლის ხეები, რომელსაც ერთდროულად ნაყოფიც ესხა, ყვაოდა კიდეც და ფორთოხლის ყვავილის სურნელს აფრქვევდა გარშემო. სხვადასხვა შენობაში სხვადასხვა ნაწარმს ამზადებდნენ და თქვენი თვალით შეგეძლოთ მზადების პროცესზე თვალყურის დევნება. იყო შოკოლადის სახლი, ღვინის სახლი, მინის ნაკეთობების და სხვადასხვა სამკაულის სახლი. ესპანურ სოფელში პატარა ბაღიც იყო სადაც ლითონის აბსტრაქტული ქანდაკებები და წმინდა მიქაელის სახელობის ეკლესიაც კი იდგა, ზემოდან რომ გადაჰყურებდა ქალაქს. მოკლედ ამ ადგილით ძალიან მოვიხიბლეთ და მის მთავარ მოედანზე პლასა მაიორზე საღამომდე, მზის ჩასვლამდე ვისხედით.

Mta Mkvarebia · Post by **Mta Mkvarebia** » 04 მაი 2011, 12:36

ხედები ქალაქზე ესპანური სოფლიდან

წმ მიქაელის ეკლესია, რომელიც ესპანურ სოფელში მდებარეობს.

Mta Mkvarebia · Post by **Mta Mkvarebia** » 04 მაი 2011, 12:45

Mta Mkvarebia · Post by **Mta Mkvarebia** » 04 მაი 2011, 13:09

ესპანურის სოფლიდან ისევ ტურისტული ავტობუსით წამოვედით პლასა კატალუნიამდე, მეორე სართულზე ვისხედით და ღირშესანიშნაობებს ისე ვათვალიერებდით.
ეს ქრისტეფორე კოლუმბის ქანდაკებაა. ქრისტეფორე კოლუმბიც ეროვნულ გმირადაა არიარებული ესპანეთში. როცა ის ინდოეთისკენ მიემგზავრებოდა (როგორც ფიქრობდა) და შემთხვევიტ არმოაჩინა ამერიკა, ფინანსური დახმარებისტვის ჯერ პორტუგალიის სამეფო კარისტვის მიუმარტავს და მათგან უარის მიღების შემდეგ დახმარება ესპანეთის მაშინდელ მეფე-დედოფალს აღმოუჩენიათ და სწორედ ესპანეთში დახვდნენ დიდი ზარ-ზეიმით ამერიკის აღმოჩენის შემდეგ დაბრუნებულ კოლუმბს და აქედან დაიწყო ესპანელი პლანტატორების მოგზაურობები ახალ სამყაროდ მონათლულ ამერიკის კონტინენტზე.

იმ დღეს ბარსელონა-რეალის იმართებოდა ვალენსიაში. დათქმული გვქონდა, რომელიმე პაბში დავმსხდარიყავით და ფეხბურთი ისე გვეყურებინა, მაგრამ საღამოს ეტყობა მაინც გრილოდა, თან თავახდილი ავტობუსით რომ ვმგზავრობდით, მე და ტომას შეგვცივდა და შინ წასვლა ვამჯობინეთ. სუპერმარკეტში ვიყიდეთ ლიმონი, ანანასი, არაყი, ყელისტკივილის სამკურნალოდ და გაციების შანსის ჩანასახშივე ჩასაკლავად ლიმონჩელო გავაკეთეთ და სულ ბარსელონას, კარავის და კარველების სადღეგრძელოებით ვუყურეთ მატჩს

ღია ფანჯრებიდან დროდადრო ხალხის გამაყრუებელი ოვაციები გვესმოდა

ვიფიქრე ერთ-ორ ფოტოს ტელევიზორის ეკრანსაც გადავუღებმეთქი და უცებ გვერდით რარაც მოზრაობა ვიგრზენი, ერთ წამში ჩემს ობიექტივში კედელზე დაკიდებული ტელევიზორი აყირავდა და ტომას ხუჭუჭა თავი გამოჩნდა

თუმცა ანგარიშით იმედგაცრუებული დავრჩით. ლელა გვიყვებოდა მერე რა ხდებოდა ქუჩებში, როგორ ემზადებოდნენ ბარსელონელები უდავო გამარჯვებისთვის, დამარცხების ვარიანტს არც კი განიხილავდნენო, და როგორ ემზადებოდა იქაური პოლიციაც გამარჯვების შემდეგ ქუჩაში ხალხის ნაკადის გამოსვლების ნორმალიზებისთვის.

Mta Mkvarebia · Post by **Mta Mkvarebia** » 04 მაი 2011, 13:24

მესამე დღე გათენდა. იმ დღეს მე, თებროს და რუსას ტიბიდაბოს მთაზე გვინდოდა ასვლა, რომ მთაზე მდგარი ეკლესიის ლიფტით მაღლა ავსულიყავით და ბარსელონაისთვის ზემოდან დაგვეხედა. ლელა და ტომა ჯერ ჟოან მიროს მუზეუმში წავიდნენ, მერე მონჟუიკის მთა და კაზა მილა მოინახულეს და სარამოს გიტარის კონცერტზეც წავიდნენ იმავე ულამაზეს პალაო დე მუზიკას სასახლეში. მოკლედ მთელი დღე ორ ჯგუფად გაყოფილი დავდიოდით და მონახულებული ადგილების სიას ვამრავალფეროვნებდით

ეს ჯერ სასტუმროში ვართ.

მერე კაზა ბატლო და გვერდით მდებარე არანაკლებსაინტერესო კაზა (არა გაუდის ნამუშევარი) ვნახეთ დღის განათებაზე

მერე ისევ კაზა მილასთან გავიარეთ

Mta Mkvarebia · Post by **Mta Mkvarebia** » 04 მაი 2011, 13:46

ისევ საგრადა ფამილიას გადავუღე ავტობუსიდან რამდენიმე ფოტო

ტიბიდაბოს მთა ბარსელონას გარეუბანში ყველაზე მარალი წერტილია, იქ ლურჯი ტრამვაი, ტრამვია ბლუ დადის, ისევე როგორც რამდენიმე ათეული წლის წინ.

ტრამვაიდან კლდის მატარებელი ადის, ისეთივე როგორიც მამა დავითზეა. რამდენიმე ტრანსპორტის გამოცვლის შემდეგ ტიბიდაბოს მთაზეც ავედით.

ამ მთაზე მდებარეობს ბარსელონის დიდი გასართობი ცენტრი სხვადასხვა ატრაქციონით. მაგრამ მისი მთავარი ღირშესანიშნაობა ორი ეკლესიაა, რომლებიც ერთმანეთზეა დაშენებული. ქვედა ეკლესია ძველია, ზემოთ ახალი ეკლესიაა დაშენებული, რომელიც ქრისტეს ქანდაკებით ბოლოვდება და რომელშიც ლიფტი ადის ზემოდან გადმოსახედად. ეკლესია პარიზის საკრე კერის ანალოგიითაა აგებული და ბარსელონას საკრე კერ-ს - წმინდა გულის ტაძარს ეძახიან.

ხედები ზემოდან

ზემოთ ძალიან ციოდა და ცივი ქარი ქროდა.

Mta Mkvarebia · Post by **Mta Mkvarebia** » 04 მაი 2011, 13:56

Mta Mkvarebia · Post by **Mta Mkvarebia** » 04 მაი 2011, 14:11

ტიბიდაბოდან ფეხით დავეშვით ქალაქისკენ, რომ კოსმო კაიშა ანუ ბარსელონას მეცნიერების მუზეუმი გვენახა. თავიდან კითხვა-კითხვით, მერე უკაცრიელ ქუჩებში სიარულით ძლივს მივაგენით დანიშნულების ადგილს.

ეს ჯერ ჯიდევ გზაში

გზად რუსა კეთილ საქმეებსაც აკეთებდა

როგორც იქნა მუზეუმიც გამოჩნდა

პირველი ვინც შემოგვეგება მუზეუმში ეს სანდომიანი გარეგნობის და თვალებაციმციმებული ბაბუ იყო. მართლა ისე უციმციმებდა თვალები ვიფიქრეთ აინშტაინი გაცოცხლებულათქო

)))

ბილეთები შევიძინეთ და გავემართეთ მუზეუმის დასათვალიერებლად.

Mta Mkvarebia · Post by **Mta Mkvarebia** » 04 მაი 2011, 14:23

მუზეუმში სხვადსახვა დანადგარები იდგა, სადაც სხვადასხვა ფიზიკურ მოვლენებზე დაკვირვების საშუალება ჰქონდა მნახველს, მაგალითად როგორ კეთდება უდაბნოს ქვიშაზე ქარის ზემოქმებედით ლამაზი ტალღოვანი მონახაზები და ა.შ. მაგრამ იმდენი დრო არ გვქონდა ყველა სართული დაგვეთვალიერებინა და ყველა ფოტო გადაგვეღო. გოგოების ძირითადი ინტერესის საგანს უზარმაზარ თევზებიანი აკვარიუმი წარმოადგებდა.
მანამდე კი პატარა, მაგრამ ძალიან საინტერესო, გამჭვირვალე თევზები ვნახეთ.

აკვარიუმი ტროპიკული ტყის მსგავს ხელოვნურ შემინულ დარბაზში გადიოდა, სადაც მე რომ შევედი ტროპიკული წვიმა ასხამდა ზემოდან

მაიმუნის ფიტულებიც ვნახეთ

და დინოზავრებისაც

მუზეუმის სხვა სართულები აღარ დაგვითვალიერებია რადგან მონჟუიკის მთაზეც გვინდოდა იმ დღეს ასვლა.
გამოსვლისას ისევ ცვილის ბიძია აინშტაინმა გამოგვაცილა.

Mta Mkvarebia · Post by **Mta Mkvarebia** » 04 მაი 2011, 14:45

ქალაქისკენ მიმავალი უახლოესი მატარებლის სადგური ვნახეთ და ჩავსხედით, მერე მეტროს ხაზზე გადავედით და იქიდან ტურისტული ავტობუსით მონჟუიკის მთისკენ გავემართეთ.

გზად კატალონიის ხელოვნების ეროვნულ მუზეუმში შევიარეთ. მუზეუმის დასათვალიერებლად სამწუხაროდ დრო აღარ გვქონდა, ამიტომ მხოლოდ გარედან დათვალიერებით შემოვიფარგლეთ

maare · Post by **maare** » 04 მაი 2011, 14:50

არცერთ "ელ კლასიკოს" არ დაესწარით?

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS