ჯუთა-არხოტი-წინხადუ-ბარისახო

Bernar · Post by **Bernar** » 01 თებ 2011, 20:00

აქ უკვე წასასვლელად ვემზადებით

Uploaded with ImageShack.us

Bernar · Post by **Bernar** » 01 თებ 2011, 20:08

უღელტეხილიდან ბილიკი ჯერ ფერდობს და ალაგ-ალაგ ნაშალს მიუყვება, ხოლო ასე ერთი კილომეტრის შემდეგ უკვე თხემზე გადის, რომელსაც კალოთანის თხემს ეძახიან

Uploaded with ImageShack.us

Bernar · Post by **Bernar** » 01 თებ 2011, 20:12

ეს უკვე კალოთანის თხემზე ვართ

Uploaded with ImageShack.us

მწვერვალი ტანიე (3499 მ)

Uploaded with ImageShack.us

ამ თხემს უნდა ჩავყვეთ წინხადუმდე

Uploaded with ImageShack.us

Bernar · Post by **Bernar** » 01 თებ 2011, 20:33

ძალიან ცუდი ჩასავლელი აღმოჩნდა კალოთანის თხემი: ფეხებისათვის ძალიან დამღლელი იყო გამუდმებით დაღმართზე სიარული. თან არც ჩრდილი არ იყო სადმე და ბალახიც ისეთი გადამხმარი იყო, რომ ჩამოჯდომა არ მოგინდებოდა. ძლივს ჩავაღწიეთ წინხადუმდე. იქ ჩასულს მუხლები მტკიოდა და ფეხის ტერფები ერთიანად მეწვოდა.

კავკასიონის წყალგამყოფი ქედი

Uploaded with ImageShack.us

როგორც იქნა გამოჩნდა წინხადუ

Uploaded with ImageShack.us

სანამ დედაჩემი და მამაჩემი ჩამოვიდოდნენ იქვე ჩრდილში გემრიელად დავისვენეთ

ბექა გვმოძღვრავს

Uploaded with ImageShack.us

მერაბი აშკარად ბექას უსმენს

Uploaded with ImageShack.us

Bernar · Post by **Bernar** » 01 თებ 2011, 20:39

როდესაც დედაჩემი და მამაჩემი ჩამოვიდნენ მცირე შესვენების შემდეგ უკანხადუს გზას დავადექით. წინ კიდევ 4 კილომეტრი გვქონდა სასიარულო, არადა კალოთანის თხემზე ჩამოსვლამ ყველანი ძალიან დაგვღალა.

სოფელი წინხადუ

Uploaded with ImageShack.us

ჩვენი გასავლელი გზა

Uploaded with ImageShack.us

ხევსურეთის არაგვის ხეობა

Uploaded with ImageShack.us

საკმაოდ ლამაზი ცხენი იყო

Uploaded with ImageShack.us

Bernar · Post by **Bernar** » 01 თებ 2011, 20:46

მეიშვილი და ყარამანი

Uploaded with ImageShack.us

უკანხადუმდე გორშეღმისწყლის ორი შენაკადი უნდა გადაგვეკვეთა. ეს პირველი მათგანია: ხეისწყალი

Uploaded with ImageShack.us

მეორე შენაკადის ხეობაში კი უზარმაზარი მყინვარი ჩაწოლილიყო: ძალიან გამიკვირდა რადგან ოთხი წლის წინ აქ თოვლის ნასახიც არ იყო.

Uploaded with ImageShack.us

Uploaded with ImageShack.us

უკვე კარგად იყო მოსაღამოვებული უკანხადუში რომ მივედით. ყველანი ძალიან დაღლილები ვიყავით. ამიტომ რის ვაი-ვაგლახით გავშალეთ კარვები და დასასვენებლად მივწექით. უკვე იგრძნობოდა სევდანარევი ის განწყობილება რომელიც ლაშქრობის დასასრულს ჩნდება ხოლმე ადამიანის გუნებაში...

Bernar · Post by **Bernar** » 03 თებ 2011, 19:35

დილა მზიანი გამოდგა. სულ სხვა განწყობა მქონდა ამ დილით. გუშინდელი დაღლილობა შეიძლება ითქვას, რომ საერთოდ არ მახსოვდა. ისევ სავსე ვიყავი ენერგიით და ამავდროულად წინა შვიდი დღით უზომოდ ნასიამოვნებიც. ბოლო დღე იყო ლაშქრობის და წინა დღეებიც უკვე მოგონებად იყო გადაქცეული. მთავრდებოდა ჩვენი წლევანდელი ლაშქრობა, რაც იმას ნიშნავდა, რომ სულ რამოდენიმე საათში ის აწმყოს ნაცვლად ისტორიის საკუთრება გახდებოდა.

უგუნებობას სხვებიც არ უჩიოდნენ

Uploaded with ImageShack.us

Uploaded with ImageShack.us

საუზმისათვის ყველამ მოვქექეთ ჩანთები და თუ რაიმე გადაურჩა წინა შვიდ დღეს ამ დილით გამოვუყვანეთ წირვა. ასე რომ ყველაზე მსუბუქად დღეს ვივლიდით. დღეს კორშაში უნდა ჩავსულიყავით ანუ სადღაც 13-14 კილომეტრი გვქონდა გასავლელი: ძირითადად სამანქანო გზით.

წამოსვლისას კალოთანის თხემიც გადავიღე: ამ თხემზე ჩამოსვლა იყო წინა დღით რომ მოგვითავა ყველას ხელი

Uploaded with ImageShack.us

Bernar · Post by **Bernar** » 03 თებ 2011, 19:40

დედაჩემი და მამაჩემი ტრადიციულად უკან მოდიან

Uploaded with ImageShack.us

ეს უკვე სოფელი ატაბეა უკან ჭაუხების ფონით

Uploaded with ImageShack.us

ესენი კი პატარა ხევსურები არიან: ძალიან საყვარლები იყვნენ. თუ არ ვცდები ერთი გოგოჭური იყო გვარად, ხოლო მეორე ჭინჭარაული

Uploaded with ImageShack.us

სოფელი წინხადუ

Uploaded with ImageShack.us

Bernar · Post by **Bernar** » 03 თებ 2011, 19:50

სამანქანო გზა ატაბედან გუდანამდე ხევსურეთის არაგვის ხეობის ფერდობებს მიუყვება. სამანქანო გზა მაღალზეა გაყვანილი და მდინარეს ძალიან დაშორებული. აღსანიშნავია, რომ ხევსურეთის ეს ნაწილი ძალიან ჰგავს თუშეთს. გზის ეს მონაკვეთი ბეღელა-ბოჭორმას სამანქანო გზას მოგაგონებთ, რომელიც ასევე ხეობის მაღლა მიუყვება ფერდობებს. გორშეღმის თემის სოფლები ატაბე, ბაცალიგო, ჩხუბა და აყნელი კი თუშური სოფლებივით არის შეყუნცული მთის კალთებზე. თუმცა თუშეთისაგან განსხვავებით აქაური სოფლები უფრო პატარა და მიტოვებულიცაა. თითო სოფელში ერთი-ორი ოჯახიღა თუ ცხოვრობს.

ატაბე-გუდანის გზიდან ძალიან ლამაზი ხედები იშლება როგორც კავკასიონის წყალგამყოფ ქედზე, ასევე ხევსურეთის არაგვის ხეობაზე.

ეს ჭიმღის კლდის ნაწილია, რომელიც აქედან მოჩანს

Uploaded with ImageShack.us

ეს უფრო ახლოდან

Uploaded with ImageShack.us

ეს კი კავკასიონის წყალგამყოფი ქედი: ყველაფე ფართე თხემი კალოთანის თხემია

Uploaded with ImageShack.us

Bernar · Post by **Bernar** » 03 თებ 2011, 19:55

სოფელი ბაცალიგო

Uploaded with ImageShack.us

Uploaded with ImageShack.us

ხედი კავკასიონზე

Uploaded with ImageShack.us

და ხევსურეთის არაგვის ხეობაზე: დაბლა რომ პატარა მოჩანს, ეგ სოფელი ჩხუბაა

Uploaded with ImageShack.us

Bernar · Post by **Bernar** » 03 თებ 2011, 20:07

საკმაოდ სწრაფად დავდიოდით, ამიტომ ასე 12 საათისათვის უკვე იმ ადგილას ვიყავით, სადაც სამანქანო გზა მარცხნივ უხვევს გუდანისაკენ, ხოლო პირდაპირ ბილიკი მოკლეზე ჩადის ხევსურეთის არაგვის და როშკისწყლის შესართავთან, იგივე როშკის ხიდთან. ეს ბილიკი მინიმუმ 5 კილომეტრით შეგვიმოკლებდა გზას.

იქვე დასვენებაც გადავწყვიტეთ. ამ ადგილიდან ძალიან კარგად მოჩანდა ჭაუხები.
აი ისინიც

Uploaded with ImageShack.us

როგორც ყოველთვის ეფექტური სანახავი იყო

Uploaded with ImageShack.us

Uploaded with ImageShack.us

იქვე ჩრდილში ეგრევე კარტის თამაში გაჩაღდა:

Uploaded with ImageShack.us

მეიშვილი და ყარამანი კი რაღაც საინტერესოზე საინტერესოდ საუბრობენ

Uploaded with ImageShack.us

ამ სურათის გადარება მოვასწარი და ელემენტებიც დაუჯდა ჩემს აპარატს. ასე რომ შევინახე საპატიო ადგილას და მეც შევუერთდი მოთამაშეებს.

ბილიკმა ძალიან მალე ჩაგვიყვანა როშკის ხიდთან. იქიდან კი ერთ საათში უკვე კორშაში ვიყავით. დავურეკეთ ჩვენს მძღოლს, ჩვენ კი ქორფა საკვებს მონატრებულები კორშის მაღაზიას შევესიეთ. ძალიან გვეგემრიელა იქ გამომცხვარი პური, იქაური ყველი და ძალიან გემრიელი პომიდორი.

ჩვენი ტრანსპორტი მალე მოვიდა. ნელ-ნელა შევლაგდით მარშუტკაში და ნაღვლიანი მზერით დროებით დავემშვიდობეთ ხევსურეთს და ხევსურებს...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS