ეგვიპტე სომხეთის გავლით ;) 7-19.12.10.

Mta Mkvarebia · Post by **Mta Mkvarebia** » 28 იან 2011, 16:08

მეექვსე დღე და მეშვიდე დღე ისევ სანაპიროზე გავატარეთ. ვირუჯებოდით, ვცურავდით ჭრელ-ჭრელ თევზებთან ერთად.

Mta Mkvarebia · Post by **Mta Mkvarebia** » 28 იან 2011, 16:15

ჩვენი ეგვიპტეში ყოფნის პერიოდში რამდენჯერმე ვიხილეთ მზის ჩასვლა და ამოსვლა. მინდა გითხრათ რომ ულამაზესი სანახაობა იყო. ამიტომ გულმა არ მომითმინა ბლომად ფოტოები რომ არ გადამეღო.

მზის ჩასვლა ჩვენი ნომრიდან გადაღებული:

მზის ამოსვლა ჩვენი სანაპიროდან გადაღებული:

Mta Mkvarebia · Post by **Mta Mkvarebia** » 28 იან 2011, 16:27

ნინომ რვაფეხა დაინახა ზღვაში:

ეს ორი ფოტო ვის ეძღვნება კი მიხვდებით

Mta Mkvarebia · Post by **Mta Mkvarebia** » 28 იან 2011, 16:27

ისევ თევზები

Mta Mkvarebia · Post by **Mta Mkvarebia** » 28 იან 2011, 16:45

ისევ მზის ჩასვლა

ეს ბიჭი ქვიშისაგან ბოთლში ნახატებს ქმნიდა

:

საღამოს ისევ ქალაქში გავისეირნეთ

Mta Mkvarebia · Post by **Mta Mkvarebia** » 28 იან 2011, 16:51

Mta Mkvarebia · Post by **Mta Mkvarebia** » 28 იან 2011, 16:58

შემდეგ დილით ლუქსორში მივდიოდით 2 დღით. ამენოფისის მანქანამ გამოგვიარა, ჩავსხედით და გავემართეთ ლუქსორისკენ.

მზის ამოსვლას მანქანის ფანჯრიდან ვუყურეთ:

გზისპირა კაფეში ადგილობრივი ბედუინები ფულს აკეთებენ ტურისტებთან ფოტოების გადაღებით.

Mta Mkvarebia · Post by **Mta Mkvarebia** » 28 იან 2011, 17:06

ლუქსორში პირველი ერთადერთი ქალი ფარაონის, ჰატშეპსტუტის ტაძარი მოვინახულეთ

დღეისათვის ეს იყოს. რეპორტაჟს სხვა დროს გავაგრძელებ

.

okulone · Post by **okulone** » 28 იან 2011, 21:25

ლიკა ბრავო ძალიან კარგი ფოტოებია

უმაგრესი

legenda · Post by **legenda** » 28 იან 2011, 21:57

ყოჩაღ ლიკა, ყოჩაღ! მსიამოვნეს ამ თემაში შემოხედვა

Mta Mkvarebia · Post by **Mta Mkvarebia** » 29 იან 2011, 01:18

okulone
legenda
დიდი მადლობა. მიხარია თუ მოგეწონათ :*

ჰატშეპსუტის და მისი სახელობის ტაძრის შესახებ ინტერნეტში მოპოვებული ცნობები:

ჰატშეპსუტის ტაძარი ტურისტების ერთ-ერთი საყვარელი ადგილია ეგვიპტეში. 1997 წელს იქ ტრაგედია დატრიალდა, რომელიც ლუქსორის (Luxor) ხოცვა-ჟლეტის სახელითაა ცნობილი: ისლამისტმა რადიკალებმა 58 უცხოელი ტურისტი, 4 ეგვიპტელი პოლიციელი დ ა ექსკურსიამძღოლი დახვრიტეს.
ჰატშეპსუტი იყო ძალიან მნიშვნელოვანი ფიგურა ეგვიპტის მე-18 დინასტიისა ჩვენს წელთ აღრიცხვამდე XV საუკუნეში. მან ტახტი წაართვა მის გერ ვაჟ თუტმოს III-ს.
ის ცნობილია იმით, რომ იცვამდა როგორც მამაკაცი და ატარებდა ხელოვნურ წვერს. ის იყო უფრო გავლენიანი და ძლევამოსილი, ვიდრე მისი შემდგომი ქალი ფარაონები: ნეფერტიტი და კლეოპატრა. თუმცა ამ გავლენის მიუხედავად, მისი სახელი ამოშლილია შემდგომი ისტორიული წყაროებიდან. მეცნიერები მიიჩნევენ, რომ ეს არის მისი გერის შურისძიება.
მისი ტაძარი არის ძალიან ცნობილი და როგორც აღვნიშნეთ, ტურისტთათვის ყველაზე საინტერესო, ადგილი მეფეთა ველზე (ფარაონების ნეკროპოლისი, ანუ სადაც ფარაონები არიან დაკრძალულნი) ზემო ეგვიპტეში.

ცოტა ხნის წინ ეგვიპტოლოგებმა გააკეთეს ოფიციალური განაცხადი, რომ აღმოაჩინეს 3 000 წლის მუმია, რომელიც ეკუთვნის ეგვიპტის ყველაზე ძლევამოსილ ქალ ფარაონს ჰატშეპსუტის.
ეგვიპტის სიძველეთა კვლევის სამსახურის უფროსმა ზაჰი ჰავასმა (Zahi Hawass) ეს ოფიციალურად დაადასტურა კაიროში გამართულ სამეცნიერო კონფერენციაზე. თუ საბოლოოდ აღმოჩენა დადასტურდა (ყველაფერი მაქეთკენ მიდის), ეს იქნება არქეოლოგიაში ყველაზე დიდი აღმოჩენა 1922 წლის შემდეგ. მაშინ ტუტანჰამონის აკლდამა აღმოაჩინეს.
მეცნიერები იმედოვნებენ, რომ მუმია ბევრ საიდუმლოს მოჰფენს ნათელს. მაგალითად, იმას თუ რითი გარდაიცვალა დედოფალი და ფრადას ახდის მის საუდუმლო გაუჩინარებას.
სხვათაშორის ეს მუმია ახალაღმოჩენილი ა რ არის. იგი რამდენიმე ათეული წლის წინ იპოვეს და მუზეუმში იყო დასვენებული, ამერიკული სატელევიზიო არხის Discovery-ს დაფინანსებით კი მისი კვლევა დაიწყო და გასაუცარი შედეგებიც მოიტანა. აღნიშნული ტელეკომპანია ამ აღმოჩენაზე უკვე ივლისში გამოუშვებს ახალ დოკუმენტურ ფილმს.
ჰავასმა შექმნა ლაბორატორია მუზეუმის გვერდზე, ს ადაც ნებისმიერ მეცნიერს შეუძლია ჩავიდეს და ადგილზე გაეცნოს აღმოჩენას, რომელსაც საფუძვლად უდევს დნმ-ს ტესტი. აღმოჩენაში დიდი როლი ითამაშა იმას, რომ მუმიას აკლია კბილი. ერთადერთი რაც დედოფალ ჰატშეფსუტიდან იყო დარჩენილი დღემდე, ეს იყო სწორედ ერთადერთი კბილი. რომელიც ზუსტად ჯდება მუმიის იმ ცარიელ ადგილას, სადაც კბილი უნდა იყოს.

მიუხედავად ამისა ზოგიერთ მეცნიერს მაინც ეპარება ეჭვი ამ აღმოჩენაში. მაგალითად, ამერიკელი მოლეკულური ბიოლოგიის სპეციალისტი სკოტ ვუდვარდი (Scott Woodward) მიიჩნევს, რომ მუმიიდან დნმ-ს აღება ძალიან ძნელია და მეორეს მხრივ არასანდოა. “საჭიროა სხვა ადამიანის დნმ, რათა მოხდეს ორი დნმ-ის შედარება, ამის გარეშე კი აღმოჩენის საბოლოოდ დადასტურება შეუძლებელიაო”, აღნიშნა მან საინფორმაციო სააგენტო AP-სთვის მიცემულ ინტერვიუში.

ეს მუმია იპოვეს სამარხში კოდური ს ახელწოდებით KV60. ეს სამარხი ითვლება ერთ-ერთ ყველაზე ამოუცნობად მთელს მეფეთა ველზე, რადგანაც ის შეიცადვა ორ მუმიას და ორივე იყო ქალის. ეს სამარხი აღმოაჩინა ჰოუარდ კარტერმა (Howard Carter; ადამიანი, რომელმაც აღმოაჩინა ტუტანჰამონის აკლდამა) 1903 წელს. აკლდამა შემდეგ გაძარცვეს და დახურეს. 1906 წელს კი ხელახლა ისევ გახსნეს და მაშინ ერთ-ერთი მუმიის იდენტიფიცირება მოხერხდა: ის აღმოჩნდა ჰატშეფსუტის სამეფო ძიძა სიტ-რა, ხოლო ჰატშეფსუტის მუმია ამ აკლდამაში სადღაც იყო მიგდებული თვალისათვის შეუმჩნეველ ადგილას და 1990 წელს იპოვეს ხელმეორედ.
სპეკულაციები, რომ მუმია იყო ჰატშეპსუტისა მაშინვე დაიწყო, რადგანაც მისი მარცხენა ხელი ისე იყო შეხვეული, როგორც ამას უკეთებდნენ სამეფო ოჯახის წარმომადგენლებს და აგრეთვე მუმიას ჰქონდა სახის რაღაც განსაკუთრებული ნაწილი, რომელიც ხისგან იყო დამზადებული. მეცნიერებს მიაჩნიათ ეს ხის ნაწილი ხელოვნური წვერის აღმნიშვნელად.

Mta Mkvarebia · Post by **Mta Mkvarebia** » 29 იან 2011, 01:49

ალებასტრის საამქროში:

მემნონის კოლოსი

ლუქსორის მხოლოდ ძველი სახელწოდების გაგებაც კი საკმარისია, იმისთვის, რომ მიხვდეთ თუ რა კულტურის აკვანია ეს ძველი ქალაქი. ლუქსორი იგივე ქალაქი თებეა. ახალი მეფობის პერიოდში ის ეგვიპტის დედაქალაქი იყო. დიდებული ნილოსი ლუქსორს ორ ნაწილად ყოფს.

სწორედ ამ ქალაქის ტერიტორიაზე მდებარეობდა ძველეგვიპტური სახელმწიფო, რომელსაც ძველი ეგვიპტელები უასეტს, ბერძნები ფივს ანუ თებეს, არაბები კი ალ უკსურს (სასახლეებს) უწოდებდნენ. ყველაზე ძველმა თებელებმა ჩანაწერებში საკუთარი მიწა-წყალი უბრალოდ, ნიუტად ანუ ქალაქად მოიხსენიეს.

თებეს სიძველეები ნილოსის ორივე მხარეს იყო განფენილი. დასავლეთ სანაპიროზე ორი გრანდიოზული ტაძარი-კარნაკსიისა და ლუქსორის, გაერთიანებული სფინქსების ხეივნებით. უჩვეულო საეკლესიო კომპლექსები მდიდრული სასახლეების, სახლების, ხელოვნური ტბების მეზობლად იდგა. ნილას მეორე სანაპიროზე ფივის დასავლეთ ნაწილში, მეფის რეზიდენცია და უზარმაზარი ნეკროპოლი მდებარეობდა, რომელიც ფერდობების ამფითეატრში იდგა, სადაც აღმართული იყო დეჰენეტი-"დასავლეთის მწვერვალი", რომელსაც დღეს ელ-კურნი ჰქვია. იქვე დასავლეთ სანაპიროზე მზით დამწვარ ფერდობებზე დეირ ელ-მედინე მდებარეობს. ეს პატარა სოფელია, სადაც ის მუშები და მხატვრები ცხოვრობდნენ, რომლებიც ფერდობებზე მეფეების სამარხებს ქმნიდნენ. იქვე ცხოვრობდნენ ბალზამირების სპეციალისტები, ტაძრების მომხატველები და გლეხები.

ლუქსორი ეს არის საუცხოო მუზეუმი ღია ცის ქვეშ, სადაც ერთმანეთს უჩვეულოდ შეერწყა საუკუნეები და ეპოქები, მმართველები და კულტურები. აბუ ელ-ჰაგაგის მეჩეთის ავტორი მოჰამედ ელ ჰეფნი თავისი მეჩეთის შესახებ ამბობდა, რომ "ამ მეჩეთის საძირკველში უძველესი ეკლესიები, ნანგრევები და ფარაონების ქვებია მოქცეული. თუ ნილას მხარეს გაიხედავ, დაინახავ იმას, რაც რომის ფორუმიდან დარჩა. ეს კულტურები აქ თანაარსებობდა და ჩვენ ისეთებად შეგვქმნა, როგორებიც ვართ".

იმჟამად ცნობილი, როგორც ვასეტი, ძვ. ეგვიპტელებისთვის ძვ.წ. მე-2, 1-ელ ათასწლეულებში უბრწყინვალესი ქალაქი იყო. მისი მნახველებისთვის ის იმ დროისთვის ცნობილი სამყაროს ცენტრი იყო. სასახლეთა უბანი, დება - სახელი, რომელიც ბერძნებმა თებაი-დ, შემდგომში კი თებედ გადააკეთეს - განუმეორებელი ფუფუნების, იმპერიული ავტორიტეტის, განათლებისა და სიბრძნის, რელიგიისა და პოლიტიკური ძალაუფლების, ხელოვნებისა და გრანდიოზული გეგმების ეპიცენტრი იყო.
თებემ პოლიტიკური ძალაუფლების კულმინაციას ძვ.წ. მე-2 ათასწლეულის შუა საუკუნეებში მიაღწია და მისი ექსტრავაგანტული სიმდიდრე ახალი სამეფოს ფარაონების მიერ იყო მოპოვებული შესაძლოა მათ მიერ განოხორციელებული ექსპედიციების შედეგად სამხრეთის კუშის უკიდეგანო მიწებზე (დღევანდელი ჩრდ. სუდანი) და ჩრდილოეთით ქანაანში, ფინიკიასა და სირიაში. ტუტმოს III პირველი ფარაონი იყო, რომელმაც იმ დროს შორეულ ევფრატს მიაღწია მესოპოტამიაში.
იმჟამად მსოფლიოს არც ერთ სხვა ქალაქს არ ძალუძდა შედრებოდა ვასეტს სამხედრო ძლიერებითა და სილამაზით. ძველი ქალაქის სასახლეებისა და საცხოვრებელი უბნების ძირითადი ნაწილის გათხრები ჯერაც არაა სათანადოდ წარმოებული, თუმცა ყველაფერი მიუთითებს იმაზე, რომ ვირწმუნოთ ამ ქალაქის სიმშვენიერეზე დღემდე მოღწეული ძველ ეგვიპტური ნახატებით, რომელიც ნილოსის ამ სამოთხის სახლებს, ბაღებს, მინდვრებს, სასახლეებსა და ნადიმებს ასახავს.

მემნონის კოლოსის სახელით ცნობილი დღეისათვის შემორჩენილი ორი ქანდაკება ფარაონ ამენჰოტეპ III-ის საკრძალავი ტაძრის წინ იდგა, რომელიც შემდგომმა მეფეებმა დაშალეს და ქვები ახალი მშენებლობისთვის გამოიყენეს.
ამენჰოტეპის ტაძრის დაშლიდან ცოტა ხანში მიწისძვრამ ორი გადარჩენილი ქანდაკებიდან ერთერთი გაბზარა. ამის შემდეგ ქანდაკებამ განთიადისას უცნაური ხმის გამოცემა დაიწყო. ბერძნების აზრით, ეს მათი ერთერთი გმირი , ბრძოლაში მოკლული მემნონი (იგივე აგამემნონი) კვნესოდა. სინამდვილეში კი, ალბათ, ამომავალი მზის სითბო მოქმედებდა ქვის ბზარში დაგროვილ ჰაერსა და ნესტზე. ახ. წ. 199 წელს რომის იმპერატორმა სეპტიმუს სევერიუსმა ამოაქოლინა ბზარი და მემნონის კოლოსის კვნესა სამუდამოდ შეწყდა.

Mta Mkvarebia · Post by **Mta Mkvarebia** » 29 იან 2011, 02:47

მერე ისევ ნილოსზე გავისეირნეთ.

საღამოს ლუქსორის ტაძარი მოვინახულეთ

სამწუხაროდ ინტერნეტში ძალიან მწირი ინფორმაციაა ლუქსორის ღირშესანიშნაობების შესახებ, ამიტომ ეგვიპტიდან ჩამოტანილი წიგნებიდან გადათარქმნილი ტექსტებიდან დავდებ ინფორმაციას:

ლუქსორის ტაძარი ქალაქის ერთერთი უმნიშვნელოვანესი ძეგლია, რომელიც ღმერთების ამონისა და რა-ს საპატივცემულოდ აიგო. ტაზეის სიგრზე 260მეტრია. მისი მშენებლობა დაიწყო ამენოფის II-მ, გააგრძელა თუთმოს III-მ და დაასრულა რამზეს II-მ. ლუქსორის ტაძარი კარნაკის ტაძართან სფინქსებს კორიდორითაა დაკავშირებული. ამ სფინქსებს თავდაპირველად ცხვრების თავები ჰქონდათ, მაგრამ XX დინასტიის პერიოდიდან ამ ქანდაკებების თავები ადამიანის თავებით შეიცვალა. ტაძრის შესასვლელში ოდესღაც რამზეს II-ს ორი ობელისკი იდგა, ახლა მხოლოდ 1, 25-მეტრი სიმაღლის ობელისკია შემორჩენილი. მეორე ობელისკი 1833 წელს საფრანგეთში წაიღეს და პარიზის ერთერთ მოედანზე დადგეს. ლუქსორის ტაძრის შესასვლელში ვარდისფერი ქვისგან გამოკვეთილი ტახტზე მჯდომი ფარაონის 2 ფიგურა დგას, რომელთა სიმაღლე 15,5 მეტრია. მათ გერდზე კიდევ ორი ფიგურაა, რომელთაგანაც ერთერთი სავარაუდოდ დედოფალ ნეფერტარის გამოსახავდა, ხოლო მეორე, რომელიც მარჯვნივ დგას და ძალიანაა დაზიანებული მერიტ-ამონია, რამზეს II-ს ქალიშვილი.
მთავარი შესასვლელიდან შესაძლებელია რამზეს II-ს დარბაზში შესვლა, რომელიც მორთულია პაპირუსისკაპიტელიანი სვეტების ორი მწკრივით. ამ დარბაზის ეზოშივე დგას თუთმოს III-ს პატარა ტაძარი, რომელიც სამი ღმერთის - ამონის, მუტის და ხონსუს სახელზე აგებული სამი სამლოცველოსაგან შედგება. 25 მეტრის სიგრძის კოლონადას ამენოფის II-ს დარბაზისკენ მივყავართ. ტაძრის შიდა ნაწილიც ასევე ძალიან საინტერესოა. გვერდებზე განლაგებულია რამდენიმე სამლოცველო, რომელთა კედლები რელიგიური ცერემონიების და სირიელებთან და ხეთებთან ბრძოლის სცენებითაა შემკული.

Mta Mkvarebia · Post by **Mta Mkvarebia** » 29 იან 2011, 02:52

ტაძარში სეირნობისას, უცებ ქვემოდან ვიღაცამ დამქაჩა, შევხედე და ეს პატარა გოგონა დავინახე, რომელიც გაბრწყინებული თვალებით მიყურებდა და ძველი მეგობარივით მიღიმოდა.

იმდენად შეჩვეულები ვიყავით ადგილობრივი ბავშვებისგან ყურადღებას და ისე ჰგავდნენ ერთმანეთს, რომ , სამწუხაროდ, მაშინ ვერ დავაფიქსირე და მხოლოდ ფოტოების დათვალიერებისას მივხვდი, რომ ეს გოგონა ჯერ კიდევ წინა დღეს, ჰაპშესტუტის ტაძარში ყოფნისას გამომელაპარაკა

, თუმცა მაინც ვერ მიხვდა რომ ვერ ვიცანი, ისევ ჰელოუ მითხრა და ისევ რა გქვიაო, რაზეც იგივე, კეტილგანწყობილი და თბილი პასუხი მიიღო

Mta Mkvarebia · Post by **Mta Mkvarebia** » 29 იან 2011, 02:54

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS