27 იანვარს,17 საათზე თეონა ქუმსიაშვილის ხსოვნის საღამო

[anano]

27 იანვარს, 17 საათზე დუშეთის კულტურის სახლში გაიმართება 2010 წლის 22 ივლისს ხევსურეთში ტრაგიკულად დაღუპული, ცნობილი მომღერლის, თეონა ქუმსიაშვილისადმი მიძღვნილი საღამო.
საღამოზე ფოლკლორული ანსამბლები და მომღერლები შეასრულებენ თეონას სიმღერებს. წაიკითხავენ მის და მისადმი მიძღვნილ ლექსებს.
თეონა ბავშვობიდან აქტიურად მონაწილებდა სხვადასხვა ფოლკლორულ კონცერტებსა და ფესტივალებზე. იყო ანსამბლ „სიონის ზარების“ სოლისტი. თავად წერდა ტექსტებს საკუთარი მელოდიებისთვის. გამოცემული ჰქონდა სიმღერების სოლო ალბომი „ვეღარც სიმღერით გითხარ ამდენი სიყვარული“.
იგი 27 იანვარს 27 წლის გახდებოდა.
შეგახსენებთ, რომ 22 ივლისს, ხევსურეთში, მუცოს ხეობაში, დღეობის შემდეგ გზად მანქანა გადავარდა ადიდებულ მდინარეში, სადაც 10 ადამიანი იჯდა - თეონა ქუმსიაშვილი და მისი მეუღლე ხევსური პოეტი და მომღერალი გელა დაიაური 2 შვილთან (2 წლის დემეტრე და 9 თვის ჯარჯი), თეონას და ნათია ქუმსიაშვილი, ძმა თორნიკე ქუმსიაშვილი, ნათესავი თეონა ჭინჭარაული, მეგობარი ბერდია არაბული, მისი მეუღლე სოფიო ღოღობერიძე და მათი 4 თვის შვილი მამუკა. ავტოკატასტროფის შედეგად დაიღუპა 7 ადამიანი. გადარჩნენ გელა დაიაური, თორნიკე ქუმსიაშვილი და თეონა ჭინჭარაული. დემეტრე დაიაურისა და მამუკა არაბულის ცხედრების პოვნა ვერ მოხერდა.
საღამო ტარდება დუშეთის მუნიციპალიტეტის და ტურისტული კომპანია ”თებულოტურის” მხარდაჭერით.

დასწრება თავისუფალია.

[Mta Mkvarebia]

27-ში თეონას დაბადების დღეა მაგიტომაც დავამთხვიეთ მაგ თარიღსო, პაატამ. მაგრამ შუა კვირაა და ალბათ ბევრი ვერ მოახერხებს წასვლას , მათ შორის მეც.

[xaliana21]

საშინელება დატრიალებულა!!!
არ ვიცოდი ამ უბედური შემთხვევის ამბავი.
თეონა კარგად მახსოვს სხვადასხვა ხევსურული საგამოებიდან! სიცოცხლით და ემოციით სავსე ადამიანი....
იმდენად კარგი წყვილი იყვნენ, თვალს ვერ ვაშორებდი

მომიტევეთ დაგვაინებული ემოციები, მაგრამ თავი ვერ შევიკავე

[kiki]

მიუხედავად ჩემი დიდი სურვილისა , ვერ ვახერხებ სამწუხაროდ:(