დაშბაში-წალკის წყალსაცავი-თრიალეთი-ბედიანი, 23.01.2011

[GAMARJOBA SAKARTVELO]

1. რეგიონი:
ქვემო ქართლი, წალკის რაიონი

2. მარშუტის დასახელება:
თბილისი-წყნეთი-წალკა-დაშბაში-წალკა(წყალსაცავი)-თრიალეთი-ბედიანი-თეთრიწყარო-კოდა-თბილისი

3. ხანგრძლივობა:
1 დღე

4. სირთულე:
მარტივი

5. გასვლის, ლაშქრობის ღირებულება
170 ლარი მინიბუსისთვის

6. მონაწილეთა რაოდენობა
26 მგზავრი, 2 მინიბუსი

7. გასვლის, ლაშქრობის 2განიზატორი
GAMARJOBA SAKARTVELO

8. დანიშნულების პუნქტთან უახლოესი დასახლებული პუნქტი:
დაშბაში - ქალაქი წალკა
თრიალეთი - ქალაქი წალკა
ბედიანი - დასახლება ხრამჰესი, კლდეისი

9. მარშრუტის სიგრძე ტრანსპორტით:
248 კმ

10. ფეხით გავლილი მანძილი:
3 კმ წალკა-დაშბაშის მონაკვეთზე

11. სანახავი და ყურადღებამისაქცევი ადგილები:
დაშბაში
ძველი ქართული ტაძარი სოფლის განაპირას, ხეობა და ხეობაში, ტაძრის მოპირდაპირედ ჩამომავალი ჩანჩქერი,
სომხური ეკლესიის ნანგრევი სოფლის გულში, სოფლის ზეგანის ნაპრალი
თრიალეთი
1906 წელს აგებული ტაძარი, ზოგი ვერსიით გერმანელების, ზოგის - ბერძნების მიერ
წალკა
ვეებერთელა წყალსაცავი, რომელიც მდინარე ქციით საზრდოობს
ბედიანი
სოფლის გულსა და ტყის პირას მდებარე ადრეული ტაძრები

12. საბანაკე ადგილები:
დაშბაში
სოფლის პირას
თრიალეთი
ახლო-მახლო დიდი არაფერია
წალკა
წყალსაცავის პირას, სასურველია ძველ ნაგებობებთან
ბედიანი
ტყეში, დედათა მონასტრის მახლობლად, ან სოფელ ბედიანის შესავლელთან, ქციის (ხრამის) შენაკადთან, სადაც 1 ძველი ნაგებობაა

13. სასმელი წყალი მარშრუტზე:
დასახლებულ ადგილებში ყველგან არის

14. საჭირო აღჭურვილობა, რჩევები:
ზამთარში მოცურების საწინააღმდეგო ჯაჭვები და ზამთრის საბურავები
დაშბაშის ტაძრისთვის სანთელი.
თრიალეთის ტაძრის გასაღები ინახება ადგილობრივ დავით მელიქიან(ც)თან

15. გასვლისთვის, ლაშქრობისთვის საუკეთესო დრო
ნებისმიერი დრო დიდთოვლობის გარდა

16. რისკები, საფრთხეები:
მიყრუებულ ადგილებში მგელი
წალკის წყალსაცავზე ყინული ზოგან თხელია და ზედ სასიარულოდ სიფრთხილეა საჭირო, მოყინული გზა

17. უახლოესი ღირსშესანაშნავი ადგილი, რომელიც დროის გახანგრძლივების შემთხვევაში, შეიძლება, ამ გასვლისას ინახოს
მანგლისის სონი, ეძანის ბაზილიკა, ალგეთისა და წალკის ეკლესიები, გომარეთი დმანისის გზით წასვლის შემთხვევაში

18. პირობები სხვა და სხვა აქტივობისთვის
დაშბაში
ლაშქრობა ხეობაში
წალკა
თევზაობა
ბედიანი
ნებადართული ნადირობა, თევზაობა

19. პირობები ფიჭური კავშირგაბმულობისთვის:
თრიალეთი-ბედიანი-თეთრი წყაროს მონაკვეთზე სერიოზული შეფერხებებია.
ხეობებია და ტელეფონებს დაჭერა უჭირთ

20. სასარგებლო საკონტაქტო ინფო
არ საჭიროებს

21. რუკა, ჯი-პი-ეს-მონაცემები


22. სიმაღლე ზღვის დონიდან
დაშბაში 1450-1500 მეტრის ფარგლებში
თრიალეთი 1550 მის ფარგლებში
წალკა 1450-1500 მის ფარგლებში
ბედიანი860-930 მის ფარგლებში

23. გასვლის, ლაშქრობის შეფასება 10ქულიანი სისტემით
8,5

24. სასარგებლო ბმულები
გასვლის დაგეგმვა:
http://www.karavi.ge/viewtopic.php?t=4792&start=0

თრიალეთი
http://ka.wikipedia.org/wiki/%E1%83%97% ... %E1%83%98)

წალკა, წალკის მუნიციპალიტეტი
http://ka.wikipedia.org/wiki/%E1%83%AC% ... 9%E1%83%90

http://webcache.googleusercontent.com/s ... clnk&gl=ge

ბედიანი[/quote]
http://wapedia.mobi/ka/%E1%83%91%E1%83% ... C%E1%83%98

[GAMARJOBA SAKARTVELO]

ძნ საინტერესო გასვლა იყო.
აღმოჩნდა, რომ :კარავზე: ბედიანის მიმართულებით გასვლა ადრე არც დაგეგმილია
(ყოველ შემთხვევაში, ლაშქრობების საძიებელში ბედიანი არ იყო), დაშბაშში გასვლა 2010ში გვქონდა, სადაც ლეო1 და მე ვმონაწილეობდით.
ასე რომ, ეს :კარავისთვის: სრულიად ახალი მიმართულება იყო.
ცხადია, ზოგი1 კარაველი დაშბაში-ბედიანში ნამყოფი იქნებოდა.
ამიტომ, თუ ისინი თემას სასარგებლო ცნობებით გაამდიდრებენ, ბევრ შესაძლო წამსვლელს დიდ 3სახურს გაუწევენ.

ჯერ კიდევ შაბათს, გამგზავრების წინა დღეს სიაში 43ნი ვიყავით.
თუმცა, კვირას 26ნი წავედით. ალბათ, ყველა მათგანი სასიამოვნო შთაბეჭდილებით ჩამოვიდა.
ჰოლო ვინც ამ ძეგლების ნახვა ვერ შეძლო, წინ დიდი სიამოვნება ელით.

[GAMARJOBA SAKARTVELO]

წავედით წყნეთის გავლით. ვიდრე მანგლისის გადასახვევამდე მივიდოდით, ბეთანიის გადასახვევის შემდეგ ფიჭვნარის კორომია.
ბოლო თვეებში სწორედ აქ ვიგრძენი ზამთარი.
ხეების თოვლი ზედ ჰქონდა მიყინული და მშვენიერი სანახაობა იყო გადაშლილი.
წალკაში როგორც შევედით, უმალ მარცხნივ შევუხვიეთ და სოფელ დაშბაშის გზას დავადექით. სოფლამდე 4,5 კმია.
ნაწილმა ფეხით გაიარა ეს გზა, ნაწილმა მინიბუსით.
ვინც ფეხით გავიარეთ, დამეთანხმება, რომ 1 რამედ ღირდა სუფთა ჰაერის ჩასუნთქვა.
სოფლის განაპირას დაშბაშის ტაძარია, რომელიც სოფელთან მიახლოებამდეც ჩანს.
ტაძარი ხეობის პირასაა. წინ მცირე ზეგანია, საიდანაც ჩანჩქერი მოჩანს.
ამ ჯერზე ჩანჩქერი გაყინული იყო.
ზეგანზე კიდევ ნაპრალია, ბუნებრივი მოვლენით გაჩენილი. ღრმაა და ლამაზი.

[GAMARJOBA SAKARTVELO]

დაშბაშიდან ისევ წალკაში დავბრუნდით. ქალაქს რომ გავცდით, წყალსაცავს მივადექით, რომელიც გაყინული იყო.
ზედ შევდექით ვისრიალეთ.
ამ მიმართულების შეტანა ყველასთვის სასიამოვნო მოულოდნელობა იყო და ფრიად კმაყოფილნიც დარჩნენ.

წალკის გავლით ბედიანის მონასტრის გზას დავადექით. წალკიდან მე7 კმში სოფელი თრიალეთია, რომელიც მე19 საუკუნეში გერმანელებით იყო დასახლებული, შემდეგ კი ბერძნებისა და სომხების დასახლებები გაჩნდა.
მე20 საუკუნის მიწურულიდან აქ ეკომიგრანტი აჭარლები ჩამოსახლდნენ და სოფელი უკვე ქართულად ითვლება. თრიალეთს უწინ როზენბერგი ერქვა, შემდეგ ჩაპაევკა და ჰოლო 21 საუკუნეში დაბა-სოფელი თრიალეთის სახელს ატარებს.
სოფლის შუა გულში დიდი ტაძარია, ზოგი1 მის აშენებას გერმანელებს მიაწერს, ზოგიც - ბერძნებს.
ის 1906 წელს არის აგებული ვინმე დიმიტრი სახტაროვის მიერ, რაც ბევრს აფიქრებინებს, რომ სწორედ ბერძნული ტაძარია.
ბოლშევიკებს ტაძარი კინო-კლუბად გადაუკეთებიათ და მაყურებელთა სკამები ახლაც დგას მოწყობილ პარტერში.
ნაგებობა მძიმე მდგომარეობაშია, წყალი ჩამოდის. გასაღები ადგილობრივ დავით მელიქიან(ც)თან ინახება,
რომელიც 300 მში ცხოვრობს და უვლის ტაძარს.

[GAMARJOBA SAKARTVELO]

თრიალეთიდან დაღმართს დავადექით. ხრამჰესის გავლით 1ლივე სოფელს ბედიანს მივადექით. მანძილი დაახლოებით 26-27 კმია. მეგზური კი ვიწრო მდინარე ხრამია, იგივე ქცია.
ხიდი გადავირეთ და სოფელში შევედით. ჯერ მცირე ზომის ტაძარი ვნახეთ, ახლახანს აღდგენილი და კოხტა,
შემდეგ იქიდან აღმართიან გზას დავადექით, დაახლოებით 1კმ ავიარეთ და დედათა მონასტერს მივადექით.
3ნავიანი ბაზილიკაა, რომელშიც ივერიის ღვთისმშობლის ტაძარიცაა მოწყობილი.
როგორც ადგილობრივმა დედამ გვითხრა,ტაძარი ღვთისმშობლის მიძინებისაც და არის თუ არ ვცდები, ღვთისმშობლის შობისაც ( ან ღვთისმშობლის ხარების).
ღვთისმსახურის ეს მონაყოლი თუ ვინმემ მოისმინეთ, ეგებ აქაც დაწეროთ.

საუბარს ცოტა გვიან შევუ1დი და ასეთი რამ მოვისმინე - თურმე კათოლიკოს-პატრიარქ ილია მე2ს ტაძარი უნდა
ეკურთხებინა და ღვთისმშობლის შობად (თუ ხარებად) მოუხსენებია. უთქვამთ, უწმინდესო, ტაძარი მიძინების სახელობის არისო, მშვიდი ხმით მიუგია პატრიარქს,
იმ სახელზეც იყოს და ამაზეცო.
ახლა ტაძარი 2 სახლეს ატარებს, რაც ძალზედ იშვიათი რამ არის. თუმცა, ღვთისმსახურები უფრო მეტად
ტაძრის დღესასწაულად ღვთისმოშბლის მიძინებას თვლიან

[GAMARJOBA SAKARTVELO]

შებინდებამდე სოფელი დავტოვეთ და ვიდრე თეთრიწყაროს გზას დავადგებოდეთ, იქ, სადაც ხრამს 1 შენაკადი
უ1დება და ძველი გაპარტახებული ნაგებობა დგას, მცირე მინდორზე გავჩერდით, კოცონი აგუზგუზდა და ვისადილეთ.
თბილისში თეთრიწყაროს გზით საღამოს 10 სთზე დავბრუდნით.

[dolidzeli]

დაშბაშის ეკლესია

















გაყინული ჩანჩქერი











ბერძნული ეკლესია














ღვთისმშობლის მიძინების ტაძარი.

[dolidzeli]

[dolidzeli]

[dolidzeli]

[dolidzeli]

[dolidzeli]

[dolidzeli]

[dolidzeli]

[dolidzeli]