6 დღე სვანეთში 3-8 აგვისტო

Naia · Post by **Naia** » 29 ივლ 2010, 09:02

მათთვისაც, ვისაც ხანგრძლივი შვებულების აღების ფუფუნება არა აქვს ან შვებულების მრავალფეროვნად გატარება სურს, რამდენიმე კარაველმა 6 დღიანი სვანური ტურის მოწყობა გადავწყვიტეთ. იდეა და მარშრუტი გამარჯობა საქართველოს, ხოლო ორგანიზება მთაშენკას და მე გვეკუთვნის .

მიუხედავად იმისა, რომ იდეა დიდი ხნისაა, თემის გახსნას მაინც არ ვჩქარობდით. არ გვინდოდა ჩვენი გასვლით კარავზე დაგეგმილი კიდევ ერთი სვანური ტურისთვის მონაწილეთა შეგროვებაში ხელი შეგვეშალა. ახლა კი როცა ლამას ტურის ორგანიზება მთლიანად დასრულებულია და უკვე გასამგზავრებლად არიან მზად, თემაც გავხსენით.

მაშ ასე, გასვლა შედგება: 3-დან 8 აგვისტოს ჩათვლით

მარშრუტი ასეთია:

3 აგვისტო - თბილისი-მესტია. მესტიის მუზეუმებისა და მესტიის დათვალიერება. გამგზავრება და ღამისთევა კალაში.

4 აგვისტო - კალადან კვირიკეს ეკლესიაში ასვლა. გამგზავრება უშგულში. მურყმელის, თამარის კოშკის და უშგულის მუზეუმის ნახვა. ღამისთევა უშგულში.

5 აგვისტო - უშგულიდან სურვილის შემთხვევაში ფეხით ან ცხენებით გამგზავრება შხარაზე. უკან დაბრუნებისას ლამარიას მონახულება. უშგულიდან გამგზავრება იფარში და იფარის ეკლესიის ნახვა. უკანა გზაზე წვირმის მონახულება. მულახში ჩასვლა და ღამისთევა.

6 აგვისტო - მულახიდან ცხენებით ან ფეხით გამგზავრება ჩანჩქერზე. უკან დაბრუნება და ღამისთევა მესტიაში.

7 აგვისტო - ლატალი, ლენჯერი (ღამისთევა ლენჯერში) (შევეცდებით ადგილზე გავარკვიოთ ქორულდის ტბებზე მისასვლელი გზის მდგომარეობა და თუ გზა ნორმალურია ტბებიც მოვინახულოთ).

8 აგვისტო - ბეჩო. ბეჩოდან უშბის ნახვა. ფხოტრერი. ეცერი. ზუგდიდში ჩასვლა. ზუგდიდიდან თუ დრო და სურვილი გვექნა უკანა გზაზე ხობში შევლა და ხობის ეკლესიის ნახვა. ხობიდან ციხეგოჯში გადასვლა და თბილისში დაბრუნება

ეს არაკომერციული გასვლაა, და დანახარჯებში შედის მხოლოდ მგზავრობის, საოჯახო სასტუმროს (კვების ჩათვლით), მუზეუმის ბილეთების და სურვილის შეემთხვევაში ცხენით მომსახურების ხარჯები. გადაადგილება მოხდება 19 ადგილიანი მიკროავტობუსით, რომლის ღირებულებაა 1000 ლარი, ამას ემატება მძღოლის ღამისთევისა და კვების ხარჯები 170 ლარი. სულ 1170 ლარი. ეს თანხა თანაბრად გაიყოფა მონაწილეთა რაოდენობაზე.

ღამეს ოჯახურ სასტუმროებში ან ოჯახებში გავათევთ, სადაც საფასურში კვებაც შედის. ღამისთევის ღირებულება 30 ლარია , გარდა უშგულისა სადაც სასტუმრო 50 ლარი ღირს. სულ 5 ღამეში 170 ლარი დაგვჭირდება.

უნდა გავითვალისწინოთ ცხენის დაქირავების (სურვილის შემთხვევაში) ხარჯები 30 ლარიც, მესტიის და უშგულის მუზეუმის ბილეთების ხარჯები (დაახლოებით 10 ლარი) აგრეთვე პირველი და ბოლო დღის, ანუ გზაში კვების თანხა.

ამ გასვლის ფასები მონაწილეთა რაოდენობაზეა დამოკიდებული და 242-300 ლარის ფარგლებში მერყეობს. 19 კაცის შეკრების შემთხვევაში თითოეულ ჩვენგანს ეს გასვლა 272ლარი დაუჯდება (ცხენის დაქირავების გარეშე 242 ლარი). 13 კაცის შეკრების შემთხვევაში - 300 ლარი (ცხენის გარეშე 270 ლარი).

გამგზავრება 3 აგვისტოს დილის 5.00 საათზე სამთო ქიმიის შენობიდან.

ახლა კი სია:

რადგან თემა დროულად ვერ გავხსენით, სია პირადი და სატელეფონო საუბრების შედეგად ნაწილობრივ შევავსეთ:

1. ნაია
2. ნაიას +
3. მთაშენკა
4. ტომა
5. გამარჯობა საქართველოს +
6. დელ
7. დელ +
8.თებრო
9. ნიმფა
10. კარველების +
11.კაკატული ?
12. კაკატულის + ?
13.კაკატულის+ ?
14.მარიშკა ?
15. Stranger
16.
17.
18.
19.

zura N. · Post by **zura N.** » 29 ივლ 2010, 09:25

Naia wrote: ეს არაკომერციული გასვლაა, და დანახარჯებში შედის მხოლოდ მგზავრობის, საოჯახო სასტუმროს (კვების ჩათვლით), მუზეუმის ბილეთების და სურვილის შეემთხვევაში ცხენით მომსახურების ხარჯები.

ნაი ბოდიში რაღაცა ვერ გავიგე...

კომერციული 10 დღიანი გასვლა 230 ლარი დაჯდა და არაკომერციული 6 დღიანი რატოა უფრო მეტი...?

ოჯახური სასტუმროების გამოო? თუ მარშუტია სხვა და ხარჯია მეტი?

Naia · Post by **Naia** » 29 ივლ 2010, 09:28

zura N. wrote:
Naia wrote: ეს არაკომერციული გასვლაა, და დანახარჯებში შედის მხოლოდ მგზავრობის, საოჯახო სასტუმროს (კვების ჩათვლით), მუზეუმის ბილეთების და სურვილის შეემთხვევაში ცხენით მომსახურების ხარჯები.
ნაი ბოდიში რაღაცა ვერ გავიგე...
კომერციული 10 დღიანი გასვლა 230 ლარი დაჯდა და არაკომერციული 6 დღიანი რატოა უფრო მეტი...?
ოჯახური სასტუმროების გამოო? თუ მარშუტია სხვა და ხარჯია მეტი?

ვიცოდი, რომ ამ კითხვას დამისვამდნენ, ამიტომ ყველა ხარჯი დავწერე თემაში.

ზურა, სწორედ, რომ ოჯახური სასტუმროების და მიკროავტობუსის გამო ჯდება ამდენი, თორემ მათ გარეშე მარტო ჩასვლა-ჩამოსვლისა და კვების ხარჯებს გადავიხდიდით და სავარაუდოდ 150 ლარში ჩავეტეოდით:)

მაგრამ დროის სიმცირისა და ბევრის მოსწრების სურვილის გამო, მიკროავტობუსი 6 დღით ვიქირავეთ და სოფლებს შორის მანქანით მოხდება გადაადგილება. თუ კიდევ გაინტერესებს რამე, შემიძლია უფრო დაწვრილებითი პასუხი გაგცე, თუმცა ყველა ხარჯი ზემოთ წერია, უბრალოდ უნდა შეაჯამო და მერე მონაწილეთა რაოდენობაზე გაყო და ამ გასვლის ღირებულებასაც მიიღებ.

პს. თუ წამოხვალ ძალიან გაგვახარებ

zura N. · Post by **zura N.** » 29 ივლ 2010, 09:32

Naia
გაიხარე, უბრალოდ ის ხარჯები აღარ გადამიხედია, მარტო ფასს შევხედე და პირდაპირ გკითხე,

ეგრეც ვივარაუდე მარა დაზუსტება მინდოდა...

მადლობა...

paata_ · Post by **paata_** » 29 ივლ 2010, 09:34

კომერციული და არაკომერციული გასვლები მაგარია კარავზე

Mta Mkvarebia · Post by **Mta Mkvarebia** » 29 ივლ 2010, 09:47

paata_
მაგრამ ეს ხელს არ გიშლით, კომერციული გასვლები დადოთ სააგენტოს პატრონებმა. ორივე ტიპის გასვლები უნდა იდოს აქ, რადგან ორივეს ყავს თავის მომხმარებელი. მე დიდი სიამოვნებით ვიღებ მონაწილეობას კომერციულ გასვლაშიც და არაკომერციულშიც. მაგრამ წინასწარ უნდა ვიცოდე ამის შესახებ, ასე არ არის? და რატომ უნდა ეგონოს ვინმეს რომ ნაიამაც ტურისტუული სააგენტო გახსნა?

ამიტომ ჩამოარაკრაკა ხარჯები დეტალებში

.

Naia · Post by **Naia** » 29 ივლ 2010, 09:59

Mta Mkvarebia

და რატომ უნდა ეგონოს ვინმეს რომ ნაიამაც ტურისტუული სააგენტო გახსნა?

ისე, უარს არ ვიტყოდი მაგაზე

მაგრამ დრო თქვი, ჩემო ლიკა. ამ ტურის ორგანიზებაზეც იმდენი დრო დავხარჯე, რომ გადავიფიქრე მომავალში რაიმის დაგეგმვა. არადა, გოგამ წასვლის წინ თითქმის ყველაფერი მოაგვარა

zura N. · Post by **zura N.** » 29 ივლ 2010, 10:01

Mta Mkvarebia wrote:paata_
მაგრამ ეს ხელს არ გიშლით, კომერციული გასვლები დადოთ სააგენტოს პატრონებმა. ორივე ტიპის გასვლები უნდა იდოს აქ, რადგან ორივეს ყავს თავის მომხმარებელი.

ამ ყველაფრის შედეგად წარმოიშვება ეს...

Naia wrote: მიუხედავად იმისა, რომ იდეა დიდი ხნისაა, თემის გახსნას მაინც არ ვჩქარობდით. არ გვინდოდა ჩვენი გასვლით კარავზე დაგეგმილი კიდევ ერთი სვანური ტურისთვის მონაწილეთა შეგროვებაში ხელი შეგვეშალა.

ფაქტია რომ ზემოქმედებას ახდენს გასვლების ორგანიზებაზე...

პ.ს. უაკცარავად სულ გადავუხვიე თემიდან...

paata_ · Post by **paata_** » 29 ივლ 2010, 10:06

Mta Mkvarebia

კარავზე არ უნდა იყოს მაგაზე მაქვს საუბარი კომერციული გასვლები, ყველას აქვს გამოცდილება და შეუძლია ორგანიზება

მე არ ვდებ ჩემ გასვლებს კარავზე და წინადადება თუ მაქვს არაკომერციული გასვლების სხვა ვეუბნები რომ გახსნას თეემა

გვალდა · Post by **გვალდა** » 29 ივლ 2010, 10:08

რა ცუდია რომ შვებულება არ მაქვს ჯერ

რომელიმე მიმართულებით შემოგიერთდებოდით ადგილზე

ბედნიერ, უსაფრთხო და მზიან დღეებს გისურვებთ

Iako. · Post by **Iako.** » 29 ივლ 2010, 10:11

მე შვებულებას ვარკვევ და თუ ყველაფერი კარგად იქნა მე და ჩემი სამი პლიუსი წამოვალთ ამიტომ ჩავეწერები ?-ით

1. ნაია
2. ნაიას +
3. მთაშენკა
4. ტომა
5. გამარჯობა საქართველოს +
6. დელ
7. დელ +
8.თებრო
9. ნიმფა
10. კარველების +
11.კაკატული ?
12. კაკატულის + ?
13.კაკატულის+ ?
14.მარიშკა ?
15. Stranger
16. იაკო?
17. იაკო?
18. იაკო?
19.იაკო ?

რამდენიმე საათში მეცოდინება ზუსტად

zura N. · Post by **zura N.** » 29 ივლ 2010, 10:15

paata_ wrote:Mta Mkvarebia
კარავზე არ უნდა იყოს მაგაზე მაქვს საუბარი კომერციული გასვლები, ყველას აქვს გამოცდილება და შეუძლია ორგანიზება

მე არ ვდებ ჩემ გასვლებს კარავზე და წინადადება თუ მაქვს არაკომერციული გასვლების სხვა ვეუბნები რომ გახსნას თემა

ვეთანხმები...

შესაძლოა დაიდოს ამა თუ იმ კომერციული გასვლის ბმული სხვა საიტიდან ან ფორუმიდან, მაგრამ დაგეგმვა აქ უხერხულობას უქმნის სხვა ფორუმელებს იგივე მარშუტის დაგეგმვაში პარალელურად...

ბოდიში ცოტა კრიტიკული გამოსვლებისათვის...

Naia · Post by **Naia** » 29 ივლ 2010, 10:16

zura N.
ზურა, სიმართლე გითხრა, არ მინდოდა ამაზე საუბარი... მაგრამ რახან წამოიწყე, აჯობებს ყველაფერს ნათელი მოვფინოთ:

ამ გასვლის იდეა როგორც კი გაჩნდა, მაშინვე ლამას გავაცანით და შევთანხმდით, რომ სანამ თავისი ტურის ორგანიზებას არ დაასრულებდა, თემას არ გავხსნიდით. ეს ჩვენ საკმაოდ ცუდ სიტუაციაში გვაყენებდა. თუ საკმარისი რაოდენობის ხალხი არ შეიკრიბებოდა, მაშინ თითოეულ ჩვენგანს ძალიან დიდი თანხის გადახდა მოუწევდა. ამიტომ, იძულებულნი გავხდით პირადი საუბრებით დაგვეკომპლექტებინა სია, რაც საკმაოდ რთული იყო.

შეიძლება ვინმემ ისიც თქვას, აჯობებდა კერძო გასვლა გაგეკეთებინათ და კარავზე საერთოდ არ დაგედოთო. მაგრამ ვინაიდან სვანეთიდან დაბრუნების შემდეგ რეპორტაჟის მომზადებას ვაპირებთ და თან ვიცით, რომ დროის სიმცირის გამო ყველა ვერ ახერხებს 10-დღიან ლაშქრობაში წასვლას, ამ თემის გახსნა მაინც გადავწყვიტეთ.

მგონი ყველას აქვს უფლება დაგეგმოს ისეთი გასვლა, როგორც მას აწყობს და ჰქონდეს არჩევანის საშუალება. ლამას ტურში დიდი სიამოვნებით წავიდოდი, მაგრამ 10 დღიან შვებულებას არავინ მომცემდა. გარდა ამისა, ფეხით დიდ მანძილზე სიარულს ვეღარ ვახერხებ, ამიტომ ასეთი გასვლა იდეალური გამოსავალია ჩემთვის და ჩემნაირებისთვის.

მგონი მიუტევებელი დანაშაული არ ჩამიდენია ამ ლაშქრობის დაგეგმვით

თუ კი, მაპატიეთ...

Mta Mkvarebia · Post by **Mta Mkvarebia** » 29 ივლ 2010, 10:17

paata_
და აქვს მნიშვნელობა ვინ გახსნის?

. კომერციული გასვლები რომ არ ყოფილიყო "კარავზე", უნახავი დამრჩებოდა თუშეთიც და სვანეთიც

.
ისე კი მიგიხვდი რასაც გულისხმობ

, მაგრამ ეს თემა რა შუაშია?

ხალხნო ძალიან არასასურველი მიმართულება მიიღო თემამ, ძალიან გთხოვთ მხოლოდ კონკრეტულ გასვლასთან დაკავშირებით წერეთ, თორემ ისედაც 4 დღეა გასვლამდე დარჩენილი და სია ჯერ კიდევ შესავსებია.

1. ნაია
2. ნაიას +
3. მთაშენკა
4. ტომა
5. გამარჯობა საქართველოს +
6. დელ
7. დელ +
8.თებრო
9. ნიმფა
10. კარველების +
11.კაკატული ?
12. კაკატულის + ?
13.კაკატულის+ ?
14.მარიშკა ?
15. Stranger
16. მთა მყვარებიას + ? (თუმცა არ მჯერა რომ წამოვა

)
17.
18.
19.

zura N. · Post by **zura N.** » 29 ივლ 2010, 10:21

Naia
ნაია შენ ვერ გამიგე... მაპატიე თუ უხერხულობაში ჩაგაგდე... მე შენზე და ამ გასვლაზე არაფერს ვაბობ... პირიქით სწორედ იმის თქმა მინდა რომ სხვადასხვა მიზეზების გამო მოგიწია სხვა გზა გამოგენახა ამ მარშუტის დასაგეგმად და რთულ მდგომარეობაში ჩავარდი...

პ.ს. ამ თემაში მოვრჩეთ ამაზე ვაოფებ(თ)...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS