გელა დაიაურს და მის ოჯახს დიდი უბედურება შეემთხვა ;(

ira · Post by **ira** » 28 ივლ 2010, 11:26

მთაშენკა, მადლობა, გამომიგზავნა პაატამ

გვალდა · Post by **გვალდა** » 28 ივლ 2010, 11:56

"ავაჰმე, მთის ბულბული მოუკვდა საქართველოსა, მთის ბულბული...
თეონა ქუმსიაშვილს მიუძღვნა ეს ციკლი სანათამ"

მზემდე ცაბაურთა ჰყუდავ, ჩაღრუბლული
(ბულბულის ციკლი)

თეონა ქუმსიაშვილს

1. ჩემი ფშავლის ქალა გალობს...

შაშვი დადუმდა, არაგვი გაირინდა,
მზემდე ცაბაურთა ჰყუდავ ჩაღრუბლული,
ჯაბანიშვილების კოხტა აივნიდან
ციდა ფშავლის ქალა გალობს â€“ მთის ბულბული.
ხელს ცამდე იწვდიან მისი გვარ-ჯიშანი,
ამ ცა-მზეს გაუმრავლდი, ბულბულის ცალო.
ჰყუდავ ცაბაურთა ჯავარ-ზავთიანი,
გული ყელში მჩრია, ჩემს სათქმელს გალობს...
ერთპირ გაუხსნია ზეცას ცხრავე კარი,
მთავარანგელოზი გვფარავს და გვწყალობს,
ხევისპირ, ფიცრული კოხტა აივნიდან,
ჩემი ფშავლის ქალა გალობს...

2. ნამით პირნაბანი სამყურები

როგორ ციმციმებენ ალმასივით,
ზეცის თითობეწო ნაჟურები,
ახლა აღარაფერს აღარ ვჩივი,
შენც თუ შეგაყვარე სამყურები...

კარგაძალი გზაა შატილამდე
და შავი არაგვი მიგვაცილებს
ჩვენს დუმილს ვიხსენებ ამდილანდელს,
უხმო სინანული მინაპირებს...

თურმე რა ლამაზი ფიქრი იცი,
სურვილს გვიზიარებ არცთუ იოლს,
ბევრს ვერ დაგპირდები, თეო, წინწინ,
ცხენები ბლომად ჰყავთ შატილიონთ...

შენთვის ლამაზ თეთრონს ამოვარჩევ,
(მე წაბლა მომწონდა თავიდანვე),
ჭენებით მივიდეთ არდოტამდე
და იქ გავითიოთ სამი ღამე.

დღისით ვიქეიფოთ ხევსურებთან,
ვწრუპოთ ქალაქური შავი ღვინო,
ლექსით თრობის ეშხში შესულებმა
გათენებმდე ვერ დავიძინოთ...

უფრო მომინდება შენი ნახვა
მერე, თბილისში რომ დავბრუნდებით,
თუკი შენც ჩემსავით შეგიყვარდა
ნამით პირნაბანი სამყურები.

3. მუცოს რძალო, ჩემო ქალთარაფერავ!..

ჩაგაცმევენ საქორწინო წითელ კაბას,
ლამაზ თვალებს ვერ დამალავ მანდილში,
თავსდამტყდარი ემგვანება უცხო ამბავს,
ორხევიდან წაგიყვანენ შატილში....

ქედს გადაღმა მშობლიური იალნოა,
არდოტისკენ კვლავ საავდრო ნისლია,
სიყვარული ცოტა უფრო გვიან მოვა,
თვალებს ცრემლით ნუ იშავებ, ნიბლიავ!

ალუდას და ზვიადაურს დანაფერი
სიძე მაყრებს მოიყოლებს მის მგვანებს,
ქმარ-მაზლანი გიმღერებენ “არხოტოს” და
კარკუჩით რომ ქალი ჩამაიყვანეს...

ცხენზე ჯდომას გასწავლიან ფშავლის ქალას,
ვერცხლის შიბით დაიქარგავ საკინძეს,
კოპალა და იახსარი დაგიფარავს,
კაცრიელი გინდაც ყველა გაგიწყრეს...

გალაღდები, ქალის ჯარში დამშვენდები,
გაივსები, მტერსაც მოეწონები,
გაის ამ დროს ტყუპი ვაჟით გაბევრდები,
გულისგულში შეგნატრებენ სწორები...

შენი სულის და ოცნების ლურჯი ჩიტი
სიმღერებად თუ გადმოსკდა ნაპირებს,
შენს ქმარს აღარ დასჭირდება ბარად ჩასვლა,
ზამთრის დღეებს ისე გაუაპრილებ...

ხევსურ ქმარ-შვილს შეავედრებ მამისხატებს,
მიმწუხრისას ფშაურ ფანდურს მაჰხელავ,
დრო მოვა და სხვა სიზმრებსაც ამიცხადებ...
მუცოს რძალო, ჩემო ქალთარაფერავ!..

http://www.geowebi.com/sanatha/index14.html

Mariam · Post by **Mariam** » 28 ივლ 2010, 16:17

გვალდა wrote:სულში დამიღამდა ქალავ,
საით გამიფრინდით ნეტავ,
ეჰ,ვერ გაპატიებთ ღალატს,
რად არ წამიყვანეთ თქვენთან,
ჩონგურს გადაუწყდა სიმი,
მოსთქვამს ფერწასული ჰანგი,
რა ვქნა,ვის შევჩივლო ეხლა,
ჩემი უკურნელი დარდი,
ჩემი ორი ანგელოზი,
რისთვის გამომტაცე ღმერთო,
მამაც თქვენთანაა შვილო,
თქვენთვის სანთლად უნდა ენთოს,
თავზე ჩამომემხო ზეცა,
თვალი ცრემლებს ვეღარ ილევს,
ქალავ,რად უმტყუნე სიტყვას
და ფიცს ღმერთთან დანაპირებს,
მაგრამ ტიალია ბედი,
მისი ბილიკები მრუდე,
თურმე თვით არღუნიც გლოვობს,
რისთვის დაგვინგრია ბუდე,
ხევსურეთს ჭრილობა სტკივა,
მუცო გაათეთრა დარდმა,
მჯერა სამოთხეში მიხვალთ,
ჩვენ ხომ ღმერთი ასე გვწამდა,
მანამ გაგაღმერთებთ ლექსით,
ლოცვას გამოვატან ქარებს,
ეს ხმა ნანასავით გესმით,
ღვთისმშობელი გიღებთ კარებს,
აკვანს ანგელოზი გირწევთ,
კალთა მოგაფარათ ღმერთმა,
ქალავ,მიმიხედე შვილებს
ჩვენ ისე ვიქნებით ერთად..

ბურთი გამეჩხირა ყელში. სამსახურში ტირილი მცხვენია, თორემ ძლივს ვიკავებ თავს

გვალდა · Post by **გვალდა** » 28 ივლ 2010, 17:51

კიდევ დავდევ ერთ ლექსს

ფორუმზე წავაწყდი. ავტორი: ბიაკო, 25 ივლისი

მთაო,ცის ჭერზე ნაკიდო
ეგებ მამაჩემს უთხრა,
არრა მაწუხებს წუხილი
მისი წუხილით ვწუხვარ...
ფესვო, ბუმბერაზ მუხების
მწვანე ბალახის ღეროვ,
დეკავ ,კლდის შუბლზე ნაფენო
ტყეზე ნაბნევო შქერო...
ქაფო,მდინარეს ნახვევო
ფერდობს ნაფენო ნისლო,
ეხლა ყველაფრის ფერში ვარ
ეხლა ყველაფრად მიცნობს...
ყორევ,ვერ გადანგრეულო
გულ-გულ ნაჭედო მყარად,
ენა შეიბი,უთხარი
მოვალ წვიმად და ქარად.
მოვალ სახნავში,სათიბში
კერის პირზე და ეზოს,
ოღონდ შეიძლოს დახვედრა
ჩემი მოსმენა შეძლოს...
ვიქნები ჯამი ნავსები,
ლოცვა ვიქნები სუფრის...
უფლის კალთის ქვეშ გამთბარი
ანგელოზი ვარ უფლის...
ხისგან ათლილო სიმღერავ
ჩონგურს შეზრდილო სიტყვავ,
მოვალ დაბალი ღიღინით
ბანის ბანი,რომ მითხრა...
მთაო ბრალი არ მიგიძღვის
ხევო,მდუმარედ ნუ ხარ,
მთავარ ანგელოზს ვუღიმი
მიდი,მამაჩემს უთხარ...

anano · Post by **anano** » 28 ივლ 2010, 17:59

გვალდააა

zura N. · Post by **zura N.** » 28 ივლ 2010, 18:46

გვალდა

guruli · Post by **guruli** » 28 ივლ 2010, 18:47

გვალდა

სანათამ"

მარიამ ხუცურაული. ეგ კარაველიცაა, ოღონდ ძალზე ცოტა პოსტი აქვს, აქაც "სანათას" სახელითაა.
კარგი ლექსებია.

guruli · Post by **guruli** » 28 ივლ 2010, 22:57

მთელი ეს დრეები არც თეონას სიმღერები ჩამირთავს და არც საერთოდ - მუსიკა. ახლა ხევსურეთის საიტზე თეონას დისკი ვნახე და გადავხედე, ახალი ხომ არაა რამე-მეთქი. ყველაფერი მაქვს ამ ერთის გარდა და ესეც რაღაც წინასწარმეტყველურია.

http://www.link.ge/file/332135/teona.wma.html
ესეც სიმღერა დედაზე... თითქოს წინასწარ გრძნობდაო...

მტერს არ ვუსურვებ, რასაც ის დარდით დაღლილი და მართლაც ბეჩავი დედა იქმს ახლა...

http://www.link.ge/file/332136/teo-qums ... a.mp3.html

kiki · Post by **kiki** » 29 ივლ 2010, 00:24

fb-ზე დაკრძალვის ფოტოების წავაწყდი

http://www.facebook.com/album.php?id=60 ... 4ae1548542

anano · Post by **anano** » 29 ივლ 2010, 00:59

paata_ · Post by **paata_** » 29 ივლ 2010, 09:13

ერთად ხართ, დედა, შენ და ძამიკო,
მე კი უთქვენოდ ობოლი, კენტი.
ვინ დამიძახებს ტკბილად: "-მამიკო!"
- რაო მამიკო? მე ვიღას ვეტყვი.

გელა დაიაური
27.07.2010

zura N. · Post by **zura N.** » 29 ივლ 2010, 09:20

paata_ wrote:ერთად ხართ, დედა, შენ და ძამიკო,
მე კი უთქვენოდ ობოლი, კენტი.
ვინ დამიძახებს ტკბილად: "-მამიკო!"
- რაო მამიკო? მე ვიღას ვეტყვი.

გელა დაიაური
27.07.2010

Mta Mkvarebia · Post by **Mta Mkvarebia** » 29 ივლ 2010, 09:20

paata_

Naia · Post by **Naia** » 29 ივლ 2010, 09:42

paata_
ყოველ საღამოს, ფსალმუნების წაკითხვისას მათ სახელებს რომ ვიხსენიებ თავს ვერ ვიკავებ

რაც უფრო გადის დრო, მით უფრო მიმძიმს

არც მინდა წარმოვიდგინო გელას მდგომარეობა

tamuna_gudarexi · Post by **tamuna_gudarexi** » 29 ივლ 2010, 10:07

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS