სმა-ჭამა დიდად შესარგი ?? ანუ რითი ვიკვებებით...

ლეონტი · Post by **ლეონტი** » 24 მაი 2010, 14:35

მეცნიერებმა დაასახელეს 10 ყველაზე სახიფათო პროდუქტი
16:03 - 10.05.10
ამობეჭდვა153 ზომა:
სახიფათო პროდუქტების რეიტინგის შესაქმნელად მუშაობდნენ უკრაინელი სპეცილისტები ერთდროულად სხვადასხვა სამეცნიერო დაწესებულებიდან (ეკოჰიგიენისა და ტოქსიკოლოგის ინსტიტუტი, ნაციონალური სამედიცინო აკადემია, უკრაინის კვების სამეცნიერო კვლევითი ინსტიტუტი) და ასევე რამდენიმე კერძო სამედიცინო ცენტრიდან. შედეგი საკმაოდ მოულოდნელი აღმოჩნდა. პროდუქტებისაგან მოსალოდნელი ხიფათი განისაზღვრებოდა მათ მიერ მძიმე დაავადებების გამოწვევის შესაძლებლობის გათვალისწინებით. რეიტინგის მონაწილე მრავალი პროდუქტი ხშირად ხდება მოწამვლების ან მძიმე ალერგიული რეაქციების განვითარების მიზეზი, თუმცა ჯანმრთელი ადამიანებისათვის ისინი საშიშროებას არ წარმოადგენენ. ექიმების აზრით, მნიშვნელობა აქვს მათ დოზირებას. მცირე რაოდენობით ასეთი საკვების მიღება სავსებით უსაფრთხოა.
1. ჩიფსები და გაზიანი სასმელები. ჩიფსები - ეს არის ნახშირწყლებისა და ცხიმების ნარევი, საღებავისა და საგემოვნო ნივთიერებების დანამატებით. მომზადების თავისებურების გამო მათში გროვდება დიდი რაოდენობით კანცეროგენები - ნივთიერებები, რომლებიც აპროვოცირებენ კიბოს განვითარებას. ჰიდროგენიზებული ცხიმები კი ზრდის სისხლში ქოლესტერინის დონის მომატებას, რაც ზრდის ინფარქტებისა და ინსულტების რისკს.
ტკბილი გაზიანი სასმელები - წარმოადგენს შაქრის, ქიმიისა და გაზის ნარევს, როგორც წესი, შეიცავს ასპარტამს (Ð•951) - შაქრის სინთეზურ შემცვლელს. ასპარტამში შემავალი ფელატანინი ცვლის მგრძნობელობის ზღურბლს, ხოლო დიდი რაოდენობით მიღებისას ხელს უწყობს მანიაკალური დეპრესიის და პანიკური შეტევების განვითარებას, გაბოროტებას. გარდა ამისა, ნატრიუმის ბენზოატი (Ð•211), რომელიც კონსერვანტს წარმოადგენს, იწვევს ფერმენტების დათრგუნვას, რაც ხელს უწყობს ნივთიერებათა ცვლის დარღვევას და სიმსუქნეს.
ასეთი სასმელი სულაც არ კლავს წყურვილს. პირის ღრუში დარჩენილი დამატკბობელი აღძრავს სასმელის ახალი პორციის მიღების სურვილს. თუკი მიირთმევთ კოლას, გირჩევთ, მას ჩვეულებრივი წყალი დააყოლოთ.
2. ფასტ-ფუდი. სწრაფი კვება - ჩებურეკი, ღვეზელი, კარტოფილი ფრი, შაურმა და სხვ., რაც იწვება ზეთში, ძალიან მავნეა, ვინაიდან არ ხდება ნამწვი ზეთის ხშირი გამოცვლა. შედეგად - ისევ იგივე კანცეროგენები. ხანგრძლივად ასეთი საკვების მიღება იწვევს კოლიტებს, გასტრიტებს, გულძმარვას, შეკრულობას. ფასტ-ფუდის სახესხვაობაა ჩიპსები, შემწვარი თხილი, ბატონები შოკოლადითა და თხილით და ბავშვებისათვის ასე საყვარელი სხვა პროდუქტები, რომელთაგან გადაჩვევა ძალიან ძნელია, ამიტომაც უმჯობესია, საერთოდ ამოვიღოთ ისინი ბავშვების რაციონიდან და არავითარ შემთხვევაში არ მივირთვათ თვითონაც.
3. ძეხვეული და სხვა შებოლილი პროდუქტები. სოსისი, ძეხვი, პელმენები შეიცავენ ბევრად მეტი რაოდენობით არომატიზატორებს და საღებავებს, ვიდრე ხორცს. შებოლილი ხორცი და თევზი ასევე დიდი რაოდენობით კანცეროგენების შემცველებია, კერძოდ მათი დამუშავების პროცესში წარმოიქმნება ნივთიერება ბენზოპირენი.
სულ უფრო მეტი მწარმოებელი გადადის გენ-მოდიფიცირებული ნედლეულის გამოყენებაზე. მაგ. სოსისის და ძეხვეულის 80% შეიცავს ტრანსგენურ სოიოს. ერთი ნაჭერი შებოლილი ძეხვი შეიცავს იმაზე მეტ ფენოლებს, ვიდრე ადამიანი შეისუნთქავს ქალაქში ერთი წლის განმავლობაში. ფენოლი კი მეტად ტოქსიურია.
4. ხილი და ბოსტნეული, კონსერვანტებით მდიდარი პროდუქტები. ყველაზე სასარგებლო პროდუქტებიც კი შეიძლება გახდეს ტოქსიური, თუკი ისინი მოყვანილია საავტომობილო ტრასის ან ქარხნის მახლობლად. ისინი შეიცავენ დიდი რაოდენობით ბენზოპირენს და სხვა კანცეროგენებს. რაც შეეხება კონსერვანტებს, ისინი შეიძლება შეიცავდნენ ნატრიუმის გლუტამატს, რომელიც იწვევს თავის ტკივილს, სისხლძარღვების სპაზმს და ნივთიერებათა ცვლის დარღვევასაც კი.
5. მარგარინი, ნამცხვრები, მარცვლეული. მარგარინი - მთლიანად ტრანსგენური ცხიმია. მავნეა ყველა ის პროდუქტი, რომელსაც ის შეცავს-ნამცხვრები, ტორტები, ფენოვანი ცომის ნაწარმი. ამ პროდუქტებით გატაცებისას გარანტირებული გაქვთ ნივთიერებათა ცვლის დარღვევა და ჭარბი წონა. მარცვლეულიდან ამ ჩამონათვალში მოხვდა თეთრი პური, ვინაიდან მისი აუტანლობა (ცელიაკია) საკმაოდ ხშირად გვხვდება. მისი სიმპტომები ვარირებს - ეს არის ნაწლავური პრობლემები, შაქრიანი დიაბეტი და უნაყოფობაც კი.
6. ყავა და ენერგეტიკული სასმელები, რძე. ყავა უნდა მივიღოთ არაუმეტეს 2-3 ფინჯანისა, ენერგეტიკული სასმელები, რაც შეიძლება ნაკლებად, ხოლო რძე ხშირად ითვლება ძნელად ასატან პროდუქტად. არც ისე იშვიათია რძით მძიმე მოწამვლა.
7. შინნამზადი პროდუქტები და ნაყინი. რასაკვირველია, დოზირების, სტერილიზაციისა და დამარილების ყველა წესის ზედმიწევნით დაცვის შემთხვევაში წნილების მირთმევა შეიძლება უშიშრად.
ნაყინი შეიცავს არომატიზატორებს და შემასქელებლებს, რომლებსაც შეუძლიათ შეანელონ ნივთიერებათა ცვლა, რაც ზრდის ჭარბი წონის განვითარების შანსს.
8. საღეჭი კანფეტები, ფერადი საწუწნი ტკბილეული, ჩუპა-ჩუპსი. შეიცავს დიდი რაოდენობით შაქარს, ქიმიურ დანამატებს, საღებავებს.
9. შოკოლადის ბატონები. ეს არის კალორიების გიგანტური რაოდენობა ქიმიურ დანამატებთან, გენეტიკურად მოდიფიცირებულ პროდუქტებთან, საღებავებთან და არომატიზატორებთან ერთად.
10. მაიონეზი. მდიდარია ტრანსცხიმებით, რომლებიც კანცეროგენულია და ამავდროულად, იწვევს ქოლესტერინის რაოდენობის მომატებას. განსაკუთრებით მოერიდეთ პლასტიკური შეფუთვის მქონე მაიონეზს. პლასტიკი თვითონ არის კანცეროგენი! მაიონეზი შეიცავს დიდი რაოდენობით კონსერვანტებსა და სტაბილიზატორებს. იგივე მიზეზით მავნე პროდუქტებს მიაკუთვნებენ ასევე კეტჩუპს, სხვადასხვა სოუსებს, რომელთა ფართო ასორტიმენტი გვხვდება ყველა მაღაზიაში.

http://www.mtavari.info/news-543.html

Hereti · Post by **Hereti** » 24 მაი 2010, 14:46

მდააააააააააააააააააააა

ნეტა რა ვჭამოთ რომ უსაფრტხო იყოს
ბეარ გრილს მივბაძოთ და ჭიაყელებზე, ხვლიკებზე გველებზე, მორიელეზე გადავიდეთ, მე მაგალითად შემიძლია, მაგრამ კოკა-კოლას როგორ შეველიო

Makena · Post by **Makena** » 25 მაი 2010, 18:59

ლეონტი
საინტერესო და გასათვალისწინებელი ინფორმაციაა.

მე ამჟამად ჩინეთში ვიმყოფები 2 თვიანი კვალიფიკაციის ამაღლების პროგრამით რომელიც სწორედ საკვების წარმოებასა და გადამუშავებას ეხება, მათშორის ბიოტექნოლოგიებს, 2 სიტყვით დავწერ თუ რა ხდება აზიაში ამ მიმართებით.
აზიაში მასპროდუქციის წარმოებაში ინტენსიურად იყენებენ GMO ს, მონსანტომ აზიის ათვისებაც დაიწყო, შესულები არიან ფილიპინებზე და პაკისტანში, ჩინეთშიც მუსაობენ, ბრინჯის დიდი ნაწილი რომელიც აზიის ქვეყნებში იწარმოება გენურია, იგივეშეიძლება ითქვას ზეთზეც, სოია და სიმინდი კი მსოფლიოში რაც კი იწარმოება 90% გენურია.
ხილის ჭამის მაინც არ გვეშინოდა და აქაც დაიწტეს ექსპერიმენტები, ფილიპინებზე მუშაობენ პაპაიაზე რომელსაც გენი შეუცვალეს რის შედეგადაც გვიან დამწიფდება და შესაბამისად მთელი სეზონის მანძილზე იქნება უწყვეტი მოსავალი.
საერთოდ მას პროდუქცია და ფასტ ფუდი ისეთი საზიზღარი ხარსისხის ხორცისგან მზადდება რომ ძაღლსაც კი არ აჭმევს კაცი ადამიანს კიარა.
დასკვნა კი ასეთია - იაფი გადამუშავებული პროდუქტი საერთოდ არ უნდა ჭამოს კაცმა.
ინდუსტრიული ქათამი და კვერცხი არის კანცეროგენების, კონსერვანტებისა და ჰორმონების გროვა.
ინდუსტრიული რძე ასევე უვარგის პროდუქტს წარმოადგენს.
ამიტომაც იძენს ასეთ განსაკუთრებულულ დატვირთვას ორგანული EKO ანუ BIO პროდუქცია, რომლის გამოყენების დროს 100% დაზღვეული ხარ და ვფიქრობ რომ ნამდვილად ღირს გადაიხადო 20-30% ით მეტი ჯანსაღ და გემრიელ საკვებში ვიდრე ეს ფული შემდეგ ექიმთან სიარულში გადაყარო.
ისეთი ტემპი აქვს ამ ტექნოლოგიებს აღებული რომ თუ რაღაც ბარიერი არ შექმნა სახელმწიფომ ჩვენთანაც შემოაღწევს, ჯერჯერობით აქცენტები ისეთ ქვეყნებზე კეთდება რომლებიც განვითარებადია ან ჩამორჩენილია, ბევრი ხალხი ცხოვრობს და საკვების უსაფრთხობა პრობლემაა, თუმცა ხვალ და ზეგ ჩვენც მოგვადგებიან, ფაქტია რომ საქართველოში იმპორტირებული სიმინდი, სოია და ბრინჯი შეიძლება გენურია და ეს ჩვენ არ ვიცით.

ლეონტი · Post by **ლეონტი** » 27 მაი 2010, 11:21

Makena
ძალიან კარგია რომ მანდა ხარ და სწავლობ რა ხდება.
ფუტკარზე ან თაფლის წარმოების დარგში რა ხდება თუ შეგხვდება არ გამოტოვო.

Makena wrote:ლეონტი
.....ვფიქრობ რომ ნამდვილად ღირს გადაიხადო 20-30% ით მეტი ჯანსაღ და გემრიელ საკვებში ვიდრე ეს ფული შემდეგ ექიმთან სიარულში გადაყარო.
აქცენტები ისეთ ქვეყნებზე კეთდება რომლებიც განვითარებადია ან ჩამორჩენილია....

ეხლა ეს ერთხელ უკვე ვახსენე და კიდევ ვამბობ, რომ ინდუსტრიულად ჩამორჩენილ, უმუშევრობის პრობლემით ან მასიურად დაბალანაზღაურებადი სამსახურით დაკავებულ ძირითადად მოსახლეობას, ძლივს ყოფნის ფული რომ ეს მოწამლული და ყოვლად უვარგისი საკვები იყიდოს და სხვა უამრავი პრობლემაც მოიგვაროს.
ამიტომ ისინი შედარებით ძვირფასიან ბიო პროდუქტს სისტემატურად უბრალოდ ვერ შეიძენენ .
თანაც ისიც გასათვალისწინებელია, რომ ეთნიკური ქართველები მიწას სტოვებენ მასიურად და ქალაქებში გარბიან, ხოლო სხვა ეთნოსები სოკოსავით ედებიან ნოყიერ მიწებს და მრავლდებიან-იკავებენ.
და იმ ანდაზის არ იყოს ზევით მოვცდი ქორწილსაო ქვევით სადილობასაო.
სოფელში სიღარიბე , მაგრამ ნაღდი საკვები სჯობია ,მგონია ქალაქში ციყვივით სირბილს და საძაგლობით კვებას.

Makena · Post by **Makena** » 28 მაი 2010, 19:50

ლეონტი
საღამოს თბილისში რესტორნებთან რომ გაივლი იქ ჩანს თუ რამდენია ღარიბი და უქონელი თბილისში, გადავსებულია ნებისმიერი რესტორანი, ვისაც აქვს შესაძლებლობა იმათ მაინც რომ შეიძინონ ეს უკვე კარგი დასაწყისი იქნება. მოთხოვნა ქმნის მიწოდების საჭიროებას, ერთხელ რომ გასინჯავს კაცი ბიო რძეს მეორეჯერ აღარ გაუიჩნდება სურვილი საკუთარ შვილს ჰორმონებითა და ენზიმებით გატენილი რძე დაალევიო 1 ლარის დაზოგვის ფასად.
ყველა სოფელში ვერ გადავა საცხოვრებლად და ძროხის მწყემსვას ვერ დაიწყებს, სოფლებში მცხოვრები გლეხები კი მეტ ყურადღებას ითხოვენ, მთელს მსოფლიოში სუბსიდირებულია სოფლის მეურნეობა, ჩვენთან სუბსიდიას ვინ ჩივის, კრედიტის აღებაც კი არ შეუძლია გლეხს.
სანამ საქართველოში შიდა პროდუქტის წილი 50-60% არ მიაღწვს, ეკონომიკური განვითარება ვერ მოხდება, თურქეთიდან, ჩინეთიდან და მსგავსი ქვეყნებიდან შემოტანილ ნაგავში გადახდილი ფული მასიურად გაედინება საქართველოდან.

Makena · Post by **Makena** » 19 ივნ 2010, 13:22

ჩინეთი
რამდენიმე საკითხს შევეხები.
- ეს არის ქვეყანა სადაც წარმოებული და გადამუშავებული პროდუქციის 80% ში რაღაც დოზით გამოყენებულია გენმოდიფიცირებული ორგანიზმები. GMO არის ყველგან და ეს მათი სიამაყის საგანია.
ეს არის გენური ინჟინერიის გაფურჩქვნისა და აყვავების ცენტრი.
ჩინური არაფერი არ იჭმება, არაფერი !
საერთოდ ჩინურს მოერიდეთ ყველაფერს.
- ეს არის ქვეყანა სადაც დღესაც ჭამენ ხვლიკებს, გველებს, ობობებს, ძაღლებს, სკორპიონებს, მატლებს, ბუგრებს.... მოკლედ ყველაფერს რაც გულს ურევს ნორმალურ ადამიანს... ამდენი სისაზიზღრე მე არსად მინახავს.
- ჩინური სამზარეულო, ეს ცალკე თემაა... საუკეთესო კერძები გავსინჯეთ, რათქმაუნდა აქვთ გემრიელი კერძები, თუმცა მთლიანობაში ჩინური სამზარეულო არის ბლეფი... ამათი მოტკბო მომჟავო სოუსები რომლებიც გენური სოიასგან არის დამზადებული 2 დღეში გბეზრდება და ყელში ამოგდის, მარილი ამ ხალხმა საერთოდ არ იცის რა არის, არც სუნელი, აქ ნორმალურად შეზავებულ კერძს იშვიათად ნახავ, ყველს საერთოდ არ ჭამენ, ევროპასა და საქართველოში არსებული ჩინური რესტორნები მკაცრად მორგებულია ადგილობრივ მო\თხოვნებს.
- ამერიკას მტრად მიიჩნევენ, გასაკვირია.... ყოველ ფეხის ნაბიჯზე მაკდონალდსი და კფც არის გახსნილი, ამდენი კფც ამერიკაში არ მინახია ! საითაც არ უნდა წახვიდე ყველგან კფც ს თეთრწვერა უაზროდ და არფრისმთქმელად გარღიმებული ბაბუა გიყურებს, გინდა რომ გაიქცე და დაემალო

დასკვნა:
- მოერიდეთ ყველაფერს ჩინურს, რამეთუ არის უხარისხო, უვარგისი, ჯანმრთელობისთვის საშიში.
- ყველანაერად უნდა ვეცადოთ რომ ამ ხალხმა ფეხი არ მოიკიდოს საქართველოში, არავის ჭირდება ჩვენს ქვეყანაში არც ამათი მოწეული ბრინჯი და არც ამათი რესტორნები, არარაფერს ვამბობ იმ უვარგის და უხარისხო ტანსაცმელსა თუ ფეხსაცმელზე რასაც ესენი აწარმოებენ.

Mrs. Robinson · Post by **Mrs. Robinson** » 19 ივნ 2010, 22:29

Makena wrote:......... GMO არის ყველგან და ეს მათი სიამაყის საგანია.
ეს არის გენური ინჟინერიის გაფურჩქვნისა და აყვავების ცენტრი.
ჩინური არაფერი არ იჭმება, არაფერი !
საერთოდ ჩინურს მოერიდეთ ყველაფერს.

საქარტველოში ჩინელების მოყვანილი N რაოდენობის მარწყვიც, რომელიც ასე კარგად შევირგეთ, დარწმუნებული ვარ გენმოდიფიცირებული იყო..........
ვაი!!!!!!!!!!!!!!!!!!!!!!!!!!!!!!!!!!!!!!!!!!!!!!!

ლეონტი · Post by **ლეონტი** » 23 ივნ 2010, 17:43

შემდეგი Â»

სურსათის უვნებლობის სამსახურის უფროსი გაათავისუფლეს
23.06.10 15:01

სოფლის მეურნეობის მინისტრი ბაკურ კვეზერელი ადასტურებს გავრცელებულ ინფორმაციას სურსათის უვნებლობის სამსახურის უფროსის, მაია მეტრეველის თანამდებობიდან გათავისუფლების შესახებ.

როგორც მთავრობის დღევანდელი სხდომის დაწყების წინ კვეზერელმა ჟურნალისტებს განუცხადა, სურსათის უვნებლობის სამსახური უნდა გადაკეთდეს საჯარო სამართლის იურიდიულ პირად და საკადრო ცვლილებაც ამით იყო განპირობებული.

`სურსათის უვნებლობის სამსახური გადაკეთდება საჯარო სამართლის იურიდიულ პირად. იცვლება სამართლებრივი ფორმა. სამსახური დადგა ახალი გამოწვევების წინაშე და, შესაბამისად, საჭირო იყო ცვლილებები`, - აღნიშნა მინისტრმა.
ამასთან, ბაკურ კვეზერელმა კომენტარი არ გააკეთა მთავრობაში მოსალოდნელ ცვლილებებზე. როგორც მან აღნიშნა, რაიმე საკადრო გადაადგილების შესახებ ინფორმაცია არ აქვს.

ლეონტი · Post by **ლეონტი** » 24 ივნ 2010, 16:53

ძალზე მნიშვნელოვანი ინტერვიუ ჭკვიან კაცთან, მოვისმინოთ:

Former head of America's Food and Drug Administration, David Kessler is concerned about what we are eating today.

He tells Carrie Gracie that many of us have a compulsion to overeat because he says processed food has hijacked our brains.

Food full of fats, sugars and salts is harming our health and making us obese and Dr Kessler says we have to stop eating them.

http://www.bbc.co.uk/programmes/p0083kd7

Nephros · Post by **Nephros** » 20 ივლ 2010, 10:02

გენურად მოდიფიცირებული ორგანიზმების ბედი

[...]
ევროკავშირის აღმასრულებელმა ორგანომ სამშაბათს დაამტკიცა წინადადება, რომელიც კავშირის წევრ ქვეყნებს უფლებას აძლევს დამოუკიდებლად გადაწყვიტონ, დაუშვან თუ აკრძალონ გენურად მოდიფიცირებული სასოფლო-სამეურნეო მცენარეების კულტივირება.

ამ ნაბიჯით, კულტივაციის შესახებ გადაწყვეტილებები ევროკავშირის ზოგად, ერთობლივ დონეზე აღარ იქნება მიღებული. როგორც ახალი ამბების სააგენტო â€žროიტერი“ წერს, ევროპის კომისიის მიერ სამშაბათს მიღებული ზომა გენურ მოდიფიცირებასთან მიმართებით არსებული თითქმის პარალიზებული ვითარების გარღვევას ემსახურება. საკითხის სიმწვავეს ამგვარი საკვების უსაფრთხოების შესახებ განსხვავებული მოსაზრებები იწვევს. ევროპაში გენურ მანიპულაციას ბევრი ოპონენტი ჰყავს - ისინი ამგვარ სახეობებს â€žფრანკენშტაინის საკვებს“ უწოდებენ და აცხადებენ, რომ ამ ფორმით გამოყვანილი კულტურების უსაფრთხოება დამტკიცებული არ არის, ხოლო მათი კულტივაცია ზოგადად ნიადაგზე და სხვა სახეობებზეც იქონიებს გავლენას.

შესაბამისად, ბოლო 12 წლის განმავლობაში ევროკავშირმა მხოლოდ ორი გენურად მანიპულირებული სახეობის კულტივაციას მისცა თანხმობა. კონკრეტულად, მიმდინარე წლის მარტში კომისიამ გერმანიის ქიმიური და სასოფლო-სამეურნეო პროდუქციის მაწარმოებელ კომპანია â€žბასფის“ მიერ გენური მანიპულაციით გამომუშავებულ კარტოფილს აუნთო მწვანე შუქი. თუმცა ამგვარ კარტოფილს მხოლოდ სამეწარმეო მიზნებისთვის გამოიყენებენ, მასში სახამებლის მაღალი შემცველობის გამო. 1998 წელს კი კომპანია â€žმონსანტოს“ მიერ გენურად მოდიფიცირებულ სიმინდს მიეცა თანხმობა.
[...]
ევროკავშირის მთავრობების და პარლამენტების მხრიდან ამ ზომების დამტკიცების შემთხვევაში, იმ ქვეყნებში, სადაც უკვე ზრდიან გენურად მოდიფიცირებულ კულტურებს, - მაგალითად, ჩეხეთსა და ესპანეთში, - ეს პროცესი, სავარაუდოდ, კიდევ უფრო გაფართოვდება. ხოლო იმ ქვეყნებს, რომლებიც გენურ მანიპულაციას ნეგატიურად აფასებენ, - მაგალითად, იტალიასა და ავსტრიას, - ამგვარი კულტურების საერთოდ აკრძალვის საშუალება მიეცემათ.

წინადადებამ უკვე დაიმსახურა ევროკავშირის რამდენიმე წევრი ქვეყნის - მათ შორის, საფრანგეთის და ესპანეთის - წარმომადგენლების კრიტიკა. ისინი ნეგატიურად აფასებენ სიახლეს, რომ გენურად მანიპულირებულ სასოფლო-სამეურნეო სახეობების მიმართ ევროკავშირის ერთობლივი პოლიტიკა ირღვევა.

ახალ ზომას გარემოს დამცველი ორგანიზაციების წარმომადგენლებიც კრიტიკით შეხვდნენ - მათი თქმით, ამით ევროპის ტერიტორიაზე სახიფათო სახეობების კულტივაციას გაეხსნება გზა. მომხრეების აზრით, ფერმერებს თავად უნდა მიეცეთ იმის გადაწყვეტის საშუალება, სურთ თუ არა გენურად მანიპულირებული სახეობების კულტივაცია.

ბიოტექნოლოგიების კომპანიები აცხადებენ, რომ ეს ზომები იურიდიულად ბუნდოვან ვითარებას შექმნის და პრობლემას შეუქმნის ევროკავშირის საერთო სასოფლო-სამეურნეო ბაზარს.
[...]

Makena · Post by **Makena** » 24 სექ 2010, 19:40

როგორც იქნა გავხსენით

ასოციაცია ელკანას ინიციატივით გაიხსნა მაღაზია ,,Bio Valley" ანუ ბიო ველი, სადაც იყიდება მხოლოდ ქრთული წამოების პროდუქცია, მათ შორის ელკანას წევრი ფერმერების მიერ წარმოებული ბიო პროდუქცია.
ამ მაღაზიაში შეგიძლიათ შეიძინოთ: თაფლი, ღვინო, ჩაი, ბოსტნეული, წვენები, ცივად გამოხდილი ზეთი, მეგრული აჯიკა, სუნელები, ძველი ქართული კულტურები-ცერცვი, მუხუდო, ცულისპირა; BIO სარეცხი საშუალებები და BIO საპნები, სურნელოვანი სანთლები, ასევე სხვადასხვა სახის სუვენირები, ხისაგან დამზადებული საბავშვო სათამაშოები. რაც მთავარია უახლოეს დღეებში დაიწყება ნამდვილი ქართული წითელი დოლის პურის გაყიდვა, ასერომ მობრძანდით და ისიამოვნეთ

მაღაზიის მისამართია გაზაფხულის ქუჩა 16, ელკანას ოფისის წინ.
სამუშაო საათები: 10:00 - 20:00. დასვენების დღეა კვირა, შაბათს ჩვეულებრივ მუშაობს.

KSOVRELI · Post by **KSOVRELI** » 24 სექ 2010, 19:46

Makena

უკვე მოქმედებს?

Tamusia · Post by **Tamusia** » 24 სექ 2010, 20:33

Makena

გილოცავთ!!!

Makena · Post by **Makena** » 24 სექ 2010, 23:29

KSOVRELI
კი უკვე მოქმედებს

Makena · Post by **Makena** » 24 სექ 2010, 23:30

Tamusia
გმადლობ

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS