21.02.2010 მარნეული-ბოლნისი-კაზრეთის მიდამოები - ჩემი დებიუტი

Tamari-ch. · Post by **Tamari-ch.** » 23 თებ 2010, 14:19

UTUFURS wrote:მასალა წიკიპედიიდან:

წუღრუღაშენი, ქართული ხუროთმოძღვრების ძეგლი, XIII საუკუნის გუმბათოვანი ტაძარი ბოლნისის რაიონში, ბოლნისის სიონიდან ორიოდ კმ-ზე, მდ. ბოლნისისწყლის მარჯვენა ნაპირას, მთის ფერდზე. ეკლესიის წარწერებში მოხსენებული არიან გიორგი მეფე და ეკლესიის მშენებელი ჰასან არსენის ძე. რ. შმერლინგის აზრით, წარწერებში მოხსენიებული გიორგი მეფე გიორგი ლაშაა, ე. ი. ძეგლი აშენებულია მისი მეფობის დროს 1212-1222 წლებში.

წუღრუღაშენი გეგმით ბეთანია-ქვათახევ-ფიტარეთის ჯგუფს მიეკუთვნება, მაგრამ უფრო პატარაა და გუმბათის ყელიც ძლიერ აზიდული პროპორციებისა აქვს. ნაგებობა გარედან აღმოსავლეთიდან დასავლეთისაკენ წაგრძელებულ სწორკუთხედშია მოქცეული. შიგა სივრცე შექმნილია ჯვრის 4 მკლავისაგან, რომელთაგან მხოლოდ აღმოსავლეთის მკლავია აფსიდით დასრულებული. საკურთხევლის ორივე მხარეს 2 სართულად განლაგებული სათავსებია, რომელთა ქვედა სართულებში სამკვეთლო და სადიაკვნეა მოტავსებული. ჩრდილოეთით ეკლესიას აქვს მოგვიანომ ხანის მინაშენი, როგორც ჩანს, საგვარეულო საძვალე-ეგვტერი. განსაკუთრებული სიფაქიზითაა გამოყენებული ეკლესიაში ფერადი ქვები: თბილი მოყვითალო ოქროსფერი, ღვინისფერი და ცისფერი. ძეგლი უხვადაა შემკული მდიდრული ჩუქურთმით. განსაკუთრებით ოსტატურადაა გამოყვანილი მუქი ყვითელი ფერის ქვის გუმბათის ყელის საპირეები და ბაცი მოყვითალო ქვის კარნიზი.
აგერ წუღრუღაშენის ორი წარწერა:

ეს მეორე იმდენადაა დაზიანებული, ძნელად თუ რამე განირჩევა

მეტ წარწერა მე ვერ ვიპოვე არადა ბევრი ვუტრიალე გარშემო.

არა უტუ - ეგ ორი ვიცი
მესამე იყო კიდევ
აი აქაა სამივე

ხოლო კიდევ ერთი წარწერაა სამხრეთ ფასადზე - ასევე კარის თავზე
ცხოველების გამოსახულების გვერდით

lama · Post by **lama** » 23 თებ 2010, 14:35

Tamari-ch.
მადლობა

UTUFURS · Post by **UTUFURS** » 23 თებ 2010, 14:38

Tamari-ch.

ახლა ვნახე მესამეც გადამიღია (მინიშნებულ ფოტოების მიხედვით), ოღონდ ესეც ძლივს ჩანს. და მე ისე გადავიღე, რომ ვერ მივხვდი წარწერა თუ იყო:

თუ გინდა ფოტოს სრულ ვერსიას გამოგიგზავნი სკაიპით ან მეილით, იქნებ იქიდან უფრო გაარჩიო ასოები.

lama · Post by **lama** » 23 თებ 2010, 14:55

UTUFURS
oghadze@gmail.com

UTUFURS · Post by **UTUFURS** » 23 თებ 2010, 16:42

მდინარე ფოლადაურის ხეობა

ღრუბლიანი ველი, სადაც "პიკნიკზე" შევჩერდით.

lama
გამოგიგზავნე.

UTUFURS · Post by **UTUFURS** » 23 თებ 2010, 17:55

შემდეგ იყო აკაურთა - V-VI სს. ღვთისმშობლის მიძინების ეკლესია.
ტრასიდან სოფლამდე 2 კოლომეტრია და ჩვენ ორი სოფლელი ქალბატონი დავიმგზავრეთ. მათგან გავარკვიეთ, რომ სოფელი აკაურთა შერეულია - 1/3 ქართველები არიან, 2/3 - აზერბაიჯანლები.
ასევე მათგან გავიგეთ, რომ სოფლის თავზე, საკმაოდ ლამაზი კლდის თხემზე, ძველი სალოცავი და ნანგრევები ყოფილა, მე ბევრი ვეცადე მაგრამ ვერც თვალით, ვერც "ზუმით" ნანგრევები ვერ არმოვაჩინე.

აკაურთას ეკლესია (ახალი დასრულებულია რასტავრაცია):

ჯვრები და ორნამენტის ნაშთები (ასევე ვანდალთა "შემოქმედება")

აკაურთაში ჭიამაია გვეწვია

ეს კი თვით სოფელი და კლდე, რომელზედაც ამაოდ ვეძებე ნანგრევები.

guruli · Post by **guruli** » 24 თებ 2010, 01:31

UTUFURS - დებიუტს გილოცავ. ასფალტიდან თანდათან გადადიხარ ბილიკებზე, ხომ იცი!

ერთმა რაჭველმა მოდერმა შენზე მითხრა, გეცოდინება ეგ კაცი, კაკადუში მუშაობდაო. თუ მართლა მასეა, შენც ხომ არ დაგვენახები ფოტოებზე?

UTUFURS · Post by **UTUFURS** » 24 თებ 2010, 11:46

აკაურთას გადასახვევდან სულ ახლოს, ლამაზ სიმეტრიულ ბორცვზე დგას VI-VII საუკუნეების ეკლესია - აკვანება. მანქანა გზაზე დავტოვეთ და ფეხით ავუყევით მცირე აღმართს.

აგერ ისიც. ხშირად მიტოვებული ნანგრევები უფრო დიდ შთაბეჭდილებას ახდენენ ჩემზე ვიდრე რესტავრირებული ან ახალი ტაძრები. არის მათში რაღაც ტრაგიკული და დიდებული!

ეს შესანიშნავი ქვა, ტაძრის შიგნითა კედელშია ჩატანებული:

ეს კი ხედი აკვანებადან მაშავერას ხეობაზე, უკანა პლანზე ჩანს სოფელი რატევანი.

guruli

ის რაჭველი მოდერი უნარჩევესი ხომ არ არის?

კი მართალია კაკადუში ვმუშაობდი. რეპორტაჟის ბოლოს დაგენახვებით აუცილებლად.

guruli · Post by **guruli** » 24 თებ 2010, 19:55

UTUFURS

guruli

ის რაჭველი მოდერი უნარჩევესი ხომ არ არის?

სწორად მიხვდი, მაგრამ მე ვეხუმრები, უნარჩევესი კი არა, გადანარჩევი ხარ-მეთქი.

UTUFURS · Post by **UTUFURS** » 24 თებ 2010, 20:06

სულ მალე უკვე ქვეშის ციხეზე ვიყავით.

ამონარიდი:
ქვეში მდებარეობდა სამშვილდიდან ტაშირისა და ზურტაკეტ-ჯავახეთის მიმართულების გზასაყარზე. ციხესიმაგრე აქ წინაფეოდალური ხანიდან უნდა არსებულიყო (მოკვლეულია გვიანდელი ბრინჯაოს - ადრინდელი რკინის ხანის კერამიკის ფრაგმენტები). ისტორიული სოფ. ქვეშისა და თავად ციხის ტერიტორიაზე შემორჩენილი ეკლესიები, ვარაუდით, ადრინდელი ფეოდალური ხანისაა. VII საუკუნის "სომხურ გეოგრაფიაში" მოხსენებულია "ქვეშაფორი", ე. ი. ქვეშის ხევი, რომლის ადმინისტრაციული ცენტრიც ქვეში უნდა ყოფილიყო. IX საუკუკუნეში, დმანისის გაქალაქების შემდეგ, ქვეშმა დაკარგა ხევის ცენტრის სტატუსი და გეტისხევის ცენტრი გახდა. ქვეშისხევს დმანისხევი ეწოდა. XII საუკუნის ბოლოს ქვეში ეკუთვნოდა მსხვილ ფეოდალს - მსახურთუხუცეს ვარდან დადიანს, მაგრამ 1191 წელს ქვემო ქართლის სხვა ციხეებთან ერთად ჩამოერთვა თამარ მეფის საწინააღმდეგო აჯანყებაში მონაწილეობისათვის. სამეფო ხელისუფლებამ ქვეში თორელთა ფეოდალურ საგვარეულოს გადასცა. თორელთა ამ შტომ ქვეშერელები ეწოდებოდა აგრეთვე თორელთა განაყოფ შტოს - ჯავახიშვილებს, რომელთაც 1468 მეფისაგან გამოისყიდეს თავიანთი ძველი სამამულო - ქვეში 1573 ქვეში გამაჰმადიანებული დაუთ-ხანის ერთ-ერთი რეზიდენცია იყო. ამ პერიოდში იგი საბარათიანოში შედიოდა, XVI-XVIII საუკუნეებში კი საორბელიშვილოს მნიშვნელოვანი სიმაგრე იყო, XVIII საუკუნის 40-იან წლებში ქვეშში მნიშვნელოვანი სამუშაოები ჩაატარა სარდალმა და მსაჯულთუხუცესმა ქაიხოსრო ორბელიშვილმა.

ციხეზე რომ ავედით ღრუბლები განსაკუთრებით მოიქუფრნენ და გარემო ტყვიისფერი გახდა. ქარიც უბერავდა...

აღმოსავლეთ კედელი და ჭიშკარი:

შესასვლელი გვირაბი:

ინტერიერი:

guruli

გადანარჩევი

UTUFURS · Post by **UTUFURS** » 24 თებ 2010, 22:24

ხედები ქვეშის ციხდან:

ჩრდილო-აღმოსავლეთისკენ.
ჩანს სოფლები ძვალი ქვეში, არაქელი და სულ უკან ტანძია.

ხედი დასავლეთისკენ.
ჩანს თვითონ ქვეში, აბდალო, კიანეთი, სულ უკან თეთრი კორპუსები - კაზრეთი.

სურათები გაცილებით უკეთესი იქნებოდა მზიან ამინდში, მაგრამ რას ვიზამ. მე მგონი არც ესენია ურიგო არა?

Post by **Gvalva** » 25 თებ 2010, 01:06

დებიუტს გილოცავ!

არ ვიცი ეს გასვლის დებიუტია თუ კარავზე რეპორტაჟის, მაგრამ ორივე რომ ძალიან კარგად გამოგსვლია ფაქტია!

შესანიშნავად დაგეგმილი და შესანიშნავად აღწერილია ორივე, განსაკუთრებით მეძვირფასება რუკაზე დატანილი მარშრუტი და ადგილები.

ცუდ ამინდს ვერაფერი დაუკლია წუღრუღაშენის ფოტოებისთვის, ტყუილად ემდურები და ქვეშის ციხის ინფორმატიული ფოტოები კიდე ხომ დაამშვენებდა და დაამშვენებდა ჩვენი ციხეების კალენდარს

მოკლედ, დებიუტის დარად თუ გაგრძელდება შემდეგაც, ბევრს გამოადგება შენი რეპორტაჟები, გაიხარე!

UTUFURS · Post by **UTUFURS** » 25 თებ 2010, 01:47

Gvalva

დიდი მადლობა თბილი სიტყვებისთვის

დებიუტია კარავზე რეპორტაჟის, თორემ სანამ თქვენს შესანიშნავ საიტს გავიცნობდი "დამოუკიდებლად" რამდენიმე არც თუ უინტერესო მარშრუტი მაქვს გაკეთებული. (შესაძლოა მათ შესახებ მოთხრობაც დააინტერესოს აქაურ საზოგადოებას).

ვაგრძელებ...

ქვეშიდან კაზრეთისკენ მიმავალ გზაზე, სოფელ კიანეთში ზედ გზისპირას დგას ეს პატარა კოხტა ეკლესია. გარშემო მცირე სასაფლაოა, თუმცა ორივე ეკლესიაც და სასფლაოც მიტოოვებულის შტაბეჭდილებას ტოვებს, ალბათ იმიტომ რომ სოფელში მუსლიმები ცხოვრობენ.

შემორჩენილი ჩუქურთმა:

კიანეთში მხოლოდ ორიოდ წუთი გავჩერდით და გავაგრძელეთ გზა...

UTUFURS · Post by **UTUFURS** » 25 თებ 2010, 15:03

შემდეგ ვნახეთ კაზრეთი.

ღრმად რომ შეხვიდე "ჩხეურ" კოპრუსებიან დასახლებაში შეიძლება იფიქრო რომ თემქაზე ან გლდანში ხარ

გავცდით მადნეულის კომბინატს, და მივედით კაზრეთის სამების XIII საუკუნის ტაძარში. (გზად საშვის აღება მოგვიწია, ვინაიდან კომბინატის საიხლოვეს უცხო პირთა გადაადგილება აკრძალულია).

ტაძრის საერთო ხედი:

ფერადოვანი "უკანა მხარე"

ტაძარი მდიდარია მრავალფეროვანი ჩუქურთმებით.

საინტერესო დეტალები:

UTUFURS · Post by **UTUFURS** » 25 თებ 2010, 22:22

კაზრეთიდან დავუბრუნდით ცენტრალურ გზას და განვაგრძეთ დმანისის მიმართულებით.

პირველი რაც გზაში შეგვხვდა იყო "ორსაყდრები"

ჭრელი ქვებით ლამაზად ნაგები ქვედა:

და 20-ოდ მეტრში ოდნავ მაღლა უფრო სადა ზედა:

ორივე მათგანში ახლადასრულებულია რესტავრაცია.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS