მოგზაურობა არხოტის ხეობაში...))) 10.08.09.-17.08.09

zura N. · Post by **zura N.** » 23 თებ 2010, 09:21

ხო კიდევ ყოველი სურათი რომელიც ამ დღეს გადავიღე ადმინის სახელობისაა... რამდენიმე წელია უკვე ამ ხეობის ჯიბრი მჭირდა და სულ მის გავლაზე ვფიქრობდი...

კითხვა: "აბა ვინ გამოიცნობს ეს რა ადგილებია?"

zura N. · Post by **zura N.** » 23 თებ 2010, 09:28

იყო ადგილები სადაც მდინარე ზედ კლდეების პირზე გადიოდა და მაღლა აძრომა იყო საჭირო და ზემოდან შემოვლა სახვევებზე...

შემდეგ ისევ ხეობაში ჩავდიოდით და ვაგრძელებდით გზას...

zura N. · Post by **zura N.** » 23 თებ 2010, 09:42

ეს იყო ყველაზე უფრო სახიფათო და რთულად გადასალახი მონაკვეთი ასას ხეობაში... დაბლა სურათზე წყალზე რომ 2 მორი მოსჩანს გადადებული მაგის ძირას უნდა გაგვევლო არ ვიცოდით სიღრმე რამხელა იყო, მაგრამ რაც შეეხება დინების სისწრაფეს მგონი წყლის ფერიდანაც კარგად ჩანს სად გვიწევდა გავლა...

საკმაოდ ვიწრო ადგილი იყო და სავარაუდოდ სიღრმეც კარგი უნდა ქონოდა... უფრო გაშლილი ადგილიც იყო ცოტა ზემოთ მაგრამ იქ წყალზე დამცავი მორი არ იყო გადადებული, ამიტომ გადავწყვიტეთ რომ ისევ აქ გავსულიყავით... წინ მე წავედი, როგორც კი წყალში ფეხი შევდგი მაშინვე თვალწინ დამიდგა ჩემი ძველი მოგონებები ტანიეს წყალთან... სანამ ნაბიჯს გადავადგამდი ჯოხით ვცდილობდი მომეზომა წყლის სიღრმე თუმცა არც თუ ისე კარგად გამომდიოდა რადგან ვერ ვახერხებდი ფსკერზე ჯოხის დადებას, დინება მართმევდა...წყლის სიღრმე კი ყოველ ნაბიჯზე მატულობდა მაქსიმალურ სიღრმეს როცა მიაღწია უკვე წელზე უფრო მაღლა გადამდიოდა წყალი... მთლიანად იმ ორ ხის მორზე ვიყავი გაკრული და მათ იმედზე ვიყავი... მორებს კი უკვე მოჭიმული მშვილდის ფორმა ქონდათ მიღებული... დაბლა კი მდინარე პირდაპირ კლდეებს ეხეთქებოდა... უკვე მესმოდა როგორ ცემდა ჩემი გული...

თუმცა საბედნიეროდ 1-2 ნაბიჯი და გავედი შედარებით დაბალ წყალში... ჩემი სიმაღლე 1.80 სმ-ია, გოგონებისთვის ძალიან სახიფათო ადგილია... ამ ყველაფერს იმიტომ ვწერ რომ თუკი ვინმე დააპირებს აქ წასვლა კარგად იცოდეს სად მიდის და მზად იყოს ამისთვის...
ისე ჩემი აზრით ამ ადგილის დაზღვევის გარეშე გადალახვა არ შეიძლება მოლაშქრისთვის...

ეს სურათი უკვე ამ ადგილის გადალახვის მერეა გადაღებული ზედა მხრიდან...

მდინარე გადავლახეთ და შვებით ამოვისუნთქეთ... თუმცა ცოტა ხანში წინ გაუვალი ტყე დაგვხვდა უზარმაზარი ბალახებით და ერთმანეთში გადახლართული ხეებით...

zura N. · Post by **zura N.** » 23 თებ 2010, 10:03

როგორც იქნა ამ უღრანი ტყიდანაც გამოვაღწიეთ...

ამ ადგილიდან უკვე შედარებით ვაკე ადგილი იწყება... ტანიეს ხეობის მთავარი სირთულეები უკვე უკან მოვიტოვეთ... წინ რომ მწვანე ტყიანი ქედი ჩანს მაგის ძირასაა მესაზღვრეთა ბანაკი... იქ ხეობა ორ ადგილას იყოფა, მარჯვნივ თუ შეუყვები ტანიეს ტბასთან ახვალ, ხოლო მარცხნივ ისართღელეს ხეობაა... იქამდე უკვე არც ისე შორია უკვე შეიძლება დაისვენოს კაცმა ნორმალურად...

zura N. · Post by **zura N.** » 23 თებ 2010, 10:08

მესაზღვრეებმა უკვე იცოდნენ რომ მათთან 2 მოლაშქრე მივიდოდა და გველოდებოდნენ, 1 ავი ძაღლი ყავდათ რომელიც წინასწარ დააბეს...

წინ ისართღელეს ხეობაა...

zura N. · Post by **zura N.** » 23 თებ 2010, 10:15

გამოველაპარაკეთ მესაზღვრეებს ვუთხარით რომ ტანიეს ტბის ნახვა გვინდოდა და შემდეგ ისართღელეზე გადასვლა... ჩვენი ზურგჩანთები მათთან დავტოვეთ და დავიძარით მე და ჯონი ტანიეს ტბისკენ... უკვე საღამო ხანი იყო 2 საათზე ცოტა მეტი გვქონდა ასასვლელად და უკან დასაბრუნებლად... თუმცა ზურგჩანთების გარეშე და გაკვალულ ბილიკზე სიარული უკვე პრობლემა აღარ იყო...

მეტად უცნაური ხიდი... რომლის 1 ბოლოც მიწაზე იყო ხოლო მეორე ხის ტოტზე იყო გადადებული...

წინ ტანიეს ტბა გველოდება...

meore monadire · Post by **meore monadire** » 23 თებ 2010, 10:22

ყველაზე საინტერესოს თხრობა მე მგონი ახლა დაიწყება

http://www.lib.ge/body_text.php?4694

zura N. · Post by **zura N.** » 23 თებ 2010, 10:23

ტანიეს ტბა...

'

წინ მზის სხივების გამო არაფერი ჩანდა, სამაგიეროდ წყალში ყველაფერი მშვენივრად ირეკლებოდა...

zura N. · Post by **zura N.** » 23 თებ 2010, 10:29

კარგა ხანს გავჩერდით ტანიეს ტბაზე და ვტკბებოდით მისი სილამაზით და სიმყუდროვით... ჯონი ნაპირზე ჩამოჯდა და სანამ იქ ვიყავით ადგილიდან არ განძრეულა...

მე კი მაღლა ავედი რათა უკეთ გადამეღო ტბა, ამან ჩემი ფეხსაცმელიც შეიწირა...

ეს კი ანარეკლები ტბაში...

zura N. · Post by **zura N.** » 23 თებ 2010, 10:36

ამის მერე დავბრუნდით უკან მესაზღვრეებთან... საღამოთი კარგად გაგვიმასპინძლდნენ, შემდეგ კი წავედით დასაძინებლად, მე და ჯონიმ კი ჩვენი პირველი კარავი გავშალეთ როგორც იქნა...

zura N. · Post by **zura N.** » 23 თებ 2010, 11:52

meore monadire wrote:ყველაზე საინტერესოს თხრობა მე მგონი ახლა დაიწყება

http://www.lib.ge/body_text.php?4694

` დათო, თუ ვინმე აპირებს აქეთ გადმოსვლას ერთი ხუთი ლიტრი სპირტი გამოატანე. სათიბში ბიჭები უნდა მოვიხმარო და მჭირდება.
ზაზა, არხოტი. “

გაიხარე ბექა ძალიან მაგარი იყოოო...

Bernar · Post by **Bernar** » 23 თებ 2010, 16:18

zura N., მინდა იცოდე, რომ ძალიან მეხმარები ასე კარგად და დეტალურად რომ აღწერ ყველაფერს, განსაკუთრებით კი ტანიეს ხეობის რთული მონაკვეთის ამბებს, რისთვისაც მადლობას მოგახსენებ!

ხომ ვერ მეტყვი რამდენი ხანი დაგჭირდათ ასას და ტანიესწყლის შესართავიდან სასაზღვრო საგუშაგომდე მისვლისათვის?

P. S. მაგ მონაკვეთის გავლას მეც ვაპირებ და ახლა შენი მონათხრობის მერე კიდევ კარგად უნდა დავფიქრდე: მაინტერესებს დაახლოებით რამდენი ხანი დამჭირდება მაგ მონაკვეთის ''დასაზვერად'', რომ მომზადებულმა გავიარო ეგ მონაკვეთი (ყოველგვარი ზედმეტი რისკების გარეშე).

წინასწარ დიდი მადლობა

zura N. · Post by **zura N.** » 24 თებ 2010, 09:22

Bernar wrote:zura N., მინდა იცოდე, რომ ძალიან მეხმარები ასე კარგად და დეტალურად რომ აღწერ ყველაფერს, განსაკუთრებით კი ტანიეს ხეობის რთული მონაკვეთის ამბებს, რისთვისაც მადლობას მოგახსენებ!

ხომ ვერ მეტყვი რამდენი ხანი დაგჭირდათ ასას და ტანიეს წყლის შესართავიდან სასაზღვრო საგუშაგომდე მისვლისათვის?

P. S. მაგ მონაკვეთის გავლას მეც ვაპირებ და ახლა შენი მონათხრობის მერე კიდევ კარგად უნდა დავფიქრდე: მაინტერესებს დაახლოებით რამდენი ხანი დამჭირდება მაგ მონაკვეთის ''დასაზვერად'', რომ მომზადებულმა გავიარო ეგ მონაკვეთი (ყოველგვარი ზედმეტი რისკების გარეშე).

წინასწარ დიდი მადლობა

ზუსტად 5 საათი დაგვჭირდა ტანიეს ჭალიდან (მდინარეთა შესართავიდან) მესაზღვრეთა ბანაკამდე... მაგრამ მომავლისთვის თუ წასვლას დააპირებ გასათვალისწინებელია რომ ჩვენ ვიყავით მხოლოდ ორნი წასულები თან არ მინდა თავის ქებად გამომივიდეს მაგრამ მართლა საუკეთესო ფორმაში.. რაც დროს ძალიან გვაგებინებდა... ასევე მე უკვე 1-2 ჯერ ვიყავი ამ ხეობაში ნამყოფი...(თუმცა ერთგან მაინც დავეჭვდი ბილიკზე და ცოტა გადახვევა მოგვიწია გზიდან), ესეც გასათვალისწინებელია დროში რომ შეიძლება გზა აგებნეს...
რაც შეეხება დაზვერვას კარგი აზრია და ალბათ აუცილებელიც თუკი ჯგუფთან ერთად წასვლისას ვინმე გამყოლი არ გეყოლებათ... დასაზვერად მარტო წასვლაც რავი შეიძლება არ იყოს მთლად კარგი აზრი რადგან მდინარეზე სადმე შეიძლება დახმარება დაგჭირდეს...

zura N. · Post by **zura N.** » 24 თებ 2010, 09:30

უფრო დავწვრილმანდები:

ხეობაში რომ შეხვალ ბილიკს იოლად იპოვი თავიდან... ბილიკი მდინარის მარცხენა სანაპიროს მიუყვება. ერთი-ორგან კარგი ადგილი მოგეჩვენება მდინარეზე გადასასვლელად თითქოს წინ გზა აღარ ჩანსო, მაგრამ დაბრკოლებებს გვერდი უნდა აუარო და მდინარის მარჯვენა სანაპიროზე ჯერ არ გადახვიდე...
პირველად მდინარეზე გადასვლა გიწევს ამ ადგილას...

მერე სულ მარჯვენასანაპიროს მიუყვები ბილიკიც თითქმის სულ იკარგება, უბრალოდ ხეობას უნდა მიყვე... რამდენიმეგან მოგიწევს რამდენიმე მეტრით მაღლა ასვლა მთაზე და იქიდან გადაცოცება ან მდინარის პირას წყალში გასვლა, მაგრამ არა მდინარის მეორე ნაპირზე გადასვლა!

zura N. · Post by **zura N.** » 24 თებ 2010, 09:38

შემდეგ გიწევს კიდევ ერთხელ გადასვლა მდინარეზე (მარჯვენა სანაპიროდან მარცხენაზე), ყველაზე რთული მომენტი! აქ ძალიან დიდი სიფრთხილეა საჭირო

(თუმცა როგორც მერე მითხრეს არხოტივნება აუცილებელი არ ყოფილა აქ მდინარის გატოპვა, მაგრამ მაშინ ცოტა მაღლა უნდა აძვრე მთაზე და იქიდან მოუარო კლდეებს, როგორც ვიცი იქაც კაი საძრომიალოა...)

მოკლედ მდინარეზე რო გადახვალ საშინლად გაუვალ ბალახებში და ტყეში მოხვდები...

ამ ტყესაც რო გაივლი მერე უკვე ხეობა ცოტათი იშლება და მდინარეც შედარებით წყნარდება, უკვე მოსჩანს შორიდან ისართღელესა და ტანიეს ხეობების გასაყარი...

აქ კიდევ ერთხელ მოგიწევს მდინარის გადალახვი მარცხნიდან-მარჯვნივ (საბოლოოდ) და მიუყვები ისევ მდინარეს აღმა... და უკანასკნელი დაბრკოლება რაც შეგხვდება ისევ უზარმაზარი ბალახებია...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS