12.12.09 ალავერდი-ნინოწმინდა-ჩაილურისციხე-ძველი/ახალი შუამთა-იყალთო-გრემი

Tengo · Post by **Tengo** » 13 დეკ 2009, 17:06

გაჩერება მესამე - ალავერდი

წყარო: http://ka.wikipedia.org/

ალავერდი, ქართული ხუროთმოძღვრების ძეგლი, სამონასტრო კომპლექსი და საკათედრო ტაძარი, ალავერდის ეპარქიის ცენტრი. მდებარეობს ალაზნის ველზე სოფ. ალავერდთან (ახმეტის რაიონი), თელავიდან 20 კმ-ში.

ალავერდის მონასტერი VI საუკუნის შუა ხანებში დააარსა იოსებ ალავერდელმა. XI საუკუნის დასაწყისში კვირიკე კახთა მეფემ ალავერდის წმ. გიორგის პატარა ეკლესიის ადგილას ააგო საკათედრო ტაძარი, რომელიც უმთავრესად ალავერდის სახელწოდებითაა ცნობილი. ტაძარი ერთ-ერთი უდიდესი საეკლესიო ნაგებობაა საქართველოში (41,7x26,4, სიმაღლე 50 მ-მდე).

ალავერდის ხუროთმოძღვრულ კომპლექსში, რომელსაც გარშემორტყმული აქვს გალავანი (XVII-XVIII სს.), გაერთიანებულია სხვადასხვა დროის ნაგებობები. პალატი, რომელიც საქართველოს ამ ტიპის ნაგებობათა შორის ერთ-ერთი ყველაზე მნიშვნელოვანია, სამსართულიანი შენობაა. მისი ქვედა სართული - დიდი ზომის კამაროვანი დარბაზი, XVI-VII საუკუნეებში სატრაპეზო ყოფილა. 1615 ახლო პერიოდშია აგებული ფეიქარ-ხანის აგურის სასახლე, მისი მთავარი სადგომია რვაწახნაგა, კამარით გადახურული და ფართო თაღებით გახსნილი ნაგებობა, რომელზედაც დაბალი, კვადრატული ოთახია მიშენებული. არის სხვა საცხოვრებელი ნაგებობეიც, აგრეთვე აბანო, მარანი, სამრეკლო და სხვა. თავდაპირველად ალავერდი მამათა მონასტერი იყო. XVII-XVIII საუკუნეებში კი აქ დაარსდა დედათა მონასტერიც, სადაც მონაზვნად აღკვეცილი სამეფო ოჯახის წევრები ცხოვრობდნენ. ალავერდი ლიტერატურული საქმიანობის მძლავრი კერაც იყო.

მონასტრის ტერიტორიაზე მიმდინარე გათხრები. როგორც ვარაუდობენ ამ ადგილას სასახლე იყო აგებული. აღმოჩენილია საძირკველი, ქვევრები.... გათხრები კვლავაც მიმდინარეობს...

ARCHILI · Post by **ARCHILI** » 13 დეკ 2009, 17:17

როგორც მოგახსენეთ, ალავერდის მონასტერში არქეოლოგიურმა სამუშაოებმა სასახლის არსებობა ნათელჰყო.

აღმოჩენილია სამარხები, მარნები, სხვა უამრავი საინტერესო რამ. სასახლის არსებობა წინ უსწრებს ტაძრის აშენების თარიღს.

ამ ადგილას საგანმანათლებლო ნაწილს ვარაუდობენ, ამჟამად, როგორც სარესტავრაციო, ისე არქეოლოგიური და კვლევითი სამუშაოები მიმდინარეობს.

ეს ქვევრები კი უძველესი მარნიდანაა, ალბათ, ჩვენს ძმას - გიორგის (ქვევრს დააინტერესებს ეს ფოტოც და ინფორმაციაც)

ქვევრების ნაწილი ერთ ადგილას არის დალაგებული:

არქეოლოგიური სამუშაოები ამჟამად შეჩერებულია - გაზაფხულამდე, გაზაფხულიდან კი კვლავ განახლდება.

ann · Post by **ann** » 13 დეკ 2009, 18:09

ესეიგი,მეგობრებო დიდიიიიიიი დიდიიიიი დიდიიიი დიდიიიიიი მადლობა გუშიინდელი დღისთვის...ეს დღე არ დამავიწყდეა არასდროს...რამდენი ეკლესია მოვილოცეთ,რა სილამაზე ვნახეთ და რა დრო ვატარეთ...იფ იფ იფფფ კიდეე მინდა.....მიყვარხართ

Nika · Post by **Nika** » 13 დეკ 2009, 18:12

ტერაბაიტიანი ფოტოების დადება არ დაგეზარათ :LOL:

bambina · Post by **bambina** » 13 დეკ 2009, 19:08

ძლივს მოვხვდი კომპ-თან და სურათებიც კი არ გადამიტანია, მაგრამ მგონი ჩემი სურათების დადება გაკადნიერებაც კი იქნება ჩემი მხრიდან ასეთი ხარისხიანი ფოტოების შემდეგ აქ რომ დაიდო

ხოდა, დიდი მადლობა ორგანიზატორს ამ გასვლისთვის, ძალიან საინტერესო და დატვირთული დღე გამოვიდა. : )

პ.ს. ბოლოს ხმის-ჩახლეჩვამდე სიმღერაც მაგარი იყო, მიკვირს ოღონდ დანარჩენებს როგორ ეძინათ ჩვენს ხელში

Tamusia · Post by **Tamusia** » 13 დეკ 2009, 19:24

Tengo

გაჭრილი პამიდვრიდან მოყოლებული, მაგარ ფოტოებს იღებ

ესე იგი, რასაც მე ვუყურებ, კახეთში გეომეტრიული ორნამენტი სჭარბობს

qvevri · Post by **qvevri** » 13 დეკ 2009, 19:42

ARCHILI
ჩემი ზოგიერთი ისტორიკოს-ლინგვისტ-ეთნოგრაფი ნაცნობი (გვარებს არ ვასახელებ) ვიკიპედიას დებილებისა და ტვინნაღრძობების თავშესაფარად მოიხსენიებენ. ამაში თავად დავრწმუნდი, როდესაც ვიღაც ტიპი XII საუკუნის ქვევრზე ამბობდა, რომ ჩვენსწელთაღრიცხვამდე მეორე ათასწლელულის ქვევრიაო....

ეს ისე...
ესხლა მთავარი:
მე რომ გთხოვე იმ სურათის გადაღება თუ მოაკვარახჭინე (შენებურად)

ანუ იოსებ ალავერდელის ახლად აღმოჩენილი საფლავის

ARCHILI · Post by **ARCHILI** » 13 დეკ 2009, 19:54

qvevri

ჩემ მიერ დადებული ინფორმაცია ვიკიპედიიდან არაა, ორთოდოქსიდან არის... ვიკიპედიაც ჩემზე უფრო მცოდნეების მიერ არის შედგენილი და რა ვიცი... თუ რამე არასწორს ნახავდი, ალბათ აცნობებდი კიდეც, რომ შეესწორებინათ...

ისე, სადმე რამე ქვევრის მსგავსს თუ ვნახულობ, შანსი არაა - ეგრევე შენ მახსენდები ხოლმე და ვუღებ და ვუღებ ფოტოებს - თითქოს რამეში გადგებოდეს...

და რაც შეეხება იოსებ ალავერდელის საფლავს, ვიმეორებ, ჯერ არაა დადგენილი რომ ეს საფლავი მას ეკუთვნის, ამასთან, იქ სამუშაოები მიდის და დასანახიც არაფერია, ჩვეულებრივი ნანგრევია კედლის, ამიტომ გადასაღებიც არაფერი იყო... იმ კედლის ფრაგმენტი კი დევს ამ ფოტოებში...

მამაოსა და მეუფის ლოცვა-კურთხევით, როცა ამის საშუალება იქნება, შევხმიანდებით და გადავიღებთ...

საკმაოდ არეულ-დარეულია იქაურობა, სამუშაოები მიდის, არქეოლოგიურიც, სარესტავრაციოც და რა ვიცი...

qvevri · Post by **qvevri** » 13 დეკ 2009, 20:01

ARCHILI
ქვევრის სურათებს ყველა შემთხვევაში ვიყენებ, იქნება ეს შენი თუ სხვისი გადაღებული, თუნდაც უხარისხო ოყის, რადგან ზოგჯერ ხარისხი სწორედ, რომ არაფერს ამბობს და ფოტოს "კონტექსტი" კი მრავლისმთქმელია. მოკლედ ველი ქვევრების ფოტოებს და წინასწარ მადლობა.

KATA-katastrofa · Post by **KATA-katastrofa** » 13 დეკ 2009, 22:25

ვახ, ვახ, რა ლამაზი სურათებია, რა მაგარი დრო გიტარებიათ, და რამდენი რამე მოგისწრიათ

მალადეც ორგანიზატორსაც და მონაწილეებსაც, ყოჩაღები ხართ .

ძალიან კი მინდოდა წამოსვლა მაგრამ ვერ მოვახერხე, იმედია არჩილ კიდევ დაგეგმავ ასეთ კარგ მოგზაურობებს და ვეცდები მეც შემოგიერთდეთ.

რაც შეეხება ლადოს და მის უსაყვარლეს სტაფილოს , მაგ თემაზე ფილმი უნდა გადავიღო, სახელწოდებით " ლადო , სტაფიოლო და დანარჩენი ცხოვრება "

Mta Mkvarebia · Post by **Mta Mkvarebia** » 13 დეკ 2009, 22:54

Tamusia wrote:Tengo

გაჭრილი პამიდვრიდან მოყოლებული, მაგარ ფოტოებს იღებ

გაჭრილი პომიდორი ვერ ვიპოვე მაგრამ ფოტოები მართლა მომეწონა

, რამდენიმე განსაკუთრებით!

Tengo · Post by **Tengo** » 13 დეკ 2009, 23:38

აი დაბრუნდა ელ. ენერგია და დავბრუნდი მეც... მანამ განვაგრძობ კი

Tamusia-ს და Mta Mkvarebia-ს დიდი მადლობა

რაც შეეხება ვიკიპედიას, შესაძლოა არც თუ ისე ზუსტია და ხშირად შეცდომებიც იპარება, მაგრამ ეს არის რაც არის! უკეთესი შემოგვთავაზეთ და კი ბატონო...

:):)

perwkli · Post by **perwkli** » 13 დეკ 2009, 23:42

აა, რა ბედნიერი სახით თლის სტაფილოს

(c)ლურჯკურტკიანი ბიჭი

ნინოწმინდის ეზო

მაიკო (ნინოლას და) ნინოწმინდაში.

თოვლი იყო აშკარად

ისე ციოდა, პირადად მე ფეხებს ვეღარ ვგრძნობდი, არაყი ვიყიდეთ და გოგოებმა დალიეს კიდეც გათბობის მიზნით.

წმინდა კახური პეიზაჟი, გაშიშვლებული ვაზი და მსუბუქი ნისლი

პ.ს. ჩაილურის ციხემ იმედი გამიცრუა,უკეთესი,დიდი და საინტერესო მეგონა

ალავერდის ეზო და საფლავი, ვისი არ ვიცი, ბერი გადამეღობა, კაბა ჩაიცვა, აპარატი დაკეტაო მითხრა და რაღას ვიზამდი, წავჩანჩალდი უკან

ალავერდის საკვამურების ფანკლუბი უნდა გავხსნა

შარლოტა ბრონტეს "ჭექა-ქუხილის უღელტეხილი" შემომახსენდა ამის დანახვისას.

perwkli · Post by **perwkli** » 13 დეკ 2009, 23:54

Tengo · Post by **Tengo** » 13 დეკ 2009, 23:54

გაჩერება მეოთხე - იყალთო

მანამ ოფიციალურ ინფორმაციას მოგაწოდებდეთ, მინდა აღვნიშნო რომ მიმდინარეობს იყალთოს რესტავრაცია, ტაძარი ხარაჩოშია მოქცეული და მამომ ნება დაგვრთო მასზე ავსულიყავით. იქ ასულებს საოცარი ხედები დაგვხვდა, მათ შორის, კომპლექსის ეზო, ანუ აკადემიის ხედი ზემოდან, გადათეთერებული კავკასიონი და სხვა მრავალი. ფოტო მასალა ქვემოთ იხილეთ. ეხლა კი რაც შეეხება იმას თუ რას გვიყვება ვიკიპედია ამ ძეგლის შესახებ:

იყალთო, ქართული ხუროთმოძღვრების ძეგლი, სამონასტრო კომპლექსი თელავის ჩრდილოეთით, 7-8 კმ-ში. დააარსა ერთ-ერთმა ასურელმა მამათაგანმა ზენონმა VI საუკუნეში. იყალთო ქართული კულტურისა და განათლების მძლავრი კერა იყო. გადმოცემის თანახმად, არსენ იყალთოელს (XI-XII საუკუნეები) აქ აკადემია დაუარსებია. ჩვენამდე მოღწეულია აქაური ხელნაწერები, რომლებიც შედარებით გვიანდელი ხანისა და იყალთოს აკადემიის შესახებ ცნობებს არ შეიცავს.

კომპლექსიდან შემოჩერნილია 3 ეკლესია და სხვადასხვა დანიშნულების ნაგებობათა, მ.შ. აკადემიისა და სატრაპეზოს ნანგრევები. ეკლესიათაგან მთავარია VIII-IX საუკუნეების ფერისცვალების ეკლესია "ღვთაება" (აგებულია იმ ძველი აკლესიის ადგილას, რომელშიც დაკრძალული იყო ზენონი). სამების მცირე ეკლესია, რომელშიც მიუხედავად საფუძვლიანი გადაკეთებისა, შემორჩენილია VI საუკუნის გუმბათოვანი ეკლესიის ნაწილები და ყველაწმიდის ერთნავიანი ეკლესია, რომელიც XII-XIII საუკუნეების მიჯნას მიეკუთვნება. აკადემიის გეგმით წაგრძელებული შენობა რიყის ქვით არის ნაშენი. პირველი სართული 2 ოთახისაგან შედგება, მეორე კი ერთი მთლიანი დარბაზია (24,5 მÑ…9 მ) და, როგორც ჩანს, სამეცნიერო შეკრებათათვის იყო იმთავითვე განკუთვნილი. შენობა სტილით VIII-IX საუკუნეების ფეოდალურ სასახლეებს ენათესავება და აგებულიც მაშინ უნდა იყოს.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS