დიღმის ველის ჩრდილოეთ ნაწილში უნიკალური სამარხები აღმოაჩინეს

Druides · Post by **Druides** » 12 ოქტ 2009, 13:13

დიღმის ველის ჩრდილოეთ ნაწილში, ნაქულბაქევის ტერიტორიაზე 3000 წლის წინანდელი უნიკალური სამარხები აღმოაჩინეს.
როგორც ''ინტერპრესნიუსს'' ეროვნული მუზეუმიდან აცნობეს, ნაქულბაქევის სამარხები უმნიშვნელოვანეს ინფორმაციას იძლევა, როგორც დამარხვის წესის, ასევე აღმოჩენილი ინვენტარის თვალსაზრისით.
გათხრებზე საქართველოს ეროვნული მუზეუმის ოთარ ლორთქიფანიძის სახელობის არქეოლოგიური კვლევის ცენტრის მეცნიერები მუშაობენ.
აღნიშნულ ტერიტორიაზე არქეოლოგიური სამუშაოები XX საუკუნის 80-იანი წლების დასაწყისში, საქართველოს სამხედრო გზის გაფართოების დროს დაიწყო, როდესაც შუა საუკუნეების ხანის ნასახლარის ნაშთები და გვიან ბრინჯაო-ადრე რკინის ხანის სამარხები აღმოჩნდა.
2007 და 2009 წლებში დიდი ბრიტანეთისა და საქართველოს ერთობლივმა კომპანიამ IDP ჯგუფმა, რომელიც აღნიშნულ ტერიტორიაზე ახალი ტექნოლოგიების ცენტრის აგებას გეგმავს, არქეოლოგიური სამუშაოები დააფინანსა. მომავალში ძეგლის ტერიტორიაზე იგივე კომპანია ვალდებულებას იღებს ვიზიტორთა ცენტრი მოაწყოს, სადაც დამთვალიერებელს ამ ტერიტორიაზე აღმოჩენილი მასალის გაცნობის საშუალება მიეცემა.
ნაქულბაქევი ისტორიულად უმნიშვნელოვანესი ადგილია. დიდი მცხეთის აღმოსავლეთის კარიბჭე სწორედ ამ ტერიტორიაზე მდებარეობდა. ამ ტერიტორიაზეა აღმოჩენილი რომის იმპერატორის ვესპასიანეს წარწერა (ახ.წ. 75 წელი).
ნაქულბაქევზე აღმოჩენილი არქეოლოგიური ძეგლები ადასტურებს, რომ აღნიშნული ტერიტორია სავაჭრო გზების მნიშვნელოვან ცენტრს წარმოადგენდა. თვით სახელწოდება ნაქულბაქევიც, რომელიც ვახუშტი ბატონიშვილთან მოიხსენიება, ამაზე მიუთითებს.
თბილისის ტერიტორიაზე ადამიანთა უწყვეტი ცხოვრების ნაშთები 6000-ზე მეტ წელს ითვლის. დედაქალაქი დასავლურ და აღმოსავლურ კულტურათა გზაჯვარედინზე მდებარეობს და, ამ მხრივ, მის ტერიტორიაზე გამოვლენილი არქეოლოგიური მასალა საყურადღებოა.
სამარხებში აღმოჩენილ ნივთებს უახლოეს მომავალში თბილისის არქეოლოგიურ მუზეუმ-საცავში გადაიტანენ, სადაც დედაქალაქის ტერიტორიაზე გამოვლენილი 10 000-ზე მეტი მნიშვნელოვანი არქეოლოგიური ექსპონატი ინახება.
ახალ აღმოჩენას დღეს, 12.00 საათზე, ეროვნული მუზეუმის დირექტორი დავით ლორთქიფანიძე და თბილისის მერი გიგი უგულავა დაათვალიერებენ.

http://www.interpressnews.ge/ge/index.p ... &hd_line=1

qvevri · Post by **qvevri** » 12 ოქტ 2009, 14:37

ყველაზე მეტად იმან გამახარა, რომ ამ ყველაფერს გიგი უგულავა დაათვაიერებს....
პატრონს უბედუს

QEBURIUS · Post by **QEBURIUS** » 13 ოქტ 2009, 11:26

+1

აბა რა?! ვინ თუ არა გიგი?????? ეხლა ამხელა ამბით აღფრთოვანებული ცოლ-შვილებს 3 დღე საჭმელსაც კი არ ვაჭმევ!

Tamari-ch. · Post by **Tamari-ch.** » 13 ოქტ 2009, 12:21

ყველაზე მეტად ის მესიამოვნა მერიის მოქმედებაში, რომ
გათხრების ადგილას გააკეთებენ დასათვალიერებელ პუნქტებს,
რაც ხელს შეუწყობს ზოგადად ტურიზმის განივითარებას.
ასეთი პუნქტები ვანშიც და დმანისშიც და კიდევ სხვაგანაც უნდა გააკეთონ -
ანუ მუზეუმი ღი ცის ქვეშ.

Kakha · Post by **Kakha** » 13 ოქტ 2009, 15:49

Tamari-ch.
დმანისში გაკეთდა და გაიხსნა კიდევაც ცოტა ხნის წინ რამდენადაც ვიცი.

ვანში კი შესამიშნავი ადგილოვრივი მუზეუმი უკვე კარგა ხანია არსებობს.

ისა და რა გაიგეთ ინტერპრესნიუსის მიერ მოწოდებული ინფორმაციიდან? მე გავიგე ის, რომ ადგილ ნაქულბაქევში აღმოაჩინეს გვიანი ბრინჯაოს ხანის სამაროვანი. სხვა ვერაფერი აღმოჩენებთან დაკავშირებით.

ახლა რაც შეეხება სიტყვების ხმარებას - მე მეჩვენება და მგონია შეიძლება თქვენც გაიზიაროთ ეს შეხედულება, რომ ჩვენმა ჟურნალისტებმა არ იციან სიტყვა "უნიკალურის" მინშვნელობა. არ გამოვრიცხავ, რომ ეს სამაროვანი რაღაცა ნიშნით მართლაც უნიკალურია, მაგრამ მაშინ უნდა მითხრან რა ნიშანია ისეთი, რაში მდგომარეობს უნიკალურობა. თორემ გვიანბრინჯაოს სამაროვნები უამრავია საქართველოში აღმოჩენილი. ამდენად კიდევ ერთის აღმოჩენა არ იქნება "უნიკალური".

Tamari-ch. · Post by **Tamari-ch.** » 13 ოქტ 2009, 16:38

Kakha
ნაქულბაქევი აქვეა
მანდ ერთი პერიოდი (90-იან წლებში) ვმუშაობდი კიდეც -
დიდი დიღმის მეორე მხარესაა
1 წლის წინ მე და მარიამი ვიყავით იქ მისულები,
ფოტოები გადავიღეთ ეკლესიის-
რესტავრაცია მიდიოდა -
და მაშინ გვითხრა იმ ეკლესისის მამაომ -
მუშები მიწაში რაღაც ნივთებს პოულობენო..

გავიდეთ ერთხელ და დავათვალიეროთ....

Makena · Post by **Makena** » 14 ოქტ 2009, 10:32

საინტერესო აღმოცენაა, თუმცა არა უნიკალური.
სიტყვა უნიკალურს ქართულ ჟურნალისტიკაში ეტყობა სხვა დატვირთვა აქვს

QEBURIUS · Post by **QEBURIUS** » 26 ოქტ 2009, 12:01

Makena wrote:საინტერესო აღმოცენაა, თუმცა არა უნიკალური.
სიტყვა უნიკალურს ქართულ ჟურნალისტიკაში ეტყობა სხვა დატვირთვა აქვს

+1

ეტყობა ცოტცოტა "სომხური კოპლექსი" გვემართება

აცაბაცა

kurush wrote:
Makena wrote:საინტერესო აღმოცენაა, თუმცა არა უნიკალური.
სიტყვა უნიკალურს ქართულ ჟურნალისტიკაში ეტყობა სხვა დატვირთვა აქვს
+1

ეტყობა ცოტცოტა "სომხური კოპლექსი" გვემართება

"სომხური" არა "ჰაიასტანური"!!!!

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS