უძველესი ქსოვილი

Tamari-ch. · Post by **Tamari-ch.** » 12 სექ 2009, 01:09

რუნეტში ამას წავაწყდი
მაგრამ არაა ეს ამბავი აღწერილი ქართულ მასმედიაში -
რა გამოქვაბულია,
ნეტა სადაა?

გვალდა · Post by **გვალდა** » 14 სექ 2009, 14:21

Tamari-ch.
ჰა, ამაზე ყვებოდა სხვა ახალი ამბებიც? ძუძუანას მღვიმეში (რა დასახელებაა

) აღმოაჩინესო პალეოლითის დროინდელი ტექსტილიო

Upper Paleolithic Textiles from Dzudzuana Cave
http://archaeology.about.com/od/middlep ... dzuana.htm

Tamari-ch. · Post by **Tamari-ch.** » 14 სექ 2009, 20:55

გვალდა
შეიძლება სწორედ ეს იყოს
რუსულ წყაროში არაა მითითებული
აღმოჩენის ზუსტი გეოგრაფიული კოორდინატები.

ისე სადაა ეგ მღვიმეები?
რა კუთხეა?

http://archaeology.about.com/od/dterms/ ... a_cave.htm

ნეკრესთანო?

გვალდა · Post by **გვალდა** » 14 სექ 2009, 22:49

Tamari-ch.
უფრო იმერეთში, მდინარე ყვირილას ხეობაში. სხვაგან მოიხსენიება ყვირილას ხეობის მღვიმეებთან ერთად (სამერცხლე კლდე, სამელე კლდე, ძუძუანა) http://ka.wikipedia.org/wiki/დარკვეთის_ეხი
გაიგე ეხლა სადაა.

Tamari-ch. · Post by **Tamari-ch.** » 15 სექ 2009, 00:35

გვალდა
კახა სჭირდება ამას...

ARCHILI · Post by **ARCHILI** » 15 სექ 2009, 01:35

ამან შეიძლება დაგაინტერესოსTamari-ch.

დარკვეთის ეხი

დარკვეთის ეხი, მრავალფენიანი არქეოლოგიური ძეგლი მდინარე ყვირილის მარცხენა ნაპირას, სოფ. ითხვისის ჩრდილოეთით (ჭიათურის რაიონი). 1968-1972 წლებში გაითხარა (ლ. ნებიერიძე) 5 კულტურის ფენა.

I, მეზოლითის ხანის ფენა. შეიცავდა კაჟისა და რიყის ქვის იარაღს.

II ფენაში არმოჩნდა ადრინდელი (უკერამიკო) ნეოლითისათვის დამახასიათებელი მასალა.

III, IV და V ფენებში ყვირილის ხეობის ენეოლითური კულტურის სხვადასხვა ეტაპებია წარმოდგენილი.

III და IV ფენებში დიდი რაოდენობით იყო კაჟისა და ბაზალტის შრომისა და ბრძოლის იარაღი, სამკაული, ძვლის ნაწარმი, მცირე რაოდენობით - გეომეტრიული ფორმის ჩასართები. კერამიკა მოვარდისფრო-მონაცისფროდაა გამომწვარი და გაპროალებული. გვხვდება წითლად გაპროალებული თხელკედლიანი ჭურჭლის ნატეხებიც. მსგავსი მასალა აღმოჩენილია ყვირილის ხეობის მღვიმეებში (სამერცხლე კლდე, სამელე კლდე, ძუძუანა).

V ფენაში აღმოჩნდა კაჟის იარაღი, ფიქლის სამაჯურები და წარმოების ნაშთები. თიხის ჭურჭელი ორნამენტით ჰგავს ახშტირისა და ოქუმის მღვიმეების ენეოლითურ კერამიკას. V ფენა დაზიანებულია მტკვარ-არაქსის კულტურის ადრინდელი ეტაპის სამარხებით.

დარკვეთის ეხში გამოვლენილი ენეოლითური კულტურა გარკვეულ სიახლოვეს იჩენს მაიკოპის კულტურასთან (ა. ფორმოზოვი, დ. თუშაბრიშვილი).

ARCHILI · Post by **ARCHILI** » 15 სექ 2009, 01:42

ძუძუანას მღვიმის ლითოლოგია, სტატიგრაფია და პალეონტოლოგიური მონაცემების მიმოხილვა

ზედაპალეოლითური სადგომი ძუძუანა მდებარეობს იმერეთის პლატოზე, კარსტულ მღვიმეში, ჭიათურის რ-ნის სოფ. მღვიმევის ტერიტორაზე, მდ. ნიკრისას ხეობაში ( მდ. ყვირილას მარჯვენა შენაკადი), მის მარჯვენა ბორტზე, მდინარის დონიდან 10-12 მ.-ზე (აბსოლუტური სიმაღლე 560 მ.), მღვიმე გამომუშავებულია ზედა ცარცულ კირქვებში, სიგრძე 160 მ. სიგანე შესასვლელში 22 მ., სიმაღლე - 15 მ. უჭირავს აღმოსავლეთ - დასავლეთ ორიენტაცია, დღის სინათლე მღვიმეში აღწევს 60 მ.

ძეგლი პირველად აღმოაჩინა ს. ჯანაშიას სახ. საქართველოს სახელმწიფო მუზეუმის ქვის ხანის შემსწავლელმა ექსპედიციამ 1966 წელს ბ-ნ დავით თუშაბრამიშვილის ხელმძღვანელობით (თუშაბრამიშვილი დ., 1969). მისივე ხელმძღვანელობით, ამავე წელს დაიწყო სტაციონარული გათხრები და გაგრძელდა 1975 წლამდე.

აღმოჩნდა 2 კულტურული ფენა, I ენეოლითურ-ადრებრინჯაო, II ზედაპალეოლითური. 1972 წლამდე ზედაპალეოლითური ფენა ითხრებოდა როგორც ერთიანი კულტურული ფენა, მხოლოდ ამის შემდეგ მოხერხდა მისი ლითოლოგიურად დაყოფა და ფაქტიურად მას მიება კულტურული ფენებიც. სულ გამოიყო 8 განსხვავებული ლითოლოგიური და 7 კულტურული ფენა. 1973 წელს ლითოლოგიური ფენები დ. თუშაბრამიშვილმა გააერთიანა ლითოლოგიურ დასტებში I, II, III. დღევანდელი ნუმერაციით B, C, D. ( B-ში შედის I-III კულტურული ფენები, C-ში შედის IV-VI ფენები, და D-ში VII-VIII).

1987-1989 წლებში ძუძუანას მღვიმეში გეოლოგიური სამუშაოები ჩაატარა მ. თვალჭრელიძემ, ხოლო პალინოლოგიური კვლევა დ. ლორთქიფანიძემ. გამოყენებული იყო, როგორც გეომორფოლოგიური, ასევე რენდგენო-სტრუქტურული და ქიმიური მეთოდები.

დადგინდა, რომ გამოქვაბულის დანალექების წარმოშობაში მონაწილეობს, როგორც ავტოტქტონური, ასევე ალოქტონური მასალა. დესკვამაციური მასალა მთელ ჭრილში თითქმის ერთსახოვანია. ეს იმის მაჩვენებელია, რომ მთლიანი სისქის დალექვის დროს არ იცვლება შევსების წყაროები.

ძუძუანას მღვიმეში განახლებული არქეოლოგიური გათხრების და მასალის შესწავლის Dდროს 1996-2005 წ.წ.-ში ფაუნისტურ მასალაზე მუშაობა უფრო გაღრმავდა და სხვა კუთხით წარიმართა. გაი ბარ-ოზმა ჩაატარა ტაფონომიური და ზოოარქეოლოგიური ანალიზი (Bar-Oz, G.,et al.,2002). ძირითადად ყურადღება გამახვილდა ორ სახეობაზე - კავკასიურ ჯიხვზე (Capra caucasica) და პირველყოფილ ბიზონზე (Bison priscus). როგორც კვლევამ უჩვენა, ეს ორი სახეობა წარმოადგენდა ძუძუანას მღვიმის ადამიანების ძირითად სამონადირეო და საკვებ ბაზას. ტაქსონომიური კვლევა მიმდინარეობდა ბ-ნ აბესალომ ვეკუას ხელმძღვანელობით.

ძუძუანას მღვიმის ფაუნაში, სულ მცირე 28 სახეობაა გამოყოფილი. C ფენაში ბიზონი პროცენტულად უფრო დიდი რაოდენობითაა წარმოდგენილი (40%), ხოლო D ფენაში იზრედბა კავკასიური ჯიხვის პროცენტული მაჩვენებელი (42%), ეს ორი სახეობა ცხოველთა საერთო რაოდენობის 90% შეადგენს, დანარჩენი სახეობებია ტური (Bos primigenius), კეთილშობილი ირემი (Cervus elapus), შველი (Capreolus capreolus), ტახი ( Sus scrofa), ცხენი (Equus caballus), მელა (Vulpus vulpes) და დათვი (Ursus spaleaus), სულ მცირე რაოდენობითაა წარმოდგენილი. კავკასიური ჯიხვი ბინადრობს 800 მ.-დან 2.400 მ.-ის სიმაღლეზე კლდოვან მიდამოებში.

ამ სახეობისათვის დამახასიათებელია სეზონური მიგრაცია. ადრე გაზაფხულზე ჯიხვები მაღლა მთაში ადიან და გვიან შემოდგომაზე ჩამოდიან ტყიან მიდამოებში, ასეთივე სეზონური მიგრაცია ახასიათებს ბიზონს. აქედან გამომდინარე სავარაუდოა, რომ ძუძუანას მკვიდრნი ამ სახეობებზე შემოდგომაზე და ზამთარში ნადირობდნენ. ცხოველთა კბილებზე დაკვირვებამ კი აჩვენა, რომ ნადირობა ძირითადად ზრდასრულ ინდივიდებზე ხდებოდა, რაც კიდევ ერთხელ ადასტურებს იმ ფაქტს, რომ ზედაპალეოლითელი მონადირე-შემგროვებლები გამოცდილი მონადირეები იყვნენ.

Tamari-ch. · Post by **Tamari-ch.** » 15 სექ 2009, 12:13

ARCHILI
მადლობა საინტერესო ინფოსთვის....

მართლაც საინტერესოა ეს ყველაფერი.

Archil · Post by **Archil** » 15 სექ 2009, 21:05

კიდევ ახალი ინფო მაგ ქსოვილთან დაკავშირებით

გენეტიკური გამოკვლევის შედეგად, რომელიც ოქსფორდის მეცნიერებმა ჩაატარეს, მოცემული ქსოვილი თამუსიას პარალონის ნაწილი აღმოჩნდა.

ასე რომ კარავი ჯერ კიდევ 34 ათასი წლის წინ არსებობდა

lama · Post by **lama** » 15 სექ 2009, 21:15

Archil

მართლა

Tamari-ch. · Post by **Tamari-ch.** » 15 სექ 2009, 21:24

წინადადება შემომავქს-

გავეშუროთ მაგ მღვიმეებისაკენ
თან წავიყვანოთ თამუსია თავისი პარალონით -
და დავუბრუნდეთ დედა ბუნებას საცხოვრებლად....

Kakha · Post by **Kakha** » 16 სექ 2009, 14:15

Tamari-ch.
მაგ მღვიმეებში რომ მიხვიდე თავლისთვის ხილულს ბევრს ვერაფერს ნახავ. კიდევ მეტი, მე თუ მკითხავ, ასეთ მღვიმეებში არც კი უნდა შეხვიდე. საქმე ისაა რომ ყოველი ასეთი ვიზიტით ჩვენ, მნახველები, რაღაცას ვაზიანებთ. სხვა თუ არაფერი ჩვენი სუნთქვით იქაურ მიკროკლიმატს ვცვლით. ცხადია ერთი შესვლით ბევრი არაფერი იცველბა, მაგრამ ერთი მნახველი, მერე მეორე, მერე მესამე და წასულია საქმე. თანაც როგორც თავიდან დავწერე არტეფაქტებს ვერ დაინახავ.

თუ მაინცა და მაინც წავლა გინდა შეიძლება ნახო მღვიმის შემოგარენი, ანუ სადაა, რა ჩანს, როგორი ტოპოგრაფიაა, მაგრამ შიგნით ჯობია რომ არ შეხვიდე.

Niniset · Post by **Niniset** » 07 სექ 2010, 11:36

Kakha
და ვინმემ ხომ უნდა გამოიკვლიოს იქაურობა? თუ მხოლოდ უცხოური საიტებიდან უნდა ვიგებდეთ ჩვენი ქვეყნის შესახებ რაღაცებს...

Kakha · Post by **Kakha** » 07 სექ 2010, 20:48

Niniset
სულ რამოდენიმე პოსტის ზემოთ წაიკითხე და ნახავ რომ მღვიმეს მრავალი წლის განმავლაობაში სწავლებდნენ. როგორც დაინახავ, 2005 წელს ჯერ კიდევ ექპედიცია მუშაობდა.
ასე რომ იკვლევენ.

ახლა თუ სამეცნიერო ლიტერატურას არ მიყვება კაცი და ყოველწლიურ საანგარიში სესიებს არ ვესწრებით ან არ ესწრებით ეს სულ სხვა საკითხია. შეიძლება სთქვა, რომ პოპულარული წერილებიც უნდა იწერებოდეს, ჰოდა მიხედონ ჟურნალისტებმა.

Niniset · Post by **Niniset** » 08 სექ 2010, 11:03

Kakha
მართალი ხარ იმაში, რომ პოპულარიზაცია აკლია ასეთ მნიშვნელოვან მოვლენებს...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS