მნა - 28-30 აგვისტოს

Giorgi Bagrationi · Post by **Giorgi Bagrationi** » 26 აგვ 2009, 23:06

როგორც იქნა 3 სამსახურისგან თავისუფალი დღე გამოჩნდა და გადავწყვიტე ერთი საინტერესო ლაშქრობის განხორციელება.
ბოდიშს ვიხდი რომ გასვლამდე 2 დღეღაა დარჩენილი, მაგრამ ასე გამოვიდა.
მე მანქანაში 2 ადგილი მაქვს და თუ მსურველები ბევრნი იქნებიან ყაზბეგის მიმართულების მიკროავტობუსის შოვნა რთული არაა და კობთან შეიძლება ჩამოსვლა და შემდეგ ფეხით გზის გაგრძელება.

ეს ხეობა თრუსოს მკინვარწვერის მხრიდან ეკვრის და მრავალი ფაქტორითაა საინტერესო:
1) შუა საუკუნეებში მნის საერისთავო დამოუკიდებელ პოლიტიკურ ერთეულს წარმოადგენდა და ძლიერ "ქვეყნად" ითვლებოდა.
2) გზის დასაწყისში ვნახანთ მნის ციხე-სახლს.
3) ოდნავ სიღრმეში X-XI საუკუნეების წმ. მარიამის ეკლესიაა.
4) მის სიახლოვეს მინერალური წყალია.
5) ოდნავ მოშორებით 14 მ. სიმაღლის ჩანჩქერი.
6) ხეობის სიღრმეში მყინვარწვერიდან წამოსული მნის მყინვარია.
7) ოდნავ მაღლა 25 მ. ჩანჩქერია.

ყველაზე მაღლა კი 3600 მ-ზე ზღვისა დონიდან ბუნების საოცრება "მნის" კლდოვანი კბილი.
ამის შემდეგ უკან დავეშვებით. ჩემს კარავშიც 2 ადგილი მაქვს დარჩენილი. თუ მეტი მსურველი იქნება კარავზე უნდა იზრუნოთ.
ხეობაში შეშა არაა და გაზზე უნდა გავაცხელოთ საკვები.
ღამე ეციება და სასიარულოც ბევრი არა, მაგრამ აღმართებია ბოლოსკენ (სიმაღლეთა სხვაობა 1600 მეტრია). უნდა იქონიოთ სათხილამურო ან სხვა დამხმარე ჯოხი. ფეხზეც შესაბამისად უნდა გეცვათ და მდინარეში გატოპვისსთვისაც მზად უნდა იყოთ.
შემდეგ წერილში რუკას დავდებ სადაც 1 კვადრატის სიგრძე 1 კმ-ია.

Tamari-ch. · Post by **Tamari-ch.** » 26 აგვ 2009, 23:08

X-XI საუკუნეების წმ. მარიამის ეკლესიაა

მოხატულობა არის?

Giorgi Bagrationi · Post by **Giorgi Bagrationi** » 26 აგვ 2009, 23:13

1. წმ მარიამის ეკლესია
2, 14 მეტრიანი ჩანჩქერი
3. 25 მეტრიანი ჩანჩქერი
4. მნის კბილი

ჰორიზონტზე "კბილი" მოჩანს
ხეობის შუაში კი პატარა თეთრი ლაქა წმ. მარიამის ეკლესიაა

Int3lig3nt · Post by **Int3lig3nt** » 26 აგვ 2009, 23:13

ვაა, რა მაგარია

Giorgi Bagrationi · Post by **Giorgi Bagrationi** » 26 აგვ 2009, 23:15

მოხატულობა არაა რადგან XIX საუკუნეში რუსებმა შეათეთრეს.

Tamari-ch. · Post by **Tamari-ch.** » 27 აგვ 2009, 00:03

Giorgi Bagrationi wrote:მოხატულობა არაა რადგან XIX საუკუნეში რუსებმა შეათეთრეს.

keto · Post by **keto** » 27 აგვ 2009, 00:11

ვა, რა საინტერესო მარშრუტია

სამწუხაროდ ამჯერად ვერ შემოგიერთდებით, თუმცა მომავალში გასათვალისწინებლად ნამდვილად ღირს.

უახლოესი დასახლებული პუნქტი რა არის მანდ? იქნებ გაგვირკვიოთ მეგზურის აყვანა თუა შესაძლებელი გზის უცოდინართათვის და თუ შესაძლებელია, საკონტაქტო ნომერიც გამოართვათ

guruli · Post by **guruli** » 27 აგვ 2009, 03:13

აუ, რა დროსაა დაგეგმილი - წამოსვლის არანაირ შანსი არა მაქვს!

სურათს ტექსტის წაკითხვამდე დავხედე და ეგრევე თრუსო გამახსენდა. რა ლამაზი ადგილებია მაქეთ.

Naia · Post by **Naia** » 27 აგვ 2009, 09:53

ძალიან საინტერესო გასვლაა, მაგრამ სამწუხაროდ, დრო არ მაწყობს

იმედია რეპორტაჟს შემოგვთავაზებთ და მომავალში თუ ისევ მოეწყო ასეთი გასვლა, იმითი ვიხელმძღვანელებთ

arcivi9 · Post by **arcivi9** » 27 აგვ 2009, 11:22

Giorgi Bagrationi

ჩემს კარავშიც 2 ადგილი მაქვს დარჩენილი. თუ მეტი მსურველი იქნება კარავზე უნდა იზრუნოთ

მგონი ჯერ არავის გამოუთქვამს წასვლის სურვილი, მე კი მინდა სადმე გავიდე ამ 3 დღით, მაგრამ კარავი არ მაქვს და მგონი 1 ადგილს შევავსებ

ღამე ეციება და სასიარულოც ბევრი არა, მაგრამ აღმართებია ბოლოსკენ (სიმაღლეთა სხვაობა 1600 მეტრია). უნდა იქონიოთ სათხილამურო ან სხვა დამხმარე ჯოხი

წერაყინი მქონდა ადრე და გავყიდე

აუცილებელია ჯოხი? აღმართებზე სიარული არ მიჭირს....

ფეხზეც შესაბამისად უნდა გეცვათ და მდინარეში გატოპვისსთვისაც მზად უნდა იყოთ.

ეს იოლია

Giorgi Bagrationi · Post by **Giorgi Bagrationi** » 27 აგვ 2009, 12:18

arcivi9
მიხარია რომ გადაწყვიტე
დამირეკე 899-57-52-64 და შევთანხმდეთ

ARCHILI · Post by **ARCHILI** » 27 აგვ 2009, 12:19

Giorgi Bagrationi

აფსუს აფსუს რომ ისევ არ შემიძლია...

არადა არავის ლაშქრობაში წასვლა არასდროს ეგრე არ მდომებია, როგორც თქვენს დაგეგმილში.

ახლა არც დრო მაქვს და არც ფეხი მივარგა, თორემ მე და ჩემი მომავალი მეუღლე ძალიან დიდი სიამოვნებით წამოვიდოდით.

არა უშავს

სამომავლოდაც ხომ მოიფიქრებთ რამეს და...

თქვენ კი ძალიან სასიამოვნო მოგზაურობას გისურვებთ...

arcivi9 · Post by **arcivi9** » 27 აგვ 2009, 12:38

Giorgi Bagrationi
რაღაც-რაღაცეები მინდა გავარკვიო რომ მერე გაუგებრობა არ შეიქმნეს (ფულის ამბავში მაგალითად)

მე მანქანაში 2 ადგილი მაქვს

ნუ ერთ-ერთი მე შეიძლება ვიყო ხომ რაკი ჯერ სხვა მსურველი არ ჩანს? პრობლემა არაა მარშუტკით/ავტობუსით წამოსვლა მაგრამ წინასწარ მინდა ეს საკითხი გაირკვეს

ჩემს კარავშიც 2 ადგილი მაქვს დარჩენილი

ეს უფრო მნიშვნელოვანი საკითხია რადგან კარავი არ მაქვს

სხვებო სად ხართ? ასეთ კარგ ადგილზე ყოველთვის კი არ წავალთ

Tamari-ch. · Post by **Tamari-ch.** » 27 აგვ 2009, 12:52

მინდააა....

მაგრამ თბილისში არ ვიქნები ამ დროს....

Giorgi Bagrationi · Post by **Giorgi Bagrationi** » 27 აგვ 2009, 13:49

საწვავის ხარჯის გათვალისწინებით (ჯიპი mitsubishi montero sport 3.0 ძრავით) კაცზე 15 ლარამდე უწევს ჩემი გამოთვლებით.
კარავი კი ოთხ კაციანია, მაგრამ 8-საც გვიძინია.
დღეს შევიძინე ფრანგული გაზის პრიმუსი თავისი "ბალონჩიკით" რომელიც 3 საათს ანთია (მე მგონი გვეყოფა)

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS