ნიჩბისი - მინილაშქრობა 12 მაისს

Tamari-ch. · Post by **Tamari-ch.** » 14 მაი 2009, 01:41

ღვთაების საყდარიდან გადავედით ღვთისშობლის ეკლესიასთან.

Tamari-ch. · Post by **Tamari-ch.** » 14 მაი 2009, 01:49

ეს ეკლესია გვიანდელია -
აგებულია 1817 წელს

მდებარეობს სასაფლაოსთან ციციშვილების რეზიდენციასა და
წმ ნიკოლოზის ეკლესიას შორის

ეკლესია დარბაზულია -
შესასვლელი ჩრდილოეთ მხრიდანაა -
უცნაური საკურთხეველი აქვს -

სცენასავითაა ასასვლელი მასზე -
ქართულ ეკლესიებში ასეთი რამ მხოლოდ ქვახვრელში მინახავს.

ეს ჭრელი ნაჭრები ეტყობა ფარდის როლს ასრულებენ...

ძეგლთა აღწერილობაში მითითებულია წარწერა, რომლს იმიხედვით ეს ეკლესია სომხების აშენებულიაო -
არაა გამორიცხული - სტილი არ ჰგავს ქართულს..

Tamari-ch. · Post by **Tamari-ch.** » 14 მაი 2009, 01:58

იქვე კუთხეში უცნაური რამ ვნახეთ -

ჟეშტის დაკუჭულ ნაჭერზე იყო ღვთისმშობლის გამოსახულება.

ხელი მოვუსვით - დახატული არ იყო -
ანუ ზედ საღებავის რამე ფენა არ შეინიშნებოდა -
ვერანაირად ვერ მივხვდით როგორ
მოხვდა წმ მარიამის გამოსახულება დაჭმუჭნულ ჟეშტზე...

როცა ადგილობრივებს ვკითხეთ - ეს რას ნიშნავს თქო -
მხრები აიჩეჩეს - არ ვიცითო...

კუთხეში კი თიხის ჭურჭლის ნატეხები და ქვევრები იყო

Tamari-ch. · Post by **Tamari-ch.** » 14 მაი 2009, 02:03

ნიჩბისის ყველაზე დიდი ღირშესანიშნაობა კი
მაინც ციციშვილების ციხე დარბაზია.

დანარჩენი ხვალ....

Tamari-ch. · Post by **Tamari-ch.** » 15 მაი 2009, 20:07

ქაიხოსრო და მერაბი ციციშვილებისათვის -
ეს სოფელი უბოძებია მეფე ლუარსაბს - 1615 წელს...
მაშინ გაშენდა ეს ციხე გალავანიც -

კომპლექსში შედიოდა კოშკი,
სასახლე, ეკლესია და აბანო -
ამჟამად შემორჩა მხოლოდ აბანო და კოშკი.

Tamari-ch. · Post by **Tamari-ch.** » 15 მაი 2009, 20:13

ეზოში სამსართულიანი კოშკი დგას -
შესასვლელი მეორე სართულზეა -
თუმცა კი იქ ასასვლელი კიბე მორღვეულია

კედლებში სათოფურებია დატანებული

აი აქ ამ კედელზე ჩანს კიბეს კვალი -

Tamari-ch. · Post by **Tamari-ch.** » 15 მაი 2009, 20:17

ძალიან კი გვინდოდა იმ კოშკზე აძვრომა -
მეტად მიმზიდველია იყო მეორე და მესამე სართულის სარკმელები

კოშკის გვერდით რაღაც ნაგებობის ნანგრევებია -

კედლებზე საღებავის კვალია შემორჩენილი

Tamari-ch. · Post by **Tamari-ch.** » 15 მაი 2009, 20:23

მე მაინც მგონია რომ ეს თაროები აფთიაქის იყო -

ციციშვილებს უნდა ჰქონოდათ ტრადიციად სამკურნალო საქმე -
ერთ ერთი ყველაზე დიდი კარაბადინი ამ გვარის წარმომადგენელს ეკუთვნის.

გარდა ამისა ამ თაროებში პატარა ნატეხებია სავარაუდოდ პატრა ზომის თიხის ჭურჭლის,
სადაც ალბათ ინახებოდა წამლები.

ვისაც საქმე ჰქონია აფთიაქთან -
და უმუშავია იქ - ის ადვილად მიხვდება რა მოხერხებულია წამლების ასეთი სახით თაროებზე განლაგება.

Tamari-ch. · Post by **Tamari-ch.** » 15 მაი 2009, 20:30

გალავანთან არის კიდევ უცნაური ნაგებობა -
აფთიქის იქით -

სამი ერთნაირი ნაწილისგან შედგება -
ღრმა და ამავ დროს სამკუთხად გაჭრილი სარკმელებით -
თავიდან აბანო მეგონა -
მაგრამ მერე ვიფიქრე, რომ აბანოსათვის მეტად ღრმაა

...

Tamari-ch. · Post by **Tamari-ch.** » 15 მაი 2009, 20:32

სარკმელი გადის გარეთ და შუაში სამკუთხადაა გაყოფილი -

სათოფესათვის მეტად უცნაური ფორმა აქვს

Tamari-ch. · Post by **Tamari-ch.** » 15 მაი 2009, 20:35

და ყველაზე კარგად შემონახულია აღმოსავლური ტიპის აბანო -

Tamari-ch. · Post by **Tamari-ch.** » 15 მაი 2009, 20:38

გიო ფიქრობს - ჩავხტე თუ არ ჩავხტეო -

აბანო თავისი რთული სისტემა აქვს -
ბუხარი - მილები

Tamari-ch. · Post by **Tamari-ch.** » 15 მაი 2009, 20:39

და აი ასეთი ჭერი -

Tamari-ch. · Post by **Tamari-ch.** » 15 მაი 2009, 20:42

იქ სადაც მთავარი აბაზანაა - მის გვერდით არის უკარო ოთახი -

იქ მოხვედრა მხოლოდ ამ სარკმელით შეიძლება

იატაკში კი მოლხოდ ერთი მილი შემოდის -
და ასეთი ორმოა აქ -

ვერაფრით ვერ მივხვდი ამ ოთახის დანიშნულებას

Tamari-ch. · Post by **Tamari-ch.** » 15 მაი 2009, 20:48

რეზიდენციის გვერდით ეს შენობა შევნიშნეთ

- თავიდან ეკლესია გვეგონა
მერე ვიფიქრეთ რაღაც ისტორიული ძეგლია თქო...
ბოლოს აღმოჩნდა საცხოვრებელი სახლი...
წინ სახლს უზარმაზარი თეთრი არწივის ქანდაკება ამშვენებდა

რომ ვკითხეთ ადგილობრივებს - ეს სახლი ვისია თქო - გვითხრეს ციციშვილებისააო...

აღმოჩნდა რომ ერთ ერთ ციციშვილს უყიდია ციხის გვერდით ერთი პატარა სახლის და იქ ხელახლა გაუშენებია ასეთი საცხოვრებელი სასახლე
ანუ ციციშვილების საგვარეულო ტრადიცია ასეთ სახით აღუდგენია

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS