სამოჭალა-საორბისი 17-19.04.2009

ჩიტუციო

რკონის მონასტერი დიდი პატივით და სახელით სარგებლობდა ძველ საქართველოში. ამ მონასტერს საკმაოდ დიდი მამულებიც ჰქონდა და დიდძალი შემოწირულობანიც შემოსდიოდა. ცნობილია კახა ერისთავთ ერისთავის მიერ 1259 წელს ბოძებული სიგელი, რომლითაც იგი სოფელ ხოვლეს რკონის მონასტერს სწირავს. ეს მონასტერი შედიოდა მებატონე ჯავახიშვილების სამფლობელოში და ამ საგვარეულოს მთავარ სალოცავადაც ითვლებოდა.

თეძმის ხეობაში რკონის ღვთისმშობელი ყველაზე დიდი სალოცავი იყო. დღეობა იცოდნენ მარიამობას, 28 აგვისტოს და სალოცავად მოდიოდნენ ქართლის ყველა მხარიდან. მლოცავი ეკლესიას გარშემო ფეხშიშველი უვლიდა, რამდენიმე წყება ბამბის ძაფს შემოარტყამდა მას და ტან ევედრებოდა სიმრთელეს და ყოველგვარ სიკეთეს. მოჰყავდათ აგრეთვე სულით ავადმყოფებიც, რომელთა განკურნებას შეავედრებდნენ რკონის ღვთისმშობელს.

ჩიტუციო

დღე მეორე:

დილას წვიმის ხმამ გამაღვიძა

ალექსამ ცოტა ხანი დავიცადოთ შეიძლება გადაიღოსო. მანამდე ვჭამეთ, ჩავბარგდით....

წვიმა არ აპირებდა გადაღებას და ცოტა ხანში თოვლიც წამოვიდა. რა უნდა გვექნა, ავდექით და სვეტისა და რკონის ციხის უნახავად დავადექით გზას წითელწყაროსკენ.
გეგმაში იყო წითელწყაროში ასვლა და ჭიანთის, მთადეკეულისა და ნათლისმცემლის ეკლესიების მონახულება და სადმე კარგ ადგილას დაბანაკება.

ჩიტუციო

სანამ რკონის სოფელში შემოხვალთ მანამდეა გზა გადასახვევი მარჯვნივ წითელწყაროსკენ. გზა პირდაპირ მდინარეზე გადის. სამწუხაროდ იქ ხიდი არაა და საკმაოდ განიერიცაა მდინარე, ასე რო გადატოპვას ვერ აცდებით. თავიდან ვიფიქრეთ იქნებ რამე კარგი გადსასვლელი ვნახოთ რომ დასველების გარეშე მოვახერხოთ მეორე ნაპირზე გადასვლათქო, მაგრამ უშედეგოდ... ცოტა ხანში უაზრო აზრი მომივიდა თავში

ალექსას ვუთხარი წამო დავბრუნდეთ ახალქალაქში, ტაქსით გადავიდეთ ხოვლეში და ხოვლედან ავიდეთ იმ სოფლებში რაც უნდა ვნახოთთქო

ალექსა ჭკვიანია, ქალის ჭკუას არ გაყვა და დავიწყეთ გახდა

გავიძრეთ ფეხსაცმელები და თოვლში და სასტიკად გაყინულ თეძამში ფეხშიშველები გადავედით... ისე მოგვეყინა ფეხები, ვინმეს რო მოეჭრა ვერც კი ვიგრძნობდით

სოფელ წითელწყაროს ნათლისმცემელსაც ეძახიან, თეძამზე რომ გადახვალთ გზა არ აგერევათ, პირდაპირ მიხვალთ ამ სოფელში. რკონიდან დაახლოებით 8 კილომეტრითაა დაშორებული. სულ აღმართებზე გიწევთ ასვლა, საკმაოდ მაღლაა ეს სოფელი გაშენებული. სოფელს მდინარე ვიცხა ჩამოუდის.

რაც უფრო ზემოთ ავდიოდით მით უფრო უმატებდა თოვას და მით უფრო თეთრი ხდებოდა არე-მარე.

მიუხედავად იმისა რო ფეხები მაინც დაგვისველდა, სიცივით არ გვციოდა. ტემპს არ ვკარგავდით, შესვენების გარეშე მივდიოდით და მშვენივრად ვგრძნობდით თავს

ესეც მე და ალექსა, თოვლში და საწვიმრებში

Wanderer · Post by **Wanderer** » 27 აპრ 2009, 11:38

წითელწყაროელი მგლის ყმუილის მეორე სერია.

იკვი საოცრებაა! არცერთი ეკლესია ჩემზე მასეთ საოცარ ზეგავლენას არ ახდენს...

lama · Post by **lama** » 27 აპრ 2009, 11:39

Wanderer wrote:წითელწყაროელი

დედოფლისწყაროელის უნდა გეთქვა ხომ?

Wanderer · Post by **Wanderer** » 27 აპრ 2009, 11:44

lama

დედოფლისწყაროელის უნდა გეთქვა ხომ?

ეგ კახეთშია ბიიიჯოოოოოუ.

ეგ მართლა წითელწყაროა და მეორე სახელიც აქვს:

სოფელ წითელწყაროს ნათლისმცემელსაც ეძახიან

უფრო სწორად წითელწყაროა მეორე მგონი.

lama · Post by **lama** » 27 აპრ 2009, 11:47

Wanderer
ვერაფერი გავიგე

:D:D:D:D:D:D

Wanderer · Post by **Wanderer** » 27 აპრ 2009, 11:51

lama
დედოფლისწყარო-წითელწყარო არის კახეთში. ამას არ ვგულისხმობდი. მანდ უფრო ტურები იქნებიან ალბათ.

ნათლისმცემელი-წითელწყარო არის მანდ, რკონთან ახლოს. ამ წითელწყაროში არიან მგლები და იქაური მგელივით დავიყმუვლე ზუსტად.

lama · Post by **lama** » 27 აპრ 2009, 11:54

Wanderer

:D:D:D:D:D:D:D:D:D:D

გაიხარე

ახლა გასაგებია

:D:D:D

Giorgi Bagrationi · Post by **Giorgi Bagrationi** » 27 აპრ 2009, 15:53

ამ სოფელს ნათლისმცემელი ერქვა და წითელწყარო კომუნისტებმა შეარქვეს გასაბჭოების შემდეგ

Tamari-ch. · Post by **Tamari-ch.** » 28 აპრ 2009, 19:48

ამ სურათს რომ ვუყურებ - ძალიან მცივა....

კიდევ ერთხელ გილოცავთ თქვენი ჭირიმე -
გამყინვარებას და მგლებს რომ გადაურჩით უვნებლად...

KSOVRELI · Post by **KSOVRELI** » 04 მაი 2009, 15:26

ჩიტუციო wrote:ცოტა ხანში უაზრო აზრი მომივიდა თავში ალექსას ვუთხარი წამო დავბრუნდეთ ახალქალაქში, ტაქსით გადავიდეთ ხოვლეში და ხოვლედან ავიდეთ იმ სოფლებში რაც უნდა ვნახოთთქო ალექსა ჭკვიანია, ქალის ჭკუას არ გაყვა და დავიწყეთ გახდა

არა, ნატო ისეთი ადამიანია, ვისაც ჭკუა მოეკითხება, მაგრამ ამ კონკრეტულ შემთხვევაში არ იყო მართალი

იმის მაგივრად, რომ წუწუნი დაეწყო და თავისი "გაეტანა", დამემორჩილა, რაც მის გონიერებაზე თუ შეგნებაზე მოწმობს. შედეგად ორივენი კმაყოფილი დავრჩით, რომ სწორედ ეს გზა ავირჩიეთ და არა სხვა.

Andy · Post by **Andy** » 06 მაი 2009, 22:32

ვარ ნამყოფი და საკმაოდ კარგი ადგილებია

GAMARJOBA SAKARTVELO

ჩიტუციო wrote:GAMARJOBA SAKARTVELO

აღარც კი მახსოვდა...

დავასრულებ

ველი.
მაინტერესებს შენ მიერ გავლილი გეზი.
ჩემთვის სასიამოვნო აღმოჩენაა, რომ რკონი-ფიცესიდან (საორბისის ტაძრიდან) ხოვლეში
ჩასასვლელად უმოკლესი გზა არსეობს.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS