ხევსურეთიდან ყაზბეგში ჭაუხის უღელტეხილით

Bernar · Post by **Bernar** » 07 ნოე 2008, 21:52

Mta Mkvarebia დიდი მადლობა!

შესანიშნავ საჩუქარს გაუკეთებ საკუთარ თავს და თანამეგზურებს, თუ გადაივლით ამ უღელტეხილს!

Bernar · Post by **Bernar** » 09 ნოე 2008, 21:53

მაშ ასე გადავიარეთ ეს უღელტეხილი და ახლა პირველივე მწვანე და მზიან მინდორში წამოვწექით დასასვენებლად. ახლო-მახლო ნახირი ბალახობდა, რომელთა შორის რამოდენიმე უცნაური შეფერილობის ძროხაც შევამჩნიეთ.

ჯერ ეს დედა-შვილი გაიცანით:

ძალიან საყვარლები იყვნენ

ამას ეტყობა ნუგბარით მოუნდა ყელის ჩაკოკლოზინება და ჩვენ მოგვაკითხა:

ეს მიმობნეული ნახირი

და ესეც უცნაური შეფერილობის ძროხა

მოპირდაპირე მთის ფერდობზე სხვა ნახირი იყო:

Bernar · Post by **Bernar** » 09 ნოე 2008, 22:04

ელგუჯა ბიძია ისვენებს და თან ტკბება იქაურობით

Bernar · Post by **Bernar** » 22 ნოე 2008, 22:12

ასე და ამგვარად ამ შესვენების შემდეგ კვლავ დავიძარით: დაღლილობა ეხლა ვიგრძენით და ამიტომ საკარვე ადგილს დავუწყეთ ძებნა. ასე ნახევარი საათის სიარულის შემდეგ მდინარე რომ გავტოპეთ, ზედ ბილიკთან მოსწორებული ადგილი შევამჩნიეთ. ბევრი აღარ გვიფიქრია და მცირეოდენი დასვენების შემდეგ შევუდექით კარვების გაშლას.
მანამდე იმ მოსწორებულ ადგილთან მდინარისპირა ფერდობი ულამაზესი ყვავილებით იყო დაფარული: კერძოდ იასამნისფერი გვირილებით

ეს უკვე სხვა სახეობის ყვავილებია:

Bernar · Post by **Bernar** » 22 ნოე 2008, 22:22

ძალიან ლამაზი იყო ის ადგილი სადაც დავბანაკდით: მარცხნიდან ჭაუხები გვეკრა თავისი თავსაბურავით

ხოლო იქვე ეს ცნობილი ჩანჩქერი მოჩქეფდა:

აქ ჭაუხები და ჩანჩქერი ერთად:

ეს კი ჩვენი იმღამინდელი ბანაკი

აქ კი მე ვარ ოღონდ მოშორებით:

საკმარისად დაღლილებს იმისათვის, რომ საფუძვლიანად დაგვესვენა, დაბნელებისთანავე ჩაგვეძინა...

Ninukala · Post by **Ninukala** » 26 ნოე 2008, 13:41

რა ყოჩაღი ხარ.....

nusa · Post by **nusa** » 26 ნოე 2008, 17:23

უნახავად მიყვარს აბუდელაური და ჭაუხები,
უკვე ვიცი ივლისში უნდა წავიდე სანახავად, ულამაზესი ყვავილებიც ყოფილა

ბესო, მადლობა რეპორტაჟისთვის, ძალიან მომწონს თქვენი ოჯახურ-მეგორბრული საზაფხულო ლაშქრობები

qvevri · Post by **qvevri** » 26 ნოე 2008, 20:51

კარგი სურათებია

Bernar · Post by **Bernar** » 29 ნოე 2008, 12:48

ყველას დიდი მადლობა! :madloba:

Bernar · Post by **Bernar** » 29 ნოე 2008, 13:01

დილით აღმოვაჩინეთ, რომ საკმაოდ სქელი ნისლი გვეკრა გარშემო. ჭაუხები საერთოდ არ ჩანდა და მზეზე ხომ ზედმეტი იყო ლაპარაკი.

ამიტომ ორგანიზებულად ავშალეთ ბანაკი, ავიკარით ჩვენი გუდა-ნაბადი და დავეშვით ჯუთისაკენ. ვიჩქარეთ, რათა მთის ცივ წვიმას გამოვქცეოდით.

ჯუთამდე ალპინისტების ბანაკშიც გავიარეთ, თუმცა იქ არავინ არ დაგვხვდა, მაგრამ უკვე ალპინისტების ბანაკიდან გასულებს უამრავი ქართველი და უცხოელი მოგზაურები შემოგვხვდა.

ერთ საათში უკვე ჯუთის ზედა პლატოზე ვიყავით და ვისვენებდით:

By Bernar

ეს ჯუთა ზემოდან:

By Bernar

Bernar · Post by **Bernar** » 29 ნოე 2008, 13:24

პლატოზე, იქვე ხალხი იყო შეჯგუფული: როგორც შემდეგ გავიგეთ ამ პლატოზე სასტუმროს აშენებას აპირებენ(!) და იმასთან დაკავშირებით მსჯელობდნენ.

ჯუთაში ჩასვლისას ჩვენი ჯგუფის უფროსების ნაცნობის, გაგა არაბულის ოჯახშიც შევიარეთ სადაც ხევსურული ყველით დაგვაჯილდოვეს (რომელიც რა თქმა უნდა ძალიან გემრიელი იყო)

მანამდე ეს ცხენი დავლანდე

By Bernar

ქვემოთ კი ვირზე შემოსკუპული პატარა ბიჭი მიბაკუნობდა ჯუთის შარაგზაზე

By Bernar

თვითონ გაგა არაბული სახლში არ იყო, ამიტომ მცირე გამოლაპარაკების შემდეგ მათ დავემშვიდობეთ.

ის ის იყო მათ სახლს გავცდით, რომ ოჯახის დიასახლისი წამოგვეწია და გვითხრა, რომ მთელი ამ 4-5 დღის განმავლობაში თბილისიდან რეკავდნენ და ლალი მასწავლებელს კითხულობდნენ: თურმე ჩვენი ლაშქრობის მეორე დღესვე გარდაცვლილა ლალი მასწავლებლის მამა

და მთელი ამ დროის განმავლობაში ამაოდ ცდილობდნენ ლალი მასწავლებელთან დაკავშირებას.

ამ სამწუხარო ამბავმა ყველაზე იმოქმედა, ლალი მასწავლებელს კი იქვე წასკდა ცრემლები...

სასწრაფოდ დავიწყეთ ჯუთაში ძებნა ვინმე მანქანიანის, რათა ყაზბეგამდე გაგვეყოლებიდა ლალი მასწავლებელი, მაგრამ ადგილობრივებიდან იმ დროს ჯუთაში ასეთი არავინ არ იყო.

შემდეგ ის ხალხი გაგვახსენდა ვინც ჯუთის ზემოთ სასტუმროს აშენებაზე საუბრობდნენ და საჩქაროდ მათი სახლისაკენ გავემართეთ. ჩვენდა ბედად ისინი ასე ნახევარ საათში აპირებდნენ თბილისში წასვლას და როდესაც ვუამბეთ ლალი მასწავლებლის ამბავი გულისხმიერად დაგვთანხმდნენ მის თბილისში წაყვანაზე. ასე რომ სწორედ იმ მომენტში ვიგრძენით უფლის ძალა.

Bernar · Post by **Bernar** » 29 ნოე 2008, 13:36

ლალი მასწავლებლის გაცილების შემდეგ ჩვენც დავიძარით: გადავწყვიტეთ სადმე კარკუჩასთან ახლოს დავბანაკებულიყავით.

სანამ ჯუთას გავცდებოდით, კიდევ ერთხელ სიამოვნებით მოვათვალიერეთ იქაური პეიზაჟები:

ძალიან ეფექტური და ექსტრემალური შეგრძნებების აღმძვრელია ჭაუხების პეიზაჟი ჯუთიდან:

By Bernar

By Bernar

ეს მდინარეების ჭაუხისა და ჯუთიწყლის შესართავია:

By Bernar

ეს კი თვით ჯუთა, სხვადასხვა რაკურსით:

By Bernar

By Bernar

და ჯუთის ორკადრიანი პანორამა:

By Bernar

Bernar · Post by **Bernar** » 13 დეკ 2008, 17:45

დავეშვით ჯუთიდან კარკუჩასკენ, თუმცა კარკუჩაში ჩასვლას დღეისათვის არ ვგეგმავდით: ახლა უკვე დასაბანაკებელ ადგილს ვეძებდით.

ასე მოვდიოდით ჩვენთვის ჯუთის დაღმართზე:

By Bernar

ჯუთას განგსტერები სტუმრობდნენ

By Bernar

დედაჩემი და მამაჩემი:

By Bernar

ვისვენებთ:

By Bernar

უკან ჩამორჩენილებიც წამოგვეწივნენ:

By Bernar

Bernar · Post by **Bernar** » 13 დეკ 2008, 18:00

აღსანიშნავია ერთი რამ: სანამ ჯუთას ჩამოსცდები კარკუჩასკენ, მანამდე იქაური ბუნება თითქმის იგივენაირია როგორც ხევსურეთისა, ხოლო როცა ჯუთას ჩასცდები, უკვე ხევის ბუნებისათვის დამახასიათებელი ტიპიური პეიზაჟები იწყება:

By Bernar

By Bernar

როდესაც დაღმართი ჩავიარეთ, იქაურობა მოვათვალიერეთ, მაგრამ სადაც კარგი საბანაკე ადგილი იყო, იქ ვიღაცეებს უქეიფიათ, ცხვრის მძორი დაუტოვებიათ და იქაურობა აუყროლებიათ

ამიტომ გზა განვაგრძეთ. თუმცა მანამდე ეს ყვავილი შევამჩნიე, რომელიც არხოტშიც ბლომად იყო თვალის და გულის გასახარად:

By Bernar

ასე ძებნა-ძებნაში კი ჩავედით კარკუჩაში. ბოლოს და ბოლოს გზის პირზე ვნახეთ შედარებით ნაკლებად ქვიანი მიწა და იქ დავბანაკდით.

სანამ დავბანაკდებით, ყაზბეგური პეიზაჟები ნახეთ:

By Bernar

By Bernar

ესეც საბანაკე ადგილი:

By Bernar

აქ რაზე იცინიან ნამდვილად არ მახსოვს

By Bernar

აქ კი ბიჭებს ნამეტნავად მოშიებიათ: ლამის კონსერვის ქილაც მიაყოლეს

By Bernar

anano · Post by **anano** » 03 ივლ 2009, 02:02

არაჩვეულებრივი რეპორტაჟია, ერთ ამოსუნთქვაზე წავიკითხე და დავათვალიერე....თქვენთან ერთად ვიმოგზაურე ამ არაჩვეულებრივ ადილებში, რომლებსაც იმედია მალე საკუთარი თვალით ვიხილავ....!

დიდი მადლობა!

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS