ხევსურეთიდან ყაზბეგში ჭაუხის უღელტეხილით

Bernar · Post by **Bernar** » 01 ნოე 2008, 21:26

Archil
მართალი ხარ, მაგრამ ნამდვილი ზღაპარი ზედ უღელტეხილზე გველოდა: როგორია შუა ზაფხულში ფაფუკი თოვლით გუნდაობა?

Bernar · Post by **Bernar** » 01 ნოე 2008, 21:59

ეს ბოლო შესვენებაა უღელტეხილამდე. ფოტოსაც ეტყობა რომ ძალიან მაღალზე ვართ!

ეს კადრი ძალიან მომწონს:
მერაბი შეუპოვრად უტევს აღმართს!

ბოლო მონაკვეთზე ნისლმა ისევ მძლავრად შემოგვიტია და გულში ჩაგვიხუტა.
წინ ლალი მასწავლებელი, ნუგზარი ბიძია, მერაბი, აჩიკო, გურამი და მამაჩემი მიდიოდნენ. სულ უკან კი ცუცა დეიდა და ელგუჯა ბიძია იყვნენ. ელგუჯა ბიძია ვერ იყო რაღაც კარგად და ამიტომ მე და მერაბი რიგ-რიგობით ვეხმარებოდით.
ამიტომ მე ერთერთი უკანასკნელი ავედი უღელტეხილზე. როცა ბილიკმა კლაკვნა შეწყვიტა და ერთ ხაზზე გასწორდა, მივხვდი, რომ ძალიან ახლოს ვიყავი მიზანთან. თან უკვე ზემოთ მყოფთა აღფრთოვანებული შეძახილებიც მესმოდა და მივხვდი, რომ რაღაც საოცარი სანახაობა მელოდა!!!
არც შევმცდარვარ: ძნელია ენით აღწერო ის განცდები რაც უღელტეხილზე ყოფნისას განვიცადე! თითქმის ჭაუხების სიმაღლეზე ვიყავი და ირგვლივ ნისლში გახვეულ კლდეებს და მწვერვალებს ვხედავდი!
ჭაუხის მასივი, როშკახორხი, რუსეთ-საქართველოს საზღვრის მწვერვალები (იგივე შანის და ბაჩახის მასივი), არხოტისთავისღელის კლდეები და ასე შემდეგ (სამწუხაროდ ძლიერი ღრუბლიანობის გამო არ ჩანდა მყინვარწვერი და შინოს მთა არ გამოჩენილან)!

ავედი თუ არა პირველ რიგში იქით აქეთ დავიწყე სირბილი და სურათების გადაღება. რამოდენიმეჯერ კიდე უღელტეხილზე შემორჩენილ თოვლშიც ჩავეფლეთ

(ასე წვივებამდე).
ახლა კი შემოგთავაზებთ სურათებს:

ეს ჯუთის მხარეა:

ეს აჩიკოა: იმდენად მოიხიბლა იქაურობით, რომ უბრალოდ იჯდა და ათვალიერებდა იქაურობას

Bernar · Post by **Bernar** » 01 ნოე 2008, 22:09

ელგუჯა ბიძია და ცუცა დეიდა ბოლო მონაკვეთზე:

და უშუალოდ უღელტეხილზე:

ეს კადრიც ძალიან მომწონს:

ეს კი სამკადრიანი პანორამა: ჭაუხის მასივი უღელტეხილიდან

დედაჩემი და მამაჩემი: ცოტა შეცივდათ მემგონი

ეს ყვავილი კიდე იმ სიმაღლეზე რამ ამოიყვანა არ ვიცი:

Bernar · Post by **Bernar** » 01 ნოე 2008, 22:15

ესეც ბოლო სურათები უღელტეხილზე, ამის შემდეგ უკვე დაბლა ვეშვებით:

და ეს პატარა ყვავილიც:

Bernar · Post by **Bernar** » 01 ნოე 2008, 22:28

დავიწყეთ ნელ-ნელა დაშვება. თავიდან უღელტეხილის სიმაღლეზე ქედს მივყვებოდით, ხოლო შემდეგ ცოტა დაბლა ჩავედით და აი ამ თოვლიანი მონაკვეთის გავლის შემდეგ პატარა ქვაყრილიც შენვიშნეთ (ეს უღელტეხილებზე რომ აკეთებენ ისეთი ქვაყრილი იყო). აი ის თოვლიანი მონაკვეთი:

ამ თოვლში ვიგუნდავეთ კიდევაც, თუმცა ხელები რომ გაგვეყინა მერე კი მოვეშვით ცელქობას

დედაჩემი კი ბავშვივით იყო გახარებული:

Bernar · Post by **Bernar** » 01 ნოე 2008, 22:46

ეს ადგილი ყველას ძალიან მოგვეწონა და შესაბამისად ბლომად სურათებიც გადავიღეთ:
ამ სურათებში ზედ უფსკრულის პირას ვდგავართ

ეს ორი პანორამაც იმავე ადგილასაა გადაღებული: ეს სურათები ალბათ ცოტათი მაინც გაგრძნობინებთ იმ ადგილების სილამაზეს და გრანდიოზულობას!

Bernar · Post by **Bernar** » 01 ნოე 2008, 22:57

ამის შემდეგ კიდევ საკმაოდ დავეშვით და აი აქ შევჩერდით:

ეს დედაჩემი და ნუგზარი ბიძია მოდიან:

ეს კი როშკახორხია:

ამ ორი პანორამიდან ერთერთი უფრო მაღლიდანაა გადაღებული, ვიდრე მეორე, თუმცა ორივეზე მოჩანს რუსეთ-საქართველოს სასაზღვრო ქედი:

ამ მცირე შესვენების შემდეგ იქვე ძალიან დამრეცი ბილიკიც მოვძებნეთ და მას ჩავყევით. ბილიკმა მდინარე ჭაუხის სათავეებთან ჩაგვიყვანა, საიდანაც უკვე კარგი ბილიკი იწყებოდა. ცოტა გავყევით ამ ბილიკს და მინდორიც გამოჩნდა!
დაღლილები, როგორც ფიზიკურად ასევე არანაკლებ ემოციებით ამ მინდორზე წამოვწექით და ცოტაც წავიხემსეთ: მოგვშიებია კიდევაც ამდენ ამბავში!

guruli · Post by **guruli** » 02 ნოე 2008, 11:14

ვუყურებ და მშურს თქვენი! ნეტავ, მე როდის გავივლი მაგ მარშრუტს.

მაგრები ხართ!

legenda · Post by **legenda** » 03 ნოე 2008, 09:32

Bernar

დიდებულია!

bela · Post by **bela** » 05 ნოე 2008, 04:17

Bernar

რა გითხრა, აბა, ვათვალიერებდი და ძაააალიან მშურდა, მაგრამ თან ისე მიხაროდააა .....

Bernar · Post by **Bernar** » 05 ნოე 2008, 08:46

bela
მართლა ძალიან ბევრ ნიშნავს ასეთი სამშობლო რო გექნება კაცს!
ასეთი სამშობლოს პატრონი განა მტერს დაუთმობდა თავის მიწა-წყალს?
რა თქმა უნდა არა! და ჩვენც არავის არ დავუთმობთ!

lama · Post by **lama** » 05 ნოე 2008, 23:52

Bernar
ვაუ ლალის იცნობ?

ჩემი მეგობარია

Bernar · Post by **Bernar** » 06 ნოე 2008, 09:29

lama
კი როგორ არა! ჩემს სკოლაშია ქართულის მასწავლებელი!

lama
შარშან რომ არხოტის რეპორტაჟი გავაკეთე იქაც ერთერთი გმირი ლალი მასწავლებელი იყო!

lama · Post by **lama** » 06 ნოე 2008, 13:04

Bernar
გაიხარე მომიკითხე დიდი სიყვარულით კაი ხანია აღარ მინახავს

გაიხაროს

Mta Mkvarebia · Post by **Mta Mkvarebia** » 06 ნოე 2008, 13:15

Bernar
რესპექტები.
ულამაზესი ადგილები და უმაგრესი რეპორტაჟია

თანდართული ინფორმაციით სხვადასხვა მწვერვალის შესახებ

.

ჩვენც ვიყავით ჭაუხებზე ამ ზაფხულს. მოგვხიბლა თეთრმა ტბამ, რომელიც ძლივს შევამჩნიეთ იმ ნაშალი ფერდობიდან, შენ რომ ახსენებ, რადგან თითქმის სულ გაყინული იყო (ივნისში ვიყავით). ჯუთას მხრიდანაც მოგვხიბლა ჭაუხებმა. მაგრამ გადასვლით არ გადავსულვართ ჭაუხების უღელტეხილზე და ძალიან მაინტერესებს

.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS