კვლავ ლექსებს დაგიწერ ანუ მეწერება და რა ვქნა

pataputina · Post by **pataputina** » 23 ოქტ 2008, 17:17

ZVIOSULI

სისხლხორციელად გავები გათიშულობის ბადეში
ენერგიების ვამპირი მე სილას მაწნის სახეში
გზადაგზა მანერვიულებს ლოიალობა ვალებში
ეთიკის ნორმევს ვასაღებ კალთადახეულ კაბებში

სხვისი საკუთრების სიმბოლო თუ ელექტრო სკამია
ნეტავ ეს ყველაფერი ზღაპარია თუ ცხადია

უბრალოდ&პაწაპუწინა

მეტი არ მახსოვს................

ele · Post by **ele** » 25 ოქტ 2008, 07:41

მუზამ აიღო ქრთამი. . .
კორუმპირებულია მუზა. . .

meore monadire · Post by **meore monadire** » 25 ოქტ 2008, 15:32

აყვავებულა არაგვზე დეკა,
ნისლი მოცურავს მთა-მთა.
სევდა მასწავლეს ფშავლის ასულო,
ემაგ თაფლისფერ თვალთა.

ციხეგორობას სტუმრად მოგივალ,
არ მაკოცება ნეტა?
შენთან ღრეობა მწადიან ქალო,
ყოფნა მწადიან შენთან.

ამ ქარაფებს და კლდოვან ბილიკებს,
რაისად სთელავ კენტად,
მოდი ვიქნები შენი წაწალი,
მთები დავლახოთ ერთად.

და თუ შენს გამო, ფშავლის ასულო,
შენ ძმათ შემაჭრეს ხმალზე,
ნეტა მანახა როგორ მიტირებ,
გლოვის სევდიან ხმაზე.

აყვავებულა არაგვზე დეკა,
ნისლი მიცურავს მთა-მთა.
სევდა მასწავლეს ფშავლის ასულო,
ემაგ თაფლისფერ თვალთა.
* * *
ჩვენ ერთმანეთის სიშორე გვკლავდა,
მე კი გხვდებოდი მუდამ დუმილით.
ახლა გულს მიკლავს მე ის დღეები,
მოსაგონარი გულისტკივილით.

ele · Post by **ele** » 26 ოქტ 2008, 12:14

აღმაშენებელი
თბილისს მობრძანდება
ყალყზე შემდგარი რაშით!
გული გაიმაგრე,
გული გაიმაგრე,
გული გაიმაგრე,
დავით!

რა დაგვიტოვე,
და რას გახვედრებთ,
რით მოვიწონოთ თავი?
ვერ ვიდავითეთ,
ვერ ვითამარეთ,
ვერ ვიდიდგორეთ,
დავით!

მიწა გაგვიყიდეს,
ხორცი დაგვიფლითეს,
გული ამოგგვგლიჯეს ტანჯვით!
გარეჯს გვიფეთქებენ,
რუსთველს გვიგინებენ,
სულში გვაფურთხებენ,
დავით!

გადამთიელები,
უცხოტომელები,
ტაძრებს გვიფხაჭნიან დანით!
გადამიარეთო! -
ასე დაგვიბარე,
გადაგვიარეს,
დავით!

ვერ დავიცავით
სრულიად საქართველო,
ვერ მოვუფრთხილდით წამით!
ხმალი დაგვიჟანგდა,
სისხლი გაგვიწყალდა,
დავპატარავდით,
დავით!

მტერმაც გვლეწა
და ერთურთიც ვლეწეთ,
ვლეწეთ დღისით და ღამით!
ტაოს მივტირით,
ჰერეთს მივტირით,
სამცხეს მივტირით
დავით!

კვნესის საქართველო,
შენი საქართველო,
გულში დაჭრილია ხარი!
მუხლი მაგარი აქვს,
არ დაიჩოქებს,
ნუ გეშინია,
დავით!

თბილისი მაინც
ისევ თბილისობს,
გელათი ისევ ყვავის!
იბადებიან დღესაც ლეკვები,
სადიდგორენი
დავით!

მეფედ შენ გვსურხარ,
შენ გვიპატრონე,
შენი ხმლითა და ფარით!
სხვა ღმერთს
არა ვცნობთ!
სხვა ხატს არა ვცნობთ!
სხვა კაცს
არა ვცნობთ
დავით!

აღმაშენებელო,
თბილისს შემობრძანდი,
თეთრი გიორგის მადლით!
მუმლი მუხასაო!
მუმლი მუხასაო!
მუმლი მუხასაო!
დავით!

1989 წ.
თინათინ მღვდლიაშვილი

lama · Post by **lama** » 27 ოქტ 2008, 00:58

ele
ვერ ვიტან მღვდლიაშვილის პოეზიას საზიზღრობაა

ele · Post by **ele** » 27 ოქტ 2008, 01:08

lama

ვიცი რომ არ გიყვარს მაგრამ მე. . .

სიმართლე მიყვარს. . .

აქ კი სიმართლე წერია. . .

ele · Post by **ele** » 27 ოქტ 2008, 01:09

“დამარცხებაში არის სიმაღლე,
რაღაც მეფური და საოცრება!
დამარცხებაში არის სინათლე,
რაღაც ღვთიური და სასოება!

და ვერიდები გამარჯვებულებს, -
გამარჯვებაში, აბა, რა ყრია?!
მე ვეფერები დამარცხებულებს, -
დამარცხებულად თავს რომ არ თვლიან!”

თინათინ მღვდლიაშვილი

guruli · Post by **guruli** » 27 ოქტ 2008, 13:02

lama

ვერ ვიტან მღვდლიაშვილის პოეზიას საზიზღრობაა

მე ძალიან მომწონს მაგის "აღმაშენებელი თბილისს მობრძანდება".

Mta Mkvarebia · Post by **Mta Mkvarebia** » 28 ოქტ 2008, 00:58

guruli
+1

lama · Post by **lama** » 28 ოქტ 2008, 01:45

guruli
Mta Mkvarebia
ყალბი პათეთიკაა

namcecuna · Post by **namcecuna** » 28 ოქტ 2008, 13:03

გახედავ მიდამოს...
და მზეში ჰქრებიან
მთაზე იერიშით ასული ნაძვები.
ბავშვივით ჩაირბენ მდინარეს ქვებიანს,
დასიცხულ სილაზე ჩრდილივით გაწვები.
წევხარ, და მის სახელს გაგონებს გაღმა მთა,
წამწამებს - ირიბად დახრილი წიწვები...
შეიცნობ ბუნების უსიტყვო სამართალს
და მუნჯი ლექსების სირცხვილით იწვები.

meore monadire · Post by **meore monadire** » 29 ოქტ 2008, 16:20

(თარგმანი ლეილა ბექაურის)

ერთ ღამეს ვიშვით ამ ქვეყნად ჩვენ და ლეკვები მგლისანი,

განთიადს, ვეფხვის ღრიალში, ერთად ვიხილეთ ცისკარი.

დედამ გვირწია აკვანი არწივთა საბუდარებში,

ჯირითში გვზარდეს მამებმა,მთიან და კლდიან მხარეში.

ერისთვის, მამულისათვის, ძუძუ გვაწოვა მშობელმა,

მათვის გავწირავთ სიცოცხლეს,იცოდეს ყველა მპყრობელმა!

მთის შევარდნები ამქვეყნად მშვიდობისათვის ვშობილვართ,

ჭირს და ვაებას შევბმივართ, ჯაბანნი არა ვყოფილვართ.

რომც ჯანგისფერი მწვერვალი, დადნეს, გასწორდეს მიცასთან,

ჩვენ ქედს არავის მოვუხრით და არც ჯავრს შევჭამთ მტრისასა,

რომც მიცა გასკდეს, გაიყოს, უცხოთ არ დავემონებით

და სინდისგაყიდულები მიწას არ მივებარებით!

ქედს არ მოვიხრით არასდროს, მტრისთვის არ დაგვიჩოქია,

თუ გამარჯვება ვერ ვპოვეთ,სიკვდილი მოგვიპოვია!

გულში ჩამწვდომი სიმღერით, დები გვირჩენენ იარებს,

და გულისსწორთა თვალებმა, ძალ-ღონე გაგვიმთლიანეს,

ფესვებს დავგლეჯავთ ბალახის, თუ შეგვაწუხა შიმშილმა,

გვეყოფა დილის ცვარ-ნამი, თუ დაგვაბრმავა წყურვილმა.

ერთ ღამეს ვიშვით ამ ქვეყნად,ჩვენ და ლეკვები მგლისანი.

ღვთის , ერის, მამულისათვის - ბრძოლაა ჩვენი მიზანი!

guruli · Post by **guruli** » 29 ოქტ 2008, 19:07

lama

guruli
Mta Mkvarebia
ყალბი პათეთიკაა

კეჰ ერთი...

და შენ საიდან ასკვნი, ყალბია თუ ხელოვნური?

ele · Post by **ele** » 30 ოქტ 2008, 17:54

guruli

ნიჭი ჩემო ძამია ნიჭი უნდა ყველაფერს. . .

lama · Post by **lama** » 30 ოქტ 2008, 22:27

guruli wrote:lama
guruli
Mta Mkvarebia
ყალბი პათეთიკაა
კეჰ ერთი... და შენ საიდან ასკვნი, ყალბია თუ ხელოვნური?

მგონია შენც ხვდები

კაი
რა

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS