’’სამარგალო გვალო შხვა რე’’ ანუ ჩემი ’’ოდაბადე’’

კოცონის ირგვლივ სასაუბრო თემები

Moderators: Kakha, Druides, Mta Mkvarebia, ilia, Kakha, Druides, Mta Mkvarebia, ilia, Kakha, Druides, Mta Mkvarebia, ilia, Kakha, Druides, Mta Mkvarebia, ilia

ახალი თემის შექმნა
პასუხი თემაზე
User avatar
ARCHILI
იეტი
Posts: 8437
Joined: 13 ივნ 2007, 13:08
’’სამარგალო გვალო შხვა რე’’ ანუ ჩემი ’’ოდაბადე’’

Post by ARCHILI » 25 ოქტ 2008, 01:02

4. როგორ ჩნდებიან სეპარატისტები?

“მეცნიერთა მცირე ჯგუფი ვარაუდობს, რომ თუ მაგალითად, მეგრულს, სვანურს დიალექტებად გამოვაცხადებთ, კონსოლიდაცია უფრო მეტად იქნება ურყევი. ვფიქრობ, ეს არასწორი, უფრო მეტიც, საზიანო ნაბიჯია: ერთი, რომ მახინჯდება მეცნიერული ფაქტი და მეორეც, რადგან ენის სტატუსი დიალექტამდე “დაქვეითდება”, შესაბამის კუთხეთა წარმომადგენლები ამ ფაქტს შეურაცხმყოფელად და დისკრიმინაციულად აღიქვამენ. გაჩნდება უნდობლობა” (პროფესორი გუჩა კვარაცხელია, აღნიშნული წიგნი, გვ. 13);

აი, თურმე რაში ყოფილა საქმე, პატივცემულ გუჩას აზრით, თურმე მეგრელს ესირცხვილება დედა ენად ქართული აღიაროს და კუთხური მეტყველება კილოდ!

ნათესავი მყავს ერთი, ბიძად მერგება, გვარად ზაქარაიაა. 13-14 წლის რომ ვიყავი, მახსოვს, ბიძა სხვადასხვა თემებზე მესაუბრებოდა ხოლმე (დევნილობის შემდგომ ჩვენს ოჯახში ცხოვრობდა გარკვეული პერიოდის განმავლობაში). ერთ დღესაც, მორიგი საუბარი დამიწყო. მისი მონაყოლის მიხედვით, მთელი მხოფლიო ხომ მეგრელები იყვნენ, ესეც არ იკმარა და იმ თეორიებზე დამიწყო თხრობა, რომლის მიხედვითაც, ადამი და ევაც მეგრელები იყვნენ და სამოთხეში მეგრულად საუბრობდნენ (შემინდოს უფალმა და ამ თეორიის მიხედვით, უფალიც მეგრელი გამოდის)...

ამის გახსენების შემდეგ, ცხადია, აღარც მიკვირს ამგვარი მეცნიერული დასკვნების მნიშვნელოვნობისა. იდეა მაქვს, იქნებ დავხვეწოთ ამ მეცნიერებისა და “ბიძაჩემისეული” თეორიები და მთელი მსოფლიოსათვის ერთ მეგრულ სახელმწიფოში გაერთიანებაზე გვეფიქრა!!! ერთი კაცი იყო, დაახლოებით ასეთი მანიებით შეპყრობილი, მეორე მსოფლიო ომი რომ წამიწყო, ჰოდა... ხსენებული მეცნიერებისა და ხსენებული კაცის შეხედულებები რაღაც საეჭვოდ კი ემთხვევა ერმანეთს...

მიუხედავად პატივცემული გუჩას აბსურდული განცხადებისა, მე მაინც შევეცადე ამ საკითხზე პირადად გავსაუბრებოდი ადგილობრივ მოსახლეობას. 2008 წლის მარტის ბოლოს ხობსა და სენაკში ვიმყოფებოდი, რა დროსაც ადგილობრივ ახალგაზრდებს ქალბატონ გუჩას და სხვა წარმომადგენელთა განცხადებებისა და თვალსაზრისების შესახებ გავესაუბრე.

საბედნიეროდ, ისევე, როგორც ნებისმიერი სხვა ქართველი მოიქცეოდა, მეგრელმა ახალგაზრდებმაც შეურაცხმყოფელად მხოლოდ ქალბატონ გუჩასა და მის კოლეგა წარმომადგენლების განცხადებები და შეხედულებები აღიქვეს; ნებისმიერი მათგანი კატეგორიულად (ხაზგასმა) აცხადებს, რომ დედა ენა მათთვის არის ქართული, ხოლო ადგილობრივი მეტყველება დიალექტი, რომლითაც ისინიც, როგორც სხვა დანარჩენი კუთხეები მეტყველებენ. უფრო მეტიც, ზოგიერთმა ადგილობრივმა მოსახლემ ლამის დანაშაულადაც ჩათვალა ამ საკითხებში ეჭვის შეტანა და ზოგადად, საკითხის დასმაც კი მეგრელების თუნდაც რაიმე სახით არასრულფასოვან ქართველებად წარმოდგენის შესახებ.

პროფესორი მერაბ ჩუხუა თავის წერილში წერს: “როგორც კი დავაფიქსირებთ, რომ სვანური არის ქართული ენის დიალექტი, ამას აუჯანყდება მთელი სამეცნიერო საზოგადოება. თავის დროზე აფხაზური ენა გამოცხადდა ქართული ენის დიალექტად” (დასახ. წიგნი, გვ. 22);

ჯერ ერთი, რამდენადაც ცნობილია, აფხაზური არავის გამოუცხადებია დიალექტად, მეორეც, ეს ფრაზა და მიდგომა ალბათ იმის მაგალითს უფრო ჰგავს, თუ როგორ ხდება უნებლიე თვითლუსტრაცია და როგორ ჩნდებიან სეპარატისტები (ცხადია, ამით სულაც არ მსურს ვინმე სეპარატისტულ მიდრეკილებებში დავადანაშაულო, მე მხოლოდ მსგავსებას ვუსვამ ხაზს); ბატონი ენათმეცნიერი, აქვე, თავადვე აყალიბებს სეპარატიზმთან დაკავშირებით საკუთარ შეხედულებასაც: “... როდესაც იბომბებოდა დასავლეთ საქართველოს ქალაქები და სოფლები, თვით ბალტინის ჯარების სისხლიანმა ქმედებამ ვერ გამოიწვია მეგრელებში ვერანაირი სეპარატიზმი” (იქვე, გვ.23).

მართლაც, საბედნიეროდ, მეგრელებში ამგვარი სეპარატისტული სწრაფვა მხოლოდ ერთეულებში თუ შეიმჩნევა ხოლმე, რაც გამოხატულია ხან “ვეფხისტყაოსნის” ვითომდა თარგმანებში, ხან ე.წ. მეგრულ-ქართული ვითომდა ლექსიკონის წარმოდგენაში, ხანაც უცნაურ (რბილად რომ ვთქვათ) მეცნიერულ დასკვნებში, რაც, საერთო ჯამში, ორი უფალის, ორი სამშობლოსა და ორი დედა ენის შთანერგვის მცდელობებშია გამოხატული.

User avatar
ARCHILI
იეტი
Posts: 8437
Joined: 13 ივნ 2007, 13:08
’’სამარგალო გვალო შხვა რე’’ ანუ ჩემი ’’ოდაბადე’’

Post by ARCHILI » 25 ოქტ 2008, 01:03

5. რამდენიმე ეპიზოდი თანამედროვე სეპარატისტული გამოვლინებებიდან:

 გავრცელებული ინფორმაციის თანახმად, აფხაზეთის ტერიტორიაზე გამოდის ე.წ. მეგრული გაზეთი რუსული გრაფით. გაზეთის მთავარი იდეოლოგია პროფესორი ჯორჯ ჰიუიტი. ჩვენი ქვეყნისა და ხალხის საუბედუროდ, დღესაც მოიძიება ისეთ ადამიანთა (მათ შორის, თითქოსდა უმწიკვლო რეპუტაციის) ჯგუფი, რომლებიც ამ ფაქტს ამართლებენ და მისაღებად თვლიან ე.წ. “მეგრულ ენაზე” გაზეთს გამოცემას.

 “ვეფხისტყაოსნის” “თარგმნა” “მეგრულ ენაზე” ცნობილი ამბავია, სამწუხარო ის არის, რომ დღესაც მოიძიება პირები, რომლებიც ამ წიგნს ჯერ კიდევ ამართლებს და კიდევ უფრო სამწუხაროა, რომ ამის გამართლებას ზოგიერთი მეცნიერი კიდეც ცდილობს. “... არც ისე დიდი ხნის წინ აწ განსვენებულმა შესანიშნავმა პოეტმა უდიერად მოიხსენია “ვეფხისტყაოსნის” მეგრულად მთარგმნელი, ეს რა მიჩხლართ-მოჩხლართაო?” (ჭაბუკი ქირია, დასახელებული წიგნი, გვ.46), თუმცა, იქვე დასძენს მეგრული სიამაყით “იქნებ ეცადა ვინმეს და იმერულად ეთარგმნა (“მიეჩხლართ-მოეჩხლართა”) “ვეფხისტყაოსანი”? იქნებ აჭარულად მაინც გამოვიდეს ან რაჭულად? (იქვე)

აქ უკვე კომენტარი, ვფიქრობ, სრულიად ზედმეტია, კაცი რომ მშობლიური ნაწარმოების დიალექტზე თარგმნას მიესალმება, მე, პირადად, არც კი ვიცი, რა შეიძლება ეწოდოს; თუ ბ-ნ ჭაბუკი ქირიას “ვეფხისტყაოსანი” მშობლიურ ნაწარმოებად არ მიაჩნია და მის თარგმნას მიესალმება, ყველანაირი ირონიის გარეშე ვკითხულობ, რა შეიძლება ეწოდოს ასეთ ქართველს? მეცნიერს?

 ბოლო ხანებში ასევე სამწუხარო (რბილად რომ ვთქვათ) მიდგომები გაჩნდა სახელმწიფო ინსტიტუტებში. საუბარია სოზარ სუბარის მცდარ და არასახარბიელო პოზიციაზე, რომელსაც ჰგონია, რომ ბიბლიის “თარგმნა” სვანურად, სვანურის გადარჩენის გზაა. ეს პოზიცია, სულ ცოტა და რბილად რომ ვთქვათ, მეტად სამწუხაროა.
Last edited by ARCHILI on 25 ოქტ 2008, 02:07, edited 1 time in total.

User avatar
ARCHILI
იეტი
Posts: 8437
Joined: 13 ივნ 2007, 13:08
’’სამარგალო გვალო შხვა რე’’ ანუ ჩემი ’’ოდაბადე’’

Post by ARCHILI » 25 ოქტ 2008, 01:09

6. როგორ ვითარდება თანამედროვე სეპარატიზმი?!

საინტერესოა გავეცნოთ სეპარატიზმის მახასიათებელ ისეთ მნივნელოვან პარამეტრებს, როგორიცაა ეთნიკურობის სტატუსის ხელოვნურად შემოტანა. ჰოკკაიდოს უნივერსიტეტის სლავური კვლევების ცენტრის მიერ გამოცემულია კრებული “არაღიარებული სახელმწიფოების: დნესტრისპირეთი, მთიანი ყარაბახი, სომხეთი, სამხრეთ ოსეთი და საქართველო ისტორიული დიალოგი” (საპპორო, იაპონია, 2007);

მოცემული კრებული წარმოადგენს კვლევითი პროექტის “არაღიარებული სახელმწიფოები ყოფილ სოციალისტურ ქვეყნებში: შედარებითი და მრავალშრიანი მიდგომა” (2005-2008 წ/წ), ნაშრომებს ფინანსურად უზრუნველყოფს COE (CENTER OF EXCELLENCE) XXI საუკუნე და განიხილება, როგორც სამუშაოთა გენერალური სპონსორის პროგრამა (ორივე პროექტს აფინანსებს იაპონიის განათლების, კულტურის, სპორტის, მეცნიერებისა და ტექნოლოგიების სამინისტრო).

კრებულის ავტორთა განცხადებით, მათი მიზანი კონფლიქტურ მხარეთა მშვიდოებიანი თანაარსებობისათვის წინგადადგმული ნაბიჯის მიღწევაა, რაც, მათივე აზრით, ამ კრებულების გამოცემით გამოიხატება (მნიშვნელოვანი ფაქტორია, რომ აფხაზურმა მხარემ არ ისურვა პროექტში მონაწილეობა. ეს განაპირობა სტანისლავ ლაკობას ცნობილმა შეხედულებებმა და ნაშრომებმა, რომლებიც გამოქვეყნებულია სლავური კვლევების ცენტრის ეგიდით).

საინტერესოა თუ როგორ ჩნდებოდა ეთნონიმისა და “ტიტულარული ნაციების” თავისებური წარმოდგენა, რაც მიმართული იყო შიდა ეროვნული დათიშულობის გამოსაწვევად. ამის განსაკუთრებულ რეალიზაციის პერიოდს სპეციალისტები სსრკ-ს პერიოდს უკავშირებენ. “საბჭოთა სოციალისტური რესპუბლიკების კავშირი, ეს იყო იმპერია, რომელშიც ნაციონალურ უმცირესობებს განსაკუთრებულ უფლებებს ანიჭებდნენ (“affirmative action empire”)”,

ეს არის სსრკ-ს ცნობილი განსაზღვრება, რომელიც ჰარვარდის უნივერსიტეტის ისტორიკოსის, ტერი მარტინის მიერ არის შემუშავებული (Affirmative Action Empire: Natons and nationalism in the Soviet Union, 1923-1939. London, 2001).

ბოლშევიკებმა, შეშინდნენ რა ყოფილ რუსეთის იმპერიის ტერიტორიაზე ნაციონალური მოძრაობების გაჩენით (1917-1921), ასევე ჰაბსბურგის იმპერიის მოულოდნელი დაშლით, გადახედეს თავიანთ შეხედულებებს ნაციონალურ საკითხებთან დაკავშირებით. საკმაოდ მცირე ხნის პერიოდში ბოლშევიკებმა გამოიგონეს ეთნონიმების “სამეცნიერო” და ეთნიკური კატეგორიების განსაზღვრებები. მათ შექმნეს ნაციონალური ტერიტორიული წარმონაქმნების იერარქია, რაც დაფუძნებული იყო “ტიტულარული ნაციის” თავისებურ და უცნაურ გააზრებაში.

თუკი დასავლეთის ქვეყნები ცდილობდნენ ნაციონალური განსხვავებები სოციალურ შესაძლებლობათა ისეთი ტიპის შექმნით გადაელახათ, რომელიც ინდივიდებზე იქნებოდა მიმართული არატერიტორიული ღონისძიებების გზით, სსრკ-ში ამის საწინააღმდეგოდ, ეთნოტერიტორიული წარმოქნაქმნების სტატუსებს ქმნიდნენ და ანიჭებდნენ.

ასეთი საბჭოური ქვეყნის მოდელი დგებოდა ამგვარად: მაგალითად, საქართველოს შემთხვევაში საბჭოელებმა შექმნეს ტერიტორიული წარმონაქმნი ავტონომიური სტატუსით (მაგ, აფხაზები), ხოლო ეთნიკურ ჯგუფური სტატუსი მიანიჭეს მეგრელებს, რომლებსაც ე.წ. ტერიტორიული წარმონაქმნი არ გააჩნდათ. ასე იქმნებოდა ე.წ. ნაციათა იერარქია. ამგვარი მიდგომები, სამეცნიერო მნიშვნელობის მიუხედავად, გახდა ნაციონალური პოლიტიკის ინსტრუმენტები, რომელსაც აფუძნებდნენ ეთნოტერიტორიულ ფედერალიზმს და ტიტულარული ნაციების კონცეფციას.

ამ მიდგომის ძირითადი შინაარსი დგება ამგვარად:

(1) ავტოქტორული ეთნიკური ჯგუფი უნდა შედგეს მოცემულ ტერიტორიაზე ტიტულარული ნაციის სახით.

(2) სასურველია, რომ მოსახლეობის ეთნიკური შედგენილობა და ადმინისტრაციული დაყოფა ერთმანეთს დაემთხვას. ავტოქტორულობა დემოგრაფიულ წონაზე მნიშვნელოვანი ხდება.

(3) ტიტულარული ნაციის წარმომადგენლები განათლებისა და კარიერის სფეროში უპირატესობით უნდა სარგებლობდნენ, ძირითადად, ეს უნდა წარმოდგინდეს მოცემულ ტერიტორიაზე პოლიტიკური ხელმძღვანელობისა და სამეცნიერო-კულტურულ სფეროებში.
და ა.შ.

ჩვენი ქვეყნის მოსახლეობისათვის კი უკვე კარგად ნაცნობია თუ რამდენად წარმატებულად მოქმედებდა საბჭოური მიდგომები (ფედერალური დაყოფა, ეთნიკური დაყოფა და ა.შ.) ყოფილი საბჭოთა კავშირის სხვადასხვა ქვეყნებში, მათ შორის კავკასიასა და განსაკუთრებით საქართველოში.

დასკვნების გაკეთება სათანადო არგუმენტების გარეშე შეუძლებელია. იმის ცალსახად მტკიცება, რომ, სხვებთან ერთად, ხსენებულ მეცნიერთა ჯგუფი, ნეობოლშევიზმის, პროსაბჭოურობის, ჰიუიტების და სხვათა და სხვათა დაკვეთილ პოლიტიკას ახორციელებენ საქართველოში, რაც მიმართულია ჩვენი ეროვნული გათიშულობის მისაღწევად ან ახალი სეპარატისტული ტალღების ასაგორებლად, ცხადია არ შეიძლება. საამისოდ ან ზუსტი დასამტკიცებელი საბუთი ან ქმედებათა შედეგობრივი მაჩვენებელი უნდა ჰქონდეს ადამიანს.

მეც, ბუნებრივია, ამ მასალით არ ვაპირებ არაფრის მტკიცებას, მიუხედავად იმისა, რა ლოგიკური დასკვნების გაკეთების საშუალებას მაძლევს არსებული მონაცემები. თუმცა, ჩემი სურვილის საწინააღმდეგოდ, ცხადია, ლოგიკური ხდება ის ვერსიაც, რომ შესაძლებელია მართალიც იყოს “დაკვეთილი პოლიტიკის” ის მოდელი, რაზეც უკვე დიდი ხანია ფართოდ საუბრობენ ჩვენში. სარწმუნო წყაროების ცნობით: ენობრივ პოლიტიკაში ამ მოდელის რეალიზატორად ენათმეცნიერების ინსტიტუტი სახელდება; პოლიტიკურ წრეებში ამ პოლიტიკის საყრდენად რესპუბლიკური პარტია, ხოლო მათზე დაკისრებულ სამუშაოდ, ქვეყნის ფედერაციულ ერთეულად დაშლისკენ სწრაფვას;

სახელმწიფო ინსტიტუტებში ამავე მიზეზით სახელდება სახალხო დამცველის ინსტიტუტიც, ხოლო მათზე დაკისრებულ სამუშაოდ საერთო ქართული კუთხეებისათვის ეთნიკურ უმცირესობათა სტატუსის მინიჭების, ენობრივი დიალექტების უმცირესობათა ენებად გამოცხადების მიღწევას, რაც უნდა განხორციელდეს ერთიანი საეკლესიო ენის დაშლის მიღწევის გზით (მაგ, სახარებისა და ბიბლიის ქართულიდან სვანურად “თარგმნა”) და ა.შ.

პირადად მე, ამ აზრს, ცხადია, არ ვიზიარებ, უფრო ის მგონია, რომ გარკვეულ დამთხვევებთან უნდა გვქონდეს საქმე, თუნდაც სამივე მათგანის შემთხვევაში. ობიექტური დასკვნისათვის საჭირო უტყუარი ავტორიტეტი არც გავრცელებული ხმებია, არც თუნდაც დაბეჭდილი კრებულები და მეცნიერთა ხედვები, არც უკვე რეალურად განხორციელებული ქმედებები, რაც, შესაძლოა გავრცელებულ ხმებს ამტკიცებდეს კიდეც.
არც ვინმეს კუთხეში მიყენება წარმოადგენს ჩემს მიზანს, არც მტყუან-მართალის ძიება, არც იარლიყების მიწებება, შექება ან დისკრიმინაცია. ზემოთ ვახსენე, ჩემი მიზანი, ატეხილი ხმაურის გამო გაჩენილ შეკითხვებზე პასუხის გაცემა გახდა-თქო. ცხადია, დასმული კითხვა და კითხვები რიტორიკულიც იყო ჩემთვის, რადგან პასუხები მასალის პირველივე ფრაზებში მაქვს გაცემული. სამწუხარო ის არის, რომ ეს შეკითხვები ზოგიერთისათვის მაინც ჩნდება, თუნდაც პროფესიულ-სამეცნიერო მოტივაციით.

სამწუხაროა, მაგრამ... ამ შემთხვევაშიც, თუ ვინმესთვის რაიმე კითხვები მაინც დარჩა მოცემულ თემებზე, კიდევ ერთხელ წარმოგიდგენთ პასუხებს, რაც სხვა პასუხებისაგან განსხვავებით, მართლაც უტყუარი და ობიექტური ავტორიტეტის პასუხებია.

User avatar
ARCHILI
იეტი
Posts: 8437
Joined: 13 ივნ 2007, 13:08
’’სამარგალო გვალო შხვა რე’’ ანუ ჩემი ’’ოდაბადე’’

Post by ARCHILI » 25 ოქტ 2008, 01:10

7. პასუხი ყველა შეკითხვაზე

პასუხი ყველა შეკითხვაზე მოცემულია სრულიად საქართველოს კათოლიკოს-პატრიარქის, უწმინდესისა და უნეტარესის, ილია მეორის ერთ-ერთ ქადაგებაში:

“ენა არის უდიდესი ძალა და ჩვენ მუდამ ვიცავდით და კვლავაც დავიცავთ მას. მრავალი უძველესი ხელნაწერი შექმნილა ქართულ ენაზე, მათმა ნაწილმა ჩვენამდეც მოაღწია. დღეს კი ჩვენს შორის არიან ადამიანები, რომლებიც ცდილობენ, ქართულ ენას მეგრული და სვანური დიალექტები ჩამოაშორონ და ისინი დამოუკიდებელ ენებად გამოაცხდაონ. უფრო მეტიც, მათ განზრახული აქვთ, ბიბლია და ლოცვები მეგრულად და სვანურად თარგმნონ. ეს არის უდიდესი დანაშაული ერის წინაშე!

ამ საკითხთან დაკავშირებით განხეთქილებაა თვითონ სამეცნიერო წრეებშიც. მეცნიერთა ერთი ჯგუფი ამბობს, რომ ქართული, მეგრული და სვანური _ ქართველური ენებია. ერთხელ ჩემთან მოსულები იყვნენ ორივე ჯგუფის წარმომადგენლები. მეცნიერთა მეორე ჯგუფი ამტკიცებს, რომ თავიდანვე განსხვავებული იყო ქართული ენისაგან მეგრულ-სვანური და ასე პარალელურად ვითარდებოდა. მე ვკითხე მათ: ერთი ხელნაწერი მაინც თუ არსებობს მეგრულაად ან სვანურდ დაწერილი? ცხადია, არ არსებობს.

მათ სხვა მეცნიერები უმტკიცებენ, რომ არსებობს ერთი ქართული ენა და შემდგომში მისგან წარმოიშვა განსხვავებული დიალექტები. მე მეცნიერებს შევთავაზე, იქნებ ვთქვათ ასე _ ქართული ენა თავისი განშტოებებით. მსგავსად იმისა, როგორც შტო ამოუვა ხეს, _ ასე ეს დიალექტებიც, მაგრამ მათი საერთო ძირი და ფუძე არის ქართული ენა. უძველესი დროიდან არც ერთ მეგრელს ან სვანს თავში აზრად არ მოსვლია, რომ თავისი დიალექტისათვის ცალკე დამწერლობა შეექმნა, რადგან თავს მუდამ ქართველად მოიაზრებდა და მისი მშობლიური ენა ქართული იყო. განა დღეს რაიმე შეიცვალა?

ეს კიდევ ერთხელ მოწმობს იმას, რომ ჩვენ ძალიან ფხიზლად უნდა ვიყოთ. ამას აკეთებს მტერი: ღმერთი აერთიანებს, ხოლო ეშმაკი ჰყოფს. ამიტომ ჩვენ ყველამ კარგად უნდა გავიაზროთ და სხვებსაც დავუმტკიცოთ, რომ ქართული ენა არის ერთი, მეგრული და სვანური დიალექტები კი მისი განშტოებებია. განსაკუთრებით უნდა მოვუფრთხილდეთ ჩვენ სიამაყეს _ უძველეს და მშვენიერ ქართულ ენას”.

(ამონარიდი უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ის საკვირაო ქადაგებიდან. სამების საპატრიარქო ტაძარი. 13 მაისი 2007 წელი)



არჩილ გამზარდია
2008 წელი მარტი
Last edited by ARCHILI on 25 ოქტ 2008, 02:10, edited 1 time in total.

User avatar
lali
მაწანწალა
Posts: 347
Joined: 10 ოქტ 2008, 22:36
Location: tbilisi
’’სამარგალო გვალო შხვა რე’’ ანუ ჩემი ’’ოდაბადე’’

Post by lali » 25 ოქტ 2008, 01:19

doctor ako


ARCHIL_i


გემუდარებით, ნუ გავუფუჭებთ ერთმანეთს ხასიათს. ქართველები ვართ ყველანი, ქართველები.

მიყვარხართ ყველანი და მეამაყებით.

მოვეფეროთ ერთმანეთს

doctor ako არამგონია სამეგრელოში ჩასვლა შენთვის პრობლემა იყოს :), აგერ, დიდუბეში ’’ოკრიბას’’ სადგურიდან ლამის ყოველ საათში გადიან დასავლეთის მიმართულებით ავტობუსები, დარწმუნებული ვარ სამეგრელოში ყოველთვის გელოდებიან.


აი ARCHIL_i ს კი უნდა დავეხმაროთ დაუბრუნდეს ფესვებს
:)

შე კაცო, სამეგრელოში წასასვლელად მიზეზს რა ძებნა უნდა.

კაცი რომ ჭიშკარს მიადგება - მობრძანდიო ეუბნებიან, რა გნებავთო კი არა :) .
მერე კარგად გაქეიფებენ, ნათესაობას, წარმომავლობას გამოგიკითხავენ და სადღაც, შორეულ წარსულში აუცილებლად საერთო ნათესავებსაც გამოგიძებნიან.
მერე ჩემი ბიძაშვილი ყოფილხარო გეტყვიან და ყოველ ახალშემოსულ მეზობელს, რომელიც თავს ვალდებულად თვლის მოსულ სტუმარს პატივი სცეს - ასე წარგადგენს ჩემი ’’ბიძისკუააო’’. :)
esec gaivlis....

User avatar
lali
მაწანწალა
Posts: 347
Joined: 10 ოქტ 2008, 22:36
Location: tbilisi
’’სამარგალო გვალო შხვა რე’’ ანუ ჩემი ’’ოდაბადე’’

Post by lali » 25 ოქტ 2008, 01:43

სტუმარი განსაკუთრებული მოვლენაა სამეგრელოში. :)

მასპინძელი ხომ ჭკუიდან გადადის - ეს რა მეღირსა, ვინ მეწვიაო. საქმეს შუა გზაზე მიაგდებს და ფართოდგაშლილი გულითა და ღიმილით სახლში შეგიპატიჟებს.
ამას ისე გულწრფელად აკეთებს, შეგრცხვება, ნეტა ამდენ ხანს რატომ ვალოდინებდი ამ პატიოსან ადამიანს, ცოტა ადრე მოვსულიყავიო :D

ჟრიამული რომ დაცხრება და სუფრასთან კარგად შეჟუჟუნდები, მერე ნელ-ნელა დაიწყება მეზობლების დენა შენი მასპინძლის ეზოში.


ზემოთ მოგახსენებდით მეზობლის ’’ვალდებულებას’’ მეორე მეზობლის სტუმრისადმი. აუცილებლად გამოიცვლის საშინაო ტანსაცმელს, საგარეოს ჩაიცმევს, მოწესრიგდება და დიდი მორიდებით ეახლება ახალმოსულ სტუმარს.
მოგესალმება, ამინდზე დაგელაპარაკება,თუ თბილისიდან ხარ პროდუქტების ფასითაც დაინტერესდება, პაწა პოლიტიკაზეც გაგესაუბრება, ერთ ჭიქას ასწევს და გულზეხელმიდებული და წელშიმოხრილი უკანსვლით, დიდიპატივისცემით დაგემშვიდობება.
esec gaivlis....

User avatar
lali
მაწანწალა
Posts: 347
Joined: 10 ოქტ 2008, 22:36
Location: tbilisi
’’სამარგალო გვალო შხვა რე’’ ანუ ჩემი ’’ოდაბადე’’

Post by lali » 25 ოქტ 2008, 02:09

სამართლიანობის გულისთვის უნდა ითქვას, მეზობლები ყოველთვის როდი არიან ერთმანეთის კმაყოფილნი. :)

აი, მაგალითად, საქონელი რომ ღობეს გაგიფუჭებს და ვერაფერს შველი.
ღობე იქ ველური ციტრუსისაა - ტრიფოლიასი, ეკლები აქვს და ძალიან უნდა ეცადო რომ შიგ გაძვრე და არაფერი იტკინო :D

ეს ჩვენ ვიცით :D , თორემ მეზობლის უღელდადგმული ღორი, რომელსაც შენს ყანაში უკვე შემოსული სიმინდი ეგულება, ამას არ დაგიდევს :)

დაზარალებული მეზობელი, მართალია, ბუზღუნით, მაგრამ მაინც უხმაუროდ ჭიშკრიდან გადადენის დაუპატიჟებელ ’’სტუმარს’’ და ასე შეიძლება უსასრულოდ გაგრძელდეს (ნუ, ყოველ შემთხვევაში, მოსავლის დიდი ნაწილის განადგურებამდე. ღობის შეკეთება არ შველის ამ საქმეს, როგორც იტყვიან :) , ღორი უკვე ’’დასვრილია’’ :D )

მერე ის მეზობელი თავმდაბლად გეახლება და...
ბოდიში, მეზობელო,ჩემმა ღორმა ღობე გაგიფუჭა, მოსავალი გაგიჩანაგაო და იმ ღორის უკანა ბარკალს შემოგაწვდის, ზედ ერთ დოქ ღვინოსაც მოაყოლებს
- გამისინჯე წლევანდელი მოსავალიო

მერე გულწრფელად იღიმები და გულში გრცხვენია, ამ კაცზე ცუდად რატომ ვფიქრობდიო :)

ა, ბატონო, ასეა ეს! :D :D :D
esec gaivlis....

User avatar
ARCHILI
იეტი
Posts: 8437
Joined: 13 ივნ 2007, 13:08
’’სამარგალო გვალო შხვა რე’’ ანუ ჩემი ’’ოდაბადე’’

Post by ARCHILI » 25 ოქტ 2008, 02:19

ლალი,

ისე, ამდენი ქების დასაბალანსებლად ისიც უნდა ვთქვათ, როგორ უყვართ რაიონელ მეგრელებს თბილისელი ნათესავები და როგორ ჩამოდიან ერთმანეთის მიყოლებითმ თუ სადმე "კოიკა" ეგულებათ...

:wink:

ამ ძალიან მოყვარული თვისების გამო მთელი ბავშვობა იატაკზე გავატარე, რადგან ნათესავები გარდა იმისა, რომ ხშირად გვსტუმრობდნენ, ისე უხაროდათ ჩვენი ნახვა, რომ აღარც მიდიოდნენ...

:)

დედაჩემი ნაირ-ნაირების გაკეთებას ვერ აუდიოდა, მეგრელების რძლობა ხომ სახუმარო საქმე არ იყო...

მერე, ერთხელ რომ,მოვედი სახლში, მივხვდი ჩემი ადგილი აღარ იყო და სასწრაფოდ ბებია-ბაბუასთან გავიქეცი, დამაძინეთ ლოგონში მეთქი...

მაგრამ...

ვინ გაცალა, იქ კიდევ უარესი სიტუაცია იყო, ვინ ბიძა და ვინ ბიცოლა, ვინ ბიძაშვილი და ა.შ.

სხვათა შორის, უნდა გამოვთქვა წუხილი, რომ როგორც კი თავის ცხოვრებას აიწყობდნენ, მერე აღარც გავხსენებივართ... ერთი მოკითხვა რაა, ის აღარ იყო... ეტყობა, გულში ლოცულობდნენ ჩვენთვის... :wink:

ასე, რომ ახლა ის მაშინებს, მე რომ ჩავიდე იქ (ნათესავებთან) ერთი დღით ერთი კაცი, მერე მთელი სანათსაო დამადგება თავს აქ და ვინ იცის რამდენი ხნით...

:lol: :lol: :lol:

User avatar
lali
მაწანწალა
Posts: 347
Joined: 10 ოქტ 2008, 22:36
Location: tbilisi
’’სამარგალო გვალო შხვა რე’’ ანუ ჩემი ’’ოდაბადე’’

Post by lali » 25 ოქტ 2008, 02:38

ARCHIL_i


:D

ტყუილად ნერვიულობ არჩილ, არ დაგადგებიან .

ახლა ისინი უფრო ქალაქელები არიან, ვიდრე ჩვენ

ადრე სოფლიდან ჩამოსულს სხვაგან დასარჩენი არ ჰქონდათ, ახლა კი , მგონი ყველას ბინა აქვს შეძენილი თბილისში ( სულ ახლო წარსულში ბინების ყიდვა- გაყიდვა შეუძლებელი იყო. ბინა სახელმწიფო საკუთრებას წარმოადგენდა :D )

ასე რომ, ჩემო კარგო, დამშვიდდი.

ისე, მეც მაგ სიტუაციაში ვიყავი ბავშვობაში :D , ორი კვირა რომ გაივლიდა და სტუმარი არ მოდიოდა, ცოტა არ იყოს მეხამუშებოდა ლოგინში წოლა, ისე ვიყავი და-ძმასთან ერთ საწოლში წოლას მიჩვეული :wink: :D

ყველაფრისმიუხედავად ჩვენ ერთი სისხლი და ხორცი ვართ !
ქართველები ვართ!
ყველა მიყვარს.

და უსაფუძვლო შიშის გულისთვის ნუ დავკარგავთ ერთმანეთს :)
esec gaivlis....

User avatar
doctor ako
მაწანწალა
Posts: 342
Joined: 10 ივლ 2008, 13:37
Location: დედამიწის სამოთხე
’’სამარგალო გვალო შხვა რე’’ ანუ ჩემი ’’ოდაბადე’’

Post by doctor ako » 25 ოქტ 2008, 16:21

lali

ყველაფრისმიუხედავად ჩვენ ერთი სისხლი და ხორცი ვართ !
ქართველები ვართ!
ყველა მიყვარს.
ასეა და სხვაგვარად არც შეიძელება იყოს!

სულ გზაში ვარ... მატარებელი,ავტობუსი...

User avatar
doctor ako
მაწანწალა
Posts: 342
Joined: 10 ივლ 2008, 13:37
Location: დედამიწის სამოთხე
’’სამარგალო გვალო შხვა რე’’ ანუ ჩემი ’’ოდაბადე’’

Post by doctor ako » 25 ოქტ 2008, 16:57

Image


გამარჯობა.


რამდენი დაგიწერია...

ეს გამოკითხვები, ადამ და ევას "მეგრელობა" - ტრაგი-კომედიაა ჩემის აზრით.
(არც არის საჭირო ამაზე საუბარი)


უფალზე უფრო მაღლა და ზემოთ არავინ და არაფერია.

უფალმა მომიტევოს რომ ვახსენებ.
არსებობს თუ არა ორი უფალი?
უფალი ერთია,ერთი ხატება,სახით ერთია და პირით სამი: მამა ღმერთი, ძე ღმერთი და სული წმი(ნ)და. ღმერთი არის სამებით, ამის თქმა მინდა,თუ რამე ვერ გამოვთქვი სწორად უფალმა მაპატიოს.

(ამ თემის ასეთი დიალოგით გადატვირთვა ჩემის აზრით არ არის საჭირო.)
(სხვაგან არ იქნება უმჯობესი რომ დაწერო)
(ეშმაკს რომ არ "ძინავს" ეგეც მესმის.)


საქართველო იყო, არის და იქნება მთლიანი სულიერად და ფიზიკურად -უფლის შეწევნით!


ქალბატონ lali -ს კი დიდი მადლობა.(მისი მყუდროება ვფიქრობ დავარღვიე)

.

User avatar
lali
მაწანწალა
Posts: 347
Joined: 10 ოქტ 2008, 22:36
Location: tbilisi
’’სამარგალო გვალო შხვა რე’’ ანუ ჩემი ’’ოდაბადე’’

Post by lali » 25 ოქტ 2008, 17:20

doctor ako

არა, მყუდროება არ დაგირღვევია

უბრალოდ, ეს თემა მინდოდა ყოფილიყო სიყვარულზე, სითბოზე მოფერებაზე...

ნაკლი ყველას აქვს, თვით საქართველოს ყველა კუთხის ადამიანებს, მაგრამ ამის გულისთვის ნუ გავემიჯნებით ერთმანეთს, ცუდზე თვალი დავხუჭოთ, კარგზე - გავიხაროთ...

ერთი დედის - საქართველოს შვილები არა ვართ?



მე ვაპირებ ისევ იმ კუთხით გავაგრძელო საუბარი, როგორი კუთხითაც ჩაფიქრებული მქონდა ეს თემა :)
და ძალიან დიდი იმედი მაქვს, რომ ყველანი ჩემს გვერდზე იქნებით


დიდი სიყვარულით, დიდი პატივისცემით

ლალი
esec gaivlis....

User avatar
lika-li
მაწანწალა
Posts: 408
Joined: 26 აპრ 2008, 21:31
’’სამარგალო გვალო შხვა რე’’ ანუ ჩემი ’’ოდაბადე’’

Post by lika-li » 25 ოქტ 2008, 17:36

დედიკოოო, სოფელში მინდა, რა არის რა! :(


ასე გააგრძელე, რომ ვკითხულობ, ასე მგონია იქ ვარ :)))

მენატრებით

GAMARJOBA SAKARTVELO
იეტი
Posts: 16569
Joined: 20 ივლ 2007, 03:45
Location: RA TQMA UNDA, SAKARTVELO
’’სამარგალო გვალო შხვა რე’’ ანუ ჩემი ’’ოდაბადე’’

Post by GAMARJOBA SAKARTVELO » 26 ოქტ 2008, 01:46

lali
სასიამოვნო წასაკითხია შენი წერილები.
გაგრძელებები, ვიმედოვნებ, იქნება.
ფოტოები რომც არ დადო, მაინც ვხედავ იქაურობას

ARCHIL_i
როგორც უმეტეს შემთხვევაში, ახლაც ფორმაში ხარ.

და კიდევ, სამეგრელო და მეგრელები საქართველოს დაშლა-დაქუცმაცების მიზეზები არასაოდეს ყოფილან.
პირიქით, სამეგრელო და მეგრელები (ქუჯიდან დაწყებული და სოტკილავათი დამთავრებული) სა1ო ქართული კულტურისთვის
გსა20არ მარგალიტებს ქმნიან.
აგერ, 3 დღის წინათ ვიყავი სამეგრელოში (ზუგდიდი-ანაკლია-განმუხური) და კიდევ 1ხელ ვნახე მეგრული სილამაზე
მე ვყიდულობ ქართულ ნაწარმს
და ამით ჩემიანებს ვეხმარები

User avatar
lali
მაწანწალა
Posts: 347
Joined: 10 ოქტ 2008, 22:36
Location: tbilisi
’’სამარგალო გვალო შხვა რე’’ ანუ ჩემი ’’ოდაბადე’’

Post by lali » 26 ოქტ 2008, 02:24

lika-li


ლიკა, მე ვფიქრობ, შენ სოფელი კი არა, ახლა მთელი საქართველო გენატრება

:( რა ვქნათ, ძნელია...


არჩილმა ზემოთ ახსენა,დასავლეთისკენ მიმავალს მიყვარსო სურამიდან მოყოლებული გზისთვის თვალის მიდევნებაო. მეც მიყვარს :)

მართლა თვალში გეცემა ამდენი სიმწვანე. რიკოთიდან მოყოლებული სულ ზურმუხტისფერშია ჩაფლული ირგვლივ ყველაფერი. ყოველი ფეხის ნაბიჯზე წყაროა, მიწაც ისეთი ნაყოფიერია - სამეგრელოში ხუმრობენ, გახვრეტილი ჯიბიდან თესლი თუ გაგივარდა, თოხნა და მორწყვა არ უნდა ისედაც ამოვაო :D

ჰო და არაა გასაკვირი, როცა ეზოში ქვის კიბის ორივე მხარეზე ლამაზად გახარებულ ტროპიკულ მცენარეებს დაინახავ . ეზოს სილამაზეს განსაკუთრებულ მნიშვნელობას ანიჭებენ. უფრო ხშირად პალმებით ალამაზებენ კარ- მიდამოს.

სამეგრელოში კია თბილი კლიმატი, მაგრამ არც იმდენად რომ ამ მცენარეებმა ზამთარს გაუძლონ, ჰო და, ჩემო ბატონო, ამიტომ ფუთავენ და იცით რით? :)

ბავშვობაში სულ მიკვირდა, ჩალის პატარ-პატარა ზვინებს რომ ვხედავდი, ერთი დიდი დაედგათ-მეთქი...

:) დიახ, მიხვდით. ჩალის კონებით ფუთავენ. ნატურალური მასალა პოლიეთილენს ჯობიაო. მართლებიც არიან, რა ჯობია ნატურალურს ( მაგალითად, ღვინოს :wink: )


ჩალის ზვინთან დაკავშირებით ერთი ისტორია მახსენდება.
ბაბუაჩემს მთელი წლის საქონლის საკვები ჩალა ერთ უზარმაზარ ზვინად ჰქონდა შეკრული. ბავშვებმა სწორედ იქ მოვინდომეთ ’’სახლობანა’’, ასანთს გავკარით და... ცოტა ხანში კივილით დაიქცა იქაურობა. მოკლიდ, მეზობლებმა გადაგვარჩინეს. ის ჩალა კი განადგურდა, კვამლისსუნნაკრავი საქონელმა არ მიიკარა და იცით რა? ყველა მეზობელმა რამოდენიმე შეკვრა თავისი ჩალა მოიტანა ჩვენს ეზოში და ბაბუაჩემის მოსვლამდე ისევ ისე წამომართეს უზარმაზარი ზვინი...

ა! მეზობლები :)


სახლის წინ ეზოს განსაკუთრებულად უვლიან დასავლეთში
ერთ ფოთოლს ვერ ნახავ მიწაზე დავარდნილს, თუმცა ხეებითაა სავსე იქაურობა.

ბაბუაჩემი, ჩვენს გასაგონად სულ იმას გაიძახოდა - დაულაგებელ სახლს არა უშავს, მერეც მოასწრებ, აი ეზოს კი ყველა ხედავსო. დაუსუფთავებელი ეზოდან ქალს არავინ ითხოვსო :) და ჩვენც თავპირისმტვრევით ერთმანეთს ვასწრებდით ეზოს დაგვას :D
შინაბერობის პერსპექტივა ნაკლებად გვხიბლავდა :D :D :D
esec gaivlis....

ახალი თემის შექმნა
პასუხი თემაზე

FORUM_PERMISSIONS

You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum

ახალი წერილი ახალი წერილი    ახალი წერილი არაა ახალი წერილი არაა    ანონსი ანონსი
ახალი წერილი [ ცხარე ] ახალი წერილი [ ცხარე ]    ახალი წერილი არაა [ ცხარე ] ახალი წერილი არაა [ ცხარე ]    თვალშისაცემი თვალშისაცემი
ახალი წერილი [ დაკეტილია ] ახალი წერილი [ დაკეტილია ]    ახალი წერილი არაა [ დაკეტილია ] ახალი წერილი არაა [ დაკეტილია ]