ისევ ხევსურეთი, 13-14 სექტემბერი, 2008წ.

Mta Mkvarebia · Post by **Mta Mkvarebia** » 16 სექ 2008, 15:18

paata_
რაღაც მე იქ ხატი ვერ შევამჩნიე და...

paata_ · Post by **paata_** » 16 სექ 2008, 15:20

Mta Mkvarebia

ბილიკს ხო ამჩნებ გზის იქიტ
ზუსტად მანდაა ქალების გზა

Mta Mkvarebia · Post by **Mta Mkvarebia** » 16 სექ 2008, 15:36

ჰო, დამავიწყდა, დამეწერა, გვეგონა პაატა და გელა მალევე წამოგვეწეოდნენ, მაგრამ არადა არ გამოჩნდნენ, სკოლაშიც შევიარეთ და გვითხრეს, არ ჩამოსულანო, მერე სასეირნოდ რომ წავედით, ვიფიქრეთ სადმე ავცდით და პირდაპირ წავიდნენ არდოტშითქო, თან პაატას ნათქვამი ჰქონდა, ღამეს არდოტში კარვებში გავათევთო. კი ვნერვიულობდით რატომ დააგვიანდათთქო.

დაბინავების მერე ცოტა გავისეირნეთ. უკან დაბრუნებულებმა აი რა ვნახეთ. კი ამიკრძალა უფომ ამ სურათების დადება, მაგრამ , როგორც თიკო ამბობს, "მთა მყვარებიას რომ ცრემლების სჯეროდეს!"

ისეთი ცომი მოზილა და ისეთ ხინკალს ახვევდა, კარგ მეხინკლეს შეშურდებოდა. მეც მივეხმარე გაბრტყელებაში და მერე შეხვევაშიც, მაგრამ თავიდან დამაკომპლექსეს და მიუხედავად იმისა, რომ პირველად არ ვაკეთებდი ამას, პირველი ხინკალი გამიფუჭდა

Mta Mkvarebia · Post by **Mta Mkvarebia** » 16 სექ 2008, 15:44

paata_

Mta Mkvarebia · Post by **Mta Mkvarebia** » 16 სექ 2008, 16:06

ჰო, კიდევ ერთი სასიამოვნო ამბავი გავიგეთ იმ დღეს გზაში, თურმე მეორე დღეს თუთას თანამშრომელ თამუნას დაბადების დღე ჰქონია, ჰოდა სადღესასწაულო სანთლები რომ სულ ზურგჩანთაში მაქვს, ხომ იცით? პეჩენიაც აღმოგვაჩნდა და იმპროვიზებული ტორტით სურპრიზი მოვუწყვეთ და "რა ლამაზი დღეა" ვუმღერეთ 12 საათი რომ სრულდებოდა. თუმცა რა ძნელი იყო მაგ "ტორტის" აწყობა, ისე რომ თამუნას არ დაენახა, და დროზე ადრე რომ არ გახარებოდა რიაზანოვის ფილმის გმირ ბუბლიკოვივით, ცხენი-მამონტი რომ უყიდეს

, არ იცით თქვენ. თამუნა ხან სამზარეულოში შევიდოდა კოჭლობით ამ მტკივანი ფეხით, ხან ჩვენს, გოგოების ოთახში, დავმალავდი ამ "ტორტს", მერე ისევ გამოვაჩენდი, მოკლედ ძლივს ჩავარჭვე სანთლები

Mta Mkvarebia · Post by **Mta Mkvarebia** » 16 სექ 2008, 16:46

მოკლედ სურპრიზები ბლომად გვქონდა. ჯერ კიდევ მინიბუსში ვისხედით, როცა გაკვირვება გამოხატეს, საიდან მახსოვდა ამ ახლად გაცნობილი ხალხის გვარები

, აქ მოვიხსენიეთ ტრულალას ფრთიანი სლოგანი: " მე მეშინია მთა მყვარებიასი, შენ?" და ისიც რომ სააგენტო მთაშენკა-09-ის საინფორმაციო მომსახურება კარველი მეგობრებისთვის უფასოა

. ამას მოვაყოლე: წინა დღეს ლამამ დამიპიემა გამგეს ტელეფონი უნდოდათქო და ლამის გამგის ბიოგრაფია მივაყოლეთქო, სახელით გვარით და ა.შ. -თქო, ჰოდა უცებ თამუნას დეიდაშვილი გიორგი მეუბნება აჩიკოს იცნობო? ესეც იცნობს თურმე გამგეს

. მაგრამ ეს არ იყო ყველაფერი. ამ "კარავს" რომ ხშირხშირად ვახსენებდით, ცოტა ხანში იგივე გიორგი გვეუბნება, თიკო რევაზიშვილს თუ იცნობთო. თუ იცნობო?

გადავირიეთ, თურმე ჩვენი თიკუნიას ძველი თანამშრომელი ყოფილა. მოკლედ კარგი რეკლამა გავუწიეთ "კარავს" და ელოდეთ ახლა ახალი კარველების გაწევრიანებას

მეორე დღეს ადრე გავიღვიძეთ, მაგრამ გამოსვლა მაინც დაგვაგვიანდა. აღმოჩნდა ქათმები ყოფილა შესაწვავი და კვერცხი მოსახარში

. კიდევ ერთი სურპრიზი წინ გველოდა. გაზს ვუკიდებდი და ჩამუხლული ვიყავი, რომ ვიღაცამ თვალებზე ხელი ამაფარა, თავიდან კოლხი გოგო მეგონა და ვთქვი კიდეც: "რუსა შენ ხართქო", მაგრამ მერე გადავთქვი "არა, პატარა თითები ჩანს, თამუნა შენ იქნებითქო" ხმამაღლა ვთქვი, ხელები ცხიმიანი მქონდა და არ მოვსინჯე, ვისი ხელები შეიძლება ყოფილიყო, მაგრამ ასე მომეჩვენა. მივბრუნდი და იეტი ვარდანაული არ შემრჩა ხელში?

, ის კიდევ გადაირია" "პატარა თითებიოოოო?

წინა დღეს გვიან ჩამოსულან და შატილში დარჩენილან. გამიხარდა მათი ნახვა. გარეთ გელა ვნახეთ. თითქმის ერთდროულად გავემართეთ არდოტისკენ. მუცოს დათვალიერება არდოტიდან დაბრუნებისთვის გადავდეთ.

გზად დევისსისხლშემხმარი კლდეები გავიარეთ

ეს კლდეები და კიდევ ეს პეიზაჟი არდოტისკენ მიმავალ გზაზე კაპადოკიას მაგონებს, მაგრამ ხევსურეთის ყველა მოყვარული ბრაზდება ამაზე, კაპადოკია კაპადოკიაა, ეს კიდევ ხევსურეთიაო

მუცომდე მინიბუსით მივედით. მერე ერთ ადგილას, სადაც გზა ივლისში საერთოდ არ იყო, მინიბუსს ცოტა გაუჭირდა და გზის ფეხით გაგრძელება გადავწყვიტეთ. უკვე არდოტს რომ მივუახლოვდით, ჩვენი მინიბუსიც წამოგვეწია მექორწილეტა 2 მინიბუსთან ერთად, მაინც გადაუწყვიტავს ლევანს იმ მონაკვეთზე გადმოსვლა.

Mta Mkvarebia · Post by **Mta Mkvarebia** » 16 სექ 2008, 16:57

მუცოს ძირში:
უფოს გვერდით გელას კიდევ ერთი ძმა ზვიადია

არდოტის ძირში გავიცანით ნეფე-პატარძალი: ალუდა და ნონა:

(იეტ ვარდანაულის ფოტო)

სანამ სოფელში და ეკლესიაში ავიდოდით, ტრეველერ.გე-ს ბანაკი დავათვალიერეთ

და ფოტოები გადავიღეთ ულამაზეს ფონზე:

Mta Mkvarebia · Post by **Mta Mkvarebia** » 16 სექ 2008, 17:18

ზემოდან ასეთი ხედი იშლებოდა:

ნიკო არდოტელის მეუღლე მარიამი და მათი გოგონა თაია:

მერე ხევსურული ტანსაცმელიც მოვირგეთ, კოლხ გოგოსაც რომ ვუღებდი, მახსოვს, მაგრამ ალბათ მისი აპარატით, რადგან მარტო ჩემი ფოტოები ვიპოვე ჩემს მობილურში

(ვაიმე, რამდენი მთა მყვარებიაა

)

Mta Mkvarebia · Post by **Mta Mkvarebia** » 16 სექ 2008, 17:44

მამა თომამ აღსარებები მიიღო, მერე წირვა ჩაატარა. ხალხი ზიარებისთვის ემზადებოდა. ისეთ ამაღლებულ განწყობას ქმნიდა ეს სანახაობა, მეტი რომ არ შეიძლებოდა. ნახევრად დანგრეულ, უგუმბათო ეკლესიაში წელიწადში ერთხელ აღვლენილ წირვას რომ მადლი ექნება და ეს მადლი რომ ჰაერში იტრიალებს თითქმის ხილულად და ამას რომ გრძნობ; ზიარების ლოცვებს რომ თვალუწვდენელი მთების ფონზე კითხულობენ, კვეთის საიდუმლოც რომ დაუფარავად, შენს თვალწინ აღესრულება, გამმიჯნავი ფარდის არარსებობის გამო და თავს რომ უხერხულად გრძნობ, ასეთი სიწმინდის თანამონაწილე რომ ხდები

... სამწუხაროდ, ჯვრისწერას ვერ დავესწარით, ძალიან გვეჩქარებოდა

.

Mta Mkvarebia · Post by **Mta Mkvarebia** » 16 სექ 2008, 18:20

პაატასა და გელასთან ფოტო გადავიღეთ და გამოვბრუნდით უკან, რადგან მუცოს ნახვას ვეღარ ვასწრებდით.

მუცო:

ერთერთი ხატი მუცოზე:

მუცომ ხალხი გადარია. ეგონათ შატილის მერე არაფერი გააოცებდათ და არდოტი რომ ნახეს, გაგიჟდნენ, მუცოს ნახვაზე კი საერთოდ ენა ჩაუვარდათ

.

მუცოს მეორე ხატისთვის რომ მოგვევლო ამ კოშკთან მოსასვლელად, დახრილ აღმართზე დავეკიდეთ და ბალახებს ვეჭიდებოდით, რომ არ ჩავცურებულიყავით.

თორღვას ციხე:

Mta Mkvarebia · Post by **Mta Mkvarebia** » 16 სექ 2008, 18:33

უკან ვბრუნდებით.

შატილში დაბრუნებულებმა ვისადილეთ, სასწრაფოდ გავემზადეთ და თბილისისკენ გამოვემართეთ.

ძალიან ლამაზი და დასამახსოვრებელი ორ-დღიანი მოგზაურობა გამოგვივიდა ხევსურეთში. მიხარია, რომ გადავწყვიტე წასვლა, იმის მიუხედავად, რომ ამ მარშრუტზე უკვე ვიყავი. ადრე მაქვს ნათქვამი, შატილი პირველ ნახვაზე არ მომეწონა არდოტთან და მუცოსთან შედარები8თთქო. ახლა რომ ვნახე, უფრო მომეწონა, ალბათ ამდენ აღტაცებულ სახეს რომ ვხედავდი, მათი განწყობა გადმომედო

. მათ შთაბეჭდილებებზე კი თავად ისაუბრონ...

Archil · Post by **Archil** » 16 სექ 2008, 20:04

Mta Mkvarebia

რა კაი სურათებიაააააა

ufo · Post by **ufo** » 17 სექ 2008, 00:42

ragac fotoebi mecotaveba!

guruli · Post by **guruli** » 17 სექ 2008, 01:16

დეეეედა, რა მეხინკლეები

paata_ · Post by **paata_** » 17 სექ 2008, 01:23

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS