ევროტური

MIRANDA · Post by **MIRANDA** » 04 სექ 2008, 07:05

ამის მერეც ძალიან ბევრი ვიბოდიალე, მაგრამ ფოტოები აღარ გადამიღია, მაღაზიებშიც ვიბოდიალე, ვიწრო ქუჩებშიც, ბულვარებშიც და მოედნებზეც... სულ ფეხით დავდიოდი, მიუხედავად იმისა რომ უფასო მგზავრობის ბარათი მქონდა ტრანსპორტში ერთხელაც არ ჩავმჯდარვარ... ამასობაში საკმაოდ ჩამობნელდა.. უცნაურია, მაგრამ მიუხედავად იმისა, რომ პრაღაში ბევრი ვიწრო ქუჩაა და თანაც ისინი ძალიან გვანან ერთმანეთს, დაკარგვით არასოდეს დავკარგულვარ... ყოველთვის სწორად მივდიოდი ხოლმე სადაც მივდიოდი

ეს ჩემი ბრალია, თუ პრაღის არ ვიცი, მაგრამ ასე კი იყო და...

სახლში რომ მივედი უკვე ღამის 12 საათი იყო. გადავწყვიტე 2 საათით დავიძინებ მეთქი და ღამითაც გავალ-თქო, რომ ღამის პრაღაც მენახა, მაგრამ რომ გამოვიღვიძე უკვე დილის 7:30 საათი იყო

მეორე და მესამე დღეებს შეძლებისდაგვარად მოკლედ მოვყვები... თორემ მეც დავიღალე და თქვენც დაგღალეთ.. თან უკვე თბილისის დროით დილის 7 საათია

MIRANDA · Post by **MIRANDA** » 04 სექ 2008, 07:07

ეს ფოტო მეორე დილითაა გადაღებული სტარომეცკას მოედანზე

MIRANDA · Post by **MIRANDA** » 04 სექ 2008, 07:11

არ მკითხოთ ეს ვინ არის ან რა არის... არ ვიციიიიიი

რომელიღაც რესტორნის შესასვლელში ეკიდა მგონი, ალბათ იაპონური რესტორნის, კარგად არც მახსოვს

(ice tea-ს და coca cola-ს ყურადღებას ნუ მიაქცევთ, ეგ გვერდით კაფეში შესასვლელი იყო)

MIRANDA · Post by **MIRANDA** » 04 სექ 2008, 07:14

მარიონეტების ეროვნული თეატრი საკმაოდ დიდი ისტორიის და ტრადიციების მქონე თეატრია პრაღაშიც და ზოგადად მთელს ჩეხეთში. ასეთ მაღაზიას პრაღაში ბევრს წააწყდებოდით... აქ გამყიდველი პინოქიოს ათამაშებს. ფონად მუსიკა ქონდა და პინოქიოს იმ მუსიკაზე აცეკვებდა... კარგი საყურებელი იყო ძალიან

MIRANDA · Post by **MIRANDA** » 04 სექ 2008, 07:24

რაღაც ეკლესიაში შესასვლელი, სამწუხაროდ არ მახსოვს სახელი, ხიდთან საკმაოდ ახლოს იყო, მაგრამ იმ დღეს დაკეტილი იყო რატომღაც

ესეც თვითონ ეკლესიის ეზო:

MIRANDA · Post by **MIRANDA** » 04 სექ 2008, 07:27

ამის შემდეგ გადავწყვიტე უბრალოდ გამესეირნა და საითაც ქუჩები წამიყვანდა იქით წავსულიყავი, ამ სიარულში მივადექი რაღაც ფერდობზე გაშენებულ ბაღს, სადაც ტყემლის ხეები აღმოვაჩინე:

რა თქმა უნდა რაც დავკრიფე სულ მივირთვი. ძალიან ტკბილი და გემრიელი იყო და იმიტომ

MIRANDA · Post by **MIRANDA** » 04 სექ 2008, 07:29

ნელ-ნელა ავუყევი ამ ბაღს და რაღაც უფრო პარკს დაემსგავსა, ცოტა ხანში უკან რომ მოვიხედე აი ასეთი ხედი იყო:

MIRANDA · Post by **MIRANDA** » 04 სექ 2008, 07:37

პარკში ასევე შემხვდა იან ნერუდას ძეგლი. იან ნერუდა (როგორც მოგვიანებით გავარკვიე) არის ცნობილი ჩეხი მწერალი, ჟურნალისტი და პოეტი. მისი წლებია - 1834 - 1891

ბევრი ვიარე თუ ცოტა ვიარე, უცებ გავიხედე და რას ვხედავ

ფუნიკულიორს...

ფუ-ნი-კუ-ლი-ორს

და აი აქ მიდიოდა .. ამ ანძას პრაღული ანძა ვუწოდე.. ისე რა არის არ ვიცი

ზემოთა ფოტოში რომ ქალი ზის, ეს ფოტო რომ გადავიღე უცებ ადგა, ოღონდ არ ვიცი ისედაც აპირებდა ადგომას, თუ მე რომ სურათი გადავუღე იმიტომ ადგა, მაგრამ ფაქტია, რომ უცებ წამოხტა. მოკლედ, მეც იქ დავჯექი რამდენიმე წუთით, რომ ხედით დავმტკბარიყავი

MIRANDA · Post by **MIRANDA** » 04 სექ 2008, 07:37

მერე ავდექი ისევ და რადგან გზა აღმართზე აღარ ადიოდა და მხოლოდ ჰორიზონტალურად მიდიოდა, მეც ამ გზას გავუყევი.
პრაღაში ყოფნის დროს, ყოველთვის როცა მომწყურდებოდა წყლის ყიდვა მიწევდა.. არსად სასმელი წყალი არ შემხვედრია. არსად ფანტანი არ იყო.... ამ პარკში სეირნობისას როგორც იქნა წავაწყდი წყალს:

მაგრამ, რად გინდა?!

სასმელად უვარგისი იყო

MIRANDA · Post by **MIRANDA** » 04 სექ 2008, 07:47

პარკში ეს ძეგლიც იდგა, მაგრამ ვისი ძეგლია არ ვიცი.. სახელი კი მახსოვს, რომ იაროსლავლ რუჰი იყო (Jaroslavl Ruh), მაგრამ ვინ არის არ ვიცი:

MIRANDA · Post by **MIRANDA** » 04 სექ 2008, 07:51

ამ ძეგლს რომ გავცდი და რამდენიმე ათეული მეტრიც გავიარე, მარცხენა მხარეს შემომხვდა გამოფენა სახელწოდებით "მიწისქვეშა პრაღა", მაგრამ არ შევსულვარ.. რამდენიმე ათეული მეტრიც გავიარე და გზა დამთავრდა და გაიყო კიბეებად, მე ვარჩიე კიბეებს ქვევით ჩავყოლოდი.. აი ამ კიბის საფეხურებიც, ოღონდ მესამედი რომ უკვე ჩავლილი მქონდა იმის შემდეგ:

MIRANDA · Post by **MIRANDA** » 04 სექ 2008, 07:56

საფეხურები შემდეგ ქვაფენილში გადავიდა:

ამ ქვაფენილის ბოლოს მარცხნივ მოვუხვიე და ისევ ხეებში ამოვყავი თავი.. იქ ერთი ვაშლის ხე იდგა, რომელზეც აი ეს ეკიდა :

გზა აღმართით განვაგრძე და როცა უკვე სწორზე დავდექი და მოვიხედე:

MIRANDA · Post by **MIRANDA** » 04 სექ 2008, 08:13

გავუყევი ამ სწორ გზას და იქ საკმაოდ ბევრი ხალხი დამხვდა, ხალხი ეგ არაეფერი, თურმე გაუაზრებლად, ამდენ ბოდიალში Strahovsky Klaster-ში (სტრაჰოვის მონასტერში) ამომიყვია თავი

მცირე ინფორმაცია სტრაჰოვის სამონასტრო კომპლექსის შესახებ:

თავდაპირველად ეს მონასტერი შეიქმნა კათოლიკური ეკლესიიდან დამოუკიდებელი ქრისტიანული რელიგიის რომელიღაცა მიმდინარეობის შექმნის საფუძველზე.. ეს მიმდინარეობა ინგლისურად ასეა - Premonstratensians - ქართულად ვერ გადმოვთარგმნე

ჩეხურადაც დაგიწერდით, მაგრამ მგონი აზრი არ აქვს

ეს ინგლისური ვარიანტი ჩეხურიდან გადმოთარგმნისას მივიღე..

მოკლედ ეს მონასტერი XII საუკუნისაა. XIII საუკუნეში მონასტერს ცეცხლი გაუჩნდა და მისი ძირითადი ნაწილი გაანადგურა. რეკონსტრუქციის შედეგად მონასტერი გოთიკური სტილის მონასტრად იქცა, თუმცა მალევე, XVIII საუკუნეში, ბაროკოს დეტალებიც იქნა მასში შეტანილი.

ისე კი მონასტერი რამდენიმეჯერ იქნა დაზიანებული, ხან შვედური არმიის მიერ, ხანაც ფრანგების მიერ განხორციელებული დაბომბვის შედეგად.

როგორც უკვე ვახსენე ეს ცალკე მდგარი მონასტერი არ არის, მთელი სამონასტრო კომპლექსია, რომელშიც მუზეუმები და ბიბლიოთეკაცაა განთავსებული. ამ ბიბლიოთეკაში რამდენიმე უნიკალური ნიმუშიცაა დაცული, თუმცა მაგალითებს ვერ მოგიყვანთ, იმიტომ, რომ არ ვიცი

კომპლექსში ასევე არის: ღვთისმშობლის ბაზილიკა (მონასტერი), თეოლოგიური დარბაზი (ასე იმიტომ ქვია, რომ ბიბლიის სხვადასხვა გამოცემების დიდ რაოდენობას ფლობს და ასევე ბიბლიებს სხვადასხვა ენაზე), ანტიკვარული ნივთების კაბინეტი, ფილოსოფიური დარბაზი და ა.შ.

MIRANDA · Post by **MIRANDA** » 04 სექ 2008, 08:15

ფოტოები, რომლებიც სტრაჰოვის სამონასტრო კომპლექსში გადავიღე:

MIRANDA · Post by **MIRANDA** » 04 სექ 2008, 08:19

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS