KARAVI რუს-საქ-ს ომში დაზარალებულთა სარეაბილიტაციოდ

GOGONA · Post by **GOGONA** » 16 აგვ 2008, 12:26

Naia

ტომა აგვარებს

ენერგოსისტემის დახმარებით

Tamusia · Post by **Tamusia** » 16 აგვ 2008, 12:27

მშვენიერია

GOGONA · Post by **GOGONA** » 16 აგვ 2008, 12:31

გუშინ, ღამის 10 სთ-ზე, ცხვარიჭამიაში, ერთ-ერთ კორპუსში, სადაც დევნილები არიან დენიც შეიყვანეს და მრიცხველი დააყენეს, ეხლა გასარკვევი ისღა დარჩა ეს ის კორპუსია თუ არა, რომელზეც ჩვენ ვსაუბრობთ.

ამას ტომა არკვევს.

თუ არ არის შეყვანილი ენერგობაზრის სამსახური შეიყვანს.

GOGONA · Post by **GOGONA** » 16 აგვ 2008, 12:36

ტომამ დამირეკა ეხლა,

ერთ კორპუსში შუქი არის მიყვანილი და მეორეში ეხლა აკეთებენო

ასე, რომ ფულს თუ შევაგროვებთ, სხვა პრიორიტეტი განვსაზღვროთ

Naia · Post by **Naia** » 16 აგვ 2008, 12:38

GOGONA
გაიხარე

დღეს თამუსიას გადავცემ გოგას და ჩემს შემოწირულობას.

Tamusia · Post by **Tamusia** » 16 აგვ 2008, 12:40

მე 17.00-ზე სააკაძეზე ვიქნები

GOGONA · Post by **GOGONA** » 16 აგვ 2008, 12:48

ბავშვებო, ფულის შეგროვების შემდეგ, კომიტეტში დავრეკოთ, იმათთვის ცნობილია ამ წუთში ყველაზე მეტად სად ჭირს და გვეტყვიან, ყოველწუთში იცვლება სიტუაცია და სად რა მიიტანეს ამის გაგება უმაგათოდ გაგვიჭირდება.

გარდა მაგისა, დევნილების რიცხვი ყოველდღე მატულობს და ახლების მოვლა უფრო უჭირთ.

Mta Mkvarebia · Post by **Mta Mkvarebia** » 16 აგვ 2008, 13:15

GOGONA wrote:Naia

ტომა აგვარებს ენერგოსისტემის დახმარებით

გაიხარე!

ტომა და "ჯი-ეს-ი" მაგარია!

ნუც, იცი კიდევ რა მაინტერესებს, გუშინ ბელა მეუბნებოდა ჭურჭელიც ჭირდებათო, ქვაბების რა გითხრა, მაგრამ ყავის და ჩაის უხმარი ჭიქები და ლამბაქები მაქვს სახლში, მაგრამ დღეს იქ ასვლას არ ვაპირებთ არა? მხოლოდ ფულს ვკრეფთ,მგონი. ამიტომ დღეს წამოღებას აზრი არ ექნება ალბათ

Tamusia · Post by **Tamusia** » 16 აგვ 2008, 13:29

ხომ არ ჯობია, ბარემ დღეს ბოლომდე მოვაგვაროთ ცხვარიჭამიის პრობლემა ასეთი სახით: რომელიმე მანქანიანს თუ ეცლება, გავიაროთ ბაზრობაზე, ვიყიდოთ 2 ე.წ. "კიპიწელნიკი", 2 დიდი ტაშტი, 2 პატარა, რამდენიმე პირსახოცი, გეტრები და წინდები?

თუ ვინმეს გცალიათ, გელით

Tamusia · Post by **Tamusia** » 16 აგვ 2008, 13:33

ნუ ცხადია, კომიტეტში დარეკვა და ყველაზე სავალალო მდგომარეობაში მყოფთა დახმარება სრულიად სწორია, მაგრამ შეგვიძლია საქმე გავინაწილოთ კიდეც, ვნახოთ

Mta Mkvarebia · Post by **Mta Mkvarebia** » 16 აგვ 2008, 21:53

მოკლედ დღეს შევიკრიბეთ, თამუსია, გოგონა, მაკუკუ, ნაია, თიკო, ბელა, მაკენა, ლამა და მე. გადაწყდა რომ ვისაც ძალიან უჭირდა მათ დავეხმარებოდით. გადარეკვა-გადმორეკვის შემდეგ გაირკვა, რომ ერთ დაწესებულებაში დევნილებს სასწარაფოდ ესაჭირეობოდათ მედიკამენტები, მაკენამ კიდევ ინფორმაცია მოგვაწოდა კომაროვის სკოლაში ჩასახლებულ დევნილებზე, რომელთაც 2 დღის წინ დახმარებია მეგობრებთან ერთად. შეგროვილი ფულის ნაწილით მედიკამენტები შევიძინეთ. ნაწილით კი ის აუცილებელი საყოფაცხოვრებო ნივთები, რის საჭიროებაზეც "კომაროვში" ჩასახლებულებმა თავად გვამცვნეს: რამდენიმე წყლის ასადუღებელი ჩაისა და ყავისთვის, პამპერსები ბავშვებისთვის, "ჰუმანას" ფაფები, ჭურჭლის სარეცხი ჟელე და სარეცხი ღრუბლები. თავად შევესწარი, ერთი ქალბატონი დედასახლისთან რომ მივიდა ჭურჭლის ჟელეს სათხოვნად და მანაც გადაჭრილ პლასტიკურ ბოთლში ჩასხმული ოციოდე გრამი ჟელე როგორ გაატანა, უკან დაბრუნების პირობით

, ჩაისაც ვერ ვადუღებთო, გვითხრეს

. წინა დღეს აქ 150 კაცი ყოფილა, როგორც მაკენამ გვითხრა, გუშინ კი მათი რაოდენობა 400 კაცამდე გაზრდილა. ესაჭიროებათ ლეიბები, მაგრამ მიიტანეს საძილე ტომრები და ასე თუ ისე ღამისთევის პრობლემა გადაჭრილი აქვთ.
როცა მადუღარებს ვყიდულობდით ერთ-ერთ მაღაზიაში, გამყიდველმა გვკითხა დევნილთა დასახმარებლად ხომ არ გინდათო. თავიდან გამიკვირდა მეთქი რატომ გვკითხა. თურმე აი რატომ: ფასდაკლება გაგვიკეთა მადუღარებზე, თავის ფასში მოგვცა და უამრავი საჩუქარი გაგვატანა დევნილ ბავშვებთან სათამაშოების სახით. აი ასეთი ღვთისნიერი გამყიდველი შეგვხვდა. ძალიან მიხარია ასეთ ხალხს რომ ვხვდები, ერთმანეთის გვერდით დგომა თუ გადაგვატანინებს ამ საშინელებას.

ARCHILI · Post by **ARCHILI** » 16 აგვ 2008, 23:08

დღეს მეგობრებთან ერთად ვიმყოფებოდი რამდენიმე სკოლაში... მიუხედავავ დახმარებებისა, მინდა გაუწყოთ, რომ ზოგიერთ სკოლაში ძალიან მძიმე ვითარებაა...

მაგ., 161 საჯარო სკოლა (იოსებიძეზე), მიუხედავად იმისა, რომ თითქოს ყურადღების ქვეშაა, აქ 600-ზე მეტი ადამიანია და საკმაოდ მძიმე ვითარებაა... განსაკუთრებით საჰიგიენო ნივთების საკითხებთან დაკავშირებით...

ასევე 62 საჯარო სკოლაში (ყოფ. საბურთალოს ბაზრის პირდაპირ)... მარტივად, რომ ვთქვათ, აქ ესაჭიროებათ ყველა საყოველდღიურო მოხმარების საგანი;

მძიმე ვითარებაა 159 საჯარო სკოლაში (თემქაზე), ეს სკოლა საერთოდაც გამორჩენილი იყო მონიტორინგის სამსახურის ანგარიშიდან და ამ ეტაპზე მოვახერხე მხოლოდ ის, რომ ამ სკოლის შესახებ ვაცნობე შესაბამის სამსახურებს...

მე და ჩემი მეგობრები კვლავაც შესაძლებლობის ფარგლებში რაღაცას შევეცდებით, თუმცა, ჩავთვალე საჭიროდ ვაცნობო კარავსაც. თუ ჩათვლით საჭიროდ ამ სკოლებსაც მცირეოდენი ყურადღება თქვენი რესურსებითაც მიექცეს.

ჰო... ცხვარიჭამიაზე, როგორც მივხვდი, ჯერჯერობით აქტივობას აღარ აპირებთ, ხომ? რომ გავითვალისწინო... ცხადია, შესაძლებლობის ფარგლებში...

პატივისცემით,
არჩილ_ი

guruli · Post by **guruli** » 16 აგვ 2008, 23:17

ხალხნო, 208-ე სკოლაზე თემაც გავხსენი და თხოვნაა, მივაქციოთ ყურადღება. ამ საღამოს გოგებაშვილზე ვინახულე ის ქალი, რომელიც გუშინ მე და აბალდუიმ მიცკევიჩზე ვნახეთ და რომელზეც გუშინაც ვწერდი... არ ვიი, რა შენობა იყო ადრე, მაგრამ კარგა ხნის მიტოვებულია, რომელსაც არა აქვს კარი, ფანჯარა, დენი, საწოლები... 4 ოჯახია, მათ შორის - მათ შორის, ბავშვებიც. ბევრი არაფერი უნდათ - მხოლოდ საკვები ბავშვებისთვის. ესეც გავითვალისწინოთ.

guruli · Post by **guruli** » 16 აგვ 2008, 23:19

ხალხნო, 208-ე სკოლაზე თემაც გავხსენი და თხოვნაა, მივაქციოთ ყურადღება. ამ საღამოს გოგებაშვილზე ვინახულე ის ქალი, რომელიც გუშინ მე და აბალდუიმ მიცკევიჩზე ვნახეთ და რომელზეც გუშინაც ვწერდი... არ ვიი, რა შენობა იყო ადრე, მაგრამ კარგა ხნის მიტოვებულია, რომელსაც არა აქვს კარი, ფანჯარა, დენი, საწოლები... 4 ოჯახია, მათ შორის - მათ შორის, ბავშვებიც. ბევრი არაფერი უნდათ - მხოლოდ საკვები ბავშვებისთვის. ესეც გავითვალისწინოთ.

GOGONA · Post by **GOGONA** » 16 აგვ 2008, 23:33

ცხვარიჭამიაში დღეს 15მ კაბელი მიაკლდათ, ხვალ ვიყიდით მე და ტომა და ავიტანთ

დღეს ძლივს რაღაც გამიხარდა და მინდა გაგიზიაროთ

ბორჯომში ნანატრი წვიმა დაიწყო!

ნახევარი საათის წინ საჩხერეს ველაპარაკეთ და ცეცხლის ენები აღარ ჩანსო, არ ვიცი ჩაქვრა თუ არა, მაგრამ წვიმა ერთადერთი საშველიაო. აბასთუმნის ტყე რომ იწვოდა რამდენიმე წლის წინ, უკრაინის და თურქეთის თვითმფრინავებმა ვერაფერი გააწყეს, მაშინაც წვიმამ გადაგვარჩინა

ტიმოთესუბნიდან 2კმ-ზე იყო ცეცხლი.

მთელი სოფელი ტიმოთესუბნის ეკლესიაში წვიმისთვის ლოცულობდა.

საღამოს 7სთ-ზე კოკისპირული წამოვიდა, და თან მხოლოდ სადაც ხანძარი იყო იქ. მერე შეწდა. ეხლა ისევ წამოვიდა.

ღმერთი ჩვენთანაა!

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS