ფარავნისა და საღამოს ტბები, ვარძია-თმოგვი-წუნდა - 2008

Mta Mkvarebia · Post by **Mta Mkvarebia** » 10 ივნ 2008, 20:50

მერე დაიწყო ხანგრძლივი მგზავრობა ფარავნისაკენ, რომელსაც რამდენიმე საათის განმავლობაში ვეძებდით.

მინიბუსში:

გზადაგზა ხშირად გვხვდებოდა წეროების ბუდეები, აბიბინებულსახურავიანი ეგზოტიკური ნაგებობები. როგორც შემდეგ მივხვდით ეს ადგილობრივი საწვავი მასალა წივაა (საქონლის ნაკელი, რომელსაც სახურავზე ახმობენ და შემდეგ ჭრიან).

მახსოვს პირველი წეროს გამოჩენას რა აჟიოტაჟი მოჰყვა, ყველა ქვემოთ ჩაცვივდა ფოტოების გადასაღებად

რაც უფრო წინ მივიწევდით, ამინდი სულ უფრო და უფრო ფუჭდებოდა. წვიმამ დაუშვა, მერე გადაიღო, მერე ცისარტყელაც გამოჩნდა.

მაგრამ მალე ისევ იმატა წვიმამ. ალაგ-ალაგ სეტყვის კვალიც ჩანდა, გადათეთრებული იყო მიწა. მივხვდით რომ მზის ჩასვლა-ამოსვლთ ტკბობის პერსპექტივას უნდა დავმშვიდობებოდით. მაგრამ რომანტიკას ვიღა ჩიოდა, უფრო მნიშვნელოვანი საფიქრალი გვქონდა, ბალახი და მიწა ისეთი სველი იყო და ცას ისეთი პირი უჩანდა წვიმა გადაღებას არც კი აპირებდა და კარვები როგორ გაგვეშალა.

აცაბაცა

სკაიდრა

Mta Mkvarebia · Post by **Mta Mkvarebia** » 10 ივნ 2008, 21:17

სომხეთის საზღვრის გადაკვეთის მცდელობის და წინ და უკან სიარულის შემდეგ, როგორც იქნა მივაგენით ფარავნის ტბას. მაგრამ ახლა დედათა მონასტერი ან მეტეოსადგური უნდა მოგვეძებნა, სადაც სავარაუდოდ კოტეჯები იყო, რომ ღამე გაგვეთია. მეტეოსადგურის გზა მოგვასწავლეს (როგორც მეორე დილით აღმოჩნდა ჩვენს მიერ ძებნილი მონასტრის დედებმა, რადგან უკან დაბრუნებისას ვიცანით ის ადგილი, სამწუხაროდ, წინა ღამით სიბნელეში ეკლესია ვერ შევნიშნეთ და ვერ მივხვდით, სად ვიყავით). შალიკო, მეტეოსადგურის მეთვალყურე, ლოგინიდან წამოვახტუნეთ. მართლაც გულისხმიერი კაცი აღმოჩნდა (თუ გოგას მიერ ახალციხის პროკურორის მოადგილის - მამუკას სახელის ხსენებამ იმოქმედა?

ეჰ, ლამა რა ვიცოდით თქვენი ძმაკაცობის ამბავი, თორემ მამუკას მოხსენიება რაში დაგვჭირდებოდა?

). მოკლედ დაგვაბინავა შალიკომ საეჭვო სისუფთავისა და კომფორტის კოტეჯებში. მაგრამ მაგას ვინ ჩიოდა, მთავარი იყო, რომ ისე არ ციოდა, როგორც გარეთ. რამდენიმე ოთახში გავნაწილდით და დავიძინეთ...

მაღვიძარა 7 საათისთვის მქონდა დაყენებული, რომ თუ ამინდი გაუმჯობესდებოდა მზის ამოსვლა არ გამომპარვოდა. ოპტიმიზმის საფუძველს ვარსკვლავებით მოჭედილი ცა გვაძლევდა. უზარმაზარი ვარსკვლავები ჩირაღდნებივით ეკიდა ცაზე... თუმცა მაღვიძარამ დარეკა თუ არა, ფანჯრიდან გავიხედე და წვიმდა

ამიტომ ძილი გავაგრძელე...

არ მახსოვს, რამდენ ხანს მეძინა, მაგრამ მახსოვს რამ გამაღვიძა. უცებ გაიღო კარები და შემოცვივდა ფოტოაპარატებით შეიარაღებული 15 გადარეული, "რა ლამაზი დღეა"-ს ღრიალით, ერთი კი დავინახე ხელში სანთელანთებული შოკოლადის ტორტი ეჭირათ, და შემდეგი ფრაზაც ჩამესმა "..დღეს მთაშენკას დაბადების დღეა". მივხვდი, რაც ხდებოდა და მივხვდი რომ გაწეწილს და თვალებდასიებულს სურათების გადაღება არ ამცდებოდა, საძილე და საბნისპირი თავზე გადავიფარე, მაგრამ ვინ გაცალა, ძალით ჩამაქრობინეს ტორტზე სანთელი ცრუ იუბილარს. ბედს რომ შევურიგდი და სურათები რომ გადამიღეს, სიურპრიზით გამოწვეული სიხარული მერე მოვიდა

ახლა გიხდით, ხალხნო, მადლობას. მიყვარხართ, ძალიან სასიამოვნო სურპრიზი იყო

. წინა გვერდებზე რომ ვწერდი, "გუდვილში" კიდევ რაღაც იყიდესთქო, შოკოლადის ტორტი უყიდიათ და მძღოლისთვის ჩაუბარებიათ, რომ არ გაგვესრისა უკან. ერთ მომენტში მახსოვს გოგას რაღაც გადმოაწოდეს დიდი სიფრთხილით. ვიკითხე: "რა არისთქო" გოგამ ჩუმად "გამანდო" სამწვადეა, ბიჭებს სიურპრიზს ვუკეთებთო. კი გამიკვირდა, შამფურებს ფოკაში რისგან გააკეთებენმეთქი, მაგრამ არაფერი მითქვამს. მერე რამდენიმე საათში, როცა მინიბუსში მარტო ვიყავით, ნაიამ დამიძახა და ჩუმად მაჩვენა ტორტი, :"ნახე, რა ვნახეო" მე კიდევ გოგოებს ჩუმად ვაპარებდი, რომ რაღაც სურპრიზი ჰქონდა გოგას ჩაფიქრებული, მაგრამ არ ვეუბნებოდი, რა. მაგრამ თურმე ჩემთვის ყოფილა ის სურპრიზი განკუთვნილი

... ჰოოო, სურათები შეგიძლიათ დადოთ, იმაზე გაბურძგნული არა მგონია, ვიყო, როგორც ილიას მიერ უკვე დადებულ სურათზე

.

ჰოოო, მაპატიეთ ამოდენა მონოლოგისთვის

Mta Mkvarebia · Post by **Mta Mkvarebia** » 10 ივნ 2008, 21:25

ესეც მეტეოსადგურის ტერიტორია და ჩვენი კოტეჯები

ულამაზეს ყვავილებიან მდელოში იდგა კოტეჯები

Mta Mkvarebia · Post by **Mta Mkvarebia** » 10 ივნ 2008, 21:36

მერე გამოვემართეთ ფოკასკენ (დამავიწყდა, მეთქვა, მეტეოსადგური სოფელ ბუდიონოვკაში თუ როდიონოვკაში იდგა, ფოკას მოპირდაპირე მხარეს). გზად ტბასთან გავჩერდით. ისეთი სილამაზე იშლებოდა თვალწინ, ისეთი დადებითი მუხტით ავივსეთ, რომ ყველამ ერთსულოვნად აღნიშნა დაღლით გამოწვეული წინა საღამოს უსიამოვნო შეგრძნება წამში გააბათილაო

Mta Mkvarebia · Post by **Mta Mkvarebia** » 10 ივნ 2008, 21:49

ბალახი ნამიანი იყო, ბოტასები ყველას დაგვისველდა, მაგრამ ამას არავინ არად დაგიდევდათ, ყველა სურათების გადაღებით იყო გართული.

ჩემი საყვარელი თემა ფოტოგრაფების პაპარაცობა

Mta Mkvarebia · Post by **Mta Mkvarebia** » 10 ივნ 2008, 21:50

Mta Mkvarebia · Post by **Mta Mkvarebia** » 10 ივნ 2008, 22:04

ფოკაში მივედით. ეკლესია მე-10 საუკუნეშია აგებული.

წმ. ნინოს ხატი. ანალოღიაზე ულამაზესი მინანქარში შესრულებული იგივე წმინდანის ხატი იყო დაბრძანებული, რომლის ფოტო გოგამ დადო უკვე. მოგეხსენებათ ფოკაში მინანქრის საუკეთესო საეკლესიო ნივთები მზადდება. სამწუხაროდ, გვითხრეს, "ყველა ნაკეთობა თბილისშიაო" და მათი დათვალიერების საშუალება არ მოგვეცა.

მონასტრის ეზოში უსაყვარლესი ძაღლები იყვნენ. ყველა მათ ეთამაშებოდა

ეს უზარმაზარი ძაღლი კი (თათებზე შემდგარი ჩემი სიმაღლე იყო) ისეთი ალერსიანი აღმოჩნდა, ზურდზე შემახტა და ტორები მომხვია. მაგრამ გზის გაგრძელება რომ ვცადე, თათი გამომდო ფეხზე ადამიანივით და კვანტი დამიდო

მაგრად ვიხალისე. ძალიან საყვარელი ვინმე იყო

Mta Mkvarebia · Post by **Mta Mkvarebia** » 10 ივნ 2008, 22:13

ზოგი ძაღლებს ეთამაშებოდა, ზოგი....

ეს ფოტო "ის ვინ იყოოოო" თემაში უნდა დამედო

აზრზე არა ვარ როდის და როგორ გაჩნდა ჩემს მობილურში... იმედია ეს კომენტარში არ ჩამეთვლება

Mta Mkvarebia · Post by **Mta Mkvarebia** » 10 ივნ 2008, 22:21

გოგა და გოგოები

ეძღვნება თიკო-რ-ს

მერე ისევ ტბისკენ ჩავისეირნეთ

ფარავნის ტბაში ბლომად თევზი იცის, ეტყობა. აი ერთ-ერთი მეთევზის ნავში რამდენი თევზი ვნახეთ (თუმცა ძალიან შემეცოდნენ

)

Mta Mkvarebia · Post by **Mta Mkvarebia** » 10 ივნ 2008, 22:34

მერე საღამოს ტბისკენ გამოვემართეთ. ნელ-ნელა ამინდი გამოკეთდა და ღრუბლებიც გადაიყარა...

საღამოს ტბის შენაკადები:

Mta Mkvarebia · Post by **Mta Mkvarebia** » 10 ივნ 2008, 22:37

Mta Mkvarebia · Post by **Mta Mkvarebia** » 10 ივნ 2008, 22:41

KINALOKO · Post by **KINALOKO** » 10 ივნ 2008, 22:48

Mta Mkvarebia
ეეგ შენაკადები, მე რომ მეხატინებოდა ხოლმე, იმეებს ჰგავს

:D:D:D
10:34 pm -აიი, ამ პოსტის მესამე სურათი ძაალიან მომეწონა

Mta Mkvarebia · Post by **Mta Mkvarebia** » 10 ივნ 2008, 22:49

ჰოოოპ....

......ლაააა

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS