ვაზანოს სამყარო- მაძიებელნი

vazano · Post by **vazano** » 23 აპრ 2008, 14:19

ამისთვის იყო ქალწული და ხორცქმნაი სიტყვისაი, რათა დედობრივთა ოხათა მიერ ცხონდენ ცოდვილნი, რომელთაი პირველი, საშუალო და დასასრული მე ვარ, ვითარცა უფსკრული შესაკრებელი ბილწებისა ღუარითაი.

vazano · Post by **vazano** » 23 აპრ 2008, 14:20

ისრაელისა მეფეთა ვჰბაძევდ, გარნა უშჯულოთა, და რავდენ მეძლო, ვსცთებოდე მაღალთა ზედა კუმევისა და წარმართთა აღრევისა მიერ და ძალთა ცისათა თაყუანის-ცემისა.

vazano · Post by **vazano** » 23 აპრ 2008, 14:22

ზენაისა მოძრაობისა ასურასტანული ზმნობაი და ცთომილთა ვარსკულავთა და უცთომელთა კრებაი, განყრაი, სუე და ბედი და შობის დღე, ვითარ საღმრთოთა უსმენელმან ვიჩუქრენ.

vazano · Post by **vazano** » 23 აპრ 2008, 14:24

ელლინთა-მიერი ვერცნობაი სიბრძნეთა ღმრთისათაი, ღმრთისა და შემოქმედისაგან შექმნულთა მიმართ ცვალებაი თუაყუანის-ცემისაი სრულ ვყავ, რაჟამს თითოეულისა ვნებისა კერპსა ვჰმსახურე.

vazano · Post by **vazano** » 23 აპრ 2008, 14:26

ამისთვის ღმერთ-მამაკაცებრ მოქმედ იქმნა ზესთა ღმერთი, რათა კაცებრ უწყოდნის ვნებანი ჩუენნი და ღმრთეებრ იხსნიდეს ბრალთაგან, რომელთა ღმრთისმშობლად ქადაგონ წმინდაი ქალწული დედაი.

vazano · Post by **vazano** » 23 აპრ 2008, 14:27

სჯულნი დავთრგუნენ წიგნისანი და ახალი ბუნებითი, და კუალად სხუაი, სჯულისა შენისა მოწამე, სჯული გონებისაი, ცოდვათა და ხორცთა შჯულსა დავამონე.

vazano · Post by **vazano** » 23 აპრ 2008, 14:28

თითოეულსა მხეცთაგან შეზავებულსა მხეცსა ვემსგავსე მრავალგუარსა და მრავალხატსა და სხუა ჟამ სხუებრ ხილულსა და მკსინვარსა ბუნებისაებრ თითოეულისა.

vazano · Post by **vazano** » 23 აპრ 2008, 14:29

არა შევძრწუნდი მანგლისაგან მფრინვალისა, რომელი შურსა სიკუდილისასა მიჰხდის, რომელნი ჩემებრ მიმდემად ცრუდ ფუცვიდნენ განსაკრთომელსა სახელსა შენსა.

vazano · Post by **vazano** » 23 აპრ 2008, 14:31

ამისთვის ისხლთა ქალწულებრივთაგან ხორცნი ღმრთისანი და ახალი შეზავებაი იქმნა, ღმერთი და კაცი, რათა იოხდეს დედაი ჩემებრ განწირვით უსასოქმნილთა.

vazano · Post by **vazano** » 23 აპრ 2008, 14:33

სოლომონისაისაწურბელისა მსგავსად ვერმაძღარი სხუათა სოფლის-კიდეთა ვეძიებდ დასაპყრობელად და ღმრთისა საზღვართა ვაბრალობდ, ვითარცა მცირეთა და უნდოთა, ჩემისამდე უძღებებისა და გულისთქუმისა.

vazano · Post by **vazano** » 23 აპრ 2008, 14:34

ბოროტად გარდავხედ საზღუართა და შევჰრთე სახლი სახლსა და აგარაკი აგარაკსა და უუძლურესთა მივჰხუეჭე ნაწილი მათი და ვიღუწიდ უმეზობლობასა, ვითარმცა მარტოი ვმკვიდრობად ქუეყანასა ზედა.

vazano · Post by **vazano** » 23 აპრ 2008, 14:36

მბრძოლ ვექმენ ყოველთა წესთა სჯულისათა და ქორწილთა მიერ ხენეშთა ვჰმძლავრე საწოლსა ჩემსა, და სახეთა მიერ ბოროტთა მიცემითა ვაცოდვე ერი ჩემი, ვითარცა იგი მეფეთა მისთა ისრაელი.

vazano · Post by **vazano** » 23 აპრ 2008, 14:38

ამისთვის ქალწული დედაი და შობაი ახალი სიტყვისაი იქმნა, რათა ახალი ხატყოფაი მეორედ მისცეს ცოდვით განმრყუნელთა მისთა, დედობრივთა რაი ოხათა ბრძმედითა დაადნოს ყოველი ნივთი შეცოდებისაი.

vazano · Post by **vazano** » 23 აპრ 2008, 14:39

ვერცხლი, ვითარცა მიწაი, და ოქროი, ვითარ თიხაი უბნისაი, ვიუნჯენ და თაყუანის-ვეც ანჰგარებისა მამონას, ვითარ-იგი ძუელთა მათ ბაალს და ასტარტეს და ქამოსს საძაგელსა.

vazano · Post by **vazano** » 23 აპრ 2008, 14:40

სიტყუაი ღმრთისაი და ბჭეთა ზედა მამხილებელი მოვიძულენ, ხოლო მლიქნელთა ძმაცული სივერაგე ვითნე და შემასმენელთანი დავიტკბენ ზრახვანი და ცრუნი განვსცენ მსჯავრნი.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS