ნაგვის და ნარჩენების უტილიზაცია ბუნებაში ყოფნის დროს

GOGONA · Post by **GOGONA** » 27 მარ 2008, 13:28

ეს ტექსტი "ბირთვისების ბუნკერის" თემიდან დავაკოპირე:

წინადადება შემომაქვს მოხალისეებმა საპიორული ნიჩბები შევიძინოთ, ორმო-ნაგავსაყრელის იდეა ძალიან მომეწონა,

რაც შეეხება ლპობას, ეგ ბუნებაში სანიტარული პროცესია,

პრინციპში დასალპობი არც არაფერი იქნება, დროთა განმავლობაში ძველ ორმოს მიწას მივაყრით და ახალს ამოვთხრით.

საპიორული ნიჩაბი რამოდენიმემ რომ შევიძინოთ რიგ-რიგობით ვატარებთ და რიგ-რიგობით ვიმუშავებთ, სახალისოც იქნება, წერაქვიც გამოგვადგება
ალპინისტების აღჭურვილობიდან.

მე პირადად ნაგვის ტარებას და მთელი საქართველოს ბუნების ნაგავის თბილისში ესკალაციას წერაქვის ან ნიჩბის ტარება მირჩევნია

GOGONA · Post by **GOGONA** » 27 მარ 2008, 13:35

დამეხმარეეთთთ

რა ავკრიფო პლაკატების ტაქსტში, გთხოვთ ნაგავს აქ ნუ დატოვებთ, თუ გთხოვთ ნაგავი ამ ორმოში ჩაყარეთ თუ მადლობთ, რომ უფრთხილდებით ბუნებას და წმინდა ადგილებს და ნაგავს არ ტოვებთ ?

სადღაც მინდა რომ წწწ.კარავი.გე-ც ფიგურირებდეს, შემომთავაზეთ რა ტექსტის ვარიანტი?!

shatilis asuli · Post by **shatilis asuli** » 28 მარ 2008, 23:04

მადლობთ, რომ უფრთხილდებით ბუნებას და წმინდა ადგილებს!

და რამე სურათი კარგი იქნებოდა, როგორ აგდებს ადამიანი ნაგავს ყუთში

GOGONA · Post by **GOGONA** » 29 მარ 2008, 17:37

ეს ორი ვერსია გავამზადე, თუ გსურთ ორივე გავაკრათ, ყოველშემთხვევაში არჩევანი არის

lama · Post by **lama** » 29 მარ 2008, 17:41

ნუსა

ორივე ვარიანტი უნდა იყოს გამოკრული

qvevri · Post by **qvevri** » 29 მარ 2008, 17:55

გრამატიკულად შესწორებულია? მგონი ორივე შესასწორებელია

KINALOKO · Post by **KINALOKO** » 29 მარ 2008, 17:59

რა გრამატიკული შეცდომები?
მეორეში ემფატიკური ა აკლია?

ვააი, აღარაფერი მახსოვს....
ჰოო, კიდევ მზიმე უნდა გთხოვთ-ის მერე

GOGONA · Post by **GOGONA** » 29 მარ 2008, 18:15

qvevri

უფრო მეტი კოკნრეტულობისთვის მადლიერი ვიქნებოდი

მეორე ვარიანტი ენათმეცნიერების პროფესორთან არის შეთანხმებული, მართლა ღირსეული მეცნიერია, ასე რომ დიდი ხნის მსჯელობის შემდეგ
გადავწყვიტე მეორე ვარიანტი პროფესიონალის რჩევის გათვალისწინებით ამეკრიფა, სასაცილოა, მაგრამ ეს ერთი წინადადება რეკლამის ფსიქოლოგების, ლინგვისტების და ენათმეცნიერების დახმარებითაა შედგენილი.

მე უბრალოდ კვლევა ჩავატარე და იცით რა დასკვამდე მივედი? (30 ნაცნობის აზრი მოვისმინე

უსაქმური არ გეგონოთ!

)
მადლობთ თუ გმადლობთ - მარტო ამ ერთმა სიტყვამ ~50%-იანი აზრთა სხვაობა გამოიწვია, ასე, რომ სწორად იქნება დაწერილი თუ არასწორად, კრიტიკოსი მაინც იარსებებს

რაც შეეხება პირველ წინადადებას...

იმდენი ადამიანი აღმოჩნდა, რომელიც , ჩემი არ იყოს, დროდადრო სიამოვნებით ყრის ნაგავს სახლში,

(ეს რაღაც თავისუფლებისადმი მიძღვნილ პროტესტს ჰგავს

), რომ გავოგნდი

qvevri · Post by **qvevri** » 29 მარ 2008, 18:24

ერთხელ ერთ ადგილას, სადაც მოსახლეობა ნაგავს ყრიდა ხოლმე ასეთი წარწერა ვნახე "ნაგავი დაყარონ მხოლოდ ღორებმა"

იმის მერე იქ ნაგავი აღარავის დაუყრია. ასე რომ, წარწერები ხშირად ამართლებს.

GOGONA · Post by **GOGONA** » 29 მარ 2008, 18:41

ANIKOKOL

რაც შეეხება "გთხოვთ"-ის მერე მძიმეს, პროფესორმა ბრძანა - მკაცრად გრამატიკულად, უნდაო, ძველ დროში ხმარობდნენო, მაგრამ ენის ევოლუციის პონტში აღარ იხმარებაო, მითუმეტეს პლაკატებშიო, მააშ

qvevri · Post by **qvevri** » 29 მარ 2008, 18:46

მოკლედ ვფიქრობ, რომ ეს წარწერა თავის საქმეს გააკეთებს. ყოველ შემთხვევაში ვიღაცა მაინც გაითვალისწინებს, ასე რომ წინ კარველნო

Varvara · Post by **Varvara** » 10 ივნ 2008, 13:35

ცოტა გამოვაცოცხლოთ ეს თემა.

გთავაზობთ მასალას კავკასიის ახალგაზრდული გარემოსდაცვითი ქსელის ბროშურიდან ,,ნუ დააბინძურებ გარემოსâ€™â€™:

რა არის ნარჩენი?
ნარჩენი არის ანთროპოგენური დაბინძურების ერთ-ერთი სახე, ანუ იგი წარმოიქმნება ადამიანის საქმიანობის შედეგად.

რა სახის ნარჩენები არსებობს?
ნარჩენები შეიძლება იყოს: საყოფაცხოვრებო ანუ მუნიციპალური, კომერციული, ინდუსტრიული, კლინიკური, სახიფათო, ინერტული ან რადიაქტიური.

რა არის სახიფათო ნარჩენი?
სახიფათო ნარჩენი შეიცავს ერთ ან ერთზე მეტ ტოქსიკურ, კანცეროგენულ, მუტაგენურ ან ტერატოგენულ ნივთიერებას ზღვრულად დასაშვები ნორმების ზევით, ადვილად აალებად ნივთიერებებს, ქიმიურად არამდგრად ნაერთებს, რომლებიც ფეთქებადი ხასიათისაა და ნივთიერებებს, რომლებიც იწვევენ მეტალის კოროზიას.

რა არის ინდუსტრიული ნარჩენი?
ინდუსტრიულია ნარჩენი, რომელიც არ განიცდის ფიზიკურ, ქიმიურ და ბიოლოგიურ ცვლილებას (სამშენებლო მასალები: ქვიშა, ბეტონი, ქვა, კერამიკული მასალები და სხვ) და არ არის სახიფათო ადამიანის ჯანმრთელობისათვის.

რა არის რადიაქტიური ნარჩენი?
ნებისმიერი საქმიანობა, რომლის შედეგადაც იწარმოება ან გამოიყენება რადიაქტიური ნივთიერებები, წარმოქმნის რადიაქტიურ ნარჩენებს.

რატომ არ შეიძლება ნარჩენების დაწვა?
ნარჩენების წვის დროს გამოიყოფა ტოქსიკური აირები, როგორიცაა CO2, CO, SO2, SO3. ეს აირები მონაწილეობენ სათბურის ეფექტის წარმოქმნაში, უარყოფითად მოქმედებენ ადამიანის ნერვულ სისტემაზე, სასუნთქ გზებზე და იწვევენ ფილტვების და გულ-სისხლძაღვთა დაავადებებს.

რატომ არ შეიძლება ფოთლების დაწვა?
ფოთლები ზაფხულის განმავლობაში ფილტრის მსგავსად უამრავი დამაბინძურებლის შეკავებას ახდენენ და წვის დროს ყველა ის შხამი, რომელიცც ზაფხულის განმავლობაში მცენარეებმა შთანთქეს, კვლავ უბრუნდება ატმოსფეროს. ფოთლების წვისას გამოიყოფა მხუთავი აირი (ნახშირმჟავა გაზი CO), დიოქსინები - რომლებიც იწვევენ ონკოლოგიურ დაავადებებს, სხვადასხვა სახის გამაღიზიანებელი ნივთიერებები, რომლებიც იწვევენ ბრონქების გაღიზიანებას და სპაზმებს, ალერგენის შემცველი მახრჩობელა ბოლი, რომელიც იწვევს ალერგიულ რეაქციებს და ასევე, სხვადასხვა სახის მძიმე მეტალი, რომლებიც მავნე ზეგავლენას ახდენენ ცენტრალურ ნერვულ სისტემაზე.

რატომ არ შეიძლება ნარჩენების დამარხვა?
საიზოლაციო ფენის გარეშე ნარჩენების დამარხვა არ შეიძლება, რადგან ამ დროს ხდება მიწისქვეშა (გრუნტის) წყლების და აქედან გამომდინარე, სასმელი და სარწყავი წყლის დაბინძურება სხვადასხვა საშიში ორგანული და არაორგანული ნაერთით. ნარჩენების დამარხვისას წარმოქმნილი ტოქსიკური ნაერთები ნიადაგიდან ხვდება ბალახში, რომელსაც საკვებად იყენებს პირუტყვი, შემდგომში ხვდება რძეში და რძის გამოყენებისას - ადამიანის ორგანიზმშიც.

რა უარყოფით შედეგებს იწვევს მდინარეებში (ტბებში, ზღვებში, წყალსაცავებში) ნარჩენების მოხვედრა?
ნარჩენების მოხვედრა ჰიდროგრაფიულ ელემენტებში ან მათ მიმდებარე ტერიტორიაზე კატეგორიულად აკრძალულია, რადგან შეიძლება მოხდეს როგორც სასმელი, ასევე სარწყავი წყლის დაბინძურება. ამან შეიძლება გამოიწვიოს მრავალი ინფექციური დაავადება, ფლორის და ფაუნის განადგურება.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS