ბრძნული აზრები

KSOVRELI · Post by **KSOVRELI** » 24 სექ 2010, 20:11

სიძულვილი იმ კაცის მიმართ, რომელსაც ძლიერნი ამა ქვეყნისანი სწყალობენ, სხვა არა
არის რა, თუ არა იმავე წყალობის სიყვარული. მის გულისწყრომას, ვინც ამ წყალობას
ვერ ეღირსა, ერთგვარად აცხრობს და აშოშმინებს ზიზღი ყველა რჩეულის მიმართ.
პატივსაც იმიტომ არ ვიმეტებთ მათთვის, რომ არ შეგვიძლია წავართვათ ის, რაც მათ
საყოველთაო პატივისცემას უხვეჭს.

KSOVRELI · Post by **KSOVRELI** » 24 სექ 2010, 20:15

გულწრფელობა გულახდილობაა. იშვიათად თუ შეხვდებით ამ თვისებით შემკულ კაცს.
ხოლო ის, რაც ჩვენ გულწრფელობად გვეჩვენება, უმეტეს წილად სხვა არა არის რა, თუ
არა შემპარავი თვალთმაქცობა, რომლის მიზანიც კაცთა ნდობის მოხვეჭა გახლავთ.

KSOVRELI · Post by **KSOVRELI** » 24 სექ 2010, 20:16

ჭეშმარიტება არც იმდენად კურთხეულია, რამდენადაც წყეულია ის, რასაც თვალთმაქცურად ასაღებენ ჭეშმარიტებად.

KSOVRELI · Post by **KSOVRELI** » 24 სექ 2010, 20:18

ჭეშმარიტი სიყვარული მოჩვენებასა ჰგავს: ყველა მასზე ლაპარაკობს, მაგრამ ცოტას თუ უხილავს იგი.

KSOVRELI · Post by **KSOVRELI** » 24 სექ 2010, 20:22

მოხუცებს იმიტომ უყვართ კარგი რჩევა მისცენ ადამიანებს,
რომ უკვე აღარ შეუძლიათ ცუდი მაგალითი მისცენ მათ.

KSOVRELI · Post by **KSOVRELI** » 24 სექ 2010, 20:27

ვინ შეიტკბობდა ამ ცხოვრებას, თავის თავს რომ არასოდეს ეპირფერებოდეს.

stranger · Post by **stranger** » 24 სექ 2010, 20:55

არ მინდა მეგობარი ,ყველას მეგობარი.

მოლიერი

stranger · Post by **stranger** » 24 სექ 2010, 20:59

სულელი კაცი თუ არ აქე,უღმერთობას დაგწამებს.

თრაზიბული

Tamusia · Post by **Tamusia** » 24 სექ 2010, 21:12

ამაოა ყოველი სიბრძნე, თუ ცხოვრებამ ჩაგიარა ამაოდ;
მაშ იფიქრე, დღენიადაგ იფიქრე რაზომ უხანოა საწუთრო,
მიუწვდომელ ოცნებათა მდევარი მისაწვდომელს დაკარგავ

(რომელიღაც კლასიკოსი მწერალი)

KSOVRELI · Post by **KSOVRELI** » 26 სექ 2010, 13:31

ჩვენი სინანული იმდენად წუხილი როდია ჩვენს მიერ ჩადენილი ბოროტების გამო,
რამდენადაც შიში ბოროტებისა, რომელიც შეიძლება სიავკაცის სანაცვლოდ მოგვაგონ.

KSOVRELI · Post by **KSOVRELI** » 26 სექ 2010, 13:34

ბიწი ისევე შედის სიქველეში, როგორც საწამლავი - წამლის შემადგენლობაში; კეთილგონიერება
ერთმანეთს უზავებს და, ამრიგად, არბილებს მათ მოქმედებას, ხოლო შემდეგ მოხერხებულად
იყენებს ამ ნაზავს ათასგვარი ხიფათისაგან თავდასაღწევად.

KSOVRELI · Post by **KSOVRELI** » 26 სექ 2010, 13:35

ჩვენ მხოლოდ იმიტომ ვაღიარებთ საკუთარ ნაკლს, რომ გულწრფელობით მაინც
ავინაზღაუროთ ის ზარალი, რასაც ჩვენი ნაკლი გვაყენებს საზოგადოების თვალში.

KSOVRELI · Post by **KSOVRELI** » 27 სექ 2010, 22:13

სიქველე ასე შორს ვერ წავიდოდა, პატივმოყვარეობა რომ არ ახლდეს თან.

KSOVRELI · Post by **KSOVRELI** » 27 სექ 2010, 22:14

ვისაც ჰგონია, რომ სხვების გარეშე გავა ფონს, სასტიკად ცდება, მაგრამ ვისაც ჰგონია,
რომ სხვები უიმისოდ ვერ გავლენ ფონს, კიდევ უფრო სასტიკად ცდება.

KSOVRELI · Post by **KSOVRELI** » 27 სექ 2010, 22:40

ადამიანურ მწუხარებაში ყოველთვის თავს იჩენს სხვადასხვანაირი პირფერობა. ზოგჯერ, ძვირფასი ადამიანის დაკარგვას რომ დავტირით, ჩვენ დავტირით ჩვენსავე თავს:
დავტირით ჩვენს დაკარგულ ბედნიერებას, სიმდიდრეს, გავლენას, ვგლოვობთ იმ გულისხმიერებას, რომელსაც არ გვაკლებდა მიცვალებული. ამრიგად, ჩვენ დავტრით
ცოცხალთა ხვედრს, თუმცაღა მკვდრებს კი ვაკუთვნებთ ჩვენს მდუღარებას. ამნაირი პირფერობა მე მიმაჩნია გულუბრყვილო პირფერობად, ვინაიდან ამ შემთხვევაში ადამიანები
ატყუებენ არა მარტო სხვებს, არამედ თავიანთ თავსაც. მაგრამ არსებობს სხვანაირი პირფერობაც, უფრო უკეთური, ვინაიდან შეგნებულად აცთუნებს ყველას: მე ვგულისხმობ
იმათ გლოვა-გოდებას, ვისაც სურს გაუქვავებელი მწუხარებით მოიხვეჭოს სახელი. მას შემდეგ, რაც ულმობელი სევდა დააცხრობს მათ ჭირ-ვარამს, ისინი მაინც დაჟინებით
ღვრიან ცრემლს, გულსაკლავად გმინავენ და გოდებენ; უნუგეშობის ნიღაბს ამოფარებულნი მთელი თავიანთი ქცევით ცდილობენ დაგვარწმუნონ, რომ მათ მწუხარებას მხოლოდ
მათივე სიკვდილი თუ დაასრულებს. ეს უბადრუკი და ულისგამაწვრილებელი პირმოთნეობა უმეტესწილად პატივმოყვარე ქალებს ახასიათებთ. რაკიღა თავიანთი სქესი დიდებისაკენ
მიმავალ ყველა გზას უხშობთ, ისინი ცდილობენ პირფერული და მოჩვენებითი მწუხარებით გაითქვან სახელი. არსებობს კიდევ ერთი პაწაწინა წყარო ცრემლებისა, რომლებიც
ადვილად იღვრებიან და ადვილადვე შრებიან: ტირიან იმიტომ, რომ მგრძნობიარედ მოგვაჩვენონ თავი; ტირიან იმიტომ, რომ თანაგრძნობა დაიმსახურონ; ტირიან იმიტომ,
რომ დატირებულ იქმნენ, და ბოლოს, ტირიან იმიტომ, რომ სირცხვილია, თუ არ ტირი.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS