უძირო რაჭა კი არა და ნისლიანთოვლიანი ტბა 21-23.08.09.

pataputina · Post by **pataputina** » 24 აგვ 2009, 12:23

ვწერ, მაშასადამე ვარსებობ
მაშასადამე
ჩამოვრაჭავდით

ჰხუხ

კი არა და

გაზაფხული, ზაფხული, შემოდგომა, ზამთარი
და
ისევ გაზაფხული
რაჭა
ში........

ვის უნახავს მარიამობისას თოვლი მთაზე
ვის და ჩუენ...

შოვში ჩაგიყვან და მჟავე წყალს არ დაგალევინებ
ო
კატიწვერაზე აგიყვან და უძირო ტბას
არ განახებ
ო

კი არა და

ნისლი ნისლი ნისლი ნისლი
ნისლი
ნისლი ნისლი
ნეტავ რატომ მოსწყდნენ მთავარ ჯგუფს რამდენიმე ადამიანი

ჰხუხ

თემას გახსნილად ვაცხადებ

დაიწყეთ
და
აგყვებით

Mta Mkvarebia · Post by **Mta Mkvarebia** » 24 აგვ 2009, 12:32

1. რეგიონი: რაჭა, ონის რაიონი
2. მარშუტის დასახელება: თბილისი-შოვი-უძირო ტბა-გლოლა-შოვი-თბილისი (მუქად გამოყოფილია ფეხით გავლილი მარშრუტი)

3. ხანგრძლივობა: 2 ღამე და 2 დღე

4. სირთულე: საკმაოდ რთული,განსაკუთრებით ნისლისა და თოვლის პირობებში, როცა ფეხი სველ კლდეზე ცურს. მზიან ამინდში, ალბათ, საშუალო სირთულის.

5. გასვლის, ლაშქრობის ღირებულება: ტრანსპორტი: თბილისი-შოვი-თბილისი: 500 ლარი მინიბუსის მგზავრებისთვის, დაახლ. 100 ლარი "ზურმუხტას" მგზავრებისთვის, საგზალი: ყველას თავისი

6. მონაწილეთა რაოდენობა: 27 ადამიანი:

ნაიას მანქანით:
1. ნაია
2. ნაიას + -ად სიაში ცაწერილი ნინუკალა

3. მთაშენკა
4. ილიას +
5. ოპტიმისტი

სამარშუტოთი:
1 პატაპუტინა
2 თამუნა_გუდარეხი
3 ბაქო
4 ვანსკი
5 ltergi
6 ბაქოს+დიტო (გიდი), იგივე ditrixa (შემოგვიერთდა ხაშურში)
7 KSOVRELI
8 ქეთო
9 ქეთოს + (თამუნა)
10 ბექა
11 kappas + nika
12 ელოიზა
13 ნა-თია
14 tamo-tamo (ქეთოს ყოფილი+) (
15 Falcon
16 Kappa
17 შალვა
18. ბაქოს + ჯაფარიძე
19. ციცინო
20 ltergi +
21 ქეთოს + (ლალი)
22 gion

იქ დაგვხვდნენ რაჭაში ადრე გამგზავრებული კარველები. საფეხმავლო მარშრუტზე შემოგვიერთდნენ:

ლამა
პაუნა
ქოჩო
ჯონი

7. გასვლის, ლაშქრობის 2განიზატორი: პატაპუტინა

8. დანიშნულების პუნქტთან უახლოესი დასახლებული პუნქტი: შოვი, გლოლა.

9. მარშრუტის სიგრძე ტრანსპორტით: დაახლ. 330კმ. თბილისიდან ამბროლაურამდე 270 კმ, ამბროლაურიდან ონამდე- 28 კმ, ონიდან შოვამდე დაახლ. 33 კმ.

10. ფეხით გავლილი მანძილი: 2 დღის განმავლობაში დაახლოებით 20კმ.

11. სანახავი და ყურადღებამისაქცევი ადგილები: მამისონის უღელტეხილი

12. საბანაკე ადგილები: გაშლილი მდელოებით მარშრუტი ნამდვილად არ გამოირჩევა, მაგრამ გაჭირვების შემთხვევასი, დიყის კაცისსიმაღლე ბალახის მოთელილ ადგილასაც მოახერხებთ კარვების გასლას, როგორც ჩვენ მოვიქეცით

13. სასმელი წყალი მარშრუტზე: გვხვდება მხოლოდ 1-2 ადგილას. კატიწვერასთან ახლოს, სადაც ჩვენ დავბანაკდით მდინარეებიც ჩამოდის და მჟავე წყალიც ყოფილა, რომელიც ნაწილმა ვერ დავაგემოვნეთ დროის არქონის გამო.

14. საჭირო აღჭურვილობა, რჩევები: სალაშქრო ფეხსაცმელი, რომელიც კლდეზე, განსაკუთრებით სველზე არ ცურს. ვიბრამის ძირიანი ფეხსაცმელი არ გამოგადგებათ, ისევე როგორც მე. ჯობია სანდლები გეცვათ, მაგრამ ისეთი, რომელსაც კარგი მოჭიდება აქვს კლდეზე. თბილი ტანსაცმელი და ფეხსაცმელი, ფანარი - თუკი ღამით ტყეში შემოღამების საშიშროებაა. კარგ ამინდში- დამცავი ნელსაცხებელი და ქუდი ასევე აუცილებელია.
კიდევ ერთი რჩევა - ტბა კარგ ამინდში ნახეთ. ცუდი ამინდი სრულიად აფუჭებს შთაბეჭდილებას, თან ღრუბლიან ამინდში არც უშბა, შხარა და თეთნულდი გამოჩნდება.

15. გასვლისთვის, ლაშქრობისთვის საუკეთესო დრო: ზაფხული. ალბათ აგვისტოს დასაწყისი, როცა მცენარეული საფარი უფრო ნაირფერი და მრავალფეროვანია

16. რისკები, საფრთხეები: კლდეზე დაცურების საფრთხე, ასევე ნისლში დაკარგვის საფრთხე. მგლებიც ბლომად არიანო, ადგილობრივებმა თქვეს. თუმცა ჩვენ არ შეგვხვედრია

17. უახლოესი ღირსშესანაშნავი ადგილი, რომელიც დროის გახანგრძლივების
შემთხვევაში, შეიძლება, ამ გასვლისას ინახოს: მამისონის უღელტეხილი, ბუბას მთის ძირის დალაშქვრა

18. პირობები ფიჭური კავშირგაბმულობისთვის: ადგილ-ადგილ მაგთი იჭერს, ძირითადად ტყეში, შემდეგ მხოლოდ ერთ-ორ ადგილას.

19. ზღვის დონიდან ყველზე მაღალი წერტილი: დაახლ. 3000 მეტრი, კატიწვერას უღელტეხილი, საიდანაც გადადიხარ უძირო ტბაზე, თავად უძირო ტბა დაახლოებით 2900 მეტრია, როგორც მეგზურმა გვითხრა.

20. სასარგებლო ბმულები, იმავე მარშრუტის კარავზე გახსნილი თემები:

http://www.karavi.ge/viewtopic.php?t=753
http://www.karavi.ge/viewtopic.php?t=269

Mta Mkvarebia · Post by **Mta Mkvarebia** » 24 აგვ 2009, 12:32

ხათოს პირველსავე წერილში დაშიფრულია მთელი ჩვენი ორდღიანი მოგზაურობა რაჭაში

.

მართლაც ისე დავტოვეთ შოვი, მჟავე წყალი არ დაგვიგემოვნებია, ვის ეცალა მჟავე წყლისთვის?

ამინდიც ზაფხულისათვის შეუფერებელი იყო. თოვლის ფანტელების ქვეშ ზოგი საძილეში, ზოგიც კიდევ ცელოფნის პარკსა და პარალონებში გახვეული, სიცივისგან ძაგძაგებდა უძირო ტბასთან, სადაც ნისლში დაკარგულ მოლაშქრეთა ნაწილს ველოდებოდით. სიცივემ გვაიძულა, სამედიცინო სპირტისთვის არანაკლებ ტრადიციული დანიშნულება მოგვეძებნა

(არ დამავიწყდეს, "კარვის" აფთიაქის დანაკლისით შევსება, ამაზე პასუხისმგებლობა ხომ მე ავიღე ჩემს თავზე), თუმცა ვერ ვიტყვი, რომ ცეცხლოვანი სითხე ყველასთვის საკმარისი იყო

.

ხათოს თქმის არ იყოს, ნაწილმა მართლა ლამის გარს შემოუარა კატიწვერას, მაგრამ თოვლისგან დასველებულ კლდეებზე მრავალჯერადი დაცურების და თავის შეკავების შემდეგ აფოფხებულებმა, ნისლში ტბა ვერ დაინახეს და ისევ უკან მოუწიათ ჩასვლა ჩვენი ჯგუფიდან მათ დასახმარებლად წასულ რამდენიმე ბიჭთან ერთად.

მაგრამ ვინც ვნახეთ ტბა, ვერ ვიტყვი, რომ აღვფრთოვანდით. ის ნაცრისფერი წყლის მასა, საერთოდ არ გავდა იმ საოცრებას, ნიკას ფოტოებიდან რომ შეგვაყვარა თავი, რომ არაფერი ვთქვა უშბას, თეთნულდისა და შხარას სამკაულის დარ ხედზე, რომელიც მის ფოტოს ამშვენებს. რა ხედი და მწვერვალები, ისეთი ნისლი იყო, თავად ტბასაც ძლივს ვხედავდით, ისიც რამდენიმე წამით, როცა ნისლი გადაიყრებოდა. ამიტომ ფოტოების გადაღების სურვილიც არ გაგვჩენია. მხოლოდ რამდენჯერმე ჩავაჩხაკუნეთ მოვალეობის მოხდის მიზნით.

მერე იყო ტალახში მრავალჯერადი გაგორება და სრიალ-სრიალით დაბლა დაშვება. ნისლში დაკარგულებზე ნერვიულობა, მაგრამ დაფარვის ზონაში შესვლის შემდეგ მათგან მიღებულმა შეტყობინებებმა, რომ ყველანი კარგად იყვენენ და მალე დაეშვებოდნენ ტყიდან, დაგვამშვიდა.

მიუხედავად ნერვიულობისა, სიცივისა, თოვლისა, ნისლისა და ექსტრიმისა, როცა დაღლა და უძილობა გადაგვივლის, ალბათ, უკან წავიღებთ ჩვენივე სიტყვებს, აქ რა მინდოდაააააა (წივწივას მოთქმისმაგვარი აქცენტით

), და ისევ გაგვიწევს გული დაუპყრობელი მწვერვალების დასაპყრობად

მთლიანობაში მაინც კარგი გასვლა გამოვიდა, ვტკბებოდით ლამაზი ხედებით, სანამ იქაურობა ნისლსა და ღრუბლებში ჩაიმალებოდა, ძალიან კარგი ადამიანები გავიცანით, ვიხალისეთ, ვიმღერეთ, გიტარაზეც დავუკარით და ავდარი რომ არა, ალბათ, უძიროს სილამაზით განცდილი სიამოვნება სულ დააგვირგვინებდა ყველაფერს. მაგრამ სხვა დროს გაგვიმართლებს, ალბათ

სანამ ჩემი რეპორტაჟი იქნება, რამდენიმე ფოტოს დავდებ:

Mta Mkvarebia · Post by **Mta Mkvarebia** » 24 აგვ 2009, 12:32

Mta Mkvarebia · Post by **Mta Mkvarebia** » 24 აგვ 2009, 12:32

Mta Mkvarebia · Post by **Mta Mkvarebia** » 24 აგვ 2009, 12:33

რეპორტაჟი მოგვიანებით იქნება

Nika · Post by **Nika** » 24 აგვ 2009, 12:38

Mta Mkvarebia
გავიგეთ კი არა და ვერაფერი გავიგეთ.

თარიღი მაინც მიაწერეთ რეპორტაჟს რა უბედურებაა? ადმინ ბანები დაარიგე რა ეგეთ დარღვევებზე.

Mta Mkvarebia · Post by **Mta Mkvarebia** » 24 აგვ 2009, 12:48

Nika
ნიკა, 5-ჯერ რომ გავიმეორე არაფრისმთქმელი ტექსტი, ყრუები კი არ მგონიხართ

, ხომ დავწერე ადგილი შემოვინახე თემის დასახვეწადთქო

pataputina · Post by **pataputina** » 24 აგვ 2009, 12:50

Mta Mkvarebia
Nika

მე მაპატიეთ

კი არა და

არ ვიცი თემის გახსნის წესები
და
სულ გაუხსნელობას ვამჯობინე

ARCHILI · Post by **ARCHILI** » 24 აგვ 2009, 12:57

pataputina wrote:
ნისლი ნისლი ნისლი ნისლი
ნისლი
ნისლი ნისლი
ნეტავ რატომ მოსწყდნენ მთავარ ჯგუფს რამდენიმე ადამიანი

რაც შემეძლო - აქედან გედექით გვერდით...

იმედია ვიწვიმე კიდეც...

ქარიც ვცადე...

თოვლზეც ვიჩალიჩე და რა ვიცი...

მოკლედ, ყოჩაღ ყველას...

ჩემი მეჯვარე ხომ დამიბრუნეთ საღსალამათი?

ჩიტუციო

რაღაც ალექსა არ ჩანს სკაიპში

რაჭაში ხომ არ დაგრჩათ?

gion · Post by **gion** » 24 აგვ 2009, 18:12

Mta Mkvarebia
მართლაც რომ ექსტრემალური ლაშქრობა გამოვიდა! ყოველ შემთხვევაში იმ 7 ადამიანისთვის, ვინებიც დავიკარგეთ მაგ მთაში

მიუხედავათ დაკარგვისა, ნისლისა, თოვლისა და სიცივისა ძალიან კარგი, ლამაზი და თბილი გასვლა იყო. იმიტომ რომ არაჩვეულებრივი ადამიანები გავიცანი! იმიტომ რომ არაჩვეულებრივი რაჭა ვნახე!

ერთს ვნანობ: ღამე რომ მოგვიწია სიარული სამარშრუტოთი და გზა ვერ დავათვალიერე

Falcon · Post by **Falcon** » 24 აგვ 2009, 18:52

მოგესალმებით ყველას!!

მე სულ რამოდენიმე კვირის წინ შემოვუერთდი კარავს და ეს იყო ჩემი პირველი გასვლა თქვენთან ერთად. მოკლედ, ჩემი ნათლობა კარავზე შედგა. ალბათ აწი შემეძლება ვთქვა რომ კარაველი ვარ.

....თუ არის კიდევ რაიმე რიტუალი, რაც უნდა შევასრულო რომ კარაველებში ჩავეწერო??

ერთი სიტყვით, მიუხედავად იმისა, რომ ჭრაჭუნით დავდივარ და ყველა კუნთი მტკივა, ძალიან ვისიამოვნე ამ ლაშქრობით და ასევე ბევრი ახალი ხალხის გაცნობით. მადლობა ყველას.

ჩემს ფოტოებს ეხლა ვტვირთავ ნეტში და ლინკს მოგაწოდებთ.

tamuna_gudarexi · Post by **tamuna_gudarexi** » 24 აგვ 2009, 19:04

შესაფერი შორისდებული ვერ ვიპოვე...

მეგობრებზე დარდის, სიცივის, ჩემი მუხლის ტკივილის მიუხედავად, ბედნიერი ვარ, იქ რომ ვიყავი თქვენთან ერთად!!!
მადლობა ყველას!
ულამაზესი ადგილები ვიხილეთ! ტბა, მართლაც ის ტბა არ იყო, რასაც ნიკას ფოტოს შემდეგ ველოდით, მაგრამ რა მოხდა.. გზა იყო ულამაზესი.. ნისლი ადგილ-ადგილ გვილამაზებდა, ადგილ-ადგილ კი სერიოზულად გვირთულებდა სვლას.
pataputina
მადლობა, ხათო, ამ ლაშქრობის მოწყობისთვის!
თემის ასეთი კარგი ჩახუჭუჭებული და ლამაზი პირველი ნაწერი აქამდე არ მინახავს!
Mta Mkvarebia
ულამაზესი ფოტოებია!
და რა სოკოები! აი, ის წითელი თეთრი კოპლებით, მთელი ოჯახი რომ ერთად იდგა, რა მადისაღმძვრელია! მაგრამ შხამიანი ყოფილა...

კიდევ ერთხელ მადლობა ყველა მოლაშქრეს, მეგზურ თამაზს (მართალია, ვერ გაიგებს), ასე თუ ისე კარგად გვატარა ნაწილი მაინც, თავისი დაზიანებული ფეხის მიუხედავად.
განსაკუთრებული მადლობა შალვას, რომელმაც კარგა მანძილზე შემიმსუბუქა გზა და მუხლის ტკივილი ჩემი ზურგჩანთის ტარებით. და მადლობა Falcon-ს, დახმარების ხელის გამოწვდისთვის ურთულეს მონაკვეთებზე!

ჩემ მიერ გადაღებულ ფოტოებს და შთაბეჭდილებებს ნელ-ნელა, რაჭულად, მოგაწვდით.

P.S. KSOVRELI ტაქსს გამოჰყვა ძლივს ნაშუადღევს ქუთაისისკენ და იქიდან კი თბილისისკენ წამოვა. ამ დროს ონის მხრიდან, როგორც წესი, ტრასპორტი აღარ გამოდის თბილისში. კეთილი მგზავრობა, ალექს!

გაყინულმა ასე მოვჩხაპნე ჩვენი საამაყო ფორუმის სახელი

VANO · Post by **VANO** » 24 აგვ 2009, 19:08

ხოდა ისეთი დანგრეულ-დალეწილი ვარ რო გატოკება მეზარება

რობოტივით დავდივარ.

მდგომარეობიდან მეორე მდგომარეობაში გადასვლა არ შემიძლია ანდა თუ გადავედი ვაი ასეთ გადასვლას

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS