სვანეთობა 2008

ARCHILI · Post by **ARCHILI** » 01 აგვ 2008, 15:39

მინდა მოგიყვეთ ერთ-ერთი ყველაზე შესანიშნავი დღის შესახებ...

ეს დღე წამოსვლის წინა იყო...

ჩვენი გუნდი ამ დღეს ორ ნაწილად დაიყო:

1. თამარიონ-ლამარიონის ალიანსი
2. სამი მუშკეტერი - სერგი, მონადირე და არჩილ-აბალდუი;

მოკლედ, თამარიონ-ლამარიონი იმ დღეს ლატალ-ლენჯერში გაეშურა ტაძრებისა და ისლამის მოსანახულებლად, ხოლო ჩვენ - სამი მუშკეტერი მესტიის მთაზე წავედით, ხოლო იქიდან კი ქობულდის თუ ქორულდის ტბებზე...

სვანეთის ყველა გზა ლამაზია და ყველა მთას განსაკუთრებული ხიბლი აქვს, თუმცა, ამ მთას მაინც განსაკუთრებულად საინტერესოდ მივუყვებოდით...

გზაში ძალიან ცხელოდა და ჰაერიც რომ იტყვიან იმდენად ცოტა იყო, მორიგეობით ვსუნთქავდით...

ამას გარდა, ჩრდილის სერიოზული დეფიციტი შეიმჩნეოდა ბილიკებზე და სადაც ხის ჩრდილი ეცემოდა ხოლმე, ყველგან ვისვენებდით...

ARCHILI · Post by **ARCHILI** » 01 აგვ 2008, 15:44

ჩვენ უფრო და უფრო მაღლა ავდიოდით;

რა ხედებიც არის, თავად შეაფასეთ...

ARCHILI · Post by **ARCHILI** » 01 აგვ 2008, 15:51

ისეთ ადგილას ავედით, სადაც ადრე ჯვარი იდგა, მაგრამ ჩვენ ეს ჯვარი წაქცეული დაგვხვდა.

ამ ადგილიდან მთელი სვანეთი ხელისგულივით მოჩანდა, ოღონდ ძალიან შორს იყო... შოოოოოორსსსს... და ისე დაბლა

ARCHILI · Post by **ARCHILI** » 01 აგვ 2008, 15:55

ჩვენ კი ისევ და ისევ ზემოთ ავდიოდით, ხომ იცით, ჩვენი ამბავი, ერთ ადგილას ვერ ვჩერდებით ხოლმე...

მხურვალებამ და უჰაერობამ ცოტა შეუძლოდ კი გამხადა, მაგრამ... აბა, ბავშვებს ხომ არ მივატოვებდი...

ხედები კი უფრო და უფრო ლამაზდებოდა, მზეც უფრო და უფრო გვაჭერდა...

უუუუჰჰჰ.... ახლაც მცხელა, რომ მახსენდება...

ARCHILI · Post by **ARCHILI** » 01 აგვ 2008, 16:00

ჰოდა... გადავედით ალპურ ზონაში... ამას ჯერ ბალახებით მივხვდით, მერე სიცხით, მერე ვიღაც მწყემსმაც გვითხრა ეგრეაო...

ვსუნთქავდით სამ წუთში ერთხელ, მეტის ლიმიტი არც გვქონდა...

მე დიდ ფოთლებს რომ ვიპოვიდი, გველივით ჩAვუსრიალდებოდი ხოლმე ძირებში...

დიდ ქვას რომ დავინახავდი, ხომ სიხარულს საზღვარი აღარ ჰქონდა, ძირში ვეტენებოდი... მისი ჩრდილი, ცხადია, საკმარისი არ იყო და ვიყავი ერთ ამბავში...

სამაგიეროდ, ხედებით მიღებული შთაბეჭდილება აკომპენსირებდა ჩემს შეუძლოდ ყოფნას...

ARCHILI · Post by **ARCHILI** » 01 აგვ 2008, 16:04

რაღაც ადგილი მოვიძიეთ, ჩრდილი ჰქონდა ადამიან-ნახევარი, მე და სერგიმ გადავინაწილეთ...

ირაკლი ცოტა ზემოთ დაბრძანდა, მზის შვილი ვარ მეო და თავად მოგცემთ ჩრდილსო...

ჰოდა დაჯდა...

სერგიმ გაგრილების ახალი იდეა დაამუშAვა და წამსვე პრაქტიკულად განახორციელა...

ARCHILI · Post by **ARCHILI** » 01 აგვ 2008, 16:05

შემდეგ სერგიმ იდეა წარმოთქვა - მშიაო...

იდეა წამსვე ავიტაცეთ:

ARCHILI · Post by **ARCHILI** » 01 აგვ 2008, 16:13

მერე ცოტა ოდენ ზემოთ "თოვლები" დავინახეთ...

კიდევ გვშიოდა, მაგრამ გზა გავაგრძელეთ...

ARCHILI · Post by **ARCHILI** » 01 აგვ 2008, 16:15

პოზიორობის ხასიათზეც მოვედით:

ARCHILI · Post by **ARCHILI** » 01 აგვ 2008, 16:21

კიდევ გავაგრძელეთ გზა...

ეს რამდენი "გზები" ყოფილააა...

აღარ და აღარ მთავრდებოდა რა... მაგრამ რა გზები იყო სამაგიეროდ... რა პეიზაჟები, რა ფერები...

სულ ჩვენი მეგობრები გვახსენდებოდა, ასფალტ-ასფალტ რომ დადიოდნენ და "დენის სტოლბებთან" რომ იდგნენ, ჩვენ კი პირდაპირ დედაბუნება გვიკრავდა გულში...

რას იზამთ, ასე იყოფიან ადამიანები, ზოგი ასფალტზე დადის და ზოგიც მთა-მთა, ბილიკებზე

ARCHILI · Post by **ARCHILI** » 01 აგვ 2008, 16:27

2700 მეტრს რომ მივუახლოვდით, საღამომშვიდობისაც გვითხრეს მთებმა: უშბამ, თეთნულდმა და კიდევ სხვებმა...

ოდნავ აგრილდა კიდე...

ჩვენ ვთქვით: ახლა კაცი იგუნდავებდა კიდეცო, გაგვახსენდა რომ სვანეთში ვიყავით და ნასოსისა არ იყოს, მოვითხოვეთ: "მოგვეცი თოვლი!!!!!!!!!!!"

და...

თოვლიც მოგვცეს...

თოვლი რომ დავინახე, ჭაუხები გამახსენდა და "კარავის" დაწერა დავიწყე...

მგონი გამომივიდა და ჩანს, ეს "კარავის" უკვდავსაყოფად!

ARCHILI · Post by **ARCHILI** » 01 აგვ 2008, 16:37

ჩვენ თოვლზე პოზირება გავაგრძელეთ, მალე ყველაფერი სველი გვქონდა, განსაკუთრებით ის ადგილები, რითიც ვჯდებით ხოლმე

ძაააალიან მაგარი იყო:

ჩვენ თოვლის ბაბუის გაკეთება გადავწყვიტეთ, უფრო სწორად მონადირემ გადაწყვიტა, ჩვენ მხოლოდ მხარი ავუბით:

ჩვენი თოვლის ბაბუა

ჩვენ და თოვლის ბაბუა

როგორც გითხარით, ჩვენ ჯერ კიდევ გვშიოდა:

ARCHILI · Post by **ARCHILI** » 01 აგვ 2008, 16:43

გაგვახსენდა, რომ ჩვენ თოვლის კი არა, მიწის შვილები ვიყავით, თან ფეხებში თოვლი რომ ჩაგვივიდა და საჯდომები რომ სულ დაგვისველდა და ა.შ.

უფფ...

რა გაასწორებდა ახლა ამ სიცხეში ეს გუნდაობა...

ჰოდა ისევ მიწას შევუდექით კიდევ უფრო იქით, თან, ცხადია ფოტოებსაც ვიღებდით...

ჩვენთან ერთად მთებიც პოზირებდნენ:

ARCHILI · Post by **ARCHILI** » 01 აგვ 2008, 16:51

მერე იმ მწყემსმა გამოიარა, რომ გითხარით და ირაკლიმ ჰკითხა, ის ტბები სად არის, ჩვენ რომ ვეძებთო?..

მწყემსმა უთხრა - არ ვიციო...

ირაკლიმ თქვა, მესტიაში ნასოსი მოვაცემინე და ამას ტბების ადგილსამყოფელს როგორ ვერ ვათქმევინებო და მერე ჰკითხა: ტბებს თუ ვერ მეუბნები, მაშინ ნასოსი მომეციო...

მწყემსს შეეშინდა და უთხრა, ოღონდ ნასოსი არ მოხსენო და აგერ ას მეტრს რომ გადახვალთ სამი ტბა დაგხვდებათო...

ჩვენც იქით გავეშურეთ და სამივე ტბა ვიხილეთ:

ეს ფოტო ცაზე არ გეგონოთ გადაღებული, ტბის ზედაპირზე გადავიღე

ARCHILI · Post by **ARCHILI** » 01 აგვ 2008, 16:57

ამ პეიზაჟებს, მგონი არც უნდა კომენტარები...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS