ხადას ხეობა - 7.09.08

Int3lig3nt · Post by **Int3lig3nt** » 09 სექ 2008, 22:33

გამოვეფინეთ მიკროავტობუსიდან და ელგუჯას ციხეს შორიდან ვზვერავდით.

ციხის ქვემოთ ტყის ზოლი იყო და ბილიკები არ ჩანდა.
ბევრი აღარ მიძებნია და პირველივე უტყეო აღმართს ავუყევი.
რამდენიმე მომყვა, უმეტესმა ნაწილმა ცოტა მოშორებით დაიწყო ასვლა.

მალე მივხვდი რომ კარგი გზა ვერ შევარჩიე, მაგრამ უკან დაბრუნება აღარ მინდოდა.
თან გოგონები მომყვებოდნენ უკან და თავს ხომ არ შევირცხვენდი

.

ავდიოდი და თან ცოტ-ცოტას ვეხმარებოდი.

ერთ მომენტში საკმაოდ რთული მონაკვეთი შეგვხვდა და კიკის დახმარებისას, დავსრიალდი და კიკიც ქვემოთ ჩავიტანე

.
საბედნიეროდ, არაფერი არ გვიტკენია

.
შემდეგ ტყეში შევიდა ბილიკი და იქ აღარ გაგვჭირვებია.
თავისუფლად შეიძლებოდა ფესვებზე და ტოტებზე მოჭიდება.
რთულ ადგილებში თამაზი და ზურა_ნ იდგნენ და ეხმარებოდნენ გოგონებს.

ციხესთან რომ ავედი, ცოტა გამიკვირდა... ელგუჯას ციხე ქვემოდან პატარა მოჩანდა. მეგონა მაქსიმუმ 2-3 მეტრი იქნებოდა სიმაღლეში და 6-7 სიგრძეში.
დადეს უკვე სურათები და აღარ დავდებ გარეთა ხედს.

ჩემს წინ კი 20-25 მეტრამდე სიგრძის და 9-10 მეტრი სიმაღლის კედელი აღიმართა, რომელიც კლდეში ბუნებრივად გამოკვეთილ გამოქვაბულს (ასე ეძახიან, თორე დიდად არ ჰგავდა) ფარავდა.
შესასვლელი გვერდიდან იყო.

უმეტესობა უკვე შესულიყო, ათვალიერებდნენ.

შიგნით სივიწროვე იყო.
ჩემი აზრით, საკმაოდ მოუხერხებელი ინტერიერი ჰქონდა.
ძალიან მაინტერესებს რა ხდებოდა ამ ციხეში ძველად

.
ნეტა მხოლოდ თავის შესაფარებლად იყენებდნენ?
ისე ერთი 50 ადამიანი კი დაეტეოდა ალბათ... მეტიც (თუ ვცდები?).

ციხეს მეორე ბოლოში, შედარებით დაბალი კედელი ჰქონდა. ზემოთ თავისუფალი სივრცით.
ადვილი შესაძლებელია, თავიდან იქიდან იყო შემოსასვლელი.

რამდენიმე კარაველი ზედ აბობღებულიყო და გარემოს ათვალიერებდნენ.

სხვები კი ქვემოთ იდგნენ და მათ ჩამოსვლას ელოდებოდნენ, რომ თავადაც ასულიყვნენ.

შენიშვნა:
იქ ყოფნისას კინაღამ ცუდი რაღაც შეგვემთხვა.
ზემოდან დიდი ქვა ჩამოვარდა და ქვემოთ მდგომ გოგონებს სულ ცოტათი ასცდა.
ასე, რომ გაითვალისწინეთ, ზემოთ ასვლისას ფრთხილად იყავით.

Int3lig3nt · Post by **Int3lig3nt** » 09 სექ 2008, 22:35

ამ ფოტოში წესით ხედიც უნდა გამოჩენილიყო, მაგრამ ისეთი სივიწროვე იყო, მხოლოდ ბნელი სახეები გამოვიდა.
ფოტოშოპში ცოტა გავანათე.

თვალიერებით რომ გული ვიჯერეთ, კეშის ძებნა დავიწყეთ (უფრო სწორად, დაიწყეს, მეც ზემოთ ვიყავი აბობღებული).
ვიცოდით, რომ ციცინოს ქვეშ უნდა გვეძებნა. ბევრნი კი ვიყავით, მაგრამ მაინც გაგვიჭირდა. ამხელა კედელში ციცინოს სახელიანი ქვის მოძებნა არ გინდოდა

?
ახლა დროებს ვუყურებ ფოტოებზე და ჩემი შესვლიდან 15 წუთშია ნაპოვნი კეში. 15 წუთი მართლა არ გვიძებნია, მაგრამ რაღაც დრო მაინც დაგვჭირდა.

კეში ნაპოვნია

საქმეში ლამა ჩაერთო. ამოწმებს, ყალბი ხომ არ არის

.

სხვა ვერაფერი მოვიფიქრეთ და ჩვენი სია ჩავდეთ კეშში

მირანდამ მგონი რაღაცეები მიაწერა.
იმედია დაწერს, რომ მოვა

.

Int3lig3nt · Post by **Int3lig3nt** » 09 სექ 2008, 22:48

აი ჩემი სურათების ბმულიც.

ნუ დამძრახავთ, არც მე ვარ კმაყოფილი ჩემი ფოტოებით

.

http://allshares.ge/download.php?id=A4E9585816

პაროლი: jiguli

რატომ jiguli? რა ვიცი, მარიტას ჰკითხეთ

.

pataputina · Post by **pataputina** » 09 სექ 2008, 23:24

მმმ

ვერ გადმოვიწერე

კი არა და

გადმოვიწერე

და

არ გახსნა

ჭირი იქა, ლხინი აქა?........

მმმ

Int3lig3nt · Post by **Int3lig3nt** » 09 სექ 2008, 23:39

pataputina
ახლიდან რომ სცადო?
500 მბ-მდეა და თუ მალე გადმოწერა, ე.ი. რაღაც პრობლემაა.

ციხიდან ნელ-ნელა ნაწილ-ნაწილ დავეშვით.

გზად რამდენიმე თხილი მოვგლიჯე და გავტეხე. უკვე ჰქონდა გული და დრო რომ გვქონოდა, შეიძლებოდა დაკრეფა.

რომ ჩავედი, კარაველები დაფანტულები დამხვდნენ. ზოგი მიკროავტობუსებთან იდგა და ცეხეს შესცქეროდა, ზოგი მდინარესთან იყო გასული და გრილდებოდა.

სანამ ყველა მოვგროვდებოდით, დრო გვქონდა საკმარისი და მფრინავი თეფშის ასაღებად ვაპირებდი შესვლას მიკროავტობუსში, რომ უცებ მწვანე, გიგანტური კალია შევნიშნე კარებთან (არ ვიცი მე შევნიშნე თუ ვინმემ დამანახა).

ორი კადრი გადავუღე. სხვაგან სადმე რომ მჯდარიყო, არ მოვეშვებოდი, მაგრამ მიკროავტობუსის ფონზე, დიდი ვერაფერი ფოტოები გამოვიდოდა

ნეტა, ეს ხმალივით რაღაც რომ აქვს კუდის ნაცვლად, თუ იყენებს რამეში?!
ან როგორ იყენებს?

მფრინავი თეფში გამოვაჩინე და თამაშის მსურველებიც გამოჩნდნენ.
ამ თამაშისთვის საკადრისი ფართი არ გვქონდა და კინაღამ თავ-პირი წავიმტვიე, მაგრამ ცოტა ხო მაინც გავერთეთ.

შუა თამაშში, ნაიას მესიჯი მოვიდა, ჩვენი ამბავი აინტერესებდა

.

12 საათისთვის ყველანი ჩამოვიდნენ.
მდინარედანაც ძლივს გამოვიხმეთ ჩვენები და ჩავსხედით მანქანებში.

ამჯერად ვანსკიმ იყოჩაღა და ლამა ჩვენს მიკროავტობუსში გადმოვსვით. მას ბონუსად გურულიც მოჰყვა

.
თითქოს სიმღერას აპირებდნენ, მაგრამ მერე გადაიფიქრეს.

Int3lig3nt · Post by **Int3lig3nt** » 10 სექ 2008, 00:04

შემდეგი გაჩერება მჟავე წყლები იყო, რომელიც ელგუჯას ციხედან 5 წუთის სავალზეა მანქანით.

ამ ზაფხულს ვიყავით რამდენიმე ადამიანი ხადას ხეობაში ორი დღით, მაგრამ სულ წვიმდა და ნორმალურად ვერ ვნახეთ ვერაფერი.
ჰოდა რას მოვაყოლე ახლა ეს... იმ ლაშქრობაში, მეორე დღეს გამოვიარეთ ფეხით ეს ადგილები.
იმდენად ვიყავით წვიმისგან შეწუხებულები, რომ არც მჟავე წყალი დაგვილევია და ვერც ელგუჯას ციხე ვერ შევნიშნეთ...
მართალია ჩვენი ნებით არ შემოგვიტოვებია, მაგრამ კარგია ლაშქრობაში რაღაცას რომ შემოიტოვებ მომავლისთვის

.

მჟავე წყალი ბეტონის დახურული აუზიდან გამოდიოდა, მწვანე მინდორს ჟანგისფერ დაკლაკნილ ხაზად კვეთდა და რამდენიმე ათეულ მეტრში მდინარეს უერთდებოდა.

ახლა ვფიქრობ, კარგი იქნებოდა გადამეღო, როგორ შედის ეს მჟავე წყალი მდინარეში, ქვების ნაწილი რომ იქნებოდა შეფერილი და ნაწილი არა.
სამწუხაროდ როცა ბევრი ხალხია და რაღაცაზე ან ვიღაცაზე მაქვს ყურადღება მისაქცევი, ფოტოების გადაღება სულ აღარ მახსენდება ხოლმე.
ან ისე არ მახსენდება, როგორც საჭიროა

.
ვეძებ და არც მჟავე წყლის დინების ფსკერი არ მქონია გადაღებული

.

ჩემი პლუსი, თამუ
უკანა პლანზე თამაზი მიხვდა, საიდან ახსოვს ლამა.
ქიზიყში (სწორად მახსოვს?) ისრები ისროლა და მერე ლექსი თქვაო

.

წყალთან დეგუსტატორთა რიგი იდგა

მარიტამ, არ ვიცი რამდენი, მარა ზოგმა 2-3 ჭიქა დალია

.
მე ერთი ყლუპი მოვსვი მხოლოდ, დიდი მოყვარული არც ბორჯომისა არ ვარ.

ანი ფიქრობს, დილით მაინც მოვსულიყავი და რიგი დამეკავებინაო

ვისაც რიგში დგომა არ უნდოდათ, მოშორებით დასხდნენ და ტერიტორიის დაცარიელებას ელოდებიან.

თეო ურიგოდ არ გაუშვეს და ლამა ამშვიდებს

წყლებთან 10-15 წუთი გავჩერდით.

წამოსვლისას ეს კლდე გადავიღე, რომელიც მართლა ჰგავს ლომის თავს და რომელიც ამ ზაფხულს ვერ შევნიშნე.

მეტი დრო აღარ იყო, გზა უნდა გაგვეგრძელებინა.
ჩავსხედით ისევ მიკროავტობუსებში და თურმე სულ ტყუილად.
სულ რაღაც ორმოცდაათ მეტრში, უკვე ჩანგრეული ხიდი იყო.

Int3lig3nt · Post by **Int3lig3nt** » 10 სექ 2008, 00:53

თუმცა რა ჩანგრეული... ძველი ხიდიდან არაფერი აღარ იყო დარჩენილი.
ხის მორებიანი ხიდი იყო გადებული და ეგეც თავის თავს ძლივსღა იჭერდა.
ზაფხულში ბევრად უკეთეს მდგომარეობაში იყო.

გადავედით ხიდზე და აქ იწყებოდა ტანჯვა.
კაი დიდი მანძილი, სქელი ტალახის ზელვა მოგვიწევდა...
ეს მიწა მდინარემ ჩამოიტანა და ზაფხულშიც კი ვნახეთ, ოღონდ მაშინ ცხელოდა და დამშრალი იყო.

ბევრი ჩვენგანის ფეხსაცმელი აი ასე გამოიყურებოდა.

თუმცა იყვნენ ისეთებიც, ვისაც ოდნავადაც არ დაუსვრიათ ფეხსაცმელი

.

მშურს ასეთი ხალხის

.
ფეხსაცმელს რა უჭირს, ისეთი ბატიფეხური (თუ ეს მხოლოდ წერაზე ითქმის?) სიარული ვიცი, შარვლის ტოტებსაც კი ვისვრი კოჭებს ზემოთ.

ერთი ის მახარებდა იმ მომენტში, რომ საცაა ჩანჩქერი უნდა გამოჩენილიყო.
გავხედე და ვინ შეჭამა ჩანჩქერი? მზემ შეჭამა ჩანჩქერი.
ჩანჩქერი დამშრალიყო და წვრილადღა მოწანწკარებდა საცოდავად

.

არადა ისეთი მივახარე ჩვენებს, ახლა ჩანჩქერი გამოჩნდებაო...

ახლა ვეძებდი და სურათიც კი არ გადამიღია, ისეთი იმედგაცრუებული ვიყავი.
მეზარება თორე ზაფხულის ფოტოს ამოვქექავდი.

აი ამიგოს ფოტოებში ვნახე და დავდებ.
მჯერა, წინააღმდეგი არ იქნება

.

ხალხის ნაწილი წინ იყო წასული და გავძახე, გაჩერებულიყვნენ.

მართალია, როცა ბევრი ხალხია, ძნელია ყველამ ერთი ტემპით იაროს, მაგრამ ჯგუფებს შორის დიდი მანძილები ძალიან არ მომწონს.

არ მომწონს ისიც, რომ ორი მიკროავტობუსით ვიმგზავრეთ

.
კარგი იქნებოდა, ყველა ერთად ვყოფილიყავით და ერთად გვემხიარულა.

როგორღაც მოვგროვდით და დავიძარით, მაგრამ მაინც დავიფანტეთ.

ყოჩაღი გოგონები - თეო და ნინი მოკლე გზებს ეძებდნენ, რომ მალე ასულიყვნენ.
გურულიც კაი ტემპით დადის თურმე:).

აღმართები იყო, მაგრამ რთული არა.
ნორმალურად მოსიარულე ადამიანი, უპრობლემოდ აივლიდა.
სამოკლეები შედარებით რთული იყო, მაგრამ ბევრ დროს იგებდი სამაგიეროდ.

MIRANDA · Post by **MIRANDA** » 10 სექ 2008, 01:28

Int3lig3nt wrote:თუმცა იყვნენ ისეთებიც, ვისაც ოდნავადაც არ დაუსვრიათ ფეხსაცმელი .

მაგალითად, მე

nataliko-nataliko · Post by **nataliko-nataliko** » 10 სექ 2008, 08:16

Int3lig3nt

მაგარი ფოტოებია. ხომ იცი როგორ მინდოდა წამოსვლა?!

ZVIOSULI · Post by **ZVIOSULI** » 10 სექ 2008, 10:48

Int3lig3nt wrote:

შენიშვნა:
იქ ყოფნისას კინაღამ ცუდი რაღაც შეგვემთხვა.
ზემოდან დიდი ქვა ჩამოვარდა და ქვემოთ მდგომ გოგონებს სულ ცოტათი ასცდა.
ასე, რომ გაითვალისწინეთ, ზემოთ ასვლისას ფრთხილად იყავით.

ჩამოვარდა არა, ზვიომ ძრომიიალი მოინდომა და ერთერტ 7 კილოან ქვას ფეხი რომ დაააადგა.... საღოლ გოგოების რექციას, ის 1 ნაბიჯი რომ არ გადაედგათ .... აშკარად სიკვდილს გადაურჩნენ ან რაიმე მსგავსს

ასე, რომ რამდენჯერ გითხარით, ცემნაირი დაცენტრილები ნუ დაგყავთ სადაც ბევრი ხალხია....

ჩემს გარშემო ადამიანთა რაოდენობის ზრდის პროპორციულად იზრდება მათი ფქიქოლოგიური ფიზიკური მოშლილობის ალბათობა

guruli · Post by **guruli** » 10 სექ 2008, 12:22

Int3lig3nt

ქიზიყში (სწორად მახსოვს?) ისრები ისროლა და მერე ლექსი თქვაო

ქიზიყში არ, ეგ ლავანში იყო - ზეზვაობაზე.
ჰოდა, ჩვენი მძღოლები მეც მომეწონნენ და სიაში მათ დამატებას მეც ვემხრობი.

Int3lig3nt · Post by **Int3lig3nt** » 10 სექ 2008, 12:42

guruli

ქიზიყში არ, ეგ ლავანში იყო - ზეზვაობაზე.

ჰო, ეგაა, მე ვერ დავიმახსოვრე სწორად

.

lama · Post by **lama** » 10 სექ 2008, 12:44

Int3lig3nt wrote:guruli
ქიზიყში არ, ეგ ლავანში იყო - ზეზვაობაზე.
ჰო, ეგაა, მე ვერ დავიმახსოვრე სწორად .

ლავანში

არა

ალბათ

ალვანში ხომ?

Int3lig3nt · Post by **Int3lig3nt** » 10 სექ 2008, 12:47

lama

ლავანში

არა

ალბათ

ალვანში ხომ?

ჰო რა

.

Naia · Post by **Naia** » 10 სექ 2008, 13:50

Int3lig3nt
შარშან ჩვენც სექტემბრის დასაწყისში ვიყავით ხადაში და ეგ ჩანჩქერი ჩვენც დამშრალი დაგვხვდა

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS