მეაც გავთუშდ, მეაც...

უკვე შემდგარი ლაშქრობების შესახებ

Moderators: Kakha, Druides, Ketevan Guliashvili, Mta Mkvarebia, Kakha, Druides, Ketevan Guliashvili, Mta Mkvarebia, Kakha, Druides, Ketevan Guliashvili, Mta Mkvarebia, Kakha, Druides, Ketevan Guliashvili, Mta Mkvarebia

ახალი თემის შექმნა
პასუხი თემაზე
User avatar
guruli
იეტი
Posts: 6820
Joined: 27 ოქტ 2005, 17:38
მეაც გავთუშდ, მეაც...

Post by guruli » 06 აგვ 2008, 22:47

მოკლედ, მოვრჩეთ მასხარაობას (ნუ - ეს მხოლოდ მე შემეხება) და საქმეზე გადავიდეთ. არავითარი ცოლი-მოლი და არავითარი კესელოები - გუშინ საღამოს ფდავბრუნდი თუშეთიდან, სადაც 4 დღე გავატარე, დავესწარი ჟველურთის დღეობას და იმის მიუხედავად, რომ წლეულს ვერც კესელოებ მოვიხილ და ვერც ხითანობას დივესწარ (რაიც ძლიერ მწადოდა), მაინც უზომოდ კმაყოფილი, მაგრამ დაღლილ-დაქანცული დავბრუნდი. არადა, რამ დამღალა, მეაც მეტაი გამკვირვებია - მთელი გუშინდელი დღე გზაში კი გავატარე და დაღესტანის საზღვრებიდან მოყოლებული, კამაზიდან დაწყებული, ათასნაირი ტრანსპორტი გამოვიცვალე, მაგრამ კაბინაში ვიჯექ, ძარაზე არ ვმდგარვარ მთელ ისთ გზაი და იგრ საშინლად არ უნდ დავღლილიყავ, როგორც რომ დღეს ფეხზე დგომაი მეძნელების.
...რადგანაც საქმე რეგიონს ეხება, ლაშქრობის დადგენილ წესებს ცოტათი დავარღვევ და გეტყვით, რომ ადმინისტრაციულად ახმეტის რაიონში გახლდით, გეოგრაფიულად კი კავკასიონის მთავარი წყალგამყოფი ქედის გადაღმა. ძლიერ მწადოდა, იქ კარაველებთან ერთად წავსულიყავ, მაგრამ მხარ არავინ ამიბით, თუმცა მერე კი დაინტერესებულან ინტელა და სხვანი. ამიტომ გადავწყვიტე, ამჯერად ჩემს რძალს და ბიძაშვილის ბავშვს გავყოლოდი ჟველურთას, სადაც ჩემი რძლის ოჯახი შულტა ანუ დღეობების მასპინძელი იყო. ესაა ათენგენობის დღესასწაულები, რომლებიც აღდგომიდან 100-ე დღეს იწყება და ყველა სოფელში ცოტათი განსხვავებულ დროს ტარდება, იშვიათად კი ემთხვევა ერთმანეთს. სამაგიეროდ, ძლიერ განსხვავებულია წესები. აქვე ისიც თქვათ, რომ ესაა ადგილობრივი მთის სალოცავების დღეობა და არა ქრისტიანული ტაძრებისა, რომლებიც თუშეთს ისედაც ძრიელ ცოტაა და უფრო ახლა აშენებენ.
ჯერ თბილისიდან გავემგზავრე ახმეტისავე სოფელ ქვემო ალვანში. მარშუტკები გადიან ორთაჭალის სადგურიდან. ალვნისაკ ბოლო რეისი 16,30-ზეა, თუმცა ახმეტის მარშუტკებიც ფულის დაუმატებლად ჩაგაცუნცულებენ იქ. მგზავრობა 8 ლარი ღირს. ალვნითაი უპრობლემოდ შეიძლება მთისაკ წასვლა, რადგან სოფლი ცენტრში იქაური ტაქსები - ნივები, ჯიპები და ამგვარები დგანან და ნადირობენ ტურისტებზე. მგზავრობა ომალომდე 200 ლარი ღირს, მაგრამ თუ დაევაჭრებით, ეგებ, 20-ოდე ლარი დააკლებინოთ, მაგრამ მეტზე ნუ იოცნებებთ. ომალოს იქით თუ გინდათ გამგზავრება, 50 ლარის დამატება მოგიწევთ. მაგრამ მე მათი დაქირავება არ მჭირდებოდა, რადგან ჩემი ბიძაშვილის ქვისლს მივყვებოდით ყველანი კამაზით. მთელი ის მშვენიერი გზა ამ კამაზით ავიარეთ და მშვიდობიანად ავედით პირველ სოფელში - ჭალაში. იქიდან კამაზი ომალოში უნდა გასულიყო და მერე უნდა ამოსულიყო ჟველურთაში. ამიტომ ბარგი იქ დავცალეთ და დაველოდეთ, კამაზი კი ომალოში წავიდა. ჩვენი ანგარიშით, სადღაც სამი საათი დააგვიანდებოდა, მაგრამ გაუთვალისწინებელი მიზეზის გამო, დაღამებამდე ვერ დაბრუნდა და რომ იტყვიან, დავმჟავდით ლოდინით.
P.S. ხვალ გავაგრძელებ, მანამ კი კითხვები დამახვედრეთ - ვიცი, ბევრი რამე გაინტერესებთ. :wink:

User avatar
Mta Mkvarebia
მარგალიტი
Posts: 9960
Joined: 23 აგვ 2007, 12:23
Location: ღრუბელზე ვზივარ, მთას ვუცქერ
მეაც გავთუშდ, მეაც...

Post by Mta Mkvarebia » 06 აგვ 2008, 23:01

guruli
პირველი კითხვა კი არადა საყვედური, აფსუს რა იმედი გვქონდა 9 თვის თავზე ბალღ მოვუნათლავთთქო :wink: :D

მეორე კითხვა- 200 ლარი მარტო აყვანა ღირს ალბათ, არა? და რამდენ ადგილიანი ტაქსები იყვნენ? ანუ საშუალოდ მარტო ერთ ადამიანს რა დაუჯდება თუშეთში ასვლა-ჩამოსვლა?

მესამე კითხვა- ორეთის ტბაზე ხომ არ ყოფილხარ? და რა მდგომარეობაშია ტბისკენ გზები, შეიძლება ასვლა?

მოკლედ, სულმოუთქმელად ველოდებით რეპორტაჟის გაგრძელებას. იმედია, ფოტოებიც გადაიღე :) .

მეოთხე კითხვა კი არადა საყვედური :wink: - აბა, სერთიფიკატიანი თუში სასიძო მწყემსებიო.... :( :wink: :lol:
Image

User avatar
guruli
იეტი
Posts: 6820
Joined: 27 ოქტ 2005, 17:38
მეაც გავთუშდ, მეაც...

Post by guruli » 06 აგვ 2008, 23:13

Mta Mkvarebia
მეორე კითხვა- 200 ლარი მარტო აყვანა ღირს ალბათ, არა? და რამდენ ადგილიანი ტაქსები იყვნენ? ანუ საშუალოდ მარტო ერთ ადამიანს რა დაუჯდება თუშეთში ასვლა-ჩამოსვლა?
კი, მარტო აყვანა. ჩამოსვლაც იგივეა, მაგრამ თუ იქ ისეთს დაემგზავრები, ვინც მგზავრი აიყვანა და უკან ცარიელი მოდის, მაშინ ნაკლებიც დაგიჯდება - კაცი - 20 ლარი. მაგდენივე ღირს კამაზებზე გაყოლაც - ბარიდანაც და იქიდანაც, მაგრამ ეგენი ყოველთვის არ დადიან.
მესამე კითხვა- ორეთის ტბაზე ხომ არ ყოფილხარ? და რა მდგომარეობაშია ტბისკენ გზები, შეიძლება ასვლა?
კი, როგორ არა. სავსებით თავისუფალია. ლობო იყო მანდ.
აბა, სერთიფიკატიანი თუში სასიძო მწყემსებიო....
ეგენი ძალაშია, ადამიანო... ისეთები ავარჩიე, ძაანაც რომ გინდოდეთ, წუნს ვერ დასდებთ, მაააშ!!! :) :)
ფოტოები მე არ გადამიღია, მაგრამ სხვების აპარატებით ვიღებდი და მომაწვდიან რამდენიმე დღეში...

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
მეაც გავთუშდ, მეაც...

Post by Archil » 07 აგვ 2008, 01:20

guruli

ნამეტნავად კაი ამბოვში ყოფილხარ ძამა და ცოდოა ხარ მარტუა რომ წახვედი, რას იზამ, ხდება ამფერი ამბავიც ხოლმე და.. სხვა დროს არ გამოგვაპარო მაი ამბავი, არ ქნა მარტუამ, კაი?

ჰოდა რას გიჩიოდი, აქანე თავისი წესები ქონიათ და მიყევი მასთე.. თვარა დაგიწყებენ მერე ისაო და ესაო და.. ქე იცი აქაური ამბოვი....

ჰოდა ენაზე რაი მოგივიდა? რაცხა სხვაფრად უქცევ და...

ისთე, ამასწინობას ქე მომიწია გავლა ჩვენ მხარესკენ და იმისთანა მშვენიერი ყოფილა ეს დალოცვილი ჩვენი მხარე, გაგიკვირდება პირდაპირ, სასტაული ხილული....

კაი ძამა, ქენი რაფრაც გაგიხარდება და მე ქე მოგისმენ და....
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
bela
მაწანწალა
Posts: 553
Joined: 14 ივნ 2008, 20:27
მეაც გავთუშდ, მეაც...

Post by bela » 07 აგვ 2008, 02:23

guruli

ენა კი აგითვისებია და ცოლის მოყვანამდე მაქედან ერთი ნაბიჯია...
რეპორტაჟის გაგრძელებას ველოდები კი არადა, სული მეპარება წინ წინ...

ისე, მე ის ვარ, ვისაც წამოსვლა ყველაზე მეტად უნდოდა :cry:

User avatar
ლობო
იეტი
Posts: 1587
Joined: 27 ოქტ 2006, 18:18
Location: Tbilisi
Contact:
მეაც გავთუშდ, მეაც...

Post by ლობო » 07 აგვ 2008, 11:44

guruli
heh mec tushuri akcenti avikidesavit ik :D vah kvelaze zneli dabruneba tushetidan dabrunebaa :D rafraza davde! :lol:
"ETOT QABAB NASH!!!"

User avatar
guruli
იეტი
Posts: 6820
Joined: 27 ოქტ 2005, 17:38
მეაც გავთუშდ, მეაც...

Post by guruli » 07 აგვ 2008, 15:21

Archil - თავიდანვე ვტქვი, რომ რადგან საქმე რგიონს ეხებე და არა კონკრეტულ ადგილს, ამიტომ ცოტა დავარღვევ აღწერის წესებს-მეთქი. აბა, როგორ გითხრათ ახლა, თუშეთში სადაა საბანაკაე ადგილები ან სასმელი წყალი? ეგ ხომ ყოველ ნაბიჯზეა... და გაპარვით კიდე არსადაც არ გავპარულვარ - შეგიძლიათ ნახოთ იდეებში ჩემი გახნილი თემა.
და გურია რომ ლამაზი, სიცოცხლის სამოსახლო და სამყაროს გულია, ეგ აქამდეც უნდა გცოდნოდა.
ლობო - მაშ შენაც? :lol: :lol:
bela - საღამოთი გავაგრძელებ, თუ მივიცალე.

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
მეაც გავთუშდ, მეაც...

Post by Archil » 08 აგვ 2008, 02:16

guruli

გათუშებულხარ, გათუშებულხარ.... აწი ნიკიც რომ შეიცვალო, არ გამიკვირდება...

ამბავი მაინც მოყევი....
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
guruli
იეტი
Posts: 6820
Joined: 27 ოქტ 2005, 17:38
მეაც გავთუშდ, მეაც...

Post by guruli » 08 აგვ 2008, 02:38

Archil
ამბავი მაინც მოყევი....
არჩილ, გუშინ გავედი ახალ სამსახურში და ისევ დამეწყო ძველებური ჯახადირი. ახლაც სამსახურში ვზივარ და ველოდები, როდის წამიყვანენ. დღეს თავიდანვე ვიცოდი, რომ აქ დასაწერად ვერ მივიცლიდი. ხვალ დილით უფრო მივიცლი.

ახალი თემის შექმნა
პასუხი თემაზე

FORUM_PERMISSIONS

You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum

ახალი წერილი ახალი წერილი    ახალი წერილი არაა ახალი წერილი არაა    ანონსი ანონსი
ახალი წერილი [ ცხარე ] ახალი წერილი [ ცხარე ]    ახალი წერილი არაა [ ცხარე ] ახალი წერილი არაა [ ცხარე ]    თვალშისაცემი თვალშისაცემი
ახალი წერილი [ დაკეტილია ] ახალი წერილი [ დაკეტილია ]    ახალი წერილი არაა [ დაკეტილია ] ახალი წერილი არაა [ დაკეტილია ]