ნეკრესი, ანუ კახეთო ჩემო კახეთო 9 სექტემბერი 2007 წელი

უკვე შემდგარი ლაშქრობების შესახებ

Moderators: Kakha, Druides, Ketevan Guliashvili, Mta Mkvarebia, Kakha, Druides, Ketevan Guliashvili, Mta Mkvarebia, Kakha, Druides, Ketevan Guliashvili, Mta Mkvarebia, Kakha, Druides, Ketevan Guliashvili, Mta Mkvarebia

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Archil » 10 სექ 2007, 14:39

დედულეთი კახეთში მაქვს, სოფელი შილდა. ეს სოფელი დიდი ხანია კახეთის ფოსპოსტია და უმთავრესად ლეკების შემოსევებს უმკლავდებოდა. სოფელი 20 ათასზე მეტ მოსახლეს ითვლის და ბუნებრივია მნიშვნეოვან სამხედრო ძალასაც წარმოადგენდა. თანაც იცით კახელების ამბავი, მაგენი თუ დადგნენ ერთ ადგილას, სულამც რომ გაწყდნენ, უკან დახევა აზრადაც არ მოუვათ. ეგეთი ზნე და ჩვევა აქვთ. ურთიერთობაში სიყვარულით სავსენი არიან და ადამიანი მოყვარედ მიაჩნიათ და ადვლად ვერ იმეტებენ სამტროდ. ბოროტება რომ გაუკეთო, მაინც სუფრასთან დაგიძახებს, ერთი ჭიქა დაგვილიე და ისევ სიყვარულის მორევში ჩაგითრევს. მაგრამ თუ შენი საშველი არაა, მაშIნ ერთს დაგკრავს და გაგათავებს - ამის გამოსწორება არ იქნაო, იტყვის დამწუხრებული მერე. ერთი სიტყვით კარგი ხალხია.

ნათესავებს მიზეზი გამოუჩნდათ (გამოიჩინეს) სოფელში წასვლის და იქ ქეიფის მოწყობის. არ წასვლა ყველას მომდურებას ნიშნავდა, ასე რმ უარი ვთქვი ხადას ხეობაზე, დათვისჯვარ-შუაფხოზე და კახეთს გავემგზავრე.

სოფელი შილდა ყვარლის რაიონში მდებარებს, შილდელებს თუ დავუჯერებთ, ილია ჭავჭავაძის სახელი რომ არა, რაიონულ ცენტრად შილდა უნდა აერჩიათ, ილიას მადლმა კი ეგ საქმე გაკეთაო და შილდა ისევ სოფლად დარჩენილა.

შილდა სიტყვა "შლიდა"-სგან გამომდინარეობს. ერთი სიტყვით თამარ მეფე, სხვა ხელმწიფე თუ მდინარე ჩელთი შლიდა, შლიდა ამ სოფელს უფრო პატარა ნაწილებად, მარა ვერ დაუშლიათ, ასე შეერქვა დაუშლელებს შილდა.

შილდის სალოცავი ნეკრესია. გინდა ამერიკაში იყოს, შილდიდან წასული კაცი მაინც ნეკრესის მადლს დაილოცება, იმის მადლი შეგვეწიოსო იტყვის. ნეკრესი გარეგნულად იმდენი არაფერი, მარა მადლი და მნიშვნელობა დიდი აქვს. ამასთანავე მთელს საქრისტიანოში გამორჩეული. მგონი ერთადერთი ადგილია, სადაც ღორი შეეწირება. ამ ისტორიასაც გიამბობთ.

ნეკრესი ერთ-ერთი 13 ასურელ მამათთაგანის - აბიბოს ნეკრესელის ალაგია. ხვდებით რამხელა მადლი აქვს ამ ადგილს. აზერბაიჯანში დარჩენილი ქართული ეკლესიებიც ნეკრესის საეპისკოპოს განეკუთნება. ისტორია ვინც ჩემზე უკეთ იცის, ვთხოვ მის შესახებ მეტი მოყვეს, მე ბევრი არც ვიცი და რაც ვიცი, იმას აქვე მოგახსენებთ.
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
Naia
იეტი
Posts: 7704
Joined: 28 მაი 2007, 12:25
Location: პლანეტა დედამიწა
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Naia » 10 სექ 2007, 14:51

სურათებს დადებ? :)

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Archil » 10 სექ 2007, 14:53

ნეკრესი შილდის გვერდით მდებარეობს. შილდის გადასახვევიდან ყვარლის მიმართულებით 6 კმ, მერე ნეკრესის გადასახვევიდან 2 კმ სამანქანო გზა და 3 კმ აღმართზე უნდა იარო. ნეკრესი აქამდე არ მენახა და გადაწყვეტილი მქონდა, რადაც არ დამჯდომოდა, მაინც მენახა ამ ჯერზე მაინცა.

ბევრი რომ არ გავაგრძელო, კვირას ნეკრესში წამოსვლას ვითომცდა შეპირებული ნათესავები სუფრას რომ მიუჯდნენ, კაი-კაი საჭმელები რომ დაიდგეს წინ და კახური ღვინოც ჩამოისხეს, ბევრი ფიქრი აღარ დამჭირვებია იმის მისახვედრად, რომ მე მაგათი სუფრიდან ამფხიკველი ვერარ ვიყავი. არა, ამის დამალვა არ შეიძლება - ნეკრესის სადღეგრძელო არაერთხელ შესვეს, მე ვითომ ვერიდებოდი დალევას, მაგრამ ნეკრესისას როგორ არ ვიტყოდი და ... მაგრამ მაინც, ავდექი და მარტოკა დავადექი ნეკრესის გზას, თქვენი შემყურე აგერ 35 წელი მისრულდება და ნეკრესი არ მინახავსო... მერე წავიდეთო, ზამთარშიო.. ერთი სიტყვით მარტოკა გავუდექი ნეკრესის გზას.

ნეკრესში ღორი შეეწირება

ამის ისტორია მოკლე და მარტივია. ლეკები შესევიან ნეკრესს. არადა იმ დროს კახელებს იქა ღორები ყოლიათ და მწვადებს გეახლებოდნენ. ეტყობა ხსნილი იყო და... ჰოდა ეს ლეკები მდგარან, მდგარან, ახლოს ვერ მიკარებიან მათთვის უწმინდური ღორებს, უყლაპიათ ნერწყვი მწვადების შიშხინზე და მერე უომრად თავი დაუნებებიათ - არა ძმაო, ჩვენ მაგათი მომრევები ვერა ვართო და დაბრუნებულან სახლში. ასე იხსნენ ღორებმა ნეკრესი აწიოკებისაგან. იმის შემდეგ კახელებს ( მე შენ გეტყვი და არ იციან საუკეთესო მწვადი რისგან მზადდება) ეგრე დაუწესებიათ და ნეკრეს ღორი შეეწირება და არა ცხვარი.

ნეკრესში შობა დღეს - 7 იანვარს უნდა ახვიდეთ. მაგ დღეს მთელი შილდა ნეკრესს მიაწყდება და არის ღორების გამწვადების პროცესი დაჩქარებული ტემპით. ერთმა ნათესავმა მითხრა, შვილიშვილების გადარჩენისათვის მოზვერს შევპირდი ნეკრესო და იმასაც მაგ დროისათვის ზრდის. ასე რომ ყველაზე მნიშვნელოვანი შილდელების ცხოვრებაში შობა დღეა. თუ გინდათ, მოვახერხოთ ერთ შობა დღეს და ვესტუმროთ ნეკრესს, იქიდან მშიერსა და ფხიზელს არავინ არ გამოგიშვებს ძალიანაც რომ მოინდომო
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Archil » 10 სექ 2007, 14:54

Naia wrote:სურათებს დადებ? :)
მაშ არადა (კახურად ;) )
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
ARCHILI
იეტი
Posts: 8437
Joined: 13 ივნ 2007, 13:08
ნეკრესი, ანუ კახეთო ჩემო კახეთო 9 სექტემბერი 2007 წელი

Post by ARCHILI » 10 სექ 2007, 14:54

შილდაში რამენიმე წლის წინ ვისვენებდი, ახლობლები მყავს, მაგარი ხალხი ცხოვრობს, მაგარი პატივი მცეს..

ისე, იმ ორ კვირაში, რაც იქ ვიყავი, სულ ერთი საათი ვიყავი ფხიზელი - ჩასვლის დროიდან პირველი საათის განმავლობაში!!!

:D
Image

User avatar
lama
იეტი
Posts: 12572
Joined: 03 მაი 2004, 13:46
Location: ისნის კარავი
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by lama » 10 სექ 2007, 14:56

შილდაში მღერის დედას ლევანა
და ართანაში ყარალაშვილი

:)
www.toba.ge
დატოვე შენი კვალი საქართველოში

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Archil » 10 სექ 2007, 15:01

ARCHIL_I
კაი ხანი გაგიძლია :)

ისე, მე ნაკლებად მერჩიან, ყველა მაგათური წესი, ღვინოს როგორ გავუძლო, რა ვჭამო და როგორ დავლიო, ნასწავლი მაქვს. ისიც იციან, რომ მაგათიანი ვარ და ბოლომდე არ მიმეტებენ. ვაზის მოვლაზე რა გითხრათ, მაგრამ დაკრეფილ-დაწურულ-შესმული ბევჯერ გვაქვს ერთად და ... ერთი სიტყვით ვუყვარვარ :)
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Archil » 10 სექ 2007, 15:11

ყვარლიდან შილდისკენ მიმავალ გზაზე, კუდიგორას რომ გასცდებით, ყვარლიდან მარჯვნივ, გადასახვევს დაინახავთ. ეხლა ფირნიშიცაა გაკეთებული. შილდიდან სულ რაღაცა 6 კილომეტრი ყოფილა ტრასით, მოკლეებით გაცილებით ნაკლები.

ამ გადასახვევიდან კიდევ 2 კმ სამანქანო გზა მიდის და მიხვალთ იმ ადგილთან, რომელსაც ქვემო ნეკრესს ეძახიან.

Image

ქვემო ნეკრესში აბიბოს ნეკრესელის ქანდაკებაა, პატარა ეკლესიასავით აგებული და სანთლების დასანთები ადგილი. ასევე საქეიფო ადგილები სკამ-მაგიდებით გაწყობილი ოხრად. მოხუცები და ისინი, ვისაც ზემოთ ასვლა ეზარებათ, აქ მოილოცებენ ხოლმე და ცეცხლსაც აქვე დაანტებენ საკვების მოსამზადებლად. როგროც ARCHIL_I აღნიშნავდა, ღვინო აქვთ იქაურებს, ასე რომ....

ამ გზიდან მოჩანს ნეკრესი, მთის კალთაზე შემოსკუპული, ჩახუტებული...

Image
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Kakha » 10 სექ 2007, 15:12

არჩილ,

რაც შენ მოყევი ღირის შეწირვაზე ეგ ძალზე გავრცელებული ლეგენდაა, მეც გამიგია. მაგრამ მეცნიერები ფიქრობენ რომ მაგ ტრადიციის ფესვები გაცილებით ადრინდელია ვიდრე მუსულმანების გამოჩენა და თუნდაც ქრისტიანობა და უკავშირებენ მითრას, მზის ღმერთის კულტს. მითრაიზმში ერთ-ერთი შესაწირი ცხოველი იყო ტახი. ჰოდა ჰგონიათ, რომ ნიკრესი ქრისტიანობამდე წარმოადგენდა მითრაიზმთან დაკავშირებულ საკულტო ადგილს.

ქვმოთ, მონასტრის წინ გაშლილ ველზე რომ ნაგებობის ნანგრევია, საძირკვლის დონეზე გადარჩენილი, ხომ შეამჩნიე. ეგეც წინარე ქრისტინაული დროისაა. მსგავი უცნაური ნაგებობა მე არ მინახავს. ერთ-ერთი მოსაზრებით ცეცხლთაყვანისმცემლების (ზოროასტრების) ტაძარი უნდა იყოს. მოკლედ მაგრაი საინტერესო ადგილია ნეკრესი და მისი შემოგარენი.

კიდევ ერთი, აბიბოს ნეკრესელმა, ისტორიული წყაროების მიხედვით ტაძარი ქალაქ ნეკრესში ააგო - ის რაც შენ ნახე მონასტერია. ანუ არაა ნაქალაქარი. მონასტრიდან დასავლეთით, დაბლობზე ოღონდ ტყეში რამდენიმე წლის წინ გათხრები დაიწყო და მრავალი ნაგებობაც აღმოჩნდა (მათ შორის ეკლესია ოთხკუთხა აბისიდით, რაც დიდი იშვიათობაა). შეიძლება ეგ იყო ქალაქი ნეკრესი. შეიძლება ქალაქი იქ იყო სადაც მე რომ ვახსენე ის უცნაური ნაგებობა აღმოჩნდა. ალბათ ახალ აღმოჩენებს უნდა ველოდეთ მაგ ადგილებიდან....

User avatar
Nika
იეტი
Posts: 5041
Joined: 30 მარ 2005, 11:04
Location: თბილისი
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Nika » 10 სექ 2007, 15:20

Kakha
ეგ ნანგრევები მე ვნახე და ძაან შთამბეჭდავი იყო.
Dzuar-Zenji-Barzond
http://www.vardzelashvili.com

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Archil » 10 სექ 2007, 15:32

Kakha

მადლობ კომენტარებისთვის, შენ გაცილებით მეტი იცი მაგ ადგილების შესახებ, მახსოვ ერთი შეხვედრისას მიყვებოდი, თუ რა შეიძლება მოვინახულოთ მანდ.

Nika

ეხლა ნანგრევები შემცირებულია და ბერების ხელი ატყვია იქაურობას

lama

დედას ლევანას 6 წლამდე აწოვებდა თურმე დედა ძუძუს და მიტომაც დარქვევია დედას ლევანა და მიტომაც ჰქონია ამისთანა განსაკუთრებული ხმა - მე ესენი მითხრეს შილდელებმა და ეცოდინებოდათ მაგათ ეგ ამბავი. ამ სოფლიდანვეა მომღერალი მერი შილდელიც.

ისე, ცოდვა გამხელილი სჯობია და მე იქ სიმღერა არ გამიგია, არადა ძლიერი ტრადიციები ჰქონდათ სიმღერაში. არ ვიცი, შეიძლება სხვაგან, მაგრამ ჩვენს საურმეში მაგისთანა ნიჭი არავის გაუმხელია ჯერჯერობით და მერე ვნახოთ რა იქნება :)

ეხლა სახლში წავალ და იქინან გავაგრძელებ სურათების დადებას. აქ რაღაც ნელა ხდება ეგ პროცესი და თქვენ კიდევ მოუთმენლად ელოდებით სურათებს.

აგერ ერთი სურათიც გამზადებულა :)
აი ასეთი ხედი იშლება ნეკრესზე მიმავალი გზიდან, ქვემოთ მოცანს კახეთის სახნავ-სათიბი მიწები, ლამაზი სანახავია, ბარაქა იგრძნობა მის მიწაში

Image
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Archil » 10 სექ 2007, 15:41

ნეკრესამდე ასვლაა საჭირო, მაშ

ადგილობრივები შემხვდნენ გზაში. ვიკითხე როგორი გზაა თქო. მსუბუქი მანქანებიც ავლენო, ასე მითხრეს, თუმცა ის არ დაუზუსტებიათ როგორ მდგომარეობაში ჩამოვიდოდნენ იქიდან. ერთი სიტყვით, ვინც 06-ით შატილში დადის, იმათთვის შეიძლება, მოახერხებენ ასვლას. ნივისთვის და ჯიპისთვის, თუ გამოცდილი მძღოლი ზის, ასევე შესაძლებელია ბოლომდე ასვლა. ქვემო ნეკრესამდე მისვლა კი ნებისმიერი მანქანით შეიძლება მისვლა. ნატალიას დაბალპასატკიანი მინი ვანიც კი ისე მივა, რომ ერთხელაც არ ჩამოსვავს შიგნით მჯდომებს ნატალაი. ;)

ფეხით ამსვლელებისათვის ცოტათი რთულია, დასვენებებით ადიან. მე, მიუხედავად იმისა, რომ მზე აჭერდა უკვე, ერთი ამოსუნთქვით ავედი. ოფლი კი გამდიოდა ოხრად. აქ ზაფხულში უხსენებლებიც არიანო, მაშინებდნენ ბიძაშვილები, მაგრამ მე ერთიც არ დამინახია და... ეტყობა ხალხსი მომრავლებამ თავისი საქმე ქნა.

შეიძლება მეშლებოდეს, მაგრამ 7 მოსახვევი დავითვალე. ქვემო ნეკრესიდან ზემომდე გზაზე წყალი არაა, ასე რომ მომარაგება ქვემოთაა საჭირო. მე წყლის გარეშე ვიყავი და ამიტომაც დასვენებას აზრი არ ქონდა, უფრო მეტად დამცხებოდა პაპანაქება სიცხეში თაკარა მზის ქვეშ. ისე ჩრდილში გავლისას კი ვანელებდი სიჩქარეს, ცოტათი მაინც რომ გავგრილებულიყავი.

როდესაც ხვატიანი გზა ჩრდილიანით შეიცვლება და ასეთ ადგილთან მიხვალთ

Image

მიხვდებით რომ ნეკრესთანაც მისულხართ.
а в горах по утрам туман, дым твоих сигарет,
если хочешь соити с ума, лучше способов нет !!!
Image

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Archil » 10 სექ 2007, 15:46

თქვენ ან აქეთკენ წახვალთ წყლისაკენ

Image
а в горах по утрам туман, дым твоих сигарет,
если хочешь соити с ума, лучше способов нет !!!
Image

qvevri
ქვევრი
Posts: 7185
Joined: 13 მაი 2007, 22:57
ნეკრესი, ანუ კახეთო ჩემო კახეთო 9 სექტემბერი 2007 წელი

Post by qvevri » 10 სექ 2007, 16:02

lama wrote:შილდაში მღერის დედას ლევანა
და ართანაში ყარალაშვილი

:)
ლამას გაუმარჯოს. შენს პატივსაცემად ვდებ დედასლევანას სურათს.
Image

User avatar
Archil
იეტი
Posts: 6871
Joined: 07 აპრ 2005, 13:17
Location: ტიფლისის თავზე
Contact:
ნეკრესი, ანუ კახეთო ჩემო კახეთო 9 სექტემბერი 2007 წელი

Post by Archil » 10 სექ 2007, 17:49

qvevri wrote: ლამას გაუმარჯოს. შენს პატივსაცემად ვდებ დედასლევანას სურათს.
ეგა კი შენ საპატივსაცემოდ, ნეკრესული ქვევრები

Image
а в горах по утрам туман, дым твоих сигарет,
если хочешь соити с ума, лучше способов нет !!!
Image

ახალი თემის შექმნა
პასუხი თემაზე

FORUM_PERMISSIONS

You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum

ახალი წერილი ახალი წერილი    ახალი წერილი არაა ახალი წერილი არაა    ანონსი ანონსი
ახალი წერილი [ ცხარე ] ახალი წერილი [ ცხარე ]    ახალი წერილი არაა [ ცხარე ] ახალი წერილი არაა [ ცხარე ]    თვალშისაცემი თვალშისაცემი
ახალი წერილი [ დაკეტილია ] ახალი წერილი [ დაკეტილია ]    ახალი წერილი არაა [ დაკეტილია ] ახალი წერილი არაა [ დაკეტილია ]