ტაო-კლარჯეთი ბზობის დღეებში, 9-12.04.2009

guruli · Post by **guruli** » 13 აპრ 2009, 00:25

თქვენი დაბრუნეგბისა იყოს, ტაოელებო!

მემლექეთი

მითხარ, როგორაა მემლექეთი,
ჩემი სანატრელი საქართველო,
რამე იმნაირი გამაგონე,
გული დაკოდილი გავამთელო.

მითხარ, როგორაა მემლექეთი,
მე სულ მისი ფიქრით დავდიოდი,
ახლად დავიბადე, თბილისიდან
ხმა რომ დავიჭირე რადიოთი.

კაი მექართულე ვეღარა ვარ,
მაგრამ სული მიდუღს იმოდენა,
რომ შიგ სიტყვა მარად მშობლიური,
როგორც გაზაფხული, იტოტება.

მითხარ, როგორაა მემლექეთი,
მცხეთა, ქობულეთი, კახაბერი,
იგი ნიადაგ თუ არ ვახსენე,
ისე ერთი წუთიც დამაბერებს.

ლუკმა არ მაკლია, მართალია,
მაგრამ სამშობლოით ღარიბი ვარ.
აი, ამნაირად, უსიცოცხლოდ,
მთელმა სიცოცხლემა გაირბინა.

მითხარ, როგორაა მემლექეთი,
აქ ჩვენ არ გეგონოთ ჩამქრალები,
იზმითს, ეგეოსის ნაპირებზეც
ვაგეთ საქართველოს სახლ-კარები.

მითხარ, როგორაა მემლექეთი,
ჩემი სანატრელი საქართველო,
რამე იმნაირი გამაგონე,
გული დაკოდილი გავამთელო.

ფრიდონ ხალვაში

Kavtaradze · Post by **Kavtaradze** » 13 აპრ 2009, 00:33

უჰ გენაცვალეთ!
გოგა რუპორს მოგაწვდი ხვალ

VANO · Post by **VANO** » 13 აპრ 2009, 00:45

დავუბრუნდით სამშობლოს.

მართლაც რომ საოცრებაა ტაო-კლარჯეთი

დღეს დავტოვე ტაო და უკვე მელანქოლია მომაწვა

მენატრება იქაურობა. გასაოცარი იყო იქაურობა.

Naia · Post by **Naia** » 13 აპრ 2009, 01:02

ხალხო, დიდი მადლობა კეთილი სურვილებისა და გულშემატკივრობისთვის

ემოციებით სავსე ვარ. ჯერ კიდევ სიზმარში მგონია თავი. საიდან დავიწყო ისიც არ ვიცი. დროდადრო გაიელვებს ტვინში სხვადასხვა ფრაგმენტები: საოცრად ლურჯი ცა, ზღაპრული კანიონები, მართლაც საოცარი არქიტექტურის მქონე ძეგლები (ბანას ნახვის შემდეგ ჯერ კიდევ აზრზე ვერ მოვსულვარ), მათი ნახვით გამოწვეული სიამაყე და მათი დღევანდელი მდგომარეობით გამოწვეული დიდი ტკივილი, იქაური ქართველები, გათურქებული ქართული მელოდიები და ეს ყველაფერი ჩემს საყვარელ ადამიანებთან და მხიარულ თავგადასავლებთან ერთად

ცოტას დავისვენებთ და ხვალიდან უკვე თემასაც შემოგთავაზებთ

anano · Post by **anano** » 13 აპრ 2009, 01:14

შევუერთდები ნაიას და ვიტყვი, რომ საოცრად ემოციური გასვლა იყო და იმისათვის რომ რაიმე მოვყვეთ ალბათ ცოტა დრო იქნება საჭირო...მე პირადად ჯერ ისევ იქ ვარ, გაოგნებული.....
იმ ყველაფერს რაც ვნახეთ მხოლოდ ერთი სიტყვით თუ აღვწერ ამ წუთას- დიდებულია!!! თითოეული ძეგლი დიდებულია....

ყველას დიდი მადლობა გულშემატკივრობისათვის...

ჩიტუციო

qvevri · Post by **qvevri** » 13 აპრ 2009, 09:10

ერთობ გახარებული ვარ, რადგან ჩემი საწადელი ავისრულე და ჩემს მიერ ტაოში ორი წლის წინ ნანახი ვაზის ლერწები ჩამომიტანეს "ტაოელებმა". თქვენ გაიხარეთ, როგორც მე გამახარეთ.

imerkhevli · Post by **imerkhevli** » 13 აპრ 2009, 10:45

კეთილიმ იყოს თქვენი დაბრუნება....
აბა,ველით თემის გახსნას..

ერთი სული მაქვს როდის ,, ვნახავ'' ტაოს.......

tamuna_gudarexi · Post by **tamuna_gudarexi** » 13 აპრ 2009, 11:38

კეთილი იყოს! როგორ გელოდით!

ახლა კი ამბებს და ფოტოებს ველით!

guruli · Post by **guruli** » 13 აპრ 2009, 11:40

მართალია, რეპორტაჟი ჯერ არ დაწყებულა, მაგრამ ჩემთვის საინტერესო რაღაცები უკვე მაინც შევიტყვე - ოშკზე ის სახლის მინაშენი მოუშორებიათ, ტაძარს ზედ კედელზე რომ ებჯინებოდა და სახურავის მთელი ჩანადენი წყალი იმ საცოდავ კედელზე იღვრებოდა. ის საწყობებიც მოუშორებიათ ირგვლივ, მაგრამ შესასვლელი კარის ბარელიეფებზე ვერაფერი ვკითხე წუხელ. ის ოთხი მაინც თუ არის ადგილზე, კიდევ ხომ არ ჩამოვარდნილა და ხომ არ მოუპარავთ.

ბანაც მაინტერესებს, რა მდგომარეობაშია, კიდევ ხომ არ გადმონგრეულა მისი წრიული კედლები, ან - ის ზედა სართულის პატარა ნარჩენი, სვეტად საცოდავად რომ ამართულა ზევით, ისევ თუ დგას... იმედია, ფოტოების დადების მერე გავარკვევ. მაინტერესებს, ოშკისა და ხანძთის რესტავრაციის საქმე რა ეტაპზეა.

imerkhevli · Post by **imerkhevli** » 13 აპრ 2009, 11:47

აქ, მინდა

13/08/07

saskva · Post by **saskva** » 13 აპრ 2009, 11:47

გურული

ბარელიეფები არის, ისევ ოთხი, ხეები აქვს შეყუდებული რომ არ ჩამოვარდეს. ვინმემ ის ხე რომ გამოაცალოს სულ ქვევით ჩამოვა ყველა. არ ვიცი შენ დროს როგორ მაგრამ ნუ სახეები არ აქვს არცერთს რა. ფოტოები გადავუღეთ ბევრი ბევრი და უფრო დეტალურად ნახავ ყველაფერს

რაც შეეხება ბანას მწყემსი მოვიდა როგორც კი დაგვინახა და გავესაუბრე, მითხრა ყოველდღიურად ნადგურდებაო ბანა. შარშან ესთი კედლით მეტი იყო ქვით მოპირკეთებული და წელს აღარ არის, გვერძე სოფლიდან მოდიან და იპარავენო. თუმცა კედლები არ ჩამოშლილა უბრალოდ ერთი მხარე მოშიშვლებული დგას

guruli · Post by **guruli** » 13 აპრ 2009, 12:09

saskva

უბრალოდ ერთი მხარე მოშიშვლებული დგას

ეგ ჩვენ დროსაც მასე იყო. აი, სხვა კი რაც დაწერე, სატირალია...

გვერძე სოფლიდან მოდიან

ფენაჩი თუ ფენაკი - ალბათ, მაგ სოფელს გულისხმობდა. როგორც თურქულის მცოდნეს, შენ გეცოდინება, ზუსტად როგორ გამოითქმის ეგ სახელი.

არ ვიცი შენ დროს როგორ მაგრამ ნუ სახეები არ აქვს არცერთს რა.

მაშინ განირჩეოდა სახეები. ესე იგი, ჩვენს მერე კიდევ უფრო მეტად შელახულა. თან, ბოძი მხოლოდ ერთს ჰქონდა შეყენებული - კარიდან პირველს თუ მეორეს.

გვალდა · Post by **გვალდა** » 13 აპრ 2009, 12:27

ჰოდა ისევ აჟრიამულდა კარავი

მშვიდობით დაბრუნებას გილოცავთ

. გვაკლდით, გნატრობდით, ცოტა-ცოტა ნათელ ფერებში გვშურდა კიდეც

Sarajistka · Post by **Sarajistka** » 13 აპრ 2009, 17:38

guruli wrote: ოშკზე ის სახლის მინაშენი მოუშორებიათ, ტაძარს ზედ კედელზე რომ ებჯინებოდა და სახურავის მთელი ჩანადენი წყალი იმ საცოდავ კედელზე იღვრებოდა. ის საწყობებიც მოუშორებიათ ირგვლივ.
ბანაც მაინტერესებს, რა მდგომარეობაშია, კიდევ ხომ არ გადმონგ

როგორ გამახარე ამის დაწერით, ვერ წარმოიდგენ. არც ველოდი თუ მაგას ოდესმე მოაშორებდნენ.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS