ეგვიპტე 7-19დეკემბერი

Naia · Post by **Naia** » 16 ნოე 2010, 12:27

Int3lig3nt
რამდენ ვარსკვლავიან სასტუმროში იყავით და როგორ მოგეწონათ მომსახურება?

Int3lig3nt · Post by **Int3lig3nt** » 16 ნოე 2010, 12:48

Naia
მგონი ესენიც იმ სასტუმროში აპირებენ, სადაც ჩვენ ვიყავით

.

მომსახურებაზე რა გითხრა, პირველად ვიყავი საზღვარგარეთ სასტუმროში და არაკომპეტენტური ვიქნები ამ საკითხში. ჩვენ კმაყოფილები ვართ

.

Toma · Post by **Toma** » 17 ნოე 2010, 11:12

Int3lig3nt

სავარაუდოდ რაც აქ თემაში გვაქვს მოხსენიებული კიდევ რისი ნახვა შეიძლება და თან თუ ფასებსაც მიუწერ ხომ საერთოდ ოქრო იქნები

optimisti · Post by **optimisti** » 17 ნოე 2010, 15:23

[quote="Toma
პეტრა - მგზავრობა თვითმფრინავით - 200$

თუ პეტრაზე იტყვით უარს - მოგზაურობის საერთო ღირებულება 600$ იქნება. [/b][/quote

პეტრაზე უარის თქმასარავის ვურჩევ, ეს საოცარი სანახაობაა, ვარდისფერ კლდეში გამოკვეთილი ტაძარი. თვითმფრინავის კვალობაზე ფრიად იაფია, მაგრამ თუმაინც ფინანსები პრობლემაა, $150 ავტობუსითაც იშოვება ტური.

Mta Mkvarebia · Post by **Mta Mkvarebia** » 17 ნოე 2010, 20:39

რა სურპრიზია, თურმე "კაიზერშიც: იჭერს ინტერნეტი

ამ ინფორმაციას რაც მალე დავდებ მით უკეთესი, რადგან შეიძლება ამ შემოთავაზებასაც ამოეწუროს ვადა.

27 ნოემბერი-8 დეკემბრის ტური ჩაიშალა, რადგან ტური თითქმის 200$-ით გაძვირდა. ასევე 600$-მდე
ღირს ტური იმავე სასტუმროში 18-29 დეკემბერს. ერთადერთი პერიოდი, რომელზეც სპეციალური შემოთავაზება მოქმედებს 7-19 დეკემბერია, ტურის ფასი იგივეა, რაც ადრე დავწერეთ 388$- 3ადგილიან ოთახში და 415$- ორადგილიანში. მაგრამ თუ დროზე არ მიიღებთ გადაწყვეტილებას, შეიძლება ეს შემოთავაზებაც გავუშვათ ხელიდფან და ამ ტურის ფასებიც გაძვიდეს.

ასე რომ მალე მოიფიქრეთ. ეს ამ წელს ეგვიპტეში წასვლის ერთადერთი საშუალებაა.

შეიძლბა ვინმემ იფიქროს, რას გადააკვდნენ ამ სასტუმროსო, მაგრამ აბა სხვა 4 და 5 ვარსკვლავიან სასტუმროების ფასებს ვერ შევწვდებით და 2 და 3 ვარსკვლავიანი კიდევ არ გვინდა.

burdula · Post by **burdula** » 17 ნოე 2010, 22:49

ეეეჰ მე ვეღარო,სამსახურმა უშენოდ ახალი წელი ვერაო

(( ტპუუუ რა

saknatuna · Post by **saknatuna** » 19 ნოე 2010, 20:42

თუ რამე დაგაინტერესებთ შეგიძლიათ მეც მკითხოთ

ვაჭრობას რაც შეეხება მეოთხედ ფასშიც გაძლევენ სუვენირებს

მეტს იქ ვერაფერს ვერ შეიძენთ ნორმალურს (ჩემი აზრით). ლუქსორი ძალიან ლამაზია. ქაიროს შემდეგ უდიდესი ცივილიზაცია იგრძნობა

მაგრამ პირამიდებმა ჩემზე მაინც ძალიან დიდი შთაბეჭდილება მოახდინა. ..

saknatuna · Post by **saknatuna** » 19 ნოე 2010, 20:50

სხვათაშორის საინტერესო ჯიპტური აქვთ

მე ძალიან მომეწონა. კვადროციკლებითაც ვიყავით . მაგარი ადრენალინი იყო. 30-40 კაციანი ჯგუფები ვხვდებოდით ერთმანეთს უდაბნოში. იქაც წამყვანი კვადროციკლი იყო და უკან ჩამკეტი

მზის ჩასვლას უყურეთ. დაივინგიც ფანტასტიურია. ულამაზესი ფერადი მარჯნებია წითელ ზღვაში. . . იმდენი რამე მახსენდება ახლა რომელი ერთი დავწერო ვერ ვფიქრობ.

Mta Mkvarebia · Post by **Mta Mkvarebia** » 19 ნოე 2010, 23:28

saknatuna
დიდი მადლობა, სოფო

აუცილებლად გავითვალისწინებთ შენს რჩევებს.

Int3lig3nt · Post by **Int3lig3nt** » 20 ნოე 2010, 23:52

ძალიან ბევრის წერა შეიძლება ამ გასვლასთან დაკავშირებით, ვეცდები შეძლებისდაგვარად დავაკმაყოფილო თქვენი ინტერესი.

პირველ რიგში დავწერ მგზავრობაზე და სასტუმროზე:

ჩვენც იმავე ტურ-ოპერატორის დახმარებით ვიყავით, რითაც თქვენ აპირებთ.
ასევე სპეც-შემოთავაზება იყო და ასევე ერევნიდან. ფასიც დაახლოებით იგივე, 2 კაციან ნომერზე.

მგზავრობა

ერევნამდე ჩავედით მარშუტკით. ფრენა იყო 22:45-ზე, თუ სწორად მახსოვს.

ჰურგადასთან დროის სხვაობა არის ჩვენგან 2 საათი, ერევნიდან 3 საათი.
ფრენა გრძელდებოდა 2 საათი და 40 წუთი, შესაბამისად დაახლოებით იმავე დროს ჩავფრინდით ჰურგადაში, რა დროსაც ერევნიდან გამოვფრინდით

.

თვითმფრინავიდან ცხვირი გამოვყავით თუ არა, მივხვდით, რომ არასწორი ინფო მოგვცეს ტურისტულ სააგენტოში

. შეპირებული ღამის სიცივის ნაცვლად ჩვეულებრივი ზაფხულის ღამის ტემპერატურა დაგვხვდა. ანუ ტყუილად წავიღეთ თბილი ჯემპრები (ამჟამად არ ვიცი ღამით რა ტემპერატურა იქნება, არა მგონია დიდად განსხვავდებოდეს).

აეროპორტში დაგვხვდნენ TEZ Tour-ის წარმომადგენლები ავტობუსებით და დაგვანაწილეს სასტუმროებში.

სასტუმრო

ჩვენი სასტუმრო იყო Zahabia Hotel & Beach Resort (ვარსკვლავების რაოდენობა 3+).
ვებ-გვერდი http://www.zahabia.net/ (თუმცა საიტის თავში მოტრიალე ფოტოები ყველა ამ სასტუმროსი არ არის)
გუგლის რუკის ბმული: http://wikimapia.org/#lat=27.243818&lon ... 18&l=0&m=b
Zahabia Beach რასაც აწერია, ეგ არის გზა პლაჟამდე და პირველი პლაჟი, სადაც მუხლამდე წყალში მოგიწევთ ბოდიალი ხუთასიოდე მეტრი.
ხოლო Zahabia Hotel Beach რასაც აწერია, ეგ არის მეორე პლაჟი, სადაც ერთი მხრიდან კიბეებით ჩადიხარ მკერდამდე წყალში, მეორე მხრიდან კი ღრმა წყალია და ჩახტომაც შეიძლება. ამავე პლაჟთან არის მარჯნის რიფებიც და სათანადო აღჭურვილობით (სათვალე და სასუნთქი მილი) აქვე შეგიძლიათ დატკბეთ წითელი ზღვის სილამაზით.

სასტუმროს ნომერი თუ არ მოგეწონათ, 5-10$ აჩუქეთ და უკეთესს შემოგთავაზებენ

.
ნომრებში ყველგან არის კონდიციონერი, ტელევიზორი და მაცივარი.
ასევე ყველგან არის აივანი, სარეცხის გასაფენით.
ნომერს ალაგებდნენ ყოველდღე. თეთრეულს და პირსახოცებს ცვლიდნენ, შამპუნებს და საპნებს გვიმატებდნენ, ნაგავი გაჰქონდათ და ა.შ.
ნომერში და საერთოდ ეგვიპტეში წყალი არ ისმევა.
დასალევი წყალი მარკეტებში იყიდება 5 ლიტრიანი ბოთლებით 5 პაუნდად (1$ = 5,75 პაუნდი). უფრო პატარა ბოთლები 2 პაუნდი და ა.შ.

სასტუმროში იყო, დიდების და ბავშვების აუზი (ახალს, კიდევ უფრო დიდს აშენებდნენ კიდევ, შეიძლება დაამთავრეს უკვე).
საბილიარდო, ინტერნეტ-კაფე, მაღაზიები და ა.შ.)
სასტუმროში არაფრით არ გვისარგებლია, იმიტომ რომ ძალიან ძვირი ღირდა ყველაფერი, ქალაქთან შედარებით.
შესადარებლად: ინტერნეტი სასტუმროში საათი 4$ - ქალაქში 1$.
ერთადერთი 5 ლიტრიანი წყალი ღირდა იგივე ფასი.

კვება
ორჯერადი კვება გვქონდა აღებული, რადგანაც ექსკურსიებში სიარულს ვაპირებდით, სადაც კვებაც შედის, თანაც All Inclusive - გაცილებით ძვირი ჯდება.

საუზმე 7:00 - 10:00
ვახშამი 19:00 - 22:00

საჭმელად დავდიოდით სასტუმროს ტერიტორიის ბოლოში (Max 1 წუთი).
თუ ზუსტად 7-ზე მიხვიდოდი, დიდი ალბათობით რიგში დგომა მოგიწევდა საჭმელზეც და დასაჯდომადაც.
ოპტიმალური დრო იყო სადღაც 8-ის მერე.

სასადილოში შესვლისას უნდა წარუდგინო ტალონი.
შვედური მაგიდის ტიპი იყო. ყველაფერი ბლომად, მაგრამ დიდი გემრიელობით არაფერი გამოირჩეოდა.

თითქმის ყველაფერს ვსინჯავდით, მაგრამ ძირითადად ნაცნობ საჭმელებს ვეტანებოდით.
ბევრი იყო სალათები და ცოცხალი გახეხილი ბოსტნეული.
პურის რამდენიმე ნაირსახეობა ჰქონდათ. მე მომწონდა ჩვენებური თონის პურივით, ოღონდ მინიატურული, ხელის მტევნის ზომისა.
ნამცხვრების დიდი არჩევანი იყო, განსაკუთრებით საღამოს.

ყავა და ჩაი მხოლოდ დილით შედიოდა ჩვენს პაკეტში. საღამოს უკვე ფასიანი იყო.
ჩვენ ყავის მოსადუღებელი გვქონდა და ნომერში ვადუღებდით საღამოს

.
ასევე დილით იყო წვენები (სავარაუდოდ ფხვნილის) და რძე (ალბათ ასევე ფხვნილის).
საღამოს ორი სახეობის ხილი. (მანგო, ფორთოხალი, ყურძენი, ნესვი)

დილაობით რიგი დგებოდა ბლინებზე (რა გასაკვირია, რუსები წარმოადგენდნენ დამსვენებელთა 90%-ს

) და ერბო-კვერცხზე.

ბანაობა

ზღვაზეც და აუზზეც ბანაობა დაშვებული იყო დილის 9 საათიდან - დღის 5 საათამდე.
5 საათის შემდეგ ქიმიურად ამუშავებდნენ აუზს.

პირსახოცებს გაძლევენ აუზთან და პლაჟებზე.

ღრმა წყლიან პლაჟზე ყოველთვის დაკავებული იყო შეზლონგები.
მხოლოდ ერთხელ მოვხვდით იქ.

მოკლედ, რამდენი დამიწერია, შევყევი და დაწვრილებით გამომივიდა.

ფოტოებს ხვალ დავამატებ

Mta Mkvarebia · Post by **Mta Mkvarebia** » 24 ნოე 2010, 10:56

Int3lig3nt
გადარბენა მქონდა და ვეღარ გიპასუხე. დიდი მადლობა, მართლა რამდენი გიწერია. ძალიან გამოგვადგება შენი რჩევები

Toma · Post by **Toma** » 25 ნოე 2010, 12:03

ბალღებო დღეს ხუთ საათამდე ეს შემოთავაზება ძალიაშია, აბა ვის უნდა ეგვიპტე იაფში

Mta Mkvarebia · Post by **Mta Mkvarebia** » 05 დეკ 2010, 11:45

ვითარება ასეთია: სამშაბათს, 7 დეკემბერს მივდივართ ეგვიპტეში. უკან დავბრუნდებით 19 დეკემბერს. გადავწყვიტეთ ცალკე წავიდეთ ტაქსით, რომ სხვა ადამიანებზე არ ვიყოთ დამოკიდებული და უკანა გზაზე (19-ში) ერევნის და მის გარშემო საინტერესო ისტორიული ძეგლების დათვალიერება შევძლოთ. ჩვენი მომსახურე ტურისტული სააგენტოს ტაქსი წაგვიყვანს, რომელიც გარკვეულ თანხაზე დაგვთანხმდა ეს ღირშესანიშნაობები დაგვათვალიერებინოს. გეგმაში გვაქვს: ფარაჯანოვის მუზეუმის, ეჩმიაძინის, გარნის, გეღარდის და სევანის ტბის ნახვა. გარდა ამისა კახას რეკომენდაციით გვინდა ურარტუს ძველი ნაქალაქარი ნახვა. იმის გამო რომ ტაქსის მძღოლი გარნში და გეღარდში არაა ნამყოფი (არადა თბილისელი სომეხია) და ზუსტად არ იცის რამდენ კილომეტრშია ეს ძეგლები ერევნიდან დაშორებული, ცოტა წაგვეწუწუნა, მგონი დიდი მანძილის გავლა მიწევს მანქანით და თან შაბათს (18 დეკემბერს) თბილისიდან სულ ცარიელი უნდა წამოვიდეო. და აი მაგ დროს გაჩნდა იდეა, რისთვისაც ახლა გწერთ. ჩვენ ვართ 3 ადამიანი. 1 ადგილი თავისუფალია ტაქსში. თუ ვინმეს სურვილი აქვს მოინახულოს ერევანი და ზემოთჩამოთვლილი ძეგლები და ჩვენც გვნახოს

, შეუძლია შემოგვიერთდეს. მძღოლს ეს იდეა ძალიან მოეწონა, რა თქმა უნდა გარკვეული თანხის დამატების პერსპექტივის გამო

. რა თანხაზე შეიძლება იყოს საუბარი ეს თქვენი გადასაწყვეტია, რამდენადაც გიღირთ ერევანში წამოსვლა. დიდი თანხა არ შესთავაზოთ, ჩვენ მას ისედაც მივყავართ იმ თანხაში, რასაც ვუხდით. მაგრამ არა მგონია, თქვენ სულ უფასოდ წამოგიყვანოთ, მიხვდებით ალბათ რატომაც

. გაითვალისწინეთ რომ ასევე დაგჭირდებათ ღამისთევის ხარჯები (შაბათს ღამით) ერევნის რომელიმე სასტუმროში ან სასტუმრო სახლში. მგონი პაატა ვარდანაულმა იცის ერევანში ნორმალური ღამის გასათევი ნორმალურ ფასში, შეგიძლიათ მას მიმართოთ დასაკვალიანებლად. თუ არადა, იმედია თავად ჩვენი ტაქსის მძღოლი დაგეხმარებათ).

მოკლედ თუ დაგაინტერესათ ამ წინადადებამ მოიფიქრეთ 18 დეკემბრამდე და დაურეკეთ რომას: 899 516195 (თუ წინა დღეებში დაურეკავთ და გამორთული ექნება, ესე იგი ერევანშია და მომდევნო დღეებში დაურეკეთ)

გაითვალისწინეთ რომ მხოლოდ 1 ადგილი ექნება.
ჩვენთვისაც დიდი სურპრიზი იქნება რომელიმე თქვენგანის ხილვა 19-ში კვირას, დილით ერევნის აეროპორტში

ჩვენი მოკითხვა და ჩვენი ამბები თუ დაგაინტერესებთ

შეგიძლიათ ამ ნომერზე დაგვირეკოთ: +372 57 999648 ქალაქის ნომრიდან + -ის ნაცვლად 00 აკრიფეთ. ქალაქის ნომრიდან 8-16 -ით თუ დარეკავთ წუთი 60 თეთრი ღირს, "მაგთიდან" და "ჯეოსელიდან" წუთი - 90 თეთრი. თუ "ბილაინზე" ან "ჯეოსელზე" საერთაშორისო ზარების აქცია გაქვთ გააქტიურებული, წუთი 35 თეთრი ღირს.

avtokh · Post by **avtokh** » 05 დეკ 2010, 12:31

http://www.envoyhostel.com ეგრეთწოდებული "ჰოსტელის" ტიპის სასტუმროა ერევანში, თუმცა ცენტრიდან მოშორებული ღირებულება 10-12 ევრო კაცზე.

http://www.envoyhostel.com/contact.php ესეც მეორე იგივე ტიპის სასტუმრო, როგოც ვებ გვერდზე წერია აეროპორტიდან 10-15 წუთია ტაქსითო. ფასი 12-13 ევრო ადამიანზე. თან ამას ტურებიც ქონია. თუმცა ვებ გვერდს თუ ნახავთ იქ ყველაფერი წერია. ეგვიპტელებს კარგი და სასიამოვნო დასვენება.

იმედია გამოგადგებათ ეს ინფორმაცია, ადგილობრივის მოწოდებულია

GAMARJOBA SAKARTVELO

დღეს 7 სთზე ვიკრიბებით პუშკინის ქუჩაზე მდებარე :შგენაცვალეში: და
ვაცილებთ ეგვიპტეში მიმავალ თანაფორუმელებს.

დასწრება დიდ სიამოვნებას მოგანიჭებთ

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS