ძველი მესხური ვაზის ჯიშები და პაპა ბაგრატას ნასახლარი

qvevri · Post by **qvevri** » 12 ოქტ 2007, 14:51

ამ ორი დღის წინ ვიყავი მესხეთში. ჩემი მიზანი იყო ძველი მესხური ვაზის ჯიშების აღდგენა და გადარჩენა. თან მახლდა საკმაოდ გამოცდილი ამპელოგრაფი და თანაც კარგი კაცი მევენახეობა-მებაღეობის ინსტიტუტიდან. გზაში ძალიან ბევრი საინტერესო რამ ვნახეთ. მიუხედავად დროის სიმცირისა ვფიქრობ ბევრი მოხერხდა. ბოლოს პაპა ბაგრატას (დევნოსაძე) სახლიც ვნახეთ. ეს ძალიან კარგი კაცი იყო. ის ფაქტიურად ამ მხარეში(ზედა ვარძია) მარტო ცხოვრობდა და კარგ საქმეებსაც აკეთებდა.
ეხლა რაც შეეხება სურათებს.

ამგვარად ვნიშნავდით ვაზებს რათა შემოდგომით ან დაზაფხულზე მივიდეთ და რქები ავჭრათ.

popins · Post by **popins** » 12 ოქტ 2007, 14:59

ზოგს რა უმართლებს პროფესიაში.

qvevri · Post by **qvevri** » 12 ოქტ 2007, 15:04

გზაში, სოფელ კლდეში ეს არწივი ვნახე, უზარმაზარი ფრთები ჰქონდა

ხოლო სოფელ აწყურში ღობესთან დაგდებული ეს ქვევრი ვნასე, კბილები ამიკაწკაწდა, თვალთ დამიბნელდა, მუხლებში ძალა დამეკარგა და მთლად ვიღუპებიდი მგონი როდესაც იქაურმა მითხრა მაგის პატრონი უკვე დიდი ხანია აქ აღარ ცხოვრობსო და "ატვეჩაი " მე ვარ წაიღეო, რაღAს ვიზავდი? დავიიღლიავე და წამოვიღე
ეხლა ეს გატეხილი ქვევრი ჩემს ეზოს ამშვენებს.

qvevri · Post by **qvevri** » 12 ოქტ 2007, 15:08

შუა მუშაობაში

ვაი სირცხვილო, რას იტყვის ჩემი მენეჯერი(გვარსა და სახელს არ დავასახელებ) მოკლედ მუშაობას არ გაცლის ეს ხალხი.

qvevri · Post by **qvevri** » 12 ოქტ 2007, 15:13

ა კიდო.

ჩვენი მასპიმძელი. მესხი პაპა სახელად მიხეილი.

qvevri · Post by **qvevri** » 12 ოქტ 2007, 15:18

თან საქმე...

qvevri · Post by **qvevri** » 12 ოქტ 2007, 15:26

სოფელ კლდეში ეს თურქების დროინდელი მეჩეთი ვნახე, ამ სოფელში ადრე თურქები ცხოვრობდნენ, ერთმა ადგილობრივმა მითხრა რომ აქ ძველად ქართული ეკლესია იდგაო

qvevri · Post by **qvevri** » 12 ოქტ 2007, 15:31

რა თქმა უნდა გეცნობათ

ეკლესიის გვერდით მოსჩანს სავენახე ტერასები, რომლებსაც ოროკები ეწოდებოდა.

იფ რა კარგი ჩუქურთმაა

qvevri · Post by **qvevri** » 12 ოქტ 2007, 15:41

ზემო ვარძია, როგორც მითხრეს ეს აფთიაქიაო, ცოტა გაციებული ვიყავი, მივედი ასპირინი უნდა მეყიდა და არა გვაქვსო

ისევ ვამჯობინე ჭანჭურის არყით მემკურნალა

ეს კლდეში ნაკვეთი ყურძნის წნეხია, ცუდ მდგომარეობაშია. მეორედ რომ მივალ ვეცდები ამოვასუფთაო.

ესეც პაპა ბაგრატას სახლში კლდეში ნაკვეთი საწნახელი თავისი თაღარით.

qvevri · Post by **qvevri** » 12 ოქტ 2007, 15:49

პაპა ბაგრატას სახლთან ერთი ძალიან ძველი კაკლის ხე ვნახე საიდანაც სათესლე ნაყოფი წამოვიღე. ხე დაახლოვებით 200-ზე მეტი წლისა უნდა იყოს და როგორც მითხრეს ძველი მესხური ჯიშიაო. ვისაც გინდათ გიწილადებთ.

აი ეს ხეც.

მინდა ვთქვა რომ გასამრავლებლად წამოვიღე ასევე პაპა ბაგრატას დარგული კაკლის ნაყოფებიც.

მასპინძელმა ლიტრანახევრიანი ჭანჭურის არაყი მაჩუქა და მითხრა რომ ეს ჭანჭური პაპა ბაგრატას დარგულიაო, მე საჩუქარი სიამოვნებით მივიღე, ეტიკეტი დავაკარი და კოლექციაში მოვათავსე.

Drumer · Post by **Drumer** » 12 ოქტ 2007, 20:20

dzalian magaria

.. gmertma xeli mogimartot am gvtisnier saqmeshi

guruli · Post by **guruli** » 12 ოქტ 2007, 20:28

qvevri

როგორც მითხრეს ძველი მესხური ჯიშიაო. ვისაც გინდათ გიწილადებთ.

მე მინდა. თანაც, ძალიან!

popins · Post by **popins** » 12 ოქტ 2007, 21:25

qvevri wrote:
მე ეს გემრიელობები მინდა.მშია.

GOGONA · Post by **GOGONA** » 12 ოქტ 2007, 22:31

qvevri

ეს რა მადლიანი საქმისთვის მოგიკიდია ხელი

ბაგრატ დევნოსაძე ალბათ გარდაიცვალა ხოოო?

ასი წელი რომ შეუსრულდა აღნიშნეს მაშინ,
იმის მერე ბევრი დრო გავიდა და
აღარც მსმენია რამე.

ლეონტი · Post by **ლეონტი** » 12 ოქტ 2007, 22:56

ჰოო, კარგი ადგილები მოგივლია, მადლიანი.
აბა თამარ მეფე ვარძიაში ფეხშიშველი არ ავიდოდა, მანდ რომ საქართველოს მფარველი ანგელოსი არ მჯდარიყო.
ბაგრატ დევნოსაძემ დიდი სიკეთე მიყო. მეფუტკრეობის ანბანი შემასწავლა და ერთი თუ ორი ნაყარიც მაჩუქა. მის მიერ ნაჩუქარ სანაყრე ყუთს დღესაც ვინახავ აივანზე.
მაგარი კაცი იყო ღმერთმა გაანათლოს, რო გაიგო რაჭველი ვიყავი ზედ გადამყვა, მე რომ ცოცხალი ვარ რაჭველ კაცს ვუმადლიო.
ფრონტზე დაჭრილი ვეგდე და ვკვდებოდი, მოვიდა და ზურგით გამათრიაო, ვეუბნებოდი წადი მე მაინც ვკვდებიო და არ ქნა, სანამ არ გამიყვანა სამშვიდობოსო.
მერე ის კაცი ფრონტზე დაიღუპა.როგორც მახსოვს.
ბაგრატ პაპა მეუბნებოდა, რადგან გიყვარს ფუტკარი და აქაურობა , მოდი ჩვენებური ქალი მოიყვანე და აქ დასახლდიო, თვითონ იმ გამოქვაბულში ცხოვრობდა სადაც დაიბადა.
ვენახი გააშენა ,სხვადასხვა ადგილობრივი, ძველი ჯიშები მოიძია და ამბობდა ვეხვეწები ეს ნერგები უსასყიდლოდ წაიღეთ, თქვენი არაფერი, მინდა და გაამრავლეთო, მაგრამ არავის ესმოდა, აი იქნებ ქვევრო ,გააკეთო ეს კეთილი საქმე.
ღმერთი შეგეწევა.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS